సాక్షి, సంగారెడ్డి: ఐడీఏ బొల్లారంలో దారుణం చోటు చేసుకుంది. ఓ వ్యక్తి తన భార్య, అత్తను అతి కిరాతకంగా గొడ్డలితో నరికి హత్య చేశాడు. సమాచారం అందుకున్న పోలీసులు ఘటన స్థలానికి చేరుకొని వివరాలు సేకరించారు. పోలీసుల వివరాల ప్రకారం.. నర్సింహ దంపతులు గాంధీ నగర్ కాలనీలో నివాసం ఉంటున్నారు. భార్యభర్తల మధ్య మనస్పర్ధలు రావడంతో భార్య పుట్టింటికి వెళ్లింది. ఆమె తిరిగి భర్త వద్దకు రావడానికి నిరాకరిచింది. దీంతో భార్య కాపురానికి రావటం లేదని ఆదివారం ఉదయం అత్త ఇంటికి వెళ్లి తన భార్య, అత్తను విచక్షణారహితంగా గొడ్డలితో దాడి చేసి హతమార్చాడు. ఈ ఘటనలో తన భార్య, అత్త అక్కడికక్కడే మృతి చెందారు. అనంతరం నిందితుడు నర్సింహ పోలీసుస్టేషన్‌కి వెళ్లి లొంగిపోయాడు. ఈ ఘటనపై కేసు నమోదు చేసుకున్న పోలీసులు దర్యాప్తు  చేస్తున్నారు. చదవండి:  డబ్బుల కోసం భర్తనే

జిన్నారం: సంగారెడ్డి జిల్లా ఐడీఏ బొల్లారం పారిశ్రామికవాడలో పేలుడు సంభవించింది. పారిశ్రామికవాడలో ఉన్న ఒక ఎలక్ట్రానిక్‌ ప్రైవేటు లిమిటెడ్ సంస్థలో ఆదివారం సాయంత్రం నాలుగున్నర గంటల ప్రాంతంలో ప్రమాదం జరిగింది. ఈ ప్రమాదంలో కార్మికురాలు రాధిక మృతి చెందినట్లు సమాచారం. ఈ పేలుడు కారణంగా మరో ఆరుగురు కార్మికులకు గాయాలు అయ్యాయి. గాయపడిన వారిని వెంటనే స్థానిక ఆస్పత్రికి తరలించారు. అయితే గాయపడ్డ వారిలో ముగ్గురి పరిస్థితి విషమంగా ఉన్నట్లు పోలీసులు తెలిపారు. ఈ పేలుడు దాటికి పరిశ్రమలోని గోడలకు బీటలు పడినట్లు కార్మికులు తెలిపారు. పరిశ్రమలోని కాయల్స్‌ వేడి చేసే బ్లాక్‌లో ఉష్ణోగ్రత పెరగడంతో ఒక్కసారిగా పేలుడు జరిగినట్లుగా తెలుస్తోంది. ఈ ఘటనపై సమాచారం అందుకున్న పోలీసులు వెంటనే ఘటన స్థలానికి చేరుకుని వివరాలు సేకరిస్తున్నారు.  

సాక్షి, హైదరాబాద్‌ : నగరంలోని ఐడీఏ బొల్లారం మున్సిపల్‌ కార్యాలయం వద్ద శుక్రవారం ఘోర ప్రమాదం జరిగింది. టాటా ఏస్‌  ప్యాసింజర్ ఆటో డ్రైవర్‌ నిర్లక్ష్యం వల్ల రెండు నిండు ప్రాణాలు బలయ్యాయి. వివరాల్లోకి వెళితే...సిద్దిపేట జిల్లా చేర్యాలకు చెందిన కనక మహాలక్ష్మీ బొల్లారంలో ఓ కార్యాలయంలో లేబర్‌గా పని చేస్తోంది. ఆమె ఇవాళ మధ్యాహ్నం విధులకు వెళ్లేందుకు తన మరిది సైదులు రెడ్డి ద్విచక్ర వాహనంపై బయల్దేరింది. వీరు వెళుతుండగా రోడ్డుపై ఆగివున్న టాటా ఏస్‌ డ్రైవర్‌ ఒక్కసారిగా డోర్‌ తీయడంతో ... వదినా, మరిది ఒక్కసారిగా రోడ్డుపై పడిపోయారు. అదే సమయంలో పక్కనే వెళుతున్న టిప్పర్‌ కింద పడిపోవడం...వారిపై నుంచి టైర్లు వెళ్లడంతో ఇద్దరు అక్కడికక్కడే ప్రాణాలు విడిచారు. ఈ ఘటనపై సీసీ టీవీ పుటేజీ ఆధారంగా కేసు నమోదు చేసిన పోలీసులు దర్యాప్తు కొనసాగిస్తున్నారు. పూర‍్తి వివరాలు తెలియాల్సి ఉంది.


 మెదక్ : మెదక్ జిల్లా జిన్నారం మండలం ఐడీఏ బొల్లారంలోని ఓ పరిశ్రమలో ఆదివారం అగ్నిప్రమాదం సంభవించింది. దీంతో భారీగా అగ్నికీలలు  ఎగసిపడుతున్నాయి. భద్రత సిబ్బంది వెంటనే అగ్నిమాపక సిబ్బందికి సమాచారం అందించారు. ఫైరింజన్లతో అగ్నిమాపక సిబ్బంది ఘటన స్థలానికి చేరుకుని మంటలార్పుతున్నారు. అగ్నిప్రమాదానికి గల కారణాలు తెలియరాలేదు. పోలీసులు కూడా ఘటన స్థలానికి చేరుకున్నారు. అగ్నిప్రమాదానికి గల కారణాలపై భద్రత సిబ్బందిని పోలీసులు ప్రశ్నిస్తున్నారు.