కోలీవుడ్ హీరో శింబు టైం ప్రస్తుతం అంతగా బాలేదు. చాలా రోజులుగా సరైన హిట్ లేక కెరీర్ పరంగా కష్టాల్లో ఉన్న ఈ యంగ్ హీరో, ఈ మధ్య కాలంలో వివాదాలతో మరింత ఇబ్బందుల్లో పడ్డాడు. బీప్ సాంగ్ వివాదంతో కొంత కాలం సినిమాలకు, మీడియాకు దూరమవ్వటంతో అతని సినిమాల రిలీజ్లు కూడా వాయిదా పడ్డాయి. ముఖ్యంగా తన మాజీ ప్రేయసి నయనతారతో కలిసి నటించిన ఇదు నమ్మ ఆలు సినిమాను రిలీజ్ చేయడానికి ఏకంగా మూడేళ్ల సమయం పట్టింది.
 
 అయితే ఈ నెల 20న ఆడియన్స్ ముందుకు వచ్చిన ఇదు నమ్మ ఆలు శింబు కెరీర్ను గాడిలో పట్టినట్టుగా కనిపిస్తోంది. చాలా కాలం తరువాత శింబు, నయన్లు కలిసి నటించటం, సినిమాలో డైలాగ్స్ వారికి నిజజీవిత రిలేషన్స్పై సెటైర్స్లా అనిపించటం, ఆన్స్క్రీన్ కెమిస్ట్రీతో కూడా అలరించటంతో ఈ సినిమాకు మంచి రెస్పాన్స్ వస్తోంది. తొలిరోజే 14 కోట్లకు పైగా వసూళ్లు సాధించిన ఇదు నమ్మ ఆలు శింబు కెరీర్లోనే బిగెస్ట్ ఓపెనింగ్స్ సాధించిన చిత్రంగా రికార్డ్ సృష్టించింది.


 ఎట్టకేలకు ఇదునమ్మఆళు చిత్రానికి మోక్షం కలిగింది. ఈ నెల 27న తెరపైకి రానుంది. సంచలన నటుడుగా ముద్రపడిన శింబు నటించిన చిత్రం ఇదునమ్మఆళు. ఆయనకు జంటగా తన మాజీ ప్రేయసి నయనతార నటించిన ఇందులో నటి ఆండ్రియా, సంతానం, సూరి ముఖ్య పాత్రలను పోషించారు. శింబు సినీ ఆర్ట్స్ పతాకంపై టి.రాజేందర్ నిర్మించిన ఈ చిత్రానికి పాండిరాజ్ దర్శకుడు. చాలా కాలంగా నిర్మాణంలో ఉన్న ఈ చిత్రంలో ఒక పాటకు నయనతార నటించాల్సి ఉన్నా తాను కేటాయించిన కాల్‌షీట్స్ కంటే అధికంగానే ఈ చిత్రానికి ఇచ్చానని ఇకపై నటించేది లేదని ఆమె ఖరాకండీగా చెప్పినట్లు ప్రచారం జరిగింది.
 
 మొత్తం మీద చిత్రాన్ని పూర్తి చేసిన చిత్రం యూనిట్ ఇదునమ్మఆళు చిత్రాన్ని ఈ నెల 27 విడుదల చేయడానికి సన్నాహాలు చేస్తోంది. దీనికి శింబు తమ్ముడు కురలరసన్ సంగీతాన్ని అందించారు. ఇందులో టి.రాజేందర్, గాయని సుచిత్ర పాడిన మామా వెయిట్టింగ్ అనే పాటను శింబు తెలుగు నటి ఆషాశర్మలపై ఇటీవల భారీ ఎత్తున్న చిత్రీకరించినట్లు చిత్ర వర్గాలు వెల్లడించారు. పాటలో శింబు 90 సెకన్ల పాటు ఒంటికాలుతో నటించి అందరి ప్రశంసలు పొందారట.
 
 ఈ పాటకు అభిమానులు థియేటర్ సీట్లలో నుంచి లేచి ఆనందంతో చప్పట్లు కొడతార ని అన్నారు. ఈ పాటను చిత్రంలో ఉండకుండా చేయడానికి చాలా ప్రయత్నాలు జరగాయని, అయినా ఆ పాట కావలసిందేనని టి.రాజేందర్ రెండు కోట్ల ఖర్చుతో ఈ పాటను చిత్రీకరించారని తెలిపారు. ఇదునమ్మఆళు చిత్రాన్ని ఈ నెల 27న భారీ ఎత్తున విడుదల చేయడానికి సన్నాహాలు చేస్తున్నట్లు చిత్ర యూనిట్ వెల్లడించారు.


 ‘నీ కోసం నీ మావ వెయిట్ చేస్తున్నాడే భామా..’ అని కుర్రాడు కూనిరాగాలు తీస్తే, కుర్రదాని మనసు కరగకుండా ఉంటుందా? మావతో కాలు కదపకుండా ఉండగలుగు తుందా? కుర్రాడూ, కుర్రదీ చిందేయాలని ఫిక్స్ అయిపోయారు. ఆ బ్యూటీ అదాశర్మ. ఆ కుర్రాడేమో శింబు. పాండిరాజ్ దర్శకత్వంలో శింబు, నయనతార జంటగా నటించిన చిత్రం ‘ఇదు నమ్మ ఆళు’. ఒకప్పుడు ప్రేమించుకుని, విడిపోయాక కలిసి నటించడం మానేసిన శింబు, నయనతార దాదాపు ఏడేళ్ల విరామం తర్వాత జత కట్టిన చిత్రం ఇదే. ఈ సినిమాకి అదే హైలైట్. కాగా, ప్రత్యేక ఆకర్షణగా నిలిచే పాట ఒకటుంది. ఈ పాటను బాగా డ్యాన్స్ చేయడంతో పాటు పేరున్న కథానాయికతో చేయించాలనుకున్నారట. హిందీలో నటించిన ‘హసీ తో ఫసీ’లో అదాశర్మ డ్యాన్స్ చూసి, ఈ పాటకు ఎంపిక చేశారు.
 ఈ మధ్యకాలంలో ఇలాంటి స్పెషల్ సాంగ్ రాలేదని చెన్నై టాక్. తెలుగులో వరుసగా సినిమాలు చేస్తున్న అదా ఇప్పటివరకూ తమిళంలో ఒక్క సినిమా కూడా చేయలేదు. ఈ పాట ద్వారా తమిళ తెరపై కని పించనున్నారు. రెగ్యులర్ ఐటమ్ సాంగ్ అయితే ఒప్పుకునేవారు కాదట. ‘మామన్ వెయిటింగ్...’ అనే పదాలతో ఈ పాట మొదలవుతుంది. అంటే... తెలుగులో మావ వెయిటింగ్ అని అర్థం.


 కోలీవుడ్ స్టార్ హీరో శింబుకు కష్టాలు ఇప్పట్లో తీరేలా కనిపించటం లేదు. ఇప్పటికే బీప్ సాంగ్ వివాదంతో సతమతమవుతున్న శింబుకు ఇప్పుడు తన సినిమాల విషయంలో కూడా ఇబ్బందులు ఎదురవుతున్నాయి. ప్రస్తుతం గౌతమ్ మీనన్ సినిమాతో పాటు పాండిరాజ్ దర్శకత్వంలో ఇదు నమ్మ ఆలు అనే సినిమాలో నటిస్తున్నాడు. ఈ సినిమాలో తన మాజీ ప్రియురాలు నయనతారతో కలిసి నటిస్తుండటంతో రిలీజ్కు ముందే భారీ హైప్ క్రియేట్ అయ్యింది.
 
 ఇదు నమ్మ ఆలు షూటింగ్ ఇప్పటికే దాదాపుగా పూర్తయ్యింది. కానీ ఒక్క స్పెషల్ సాంగ్ విషయంలో శింబు పట్టుపట్టడంతో సినిమా ఆలస్యం అవుతూ వస్తోంది. ఈ పాటను నయనతారతో చేయించాలని ప్రయత్నించినా, అప్పటికే ఆమె ఇచ్చిన డేట్స్ అయిపోవటంతో కుదరలేదు. దీంతో శృతిహాసన్తో స్పెషల్ సాంగ్ చేయించాలని భావించారు, చాలా రోజులుగా శృతి అంగీకారం కోసం ఎదురుచూస్తున్న శింబుకు మరోసారి నిరాశే మిగిలింది. ఆ సినిమాలో స్పెషల్ సాంగ్ చేయటం లేదంటూ శృతి ప్రకటించింది. దీంతో మరోసారి ఆలొచనలో పడ్డాడు కోలీవుడ్ మన్మథ.


 నా చిత్ర విడుదలను అడ్డుకునే కుట్ర జరుగుతోందని నటుడు శింబు ఆరోపించారు. ఈయన నటించిన ఇదు నమ్మ ఆళు, వాలు చిత్రాలు నిర్మాణ కార్యక్రమాలు పూర్తి చేసుకుని విడుదలకు సిద్ధంగా ఉన్నాయి. ఇప్పటికే నిర్మాణంలో జాప్యం జరిగిన ఈ చిత్రాల్లో ఒకటైన వాలు చిత్రాన్ని ఈ నెల 27న విడుదల చేయనున్నట్లు గతంలో ప్రకటించారు. అయితే అనివార్య కారణాల వలన ఏప్రిల్‌లో విడుదల చేయనున్నట్లు తెలిపారు. ఈ చిత్రం విడుదల మరోసారి వాయిదా పడింది. ఇప్పుడు మేలో విడుదల చేయనున్నట్లు చిత్ర యూనిట్ పేర్కొంది.
  
  ఈ విషయం తెలిసిన ఆ చిత్ర హీరో శింబు ఆవేదనకు గురయ్యారు. ఆయన మాట్లాడుతూ తాము చేసే వృత్తిపై ఇతరులకు నమ్మకం ఉంటుందో లేదో తెలియదు గానీ తనకు మాత్రం పూర్తి నమ్మకం ఉందన్నారు. తనకు వ్యతిరేకంగా కొందరు కుట్ర పన్నుతున్నారని ఆరోపించారు. అయినా దీనిపై తాను భయపడనన్నారు. శింబు చిత్రం విడుదలై చాలా కాలమైంది. దీంతో మనస్థాపానికి గురైన శింబు వ్యాఖ్యలు చిత్ర పరిశ్రమలో కలకలం పుట్టిస్తున్నాయి. ఆ మధ్య వివాదాలకు గురైన శింబు మనశ్శాంతి కోసం హిమాలయాలకు వెళ్లాల్సి వచ్చింది. ఇటీవల అలాంటి సంఘటనలకు దూరంగా ఉన్నారు. తాజాగా మళ్లీ ఆయన కుట్ర లాంటి వ్యాఖ్యలతో వార్తల్లోకి రావడం విశేషం.  
  


 ఒకప్పుడు ప్రేమించుకుని, అందరూ పెళ్లి చేసుకుంటారని భావిస్తున్న తరుణంలో విడిపోయారు శింబు, నయనతార. వీరిద్దరూ ఏడేళ్ల సుదీర్ఘ విరామం తర్వాత ‘ఇదు నమ్మ ఆళు’ అనే సినిమాలో నటిస్తున్నారు. విడిపోయిన తర్వాత వీరు కలిసి నటిస్తున్న సినిమా ఇదే. లొకేషన్లో నయన, శింబు కాస్త స్నేహంగా మసలడంతో... మళ్లీ వీరి మధ్య ప్రేమ చిగురించిందనే వార్తలు మీడియాలో హల్‌చల్ చేయడం మొదలుపెట్టాయి.
 
  గత కొన్ని నెలలుగా కోలీవుడ్‌లో ఎక్కడ చూసినా ఇదే టాపిక్. దీనిపై నయన ఘాటుగా స్పందించారు. ‘‘నేను సినిమాల్లో నటించడానికి వచ్చాను. ఇక్కడ నచ్చనివాళ్లు, నచ్చినవాళ్లు అనే ప్రసక్తి ఉండదు. కథ, పాత్ర... వీటికే ప్రాధాన్యం ఇస్తా. శింబూతో నటించడానికి ఒప్పుకున్నానంటే... కారణం అదే. ప్రస్తుతం తను నా సహ నటుడు.
 
  వ్యక్తిగత అభిప్రాయాలను పక్కనపెట్టి తనతో సన్నిహితంగా ఉంటేనే పాత్రకు న్యాయం చేయగలను. అందుకే మాట్లాడుతున్నాను. అంతే కానీ, మా ఇద్దరి మధ్య ఏమీ లేదు. ఇప్పుడు చెబుతున్నాను వినండి.. మళ్లీ శింబుతో ప్రేమలో పడే ఛాన్సే లేదు. నా మానసిక స్థితి ఎలా ఉందో తెలీని కొందరు మీడియా వారు లేనిపోనివి ప్రచారం చేస్తున్నారు. వాటిని నమ్మొద్దు’’ అన్నారు నయన తార.
  


  శింబు, నయనల చిత్రం ఇదు నమ్మ ఆళు సమస్యల్లో చిక్కుకుందా! ప్రస్తుతం కోలీవుడ్ హాట్‌గా చర్చించుకుంటున్న అంశం ఇదే. ప్రారంభానికి ముందే సంచలనం కలిగించిన చిత్రం ఇదు నమ్మ ఆళు. ఒకప్పుడు గాఢంగా ప్రేమించుకుని ఆ తరువాత విడిపోయిన మాజీ ప్రేమ జంట శింబు, నయనతార కలసి నటించడమే అందుకు కారణం. దీంతో చిత్రం వ్యాపార వర్గాల్లో కూడా వేడి పుట్టించింది. మరో విషయం ఏమిటంటే ఈ చిత్రాన్ని నటుడు శింబునే సొంతంగా నిర్మించడం,
  
  ఆయన తమ్ముడు కురలరసన్ తొలిసారిగా సంగీతాన్ని అందించడం...అలాగే పాండిరాజ్ దర్శకత్వం వహిస్తున్న ఈ చిత్రం షూటింగ్ సెలైంట్‌గా శరవేగంగా జరుపుకుంది. అలాంటి చిత్రానికి అనూహ్యంగా సమస్యలు ఎదురైనట్లు సమాచారం. చిత్రం ఆర్థిక సమస్యలు ఎదుర్కొంటున్నట్లు పరిశ్రమలోని ఒక వర్గం టాక్. కాగా దర్శకుడు పాండిరాజ్‌కు, శింబుకు మధ్య విభేదాల కారణంగా ఇదు నమ్మ ఆళు చిత్ర షూటింగ్ జాప్యానికి కారణం అని మరో వర్గం ప్రచారం చేస్తోంది. దర్శకుడు పాండిరాజ్ ప్రస్తుతం సూర్య నిర్మించనున్న చిత్రానికి కథను తయారు చేసే పనిలో ఉన్నారనే చర్చ ఉంది.
  
  ఇలా శింబు, నయనతారల చిత్రంపై రకరకాల వదంతులు ప్రచారం అవుతున్న నేపథ్యంలో ఇదు నమ్మ ఆళు చిత్ర నిర్మాణంలో పాలు పంచుకుంటున్న శింబు తండ్రి, నటుడు, దర్శకుడు టి.రాజేందర్ స్పందిస్తూ తమ చిత్రంపై అవాస్తవ ప్రచారం జరుగుతోందన్నారు. ఈ చిత్రం విషయంలో ఎవరికీ ఎవరితోను వివాదాలు లేవని స్పష్టం చేశారు. ఇదు నమ్మ ఆళు చిత్రం తదుపరి షెడ్యూల్ త్వరలోనే ప్రారంభం కానుందని వెల్లడించారు. ఖచ్చితంగా ఇది ఒక మంచి చిత్రంగా రూపొందుతుందనే ఆశాభావాన్ని టి.రాజేందర్ వ్యక్తం చేశారు.