హైదరాబాద్, సాక్షి : హైదరాబాద్ కేంద్రంగా కార్యకలాపాలు సాగిస్తున్న గ్లోబల్ హాస్పిటల్స్ కార్యకలాపాలకు చీఫ్ ఆపరేటింగ్ ఆఫీసర్‌గా జగ్‌ప్రాగ్ సింగ్ గుజ్రాల్ నియమితులయ్యారు. గ్లోబల్ హాస్పిటల్స్‌లో మెజారిటీ వాటాలున్న పార్క్‌వే పంటాయ్ సంస్థ ఈ విషయం వెల్లడించింది. హైదరాబాద్‌లోని తమ కార్పొరేట్ కార్యాలయం కేంద్రంగా గుజ్రాల్ పనిచేస్తారని తెలిపింది. గ్లోబల్‌కుహైదరాబాద్, బెంగళూరు, చెన్నై తదితర ప్రాంతాల్లో ఎనిమిది ఆసుపత్రులున్నాయి. హెల్త్‌కేర్ రంగంలో గుజ్రాల్‌కు దాదాపు 18 సంవత్సరాల పైగా అనుభవం ఉంది. ఆయన నియామకాన్ని స్వాగతిస్తున్నట్లు గ్లోబల్ హాస్పిటల్స్ వ్యవస్థాపక చైర్మన్ కె. రవీంద్ర నాథ్ తెలిపారు.