సాక్షి,హైదరాబాద్: ఆభరణాలు ధరించినవారికి రిచ్‌లుక్‌ తెస్తాయి. కొన్ని మాత్రం దానికి రాయల్‌ లుక్‌ని కూడా జోడిస్తాయి. అలాంటి రాజసాన్ని ఒలికించే ప్రత్యేకమైన ఆభరణాల ప్రదర్శన బంజారాహిల్స్‌లోని తాజ్‌కృష్ణా హోటల్‌లో శుక్రవారం ఏర్పాౖటెంది. ఈ ప్రదర్శనను సినీ ప్రముఖురాలు జీవిత సహా పలువురు నగర ప్రముఖులు ప్రారంభించారు.
 ఈ కార్యక్రమంలో నిర్వాహక సంస్థ జైపూర్‌ జ్యుయల్స్‌ ప్రతినిధి, డిజైనర్‌ అపర్ణా సుంకు మాట్లాడుతూ రాజుల కాలం నాటి ఆభరణ శైలుల నుంచి స్ఫూర్తి పొంది వాటికి ఆధునికతను జోడించి అద్భుతంగా తీర్చిదిద్దిన ఆభరణాలను తాము ప్రదర్శిస్తున్నామని తెలిపారు. ప్రదర్శన 3 రోజల పాటు కొనసాగుతుందన్నారు.


 ‘బాయ్‌ఫ్రెండ్ లేడు. ఉంటే వాలెంటైన్స్‌డేకి మంచి గిఫ్ట్ పట్టేసేదాన్ని’ అంటూ కొంటెగా కామెంట్ చేసింది గ్లామరస్ యాక్ట్రెస్ దీక్షాపంత్. పంజగుట్టలోని జోయాలుక్కాస్ షోరూంలో ఏర్పాటు చేసిన అంతర్జాతీయ ఆభరణాల ప్రదర్శనను ఆమె ఆదివారం ప్రారంభించింది.
 
 ఈ సందర్భంగా మాట్లాడుతూ... ప్రదర్శనలో కొలువుదీరిన దుబాయ్, టర్కీ, సింగపూర్,మలేషియా, యూరప్ దేశాలకు చెందిన జ్యువెలరీ తనకెంతో నచ్చాయంది. తనకే బాయ్‌ఫ్రెండ్ ఉంటే వాలెంటైన్స్‌డే గ్రీటింగ్స్‌తో పాటు గిఫ్ట్ కూడా అందుకునేదాన్నేమో అంది. తనకు బాయ్‌ఫ్రెండ్  కాబోయే వాడికి ఈ అర్హతలు ఉండాలంటూ ప్రత్యేకంగా ఏమీ అనుకోవడం లేదని, తనకు సరైన సమయంలో తగిన జోడీ వస్తాడనే నమ్మకం ఉందంది.
 
 తెలుగులో కవ్వింత అనే సినిమాలో చేస్తున్నానన్న దీక్ష.. గోపాల గోపాల సినిమా తనకు మంచి పేరు తెచ్చిందని చెప్పింది. తాను నటిస్తున్న బాలీవుడ్ మూవీ నెల రోజుల్లో సెట్స్ మీదకు వెళ్లనుందని తెలిపింది. ఏ భాషలో అవకాశం వచ్చినా... టాలీవుడ్‌కే తన తొలి ప్రిఫరెన్స్ అని చెప్పింది.
  
 - సిటీప్లస్