ప్రిస్టినా: కొసావో పార్లమెంటు సమావేశాల్లో ఘర్షణలు చోటు చేసుకున్నాయి. చట్టాలు చేయాల్సిన ప్రజాప్రతినిధులే చట్టసభను రణరంగంలా మార్చేశారు. ప్రజాస్వామ్యాన్ని నవ్వులపాలు చేస్తూ ముష్టియుద్ధానికి తెగబడ్డారు. సాక్షాత్తూ ఆ దేశ ప్రధాన మంత్రి పైనే నీళ్లు కుమ్మరించి ప్రతిపక్షాలు నానా యాగీ చేశాయి.  గురువారం జరిగిన పార్లమెంటు సమావేశాల్లో కొసావో ప్రధాన మంత్రి ఆల్బిన్ కుర్తి ప్రసంగిస్తున్న సమయంలో ప్రతిపక్షాలకు చెందిన నాయకుడు మెర్గిమ్ లుష్టాకు తన చేతిలో వాటర్ బాటిల్ తో నడుచుకుంటూ వచ్చి  ప్రధానమంత్రి మొహం మీద నీళ్లు కుమ్మరించారు. అంతలో పాలకపక్షం సభ్యులు ఆయనను అడ్డుకోబోతే ఏకంగా ముష్టి యుద్దానికి తెరతీశారు.  మధ్యలో మహిళా సభ్యురాలు అడ్డం వచ్చి అడ్డుకునే ప్రయత్నం చేయగా ఆమెను కూడా కనికరించకుండా పిడిగుద్దులు కురిపించారు ప్రతిపక్ష నాయకులు. తోపులాటలో ఆమెను పక్కకు తోసేశారు. చిన్నగా మొదలైన గొడవ చిలికి చిలికి గాలివానగా మారింది. భద్రతా సిబ్బంది జోక్యం చేసుకుని సభ్యులను చెదరగొట్టి ప్రధానమంత్రిని బయటకు తీసుకుని వెళ్లారు.  ఎందుకీ రచ్చ..  ప్రధాన మంత్రి అల్బిన్ కుర్తి విధానాల వలన పాశ్చాత్య దేశాల మైత్రి దూరమైందని, కొసావోలో సెర్బులు-పోలీసులు మధ్య ఉద్రిక్త పరిస్థితులు నెలకొన్న కారణంగా ఇప్పటికే అనేకమంది గాయాల పాలయ్యారని ప్రతిపక్షాలు ఆరోపించాయి. 1998లో ఇదే తరహా ఘర్షణలు చెలరేగి ఆనాడు సుమారు 10000 మంది మరణించారని. ఈరోజు ప్రధాని అసమర్ధత వల్ల దేశంలో మళ్ళీ  అలాంటి పరిస్థితులు నెలకొన్నాయని వారన్నారు.    Brawl breaks out in the Kosovo Parliament after an Opposition MP threw water at the Prime Minister.pic.twitter.com/OP2DG0F9YX — The Spectator Index (@spectatorindex) July 13, 2023 ఇది కూడా చదవండి: పబ్జీ జంట ప్రేమ కథ: ముంబై పోలీసులకు బెదిరింపు కాల్   


 వర్ణం
 
 ఫొటోలో ఉన్న ‘నవవధువు’ పేరు ఆర్లెటా సాహితి. ఈమె కొసావో దేశంలోని బోస్నియన్ యువతి. రాజధాని నగరం ప్రిస్టినాలోని ‘ఎత్నలాజికల్ మ్యూజియం’లో జరిగిన ‘సంప్రదాయ వివాహ వేడుక’ ప్రదర్శనలో ఆమెను ఇలా ముస్తాబు చేశారు. వేల ఏళ్లనాటి ఈ తరహా అలంకరణలో ముఖం మీద పొరలు పొరలుగా రకరకాల వర్ణాలు వేస్తారు.
 
 బంగారు వృత్తాలు జీవితచక్రాన్ని సూచిస్తే, గీతలేమో వాటిని చేరుకోవడానికి మనిషి నడవాల్సిన దారులు. ఎరుపు వృత్తం గర్భధారణను సూచిస్తే, నీలి, ఎరుపు చుక్కలు సంతానానికి ప్రతీకలుగా నిలుస్తాయి. అయితే, ఈ రకం చిత్రణ పాతకాలపు ముసలమ్మలు మాత్రమే చేయగలుగుతున్నారు. అందువల్ల ఇది కూడా అంతరించే ప్రమాదంలో పడింది. దాన్ని ప్రతిబింబించేలాగా శీర్షికలో చివరి పెళ్లికూతురు అన్నాం.