న్యూఢిల్లీ: శీతల పానీయ బ్రాండ్‌ స్లయిస్‌కి ప్రచారకర్తగా సినీ నటి నయనతార నియమితులయ్యారు. లేడీ సూపర్‌స్టార్‌గా పేరొందిన నయనతార చేరిక అనేది స్లయిస్‌ బ్రాండ్‌ మరింత మందికి చేరువయ్యేందుకు తోడ్పడగలదని పెప్సీకో ఇండియా అసోసియేట్‌ డైరెక్టర్‌ అనుజ్‌ గోయల్‌ ఆశాభావం వ్యక్తం చేశారు. వేసవి సీజన్‌ సందర్భంగా కొత్త ప్రచార కార్యక్రమాన్ని ఆవిష్కరించనున్నట్లు వివరించారు. స్లయిస్‌ కుటుంబంలో భాగమవడంపై నయనతార సంతోషం వ్యక్తం చేశారు.

పెళ్లయిన కథానాయికలు సినిమాల్లో కొనసాగాలంటే ‘కీ’ రోల్స్‌తో సరిపెట్టుకోవాల్సిందే అనే సీన్‌ మారిపోయింది. పెళ్లయినా, తల్లయినా ‘లీడ్‌’ రోల్స్‌ చేయొచ్చనే సీన్‌ వచ్చింది. మరీ ముఖ్యంగా ఫార్టీకి దగ్గర్లో, ఫార్టీ ప్లస్‌ తారలు లేడీ ఓరియంటెడ్‌ మూవీస్‌ చేస్తూ లీడ్‌ లేడీస్‌గా, రెగ్యులర్‌ కమర్షియల్‌ చిత్రాల్లో హీరోల సరసన నటిస్తూ దూసుకెళుతున్నారు. హాలీవుడ్‌లో ఫార్టీ, ఫిఫ్టీ ప్లస్‌ తారలు కూడా లీడ్‌ రోల్స్‌ చేస్తున్నట్లు ఇండియన్‌ హీరోయిన్లు చేయడం ఓ శుభ పరిణామం. ఇక ఆ కథానాయికలు చేస్తున్న చిత్రాల గురించి తెలుసుకుందాం.  ►లేడీ సూపర్‌ స్టార్‌ అనిపించుకున్న నయనతార చేతిలో ఎప్పుడూ మూడు నాలుగు సినిమాలు ఉంటాయి. వాటిలో లేడీ ఓరి యంటెడ్‌ మూవీస్‌ మినిమమ్‌ మూడు అయినా ఉంటాయి. ప్రస్తుతం ఆమె కథానాయికప్రాధాన్యంగా చేస్తున్న చిత్రాల్లో ‘అన్నపూరణి’ (అన్నపూర్ణ), ‘టెస్ట్‌’ ఉన్నాయి. ‘అన్నపూరణి’ నయనకి 75వ చిత్రం. డిసెంబరు 1న విడుదల కానున్న ఈ చిత్రంలో బ్రాహ్మణ యువతిగా నటించారు నయన. ఈ చిత్రం టీజర్‌లో మాంసాహారానికి సంబంధించిన బుక్‌ చదువుతూ కనిపించారామె. ఇక మరో చిత్రం ‘టెస్ట్‌’. ఇందులో మాధవన్, సిద్ధార్థ్, నయనతార లీడ్‌ రోల్స్‌లో కనిపిస్తారు. మధ్యతరగతి కుటుంబాలకు చెందిన ముగ్గురి జీవితాలు క్రికెట్‌తో ఎలా ముడిపడ్డాయనేది ఈ చిత్రం కథాంశం. ► హీరో సూర్యను పెళ్లి (2006) చేసుకుని సుమారు పదేళ్లు సినిమాలకు గ్యాప్‌ ఇచ్చిన జ్యోతిక 2015 నుంచి ఇప్పటివరకూ దాదాపు డజను కథానాయికప్రాధాన్యంగా సాగే చిత్రాల్లో నటించారు. ఆ తరహా చిత్రాలు మరిన్ని చేయడానికి కథలు వింటున్న జ్యోతిక ఇరవయ్యేళ్ల తర్వాత ఇటీవల హిందీలో ‘శ్రీ’, ‘బ్లాక్‌ మ్యాజిక్‌’ చిత్రాల్లో లీడ్‌ రోల్‌ చేయడానికి గ్రీన్‌ సిగ్నల్‌ ఇచ్చారు. అలాగే మలయాళంలో ‘కాదల్‌–ది కోర్‌’ అనే చిత్రంలో ముమ్ముట్టితో స్క్రీన్‌ షేర్‌ చేసుకుంటున్నారు. పదేళ్ల తర్వాత జ్యోతిక మలయాళంలో చేస్తున్న చిత్రమిది. ఇరవయ్యేళ్ల తర్వాత హిందీలో, పదేళ్ల తర్వాత మలయాళంలో సినిమాలు ఒప్పుకున్నారంటే నటిగా తన కెరీర్‌ని ఇంకా విస్తరించేలా జ్యోతిక ప్లాన్‌ చేసుకుంటున్నారని ఊహించవచ్చు.  ►హీరో ఉపేంద్ర భార్య, నటి ప్రియాంక ఓ ప్రయోగాత్మక చిత్రంతో ప్రేక్షకుల ముందుకు రానున్నారు. సింగిల్‌ లెన్స్‌తో తీసిన తొలి చిత్రం ‘క్యాప్చర్‌’లో ఆమె లీడ్‌ రోల్‌ చేశారు. ఒక నటి లీడ్‌ రోల్‌ చేసిన ఈ చిత్రానికి లీడ్‌ రోల్స్‌ చేస్తూ దూసుకెళుతున్న మరో నటి రాధికా కుమారస్వామి సమర్పకురాలిగా వ్యవహరించడం విశేషం. త్వరలోనే ఈ చిత్రం విడుదల కానుంది. ఇలా ఏజ్‌తో సంబంధం లేకుండా తగ్గేదే లే అంటూ లీడ్‌ రోల్స్‌ చేస్తున్న తారలు ఇంకొందరు ఉన్నారు.   ►కర్ణాటక మాజీ సీఎం కుమారస్వామి భార్య, నటి రాధికా కుమారస్వామి ఒకేసారి రెండు ఫీమేల్‌ ఓరియంటెడ్‌ చిత్రాలు ‘అజాగ్రత్త’, ‘భైరా దేవి’లో నటిస్తున్నారు. ‘భైరా దేవి’ సినిమాలో ఆమె అఘోరాగా కనిపించనున్నారు. ఇక ‘అజాగ్రత్త’ ఏడు భాషల్లో విడుదల కానుంది. మామూలుగా స్టార్‌ హీరోల చిత్రాలు పాన్‌ ఇండియాగా పలు భాషల్లో విడుదలవు తుంటాయి. కథానాయికప్రాధాన్యంగా సాగే ఓ సినిమా ఏడు భాషల్లో పాన్‌ ఇండియాగా రిలీజ్‌  కావడం అంటే చిన్న విషయం కాదు.  ►నలభయ్యేళ్ల వయసులో ఉన్న తారల్లో త్రిష ఒకరు. ఈ బ్యూటీ ఫీమేల్‌ ఓరియంటెడ్‌ సినిమాల్లో కన్నా రెగ్యులర్‌ కమర్షియల్‌ చిత్రాల్లో హీరోల సరసన నటిస్తూ బిజీగా ఉంటున్నారు. ప్రస్తుతం అజిత్‌ సరసన తమిళంలో ‘విడా ముయర్చి’, మోహన్‌లాల్‌తో మలయాళంలో ‘రామ్‌’ చిత్రాల్లో నటిస్తున్నారు త్రిష. ఇక ఈ ఏడాది ఏప్రిల్‌లో ‘పొన్నియిన్‌ సెల్వన్‌ 2’లో యువరాణిగా కనిపించిన త్రిష గత నెల విజయ్‌ సరసన ‘లియో’తో పాటు ‘ది రోడ్‌’ అనే ఫీమేల్‌ ఓరియంటెడ్‌ సినిమాలో కనిపించారు. 

లేడీ సూపర్‌ స్టార్‌గా పేరు తెచ్చుకున్న నయనతార లేడీ ఓరియంటెడ్‌ మూవీస్‌తో పాటు రెగ్యులర్‌ కమర్షియల్‌ చిత్రాల్లో హీరోల సరసన నటిస్తుంటారు. దక్షిణాదిన సక్సెస్‌ఫుల్‌ హీరోయిన్‌ అనిపించుకున్న నయన ‘జవాన్‌’ వంటి బ్లాక్‌ బస్టర్‌ హిట్‌తో హిందీ పరిశ్రమలోనూ విజయవంతంగా కెరీర్‌ ఆరంభించారు. ఇక ప్రస్తుతం  ‘ది టెస్ట్‌’ చిత్రంతో పాటు మరో చిత్రంలో కథానాయికగా నటిస్తున్నారు నయనతార. కాగా, రత్నకుమార్‌ దర్శకత్వంలో లారెన్స్‌ హీరోగా రూపొందనున్న చిత్రంలో ఈ బ్యూటీ హీరోయిన్‌గా ఖరారయ్యారనే వార్త  వినిపించింది. తాజాగా ఈ చిత్రం నుంచి ఆమె తప్పుకున్నారని టాక్‌. డేట్స్‌ సర్దుబాటు చేయలేక నయన ఈ నిర్ణయం తీసుకున్నారని సమాచారం. 

విశ్వనటుడు కమలహాసన్‌ చిత్రంలో లేడీ సూపర్‌స్టార్‌ నయనతార నటించబోతున్నట్లు తాజా సమాచారం. సూపర్‌స్టార్‌ రజనీకాంత్‌ సరసన మూడు, నాలుగు చిత్రాలలో నటించిన నయనతార ఇప్పటి వరకు కమలహాసన్‌కు జంటగా నటించలేదు. అయితే ఇప్పుడు నటించబోతున్నారా? అన్న ప్రశ్న తలెత్తుతుండొచ్చు. దీనికి కాదనే బదులే వస్తుంది. అయితే కమలహాసన్‌ నిర్మించనున్న చిత్రంలో నయనతార ప్రధాన పాత్రను పోషించడానికి సిద్ధమవుతున్నట్లు సమాచారం. నటుడు కమలహాసన్‌ ఓ పక్క కథానాయకుడిగా నటిస్తునే మరో పక్క ఇతర నటులతో తన రాజ్‌కమల్‌ ఫిలిం ఇంటర్నేషనల్‌ పతాకంపై చిత్రాలు నిర్మించడానికి సిద్ధమవుతున్న విషయం తెలిసిందే. ఆ విధంగా విఘ్నేష్‌ శివన్‌ దర్శకత్వంలో ఒక చిత్రాన్ని నిర్మించడానికి సన్నాహాలు చేస్తున్నట్లు తెలుస్తోంది. అజిత్‌ 62వ చిత్రానికి దర్శకత్వం వహించడానికి విఘ్నేష్‌ శివన్‌ సుమారు రెండేళ్లు కష్టపడ్డాడు. అయితే చివరి క్షణంలో ఆ చిత్రం నుంచి తొలగించారు. అలాంటి సమయంలో నటుడు కమలహాసన్‌ అండగా నిలిచారని సమాచారం. నయనతార కథానాయకిగా లేడీ ఓరియంటెడ్‌ కథా చిత్రాన్ని విఘ్నేష్‌ శివన్‌ దర్శకత్వంలో కమలహాసన్‌ నిర్మించతలపెట్టినట్టు తెలుస్తోంది. మరో విషయం ఏంటంటే ఇంతకుముందు ఈ చిత్రాన్ని లవ్‌ టుడే చిత్రం ప్రేమ్‌ ప్రదీప్‌ రంగనాథన్‌ కథానాయకుడు స్వీయ దర్శకత్వంలో తెరకెక్కించనున్నట్లు ప్రచారం జరిగింది. అయితే ఇప్పుడు సీన్‌ మారింది. దీనికి విఘ్నేష్‌ శివన్‌ దర్శకత్వం వహించనున్నారట. నయనతార ప్రధాన పాత్రలో నటించనున్న ఈ చిత్రంలో ప్రదీప్‌ రంగనాథన్‌ ముఖ్య పాత్రలో నటించనున్నట్లు, ఆయనకు జంటగా మరో యువ నటి నటించిన సమాచారం. అయితే దీనికి సంబంధించిన అధికారిక ప్రకటన వెలువడాల్సి ఉంది. కాగా నయనతార ఇప్పటికే తన 75వ చిత్రంలో నటిస్తున్న విషయం తెలిసిందే.

శ్రీదేవి గొప్ప అందగత్తె. అంతకు మించిన గొప్ప నటి. సౌతిండియా నుంచి నార్తిండియా వరకూ తన ప్రతిభతో లేడీ సూపర్‌స్టార్‌ అయ్యారు. ఓ బ్రాండ్‌లా ఎదిగారు. అనూహ్యంగా గత ఏడాది శ్రీదేవి మరణించారు. అందరి మనసుల్లో చెరిగిపోని బొమ్మగా నిలిచిపోయారు. ఇప్పుడు  సింగపూర్‌లోని మేడమ్‌ తుస్సాడ్స్‌ మ్యూజియంలో అందమైన మైనపు బొమ్మగా మారారు శ్రీదేవి. ఈ మైనపు విగ్రహాన్ని బుధవారం ఆవిష్కరించారు. శ్రీదేవి భర్త బోనీ కపూర్, ఆమె కుమార్తెలు జాన్వీ కపూర్, ఖుషీ కపూర్, శ్రీదేవి చెల్లెలు మహేశ్వరి ఈ వేడుకలో పాల్గొన్నారు. ‘‘శ్రీదేవి మరణించిన తర్వాత కూడా ఆమె మీద కురిపిస్తున్న అభిమానాన్ని చూస్తుంటే చాలా గర్వంగా ఉంది. తను చేసిన సినిమాల ద్వారా ఎప్పటికీ జీవించే ఉంటుంది. నా భార్యగా తనని ఎంతగా ప్రేమించానో, తన ఆర్ట్‌ని, తనకు సినిమా మీద ఉన్న ప్రేమను అంతే గౌరవించాను. ఈ విగ్రహం తన ఆనవాళ్లకు ఓ చిహ్నంలా ఉంటుందనుకుంటున్నాను’’ అన్నారు బోనీ కపూర్‌. ‘మిస్టర్‌ ఇండియా’ సినిమాలోని ‘హవా హవాయి..’ పాటలో శ్రీదేవి లుక్‌ ఆధారంగా ఈ మైనపు బొమ్మ తయారు చేశారు. తల్లి బొమ్మను తదేకంగా చూస్తున్న జాన్వీ శ్రీదేవి చెల్లెలు మహేశ్వరి

ఇండస్ట్రీలోకి వచ్చి పదిహేనేళ్లు పూర్తవుతున్నా కథానాయిక నయనతార జోరు ఏమాత్రం తగ్గడంలేదు. లేడీ సూపర్‌స్టార్‌గా ఆమెకున్న క్రేజ్‌ కూడా పెరుగుతూనే ఉంది. ఇటీవలే అజిత్‌ ‘విశ్వాసం’ సినిమా షూటింగ్‌ను కంప్లీట్‌ చేసి, ‘సైరా: నరసింహారెడ్డి, ఐరా, లవ్‌ యాక్షన్‌ డ్రామా’ సినిమాలతో బిజీగా ఉన్న నయనతార తాజాగా మరో సినిమాకు సై అన్నారు. తమిళ నటుడు విజయ్‌ హీరోగా అట్లీ దర్శకత్వంలో రూపొందనున్న సినిమాలో నయనతారను కథానాయికగా తీసుకున్నారు. ‘‘కథలో హీరోయిన్‌ పాత్రకు ప్రాముఖ్యత ఉంది. ఈ స్మార్ట్‌ అండ్‌ స్ట్రాంగ్‌ రోల్‌ కోసం నయనతారను కథానాయికగా ఎంపిక చేసుకున్నాం’’ అని చిత్రబృందం పేర్కొంది. స్పోర్ట్స్‌ నేపథ్యంలో తెరకెక్కనున్న ఈ సినిమా షూటింగ్‌ జనవరిలో స్టార్ట్‌ కానుందని సమాచారం. విజయ్‌– అట్లీ కాంబినేషన్‌లో వచ్చిన ‘తేరీ, మెర్సెల్‌’ చిత్రాలు హిట్‌ సాధించడంతో తాజా చిత్రంపై అంచనాలున్నాయి. ఏజీఎస్‌ ఎంటర్‌టైన్‌మెంట్‌ సంస్థ నిర్మిస్తున్న ఈ సినిమాకు ఏఆర్‌ రెహమాన్‌ సంగీతం అందించనున్నారు.

సాక్షి, తమిళసినిమా: అగ్రనటి నయనతార మరోసారి కోలీవుడ్‌ హెడ్‌లైన్స్‌లో మారుమోగిపోతున్నారు. ఈ మధ్య విడుదలైన ‘కోలమావు కోకిల’  సైలెంట్‌గా సక్సెస్‌ బాటలో పయనిస్తూ మరోసారి నయన్‌ స్టామినాను నిరూపించింది. ఈ చిత్రాన్ని నయన్‌ ఒంటి చేత్తో విజయ పథంలోకి తీసుకెళ్లారు. ఇక, తాజాగా విడుదలైన ‘ఇమైకా నొడిగళ్‌’ చిత్రం కూడా మంచి ప్రేక్షకాదరణ పొందుతోంది. ఇందులో హీరోగా అధర్వ, విలన్‌గా బాలీవుడ్‌ దర్శకుడు అనురాగ్‌ కశ్యప్‌, అతిథి పాత్రలో విజయ్‌సేతుపతి నటించినా, నయనతార ఈ చిత్రానికి మరో ప్రధాన  ఆకర్షణగా నిలిచారు. ఈ నేపథ్యంలోనే ఈ అమ్మడు పారితోషికం తారాస్థాయికి చేరుకుందనే వార్తలు హోరెత్తుతున్నాయి. దక్షిణాదిలోనే అత్యధిక పారితోషికం డిమాండ్‌ చేస్తున్న హీరోయిన్‌గా నయన్‌ పేరు వినిపిస్తోంది. ఈ నేపథ్యంలో ‘ఇమైకా నొడిగళ్‌’ చిత్రానికి భారీ పారితోషికం తీసుకున్నట్టు తెలుస్తోంది. ఈ చిత్రం విడుదల సమయంలో ఆర్థికంగానూ పలు సమస్యలను ఎదుర్కొంది. చివరినిమిషంలో చిత్ర విడుదల ఆగిపోయే పరిస్థితి ఏర్పడింది. అభిరామి రామనాథన్‌ లాంటి వారు చివరిసమయంలో చిత్రానికి మద్దతిచ్చి.. విడుదలయ్యేలా చూశారు. అప్పటికీ నయనతార పారితోషికంలో ఇంకా రూ.50 లక్షలు చెల్లించాల్సి ఉంది. సాధారణంగా అన్ని శాఖల వారికి ఫుల్‌ పేమెంట్‌ చేసిన తర్వాతే చిత్రం విడుదల అవుతుంది. తన సినిమా ఎదుర్కొంటున్న గడ్డు పరిస్థితుల్ని అర్థం చేసుకొని.. నయనతార తనకు రావలసిన మొత్తాన్ని వదులుకుందట. ఈ విషయం తెలియడంతో నయన్‌ కోలీవుడ్‌లో, సామాజిక మాధ్యమాల్లో హాట్‌టాపిక్‌గా మారారు. ఈ పెద్ద మనస్సు వల్లే నయనతార లేడీ సూపర్‌స్టార్‌గా రాణిస్తున్నారని అభిమానులు ప్రశంసల జల్లు కురిపిస్తున్నారు. ఈ చిత్రంలో నయనతార పాత్రకు మొదట మలయాళ సూపర్‌స్టార్‌ మమ్ముట్టిని తీసుకోవాలనుకున్నారు. కానీ ఆ పాత్రను ఫీమేల్‌గా మార్చి నయనతారను ఎంచుకున్నారు. ఇప్పుడు ఆమె పాత్రే ‘ఇమైకా నొడిగళ్‌’ చిత్రానికి భారీ కాసులు కురిపిస్తోంది.

తమిళసినిమా: లేడీ సూపర్‌స్టార్‌ నయనతార స్మగ్లర్‌ అవతారమెత్తారట. ఈ బ్యూటీ నటించిన చిత్రాలకిప్పుడు యమ క్రేజ్‌ ఉన్న విషయం తెలిసిందే. తమిళంతో పాటు తెలుగులోనూ చేతి నిండా అవకాశాలు ఉన్నాయి. మరిన్ని చిత్రాలు ఈ అమ్మడి కోసం వెయిటింగ్‌లో ఉన్నాయి.  స్టార్‌ హీరోల చిత్రాలకు దీటుగా నయనతార ప్రధాన పాత్రల్లో నటించిన చిత్రాలకు మార్కెట్‌ ఉంది. ఈ మధ్య అరమ్‌ చిత్రం సాధించిన వసూళ్లే అందుకు సాక్ష్యం. నయనతార అరమ్‌ చిత్రంలో ప్రజల కోసం పోరాడిన కలెక్టర్‌గా ప్రేక్షకులను అలరించారు. అలాంటి ఇమేజ్‌ తెచ్చుకున్న నయనతారను స్మగ్లర్‌గా  చూడగలమా? చూసి తీరాల్సిందే. ఎందుకంటే తన తాజా చిత్రంలో డ్రగ్స్‌ స్మగ్లర్‌గా ఈ అగ్ర నటి ప్రేక్షకుల ముందుకు రాబోతున్నారన్నది తాజా సమాచారం. నయనతార నటిస్తున్న లేడీ ఓరియంటెడ్‌ కథా చిత్రాల్లో కొలమావు కోకిల ఒకటి. నిర్మాణ కార్యక్రమాలు చివరి దశకు చేరుకున్న ఈ చిత్రానికి యువ సంగీత దర్శకుడు అనిరుద్‌ సంగీత భాణీలు కడుతున్నారు. అంతే కాదు ఇందులో  ఒక గెస్ట్‌ పాత్రలో మెరవనున్నారనే ప్రచారం సోషల్‌ మీడియాల్లో వైరల్‌ అవుతోంది. ఇటీవల అనిరుద్‌ ఓ ఇంటర్వ్యూలో పేర్కొంటూ కొలమావు కోకిల చిత్రంలో నయనతార ఇంట్లోనే మాదక ద్రవ్యాలను విక్రయించే యువతిగా నటిస్తున్నట్లు తెలిపారు. అయితే ఆమె అలా డ్రగ్స్‌ స్మగ్లర్‌గా ఎందుకు మారారన్నది చిత్రంలో ఆసక్తికరమైన అంశంగా ఉంటుందని చెప్పారు. ఏదేమైనా కొలమావు కోకిల చిత్రం డార్క్‌ హ్యూమర్‌ కథా చిత్రంగా అందరికీ వినోదాన్ని పంచుతుందని చిత్ర వర్గాలు పేర్కొంటున్నాయి. ఇందులో నయనతారతో పాటు, జాక్యూలైన్, యోగి బాబు, శరణ్య, నిషా ప్రధాన పాత్రలను పోషిస్తున్నారు. ఈ చిత్రం కోసం నటుడు శివకార్తీకేయన్‌ ఒక పాటను రాయడం విశేషం.

తమిళసినిమా: కోలీవుడ్‌లో దర్శకుడు విఘ్నేష్‌ శివన్‌, నటి నయనతార సంచలన ప్రేమజంటగా వార్తల్లో హల్‌చల్‌ చేస్తున్న విషయం తెలిసిందే. నానుమ్‌ రౌడీ దాన్‌ చిత్ర షూటింగ్‌ సమయంలో కలిగిన వీరి పరిచయం ప్రేమగా మారింది. అప్పటి నుంచే మీరి మధ్య ప్రేమ గురించి మీడియా కోడై కూస్తున్నా, ఈ జంట మాత్రం చక్కగా ఎంజాయ్‌ చేశారేగానీ వారి ప్రేమ కలాపాల గురించి నోరు మెదపలేదు.  అలాంటిది  కొంతకాలంగా నయనతార దర్శకుడు విఘ్నేష్‌ శివన్‌తో పబ్లిక్‌ ఫంక్షన్‌లలోనూ దర్శనమిస్తున్నారు. ఇక పుట్టిన రోజున ఒకరికొకరు శుభాకాంక్షలు చెప్పుకోవడం, విదేశాల్లో విహరించడం, ఆ ఫొటోలను సామాజిక మాధ్యమాల్లో పొందుపరుస్తూ మీడియాకు మంచి పనికల్పించడం వంటి చర్యలతో ఎంజాయ్‌ చేస్తున్నారు. ఆ మధ్య ఒక అవార్డు వేదికపై ఈ అవార్డును అందుకోవడానికి కారణమైన తన తల్లిదండ్రులు, సహోదరుడు, ప్రేమికుడికి ధన్యవాదాలు అని పేర్కొంది నయన్‌. ఇలాంటి పరిస్థితుల్లో ఎట్టకేలకు నయనతార ఆయనే నా కాబోయే వరుడు అంటూ విఘ్నేష్‌ శివన్‌ను తన జీవిత భాగస్వామిగా ఖరారు చేశారు. ఇదిలా ఉండగా దర్శకుడు విఘ్నేష్‌ శివన్‌ వెర్షన్‌కు వస్తే ఇటీవల ఒక టీవీ చానల్‌లో  నయనతార ప్రస్తవన రాగా ఆమె తనకు ఎందుకు నచ్చిందన్న విషయాన్ని చెబుతూ నయనతార తన ఫేవరేట్‌ నటి అన్నారు. అంతకు మించి దేన్నైనా ఎదుర్కొనే మనోధైర్యం కలిగిన యువతి అని పేర్కొన్నారు. ఒక్క మాటలో చెప్పాలంటే నయనతార ఐరన్‌ మహిళామణి అని పేర్కొన్నారు. అందుకే తను అంటే తనకు ఎక్కువ ఇష్టం అని చెప్పారు. ఆ విధంగా భగవంతుడి ఆశీర్వాదం పొందానని దర్శకుడు విఘ్నేష్‌ శివన్‌ అన్నారు. ఈ సంచలన జంట ఇప్పటికే సహజీవనం సాగిస్తున్నా, త్వరలో పెళ్లి చేసుకోవడానికి సిద్ధం అవుతున్నట్లు సినీ వర్గాల టాక్‌.

ఇటీవల కాలంలో నయనతారను ఎప్పుడైనా ఆడియో వేడుకల్లో గానీ... పోనీ, వీడియో ఇంటర్వ్యూల్లో గానీ చూశారా? అంతెందుకు... ‘నయనతార నటన సూపరో సూపర్‌’ అని ప్రతి ఒక్కరూ ప్రశంసించిన టైమ్‌లో ఈ బ్యూటీ థ్యాంక్స్‌ చెప్పడం చూశారా? లేదు కదూ! పబ్లిసిటీకి నయనతార ఎప్పుడూ కొంచెం దూరమే. అటువంటి నయనతారలో ఎంత మార్పు.. ఎంత మార్పు! ఏకంగా థియేటర్ల దగ్గరకు వెళ్తున్నారు. ప్రేక్షకుల్ని నేరుగా కలసి థ్యాంక్స్‌ చెబుతున్నారు. అసలు మేటర్‌ ఏంటంటే... రీసెంట్‌గా నయనతార ముఖ్య పాత్రలో నటించిన తమిళ్‌ సిన్మా ‘ఆరమ్‌’ విడుదలైంది. మింజూర్‌ గోపీ (గోపీ నైనర్‌) దర్శకత్వం వహించిన ఈ సినిమాలో ప్రజల సమస్యల తరఫున పోరాటం చేసే కలెక్టర్‌గా చేశారామె. నయనతార నటనకు సూపర్బ్‌ రెస్పాన్స్‌. అంతేనా... ‘లేడీ సూపర్‌స్టార్‌’గా పిలుస్తున్నారక్కడ. పబ్లిక్‌ రెస్పాన్స్‌కి ఫుల్‌ ఫిదా అయిన నయన్, అందరికీ థ్యాంక్స్‌ చెబుతున్నారు. థియేటర్స్‌ టూర్‌ వేశారు. ఆమెలో ఈ మార్పు ప్రేక్షకులకు ఆనందాన్నీ, ఆశ్చర్యాన్నీ కలిగిస్తోంది. ఇదే విధంగా తెలుగు ప్రేక్షకుల ముందుకూ నయనతార వస్తారా? వెయిట్‌ అండ్‌ సీ!!


 నయనతారను ప్రేక్షకులు అలా అంగీకరించలేకపోతున్నారా? కోలీవుడ్‌లో హాట్‌ టాపిక్‌ ఇదే. ‘సూపర్‌స్టార్‌’ కోలీవుడ్‌లో రజనీకాంత్‌కు మాత్రమే సొంతమైన పట్టం ఇది. దాన్ని మరొకరు టచ్‌ చేయాలని ఆశపడితే ఫలితం తీవ్రంగా ఉంటుందన్నది రుజువైంది. అలాంటిది ఆయన అభిమానిగా చెప్పుకునే నృత్య దర్శకుడు, నటుడు రాఘవలారెన్స్‌ తాను నటించిన మొట్టశివ కెట్టశివ చిత్రం టైటిల్‌లో మక్కల్‌ సూపర్‌స్టార్‌ అని వేయించుకున్నారు.
 
  దాన్ని దర్శకుడు సాయిరమణి తనపై అభిమానంతో అలా వేయించారని తప్పించుకునే ప్రయత్నం చేసినా, ఆ చిత్రాన్ని చూసిన ప్రేక్షకులు మాత్రం అంగీకరించలేదు. చిత్రం ఆశించిన విజయం సాధించలేదు. దీంతో ఏ ప్రాంతంలో ఉన్న తమిళులకైనా రజనీకాంత్‌నే సూపర్‌స్టార్‌ అని ఆయన ప్రకటించక తప్పలేదు.
 
 నయనతారకు అచ్చిరాని పట్టం: ఇకపోతే ప్రస్తుతం టాప్‌ హీరోయిన్‌గా వెలుగొందుతున్న నటి నయనతార హీరోయిన్‌ ఓరియంటెడ్‌ కథా చిత్రాలు చేస్తూ బిజీగా ఉన్నారు. అలాంటి కథతో మాయ చిత్రం విజయం సాధించడంతో నయనతారకు లేడీ సూపర్‌స్టార్‌ పట్టం కట్టారు. అయితే అలా తొలిసారిగా టైటిల్‌ కార్డులో వేయించిన చిత్రం డోర. ఇటీవల విడుదలైన ఈ చిత్రం ఆశించిన రిజల్ట్‌ను అందుకోలేకపోయిందనే టాక్‌ సినీ వర్గాల్లో వినిపిస్తోంది.
 
  ఏక కాలంలో తమిళం, తెలుగు భాషల్లో విడుదలైన డోర చిత్రం వసూళ్లను పెద్దగా రాబట్టలేకపోయిందనే టాక్‌ ట్రేడ్‌వర్గాల్లో వినిపిస్తోంది. విషయం ఏమిటంటే నయనతార తొలిసారిగా తన పాత్రకు డబ్బింగ్‌ చెప్పుకున్న చిత్రం ఇదే. ఏతావాతా లేడీ సూపర్‌స్టార్‌ పట్టం నయనతారకు అచ్చిరాలేదని తెలుస్తోంది. పట్టం అన్నది సినీ వర్గాలు ఇచ్చినా, దాన్ని అభిమానులు అంగీకరించాల్సిఉంటుందన్నది మరచిపోకూడదు. మరి తదుపరి చిత్రానికి నయనతార ఆ లేడీ సూపర్‌స్టార్‌ పట్టాన్ని వేసుకుంటారా? లేదా? అన్నది వేచి చూడాల్సిందే.


  లేడీసూపర్‌స్టార్‌గా వెలిగిపోతున్న నటి నయనతార. ఈ మధ్య హీరోయిన్ ఓరియెంటెడ్ కథా చిత్రాలను వరుస పెట్టి చేసేస్తున్నారు. అదే విధంగా ప్రముఖ కథానాయకులు, యువ కథానాయకులు అంటూ బేధం లేకుండా అందరితోనూ నటించడం విశేషం. శుక్రవారం నయనతార 32 ఏళ్లను అధిగమించారు. ఈ పుట్టిన రోజు సందర్భంగా స్టార్ హీరోలకు దీటుగా తాను నటిస్తున్న రెండు నూతన చిత్రాల ఫస్ట్‌లుక్ పోస్టర్లను విడుదల చేయడం విశేషం. 
  
  అందులో ఒకటి నయనతార కలెక్టర్‌గా నటిస్తున్న అరమ్ చిత్రం కాగా, రెండవది కొలైయుధీర్ కాలం. ఇది యాక్షన్ ఓరియెంటెడ్ కథా చిత్రంగా తెరకెక్కనుంది. దీనికి ఇంతకు ముందు కమలహాసన్ హీరోగా ఉన్నైపోల్ ఒరవన్, అజిత్‌తో బిల్లా-2 చిత్రాలను తెరకెక్కించిన చక్రి తోలేటి దర్శకత్వం వహించనున్నారు. నయనతార తన 32వ పుట్టినరోజు వేడుకను శివకార్తికేయన్‌కు జంటగా నటిస్తున్న చిత్ర సెట్‌లో జరుపుకున్నారు.
  
   చిత్ర హీరో శివకార్తికేయన్, దర్శకుడు మోహన్‌రాజా, నిర్మాత ఆర్‌డీ. రాజా ఆమెకు పుష్పగుచ్ఛాలతో శుభాకాంక్షలు తెలిపారు.అనంతరం కేక్ కట్ చేసిన నయనతార యూనిట్ సభ్యులందరికీ ఆ కేక్‌ను పంచిపెట్టారు. అదే విధంగా వారందిరితోనూ ఫొటోలు దిగి వారిని సంతోషంలో ముంచెత్తారు.