హైదరాబాద్, బిజినెస్ బ్యూరో: లెనోవో విద్యార్థుల కోసం ప్రత్యేక క్యాష్‌బ్యాక్ ఆఫర్లను ప్రకటించింది. ఎంపిక చేసిన మోడళ్లపై రూ.5,100 వరకు క్యాష్‌బ్యాక్ పొందవచ్చు. మూడేళ్ల వరకు అదనపు వారంటీ, యాక్సిడెంట్ డ్యామేజ్ ప్రొటెక్షన్ సైతం అందిస్తోంది. వీటి విలువ రూ.7,999. విద్యార్థులు 2 ఈఎంఐ పథకాల్లో వీటిని పొందొచ్చు.
 
 లెనోవో ఎక్స్‌క్లూజివ్ ఔట్‌లెట్లు, సంస్థ ఆన్‌లైన్ భాగస్వాముల వద్ద కొనుగోలు చేస్తేనే ఈ ఆఫర్ వర్తిస్తుంది. ఆగస్టు 15 వరకు ఈ సౌకర్యం ఉంటుందని లెనోవో ఇండియా కన్స్యూమర్, ఈ-కామర్స్ హెడ్ రాజేష్ థడని తెలిపారు.


 న్యూయార్క్: త్వరలోనే విండోస్ 10 ఆపరేటింగ్ సిస్టమ్ (ఓఎస్) మార్కెట్‌లోకి రానుంది. సాఫ్ట్‌వేర్ దిగ్గజ సంస్థ మైక్రోసాఫ్ట్ జూలై 29న అంతర్జాతీయంగా దాదాపు 190 దేశాల్లోని తన వినియోగదారులకు విండోస్ 10 ఓఎస్‌ను అందుబాటులోకి తీసుకురానుంది. విండోస్ 7, విండోస్ 8.1 ఓఎస్ వినియోగదారులు ఉచితంగానే ఈ విండోస్ 10కు అప్‌గ్రేడ్ చేసుకోవచ్చని మైక్రోసాఫ్ట్ పేర్కొంది.
 
 ల్యాప్‌టాప్స్, ట్యాబ్లెట్స్, స్మార్ట్‌ఫోన్స్, డెస్క్‌టాప్స్ వంటి అన్ని మైక్రోసాఫ్ట్ ఉత్పత్తుల్లో విండోస్ 10 ఓఎస్ పనిచేస్తుందని వివరించింది. ప్రపంచవ్యాప్తంగా విండోస్ ఓఎస్‌ను దాదాపు 150 కోట్ల మంది వినియోగిస్తున్నారు.