బాలీవుడ్‌ స్టార్‌ హీరో షాహిద్‌ కపూర్‌ అత్యధికంగా సంపాదిస్తున్న నటులలో ఒకడు. ప్రస్తుతం వరుస సినిమాలతో ఫుల్‌ బిజీగా ఉన్న షాహిద్‌ ముంబైలో కొంత ఇంటిని కొనుగోలు చేశాడు. షాహిద్‌, అతడి భార్య మీరా రాజ్‌పుత్‌లు కలిసి కొంత ఇంటిని తమ అభిరుచులకు అనుగుణంగా ప్రత్యేకంగా డిజైన్‌ చేసుకున్నారట. ముంబై జూహులోని సముంద్ర సమీపంలోని ఓ అపార్టుమెంటులో విశాలవంతమైన ప్లాట్‌ను దాదాపు 56 కోట్ల రూపాయలకు ఖరీదు చేసినట్లు తెలుస్తోంది. ఇది బాలీవుడ్‌ స్టార్‌ హీరోలైన అక్షయ్‌ కుమార్‌, అభిషేక్‌ బచ్చన్‌ ఇంటికి సమీపంలోనే ఉండటం విశేషం. View this post on Instagram A post shared by Shahid Kapoor (@shahidkapoor) ఈ అపార్టుమెంటులో 42, 43వ అంతస్థులో డూప్లెక్స్‌ ప్లాట్‌, సీ ఫెషింగ్‌ వారి ఇంటికి ప్రత్యేక ఆకర్షణ. తమ కొంత ఇటిని ఈ రోజు తన సోదరుడు ఇషాన్‌ ఖట్టర్‌, భార్య మీరాతో కలిసి సందర్శించిన ఫొటోలను షాహిద్‌ తన ఇన్‌స్టాగ్రామ్‌లో షేర్‌ చేశాడు. ప్రస్తుతం ఈ ఫొటోలు సోషల్‌ మీడియాలో వైరల్‌గా అవుతున్నాయి. కాగా తెలుగు అర్జున్‌ రీమేక్‌ కబీర్‌ సింగ్‌తో బ్లాక్‌బస్టర్‌ హిట్‌ అందుకున్న షాహిద్‌ ప్రస్తుతం తెలుగు జెర్సీ రీమేక్‌లో నటిస్తున్న సంగతి తెలిసిందే. క్రికెట్‌ నేపథ్యంలో సాగే ఈ సినిమా కోసం షాహిద్‌ రోహిత్‌ శర్మ దగ్గర శిక్షణ కూడా తీసుకున్నాడు. ప్రస్తుతం ఈ మూవీ షూటింగ్‌ చివరి షెడ్యూల్‌ను జరుపుకుంటోంది.  View this post on Instagram A post shared by Shahid Kapoor (@shahidkapoor)

‘‘మా అబ్బాయి జైన్‌ కపూర్‌కి బహుమతులు వద్దు. మీ ప్రేమ, ఆశీర్వాదాలు ఉంటే చాలు’’ అంటున్నారు మీరా రాజ్‌పుత్‌. బాలీవుడ్‌ స్టార్‌ షాహిద్‌ కపూర్‌ శ్రీమతినే ఈ మీరా రాజ్‌పుత్‌. ఇంతకీ విషయం ఏంటంటే.. ఇటీవల మీరా ఓ బాబుకి జన్మనిచ్చిన సంగతి తెలిసిందే. ఈ బుడతడికి జైన్‌కపూర్‌కు అని పేరు పెట్టారు. ఈ బుజ్జిగాడికి షాహిద్‌ ఫ్యాన్స్‌ బోలెడు బహుమతులను పంపించారు. ఈ విషయంపై మీరా స్పందించారు. ‘‘ఎంతో అభిమానంతో జైన్‌ కపూర్‌కు బహుమతులు పంపిస్తున్న ఫ్యాన్స్‌కు ధన్యవాదాలు. కానీ మీ గిఫ్ట్‌లను నిజంగా అవసరం ఉన్న చిన్నారులకు, వారి కుటుంబాలకు అందించండి. అప్పుడు ఇంకా ఎక్కువమంది ఆనందపడతారు’’ అన్నారామె. ఈ దంపతులకు ఇదివరకే మిషా అనే కుమార్తె ఉన్న విషయం తెలిసిందే. ఇక సినిమాల దగ్గరకు వస్తే... తెలుగు హిట్‌ ‘అర్జున్‌రెడ్డి’ హిందీ రీమేక్‌లో షాహిద్‌ కపూర్‌ నటించనున్నారు. త్వరలో షూటింగ్‌ స్టార్ట్‌ కానుంది.

రెండు రోజులుగా బాలీవుడ్‌ నటుడు షాహిద్‌ కపూర్‌కు ఫోన్ల మీద ఫోన్లు వస్తున్నాయి. అవి కంగ్రాట్స్‌ కాల్స్‌. షాహిద్‌ కపూర్‌ రెండో సారి తండ్రి అయినందుకు సన్నిహితులు అతనికి శుభాకాంక్షలు చెబుతున్నారు. మీరా రాజ్‌పు త్‌ను మూడేళ్ల క్రితం షాహిద్‌ కపూర్‌ వివాహం చేసుకున్న సంగతి తెలిసిందే. ఈ దంపతులకు ఆల్రెడీ మిషా కపూర్‌ అనే కుమార్తె ఉంది. ఇప్పుడు తాజాగా మీరా రాజ్‌పుత్‌ ఓ మగబిడ్డకు  జన్మనిచ్చారు. ఈ బాబుకి జైన్‌ కపూర్‌ అని పేరు పెట్టినట్లు షాహిద్‌ కపూర్‌ సోషల్‌ మీడియాలో పేర్కొన్నారు. ‘‘మా బేబీ బాయ్‌కి జైన్‌ కపూర్‌ అని పేరు పెట్టాం. ఇద్దరు పిల్లలు చాలు అనుకుంటున్నాం. మాకు విషెస్‌ చెప్పిన అందరికీ థ్యాంక్స్‌’’ అని పేర్కొన్నారు షాహిద్‌. 


 బాలీవుడ్ హీరో షాహిద్ కపూర్ తొలిసారిగా తన కూతురు మిషా ఫోటోను చేశాడు. గత ఏడాది ఆగస్టులో జన్మించిన మిషా ఫోటోను తన ఇన్స్టాగ్రామ్ పేజ్ లో పోస్ట్ చేసిన షాహిద్ హలో వరల్డ్ అంటూ క్యాప్షన్ ఇచ్చాడు, తల్లి మీరా రాజ్ పుత్ చిన్నారి మిషాను ముద్దాడుతున్నట్టుగా ఉన్న ఈ ఫోటో ఇప్పుడు సోషల్ మీడియాలో వైరల్ అయ్యింది. పెళ్లికి ముందు లవర్ బాయ్ ఇమేజ్ ఉన్న షాహిద్, పెళ్లి తరువాత మాత్రం మంచి భర్తగా పేరు తెచ్చుకుంటున్నాడు.
 
 
 
  
 
 
 Hello world. 🌼
 
 A photo posted by Shahid Kapoor (@shahidkapoor) on
 
 Feb 8, 2017 at 12:37am PST
 


 బాలీవుడ్ చాక్లెట్ బాయ్ షాహిద్ కపూర్ మరోసారి వార్తల్లో నిలిచాడు. పెళ్లి తర్వాత సినిమాలతో కన్నా ఎక్కువగా వ్యక్తిగత విషయాలతోనే వార్తల్లో కనిపిస్తున్నాడు ఈ హీరో. తాజాగా తన భార్య కోసం తీసుకున్న నిర్ణయంతో అందరి దృష్టిని ఆకర్షించాడు. ఈ ఏడాది జూలై 7న మీరా రాజ్పుత్ని పెళ్లి చేసుకున్న షాహిద్ ఆమె కోసం సిగరెట్ కాల్చటం మానేశాడట. సిగరెట్ అలవాటు లేని షాహిద్ ని తను మరింత ఇష్టపడతానని చెప్పి, ఈ దురలవాటు నుంచి షాహిద్ను దూరంగా చేసింది అతడి సతీమణి.
 
 షాహిద్ మాత్రమే కాదు గతంలో మరి కొంతమంది హీరోలు కూడా ఇలా కుటుంబం కోసం తమ అలవాట్లను మానుకున్నారు. బాలీవుడ్ బాద్ షా.. షారూఖ్ కూడా చిన్న కొడుకు అబ్రామ్ పుట్టిన తరువాత స్మోకింగ్కు దూరంగా ఉంటున్నాడు. ఇక మన టాలీవుడ్ రాజకుమారుడు మహేష్ బాబు సైతం తన కొడుకు గౌతం కోసం సిగరెట్ తాగటం మానేశాడు. తెర మీద హీరోలుగా కనిపించే మన ఫిలిం సెలబ్రిటీలు, తన నిర్ణయాలతో నిజ జీవితంలో కూడా హీరోలనిపించుకుంటున్నారు.


 ఓ లుక్కేస్తారా!
 బాలీవుడ్ నటుడు షాహిద్ కపూర్ వచ్చే నెల పదవ తేదీన మీరా రాజ్‌పుత్‌ను పెళ్లి చేసుకోబోతున్నాడని బాలీవుడ్ కోడై కూస్తోంది. వీరి పెళ్లికి రెండు కుటుంబాల పెద్దలూ అంగీకరించారు. మే నెల 16వ తేదీన ఢిల్లీ, చత్తర్‌పూర్‌లో ఉన్న మీరా ఇంట్లో రోకా వేడుక జరిగినట్లు సమాచారం. ఆ వేడుకలో మీరా వేలికి షాహిద్ తొడిగిన ఉంగరం విలువెంతంటే... అక్షరాలా 23 లక్షల రూపాయలు. ఈ ఉంగరాన్ని ప్రత్యేకంగా ఆర్డర్ ఇచ్చి తయారు చేయించాట్ట. పెళ్లి వార్తలను మీరా నిర్ధారించకముందే షాహిద్ పెళ్లి పనులు మొదలు పెట్టేసి తెగ ఉత్సాహంగా గడిపాడు. ఆ ఉత్సాహంలో ఇదో భాగం.