గ్లోబల్ స్టార్ రామ్ చరణ్ అభిమానులు గొప్ప మనసు చాటుకున్నారు. మండువేసవిలో సేవ కార్యక్రమాలు చేస్తూ ఆదర్శంగా నిలిచారు. ముంబయిలోని అంధేరి , భీవండి, జుహూలోని శంకర్‌ ఆలయం పరిసరాల్లో దాదాపు 1000 మంది చెర్రీ ఫ్యాన్స్ సేవా కార్యక్రమాల్లో పాల్గొన్నారు. వేసవిలో ఎండ వేడిమిని తట్టుకునేందుకు దాదాపు తొమ్మిది వేల మందికి మజ్జిగ పాకెట్స్ పంపిణీ చేశారు. తమ అభిమాన నటుడు చేసే సేవా కార్యక్రమాలను చూసి తాము స్ఫూర్తి పొందినట్లు తెలిపారు.   (ఇది చదవండి: ఈ వారం ఓటీటీ/ థియేటర్స్‌లో సందడి చేసే చిత్రాలివే) రామ్‌చరణ్‌ అనగానే సిల్వర్‌స్క్రీన్‌ మీద ఆయనకున్న క్రేజే వేరు. సొసైటీకి ఆయన చేసే సేవలు కూడా అంతే స్థాయిలో ఉంటాయి. ఎన్నో అసోసియేషన్ల ద్వారా, ఎన్జీవోల ద్వారా, చిరంజీవి ఛారిటబుల్‌ ట్రస్ట్ ద్వారా రక్తదానాలు, నేత్రదానాలు, కొవిడ్‌ సమయంలోనూ సహకారం అందించారు. తమ అభిమాన హీరో చేసిన మంచి పనులను ఆదర్శంగా తీసుకున్న ఫ్యాన్స్ సమాజానికి  సాయపడాలని ముందుకొచ్చారు. తమ స్టార్‌లాగానే సమాజం పట్ల బాధ్యతతో ఉండాలని.. తమకు వచ్చిన ఆలోచనకు ఒక రూపం మాత్రమేనని అన్నారు. ఈ నెల 6న ముంబయిలోనూ.. ఏప్రిల్‌ 29న షోలాపూర్‌లోనూ ఈ మజ్జిక పంపిణీ, అన్నదానం కార్యక్రమాలు చేపట్టినట్లు వెల్లడించారు.  (ఇది చదవండి: నరేశ్-పవిత్ర.. వారి బంధానికి ఇంతకన్నా ఏం కావాలి?)

మెగాస్టార్ చిరంజీవి తనయుడు రామ్‌ చరణ్‌పై తన ప్రేమను చాటుకున్నారు.  నటుడిగా కెరీర్ ప్రారంభించి 15 ఏళ్లు పూర్తి చేసుకున్న సందర‍్భంగా చిరు ఎమోషనల్ అయ్యారు. చిరుతతో మొదలై మగధీర, రంగస్థలం, ఆర్ఆర్ఆర్ వరకు చరణ్ ప్రస్థానాన్ని మెగాస్టార్ కొనియాడారు. ప్రస్తుతం దర్శకుడు శంకర్‌తో సినిమా చేసే స్థాయికి ఎదిగాడని చిరు ఆనందం వ్యక్తం చేశారు.  (చదవండి: గాడ్ ఫాదర్ మరో సాంగ్ అవుట్.. అభిమానులకు గూస్‌బంప్స్‌ ఖాయం) 'తన వర్క్, డెడికేషన్ అన్నీ చూసి ఎంతో గర్విస్తున్నా. భవిష్యత్తులో రామ్ చరణ్ మరిన్ని ఉన్నత శిఖరాలు అందుకోవాలి. నిన్ను చూసి గర్విస్తున్నా. నువ్వు సాధించాల్సివి ఇంకా ఉన్నాయి. వాటి కోసం ముందుకెళ్లు.' అంటూ ఎమోషనల్ ట్వీట్ చేశారు. రామ్ చరణ్ పదిహేనేళ్ల సినీ ప్రస్థానంపై మెగా అభిమానులు సంబురాలు చేసుకుంటున్నారు. ఇవాళ చిరంజీవి నటించిన గాడ్ ఫాదర్ ప్రీ రిలీజ్ ఈవెంట్‌ను అనంతపురంలో ఘనంగా నిర్వహిస్తున్నారు.  Supremely pleased at his passion, body of work, dedication and his innate urge to excel at what he does. Proud of you my boy! Here’s to greater heights and greater glories that await you! Go for it! May the Force be with you!@AlwaysRamCharan pic.twitter.com/kby2zqzRbm — Chiranjeevi Konidela (@KChiruTweets) September 28, 2022


 హిందూపురం అర్బన్‌ : మెగాస్టార్‌ చిరంజీవి 150 చిత్రంగా నటించిన సినిమా ఖైదీ నంబర్‌ 150 సినిమా ఘన విజయవంతం సా«ధించిన సందర్భంగా చిరంజీవి యువత రాష్ట్ర అధ్యక్షుడు ప్రసాద్‌రెడ్డి, జిల్లా అ«ధ్యక్షుడు ఇందాద్‌ ఆధ్వర్యంలో అభిమానులు బుధవారం స్థానిక సుగూరు ఆంజనేయస్వామి ఆలయంలో ప్రత్యేక పూజలు నిర్వహించారు.
 
 తమ అభిమాన నటుడు చిరంజీవి ప్రతిష్టాత్మకంగా నటించిన చిత్రం విజయవంతమైందన్నారు. ఈసందర్భంగా ఆంజనేయస్వామి విశేష పూజలు చేసి 150 టెంకాయలు కొట్టారు. కార్యక్రమంలో అభిమాన సంఘం నాయకులు శివశంకర్, కదిరీష్, మంజు, సంపత్, చక్రి తదితరులు పాల్గొన్నారు.


 విశాఖ : మెగాస్టార్ చిరంజీవికి ఆయన అభిమానులు ఝలక్ ఇచ్చారు. కాంగ్రెస్ బస్సుయాత్రను బహిష్కరిస్తున్నట్లు చిరంజీవి అభిమానుల సంఘం అధ్యక్షుడు రాఘవరావు గురువారమిక్కడ తెలిపారు. ప్రజారాజ్యం పార్టీ పెట్టి ....అనంతరం కాంగ్రెస్లో విలీనమై తమను చిరంజీవి నిలువునా ముంచేశారని ఆయన విమర్శించారు.  ప్రశ్నించడం కోసం అయితే పరవాలేదని... పోటీ అంటూ రాజకీయాలు చేస్తే పవన్ కల్యాణ్కు ఇబ్బందులు వస్తాయని రాఘవరావు వ్యాఖ్యానించారు.
 
 కాగా సీమాంధ్రలో భూస్థాపితమైన కాంగ్రెస్ పార్టీకి తిరిగి బతికించుకునే బృహత్తర కార్యక్రమానికి కేంద్ర మంత్రి చిరంజీవి, ఏపీ పీసీసీ అధ్యక్షుడు ఎన్. రఘువీరారెడ్డి బస్సు యాత్రకు శ్రీకారం చుట్టిన విషయం తెలిసిందే. ఈనెల 21 నుంచి శ్రీకాకుళం జిల్లా నుంచి అనంతపూరం వరకూ బస్సు యాత్ర చేయనున్నారు. 2014 ఎన్నికల్లో సీమాంధ్రపై ఆశలు వదలుకున్న కాంగ్రెస్‌ భవిష్యత్‌ టార్గెట్‌గానే జనంలోకి వెళ్తోంది. సినీగ్లామర్ ఉన్న చిరంజీవి యాత్రకు జన స్పందన భారీగానే ఉంటుందని కాంగ్రెస్ అంచనా వేస్తోంది.  అయితే చిరంజీవి మెగాషో కాంగ్రెస్‌కు ఎంత వరకు కలిసొస్తుందో చూడాలి.