న్యూజిలాండ్‌ క్రికెట్‌ జట్టుకు ఘోర పరాభవం ఎదురైంది. టీ20 ప్రపంచకప్‌-2024 సెమీస్‌ ఫేవరెట్లలో ఒకటైన కివీస్‌ టీమ్‌ కనీసం గ్రూప్‌ దశ దాటకుండానే.. టోర్నీ నుంచి నిష్క్రమించింది.గ్రూప్‌ ‘సి’లో భాగంగా గురువారం జరిగిన పోరులో వెస్టిండీస్‌ చేతిలో 13 పరుగుల తేడాతో న్యూజిలాండ్‌ ఓడిపోయింది. ఫలితంగా ‘హ్యాట్రిక్‌’ విజయాలతో కరేబియన్‌ జట్టు టీ20 ప్రపంచకప్‌లో ‘సూపర్‌–8’ దశకు అర్హత సాధించింది. ఈ గెలుపుతో విండీస్‌ ఆరు పాయింట్లతో అగ్రస్థానంలో కొనసాగుతోంది.ట్రినిడాడ్‌ వేదికగా టాస్‌ నెగ్గిన న్యూజిలాండ్‌ బౌలింగ్‌ ఎంచుకోగా... మొదట బ్యాటింగ్‌కు దిగిన విండీస్‌ నిర్ణీత 20 ఓవర్లలో 9 వికెట్ల నష్టానికి 149 పరుగులు చేసింది. బ్యాటింగ్‌ ఆర్డర్‌లో బ్రాండన్‌ కింగ్‌ (9), చార్లెస్‌ (0), నికోలస్‌ పూరన్‌ (12 బంతుల్లో 17; 3 ఫోర్లు), చేజ్‌ (0), కెప్టెన్‌ రోవ్‌మన్‌ పావెల్‌ (1) ఇలా ఐదో వరుస బ్యాటర్‌దాకా అంతా చేతులెత్తేశారు.దీంతో 30 పరుగులకే 5 వికెట్లను కోల్పోయిన ఆతిథ్య జట్టును.. ‘ప్లేయర్‌ ఆఫ్‌ ద మ్యాచ్‌’ షెర్‌ఫెన్‌ రూథర్‌ఫర్డ్‌ (39 బంతుల్లో 68 నాటౌట్‌; 2 ఫోర్లు, 6 సిక్స్‌లు) వీరోచిత మెరుపులతో నిలబెట్టాడు. 33 బంతుల్లో ఫిఫ్టీతో అతను తన కెరీర్‌ బెస్ట్‌ స్కోరు సాధించాడు. ప్రత్యర్థి బౌలర్లు బౌల్ట్, సౌతీ, ఫెర్గూసన్‌ తలా 2 వికెట్లు తీశారు.అనంతరం కష్టమైన లక్ష్యం కాకపోయినా న్యూజిలాండ్‌ 20 ఓవర్లలో 9 వికెట్లకు 136 పరుగులకే పరిమితమై ఓడిపోయింది. గ్లెన్‌ ఫిలిప్స్‌ (33 బంతుల్లో 40; 3 ఫోర్లు, 2 సిక్స్‌లు) రాణించగా, ఫిన్‌ అలెన్‌ (23 బంతుల్లో 26; 3 ఫోర్లు, 1 సిక్స్‌), సాన్‌ట్నర్‌ (12 బంతుల్లో 21 నాటౌట్‌; 3 సిక్స్‌లు) ఫర్వాలేదనిపించారు.విండీస్‌ పేసర్‌ అల్జారి జోసెఫ్‌ (4/19), స్పిన్నర్‌ గుడకేశ్‌ మోతి (3/25) కివీస్‌ను దెబ్బ తీశారు. ఇక గ్రూప్‌-సిలో ఆడిన రెండు మ్యాచ్‌ల్లోనూ ఓడిన కివీస్‌ ఇంకా పాయింట్ల ఖాతానే తెరువలేదు. మరోవైపు.. ఇదే గ్రూపులో ఉన్న అఫ్గనిస్తాన్‌ పపువా న్యూగినియాను ఓడించి సూపర్‌-8 బెర్తును ఖరారు చేసుకుంది.ఫలితంగా 2021 రన్నరప్‌ న్యూజిలాండ్‌ ఈసారి లీగ్‌ దశ నుంచే ఇంటిముఖం పట్టడం ఖాయమైంది. ఈ నేపథ్యంలో న్యూజిలాండ్‌ మాజీ క్రికెటర్‌ మిచెల్‌ మెక్లెన్‌గన్‌ కివీస్‌ బోర్డు తీరుపై ఆగ్రహం వ్యక్తం చేశాడు. కరేబియన్‌ దీవుల్లో అద్భుతమైన రికార్డు ఉన్న కొలిన్‌ మున్రోను వెనక్కి పిలిచి.. టీ20 ప్రపంచకప్‌-2024 జట్టుకు ఎంపిక చేసి ఉంటే బాగుండేదని అభిప్రాయపడ్డాడు.‘‘కరేబియన్‌ గడ్డపై టీ20లలో 2146 పరుగులు సాధించిన ఆటగాడిని వాళ్లు పక్కనపెట్టారు. అతడు ఇప్పుడు న్యూజిలాండ్‌లో ఏం చేస్తున్నాడు? అని మాత్రమే మిమ్మల్ని ప్రశ్నించగలను.నాకు తెలిసి 2014లో బంగ్లాదేశ్‌లోని వరల్డ్‌కప్‌ తర్వాత ఇదే అత్యంత ప్రపంచకప్‌ టోర్నీ’’ అని మిచెల్‌ మెక్లెన్‌గన్‌ కివీస్‌ బోర్డు తీరుపై ఆగ్రహం వ్యక్తం చేశాడు. ఈఎస్‌పీక్రిక్‌ఇన్పోతో మాట్లాడుతూ ఈ వ్యాఖ్యలు చేశాడు.కాగా 37 ఏళ్ల లెఫ్టాండ్‌ బ్యాటర్‌ కొలిన్‌ మున్రో.. కరేబియన్‌ ప్రీమియర్‌ లీగ్‌లో గత కొన్నేళ్లుగా ఆడుతున్నాడు. ట్రింబాగో నైట్‌ రైడర్స్‌, సెయింట్‌ లూసియా కింగ్స్‌కు ప్రాతినిథ్యం వహించిన అతడు మొత్తంగా 79 మ్యాచ్‌లలో కలిపి 2353 పరుగులు సాధించాడు.బిగ్‌బాష్‌ లీగ్‌, పాకిస్తాన్‌ సూపర్‌ సూపర్‌ లీగ్‌లోనూ పరుగుల వరద పారించాడు. న్యూజిలాండ్‌ తరఫున మొత్తం 57 వన్డేలు, 65 టీ20లు ఆడిన అతడు ఆయా ఫార్మాట్లలో 1271, 1724 పరుగులు చేశాడు. ఆడిన ఒకే ఒక టెస్టులో 15 రన్స్‌ సాధించాడు.ఈ క్రమంలో 2020లో కివీస్‌ తరఫున ఆఖరి టీ20 ఆడిన మున్రో గత నెలలో అంతర్జాతీయ క్రికెట్‌కు వీడ్కోలు పలికాడు. ప్రపంచకప్‌-2024 ఆరంభానికి ముందే రిటైర్మెంట్‌ ప్రకటించాడు. కాగా ఈ మెగా టోర్నీకి అమెరికా- వెస్టిండీస్‌ ఆతిథ్యం ఇస్తున్న విషయం తెలిసిందే.

Fans Troll Mitchell McClenaghan.. టీమిండియా, న్యూజిలాండ్‌ మధ్య రెండు టెస్టు మ్యాచ్‌ల సిరీస్‌ ఇటీవలే ముగిసింది. ఈ సిరీస్‌ను టీమిండియా 1-0 తేడాతో గెలుచుకుంది. వాంఖడే వేదికగా జరిగిన రెండో టెస్టులో టీమిండియా 372 పరుగుల భారీ తేడాతో కివీస్‌పై విజయం సాధించి ఐసీసీ టెస్టు ర్యాంకింగ్స్‌లో మరోసారి నెంబర్‌వన్‌ స్థానానికి చేరుకుంది. టీమిండియా ప్రదర్శనపై అన్నివైపుల నుంచి ప్రశంసలు వెల్లువెత్తిన సమయంలో ఒక న్యూజిలాండ్‌ క్రికెటర్‌ మాత్రం విమర్శించాడు. చదవండి: రోహిత్‌ శర్మ అసంతృప్తి! కట్‌చేస్తే.. కివీస్‌ పేసర్‌ మిచెల్‌ మెక్లీన్‌గన్‌ చేసిన ఒక ట్వీట్‌ ప్రస్తుతం సోషల్‌ మీడియాలో వైరల్‌గా మారింది. '' ఐసీసీ ప్రపంచ టెస్టు చాంపియన్‌గా ఉన్న న్యూజిలాండ్‌ను టీమిండియా తమ సొంతగడ్డపై ఓడించడం పెద్ద విశేషం కాదు. వాళ్లకనుగుణంగా పిచ్‌ను తయారు చేసుకొని గెలిచారు. మొత్తానికి గెలిచినందుకు టీమిండియాకు కంగ్రాట్స్‌'' అంటూ వ్యంగ్యంగా ట్వీట్‌ చేశాడు. నిజానికి మెక్‌క్లీన్‌గన్‌ న్యూజిలాండ్‌ తరపున ఒక్క టెస్టు మ్యాచ్‌ కూడా ఆడలేదు. కేవలం వన్డేలు, టెస్టులకు మాత్రమే పరిమితమైన ఈ కివీస్‌ పేసర్‌ 48 వన్డేలు.. 29 టి20లు ఆడాడు.  దీంతో మెక్‌క్లీన్‌గన్‌ ట్వీట్‌ను ఫ్యాన్స్‌ తమదైన శైలిలో ట్రోల్‌ చేశారు. ''న్యూజిలాండ్‌కు ఒక్క టెస్టు మ్యాచ్‌ కూడా ఆడేలేదు.. నువ్వు విమర్శిస్తావా''.. '' ప్రతీ జట్టు తమ సొంతగడ్డపై బెబ్బులిలానే కనిపిస్తుంది.. ఆస్ట్రేలియా.. ఇంగ్లండ్‌ ఇలా ఏవైనా ఒకే తీరు ఆటను చూపిస్తాయి.. కనీసం ఇది కూడా తెలియదా''.. '' టెస్టు చాంపియన్‌ను టీమిండియా ఓడించిందని ఒక న్యూజిలాండ్‌ ఆటగాడు ఏడుస్తున్నాడు. ఒకవేళ మా ఇండియా న్యూజిలాండ్‌లో​ పర్యటించి ఓడినప్పటికి.. మేం పెద్దగా బాధపడం.. మిగతా దేశాల్లో గెలిచి మా ప్రతిష్టను పెంచుకుంటాం''..'' నిజాయితీ ఆటకు మారుపేరు బ్లాక్‌క్యాప్స్‌.. దానిని మెక్‌క్లీన్‌గన్‌ చెడగొట్టాడు'' అంటూ కామెంట్స్‌ చేశారు. చదవండి: ఐపీఎల్‌పై మనసులో మాటను బయటపెట్టిన కివీస్‌ సంచలన స్పిన్నర్‌ Excited for India to beat the @ICC world test champions at home in there own conditions. Congrats 👏 — Mitchell McClenaghan (@Mitch_Savage) December 7, 2021 Every one is lion in there own country And I think you forget the series Vs Australia in Australia and Vs England in England You should learn respect saaly — Nasir Sahak7 (@NasirSahak) December 7, 2021 Now a New Zealand man is crying. The world champions can't play in different conditions were as the runners up of WTC play around the globe and defeat teams. We accept that we didn't showcase in NZ what we are capable of but still we go around the world and beat teams. — Mukund Agarwal (@RealMukundA) December 7, 2021

Mitchell McClenaghan Criticize IND vs NZ T20 Series.. టీమిండియా- న్యూజిలాండ్‌ మధ్య జరుగుతున్న టి20 సిరీస్‌ అర్థం లేనిదని ఆ జట్టు పేసర్‌ మిచెల్‌ మెక్లీన్‌గన్‌ విమర్శించాడు. టీమిండియాతో జరిగిన రెండు టి20ల్లోనూ ఓటమిపాలైన న్యూజిలాండ్‌ 2-0తేడాతో ఒక మ్యాచ్‌ మిగిలిఉండగానే అప్పగించింది. కాగా ట్విటర్‌లో అభిమానుల సంధించిన ప్రశ్నకు మెక్లీన్‌గన్‌ స్పందించాడు. ''టి20 ప్రపంచకప్‌ ఫైనల్‌ ముగిసిన 72 గంటల్లోనే సిరీస్‌ జరపడం వ్యర్థమైన పని.  ఒక మేజర్‌ టోర్నీ ఆడి ఇరు జట్లు అలిసిపోయాయని.. అందునా కివీస్‌ ఆస్ట్రేలియాతో జరిగిన ఫైనల్‌ ఓడి నేరుగా భారత్‌కు చేరుకుంది. కనీస విశ్రాంతి లేకుండానే బరిలోకి దిగిన న్యూజిలాండ్‌ వరుసగా రెండు మ్యాచ్‌ల్లో ఓటమి చవిచూసి టి20 సిరీస్‌ను భారత్‌కు అప్పగించింది. నాకు తెలిసి టి20 ప్రపంచకప్‌ ముగిసిన వెంటనే న్యూజిలాండ్ మరొక సిరీస్‌లో పాల్గొనడం ఇదే తొలిసారి. ఇరుబోర్డులు ముందు ప్లాన్‌ చేసుకోవాల్సింది. ఒక్కో సిరీస్‌కు కనీసం 10 రోజులు గ్యాప్‌ ఉండేలా చూసుకోవాలి. ఇలా అర్థంతరంగా సిరీస్‌ నిర్వహించడం కరెక్ట్‌ కాదు.'' అని చెప్పుకొచ్చాడు. ఇక కివీస్, టీమిండియాల మధ్య మూడో టి20 ఆదివారం(నవంబర్‌ 21) జరగనుంది. చదవండి: Rohit Sharma: టీ20ల్లో అరుదైన రికార్డు సాధించిన రోహిత్‌ శర్మ.. Martin Guptill: కోహ్లి రికార్డు బద్దలు .. టి20 చరిత్రలో తొలి బ్యాటర్‌గా గప్టిల్‌

వెల్లింగ్టన్‌:  ఐపీఎల్‌ ట్రోఫీని ఐదుసార్లు గెలిచిన ముంబై ఇండియన్స్‌ ..ఒకవేళ ఈ సీజన్‌లో పాయింట్ల పట్టికలో ఆఖరి స్థానంలో నిలిస్తే తన వద్ద ఉన్న ప్రతీ క్రికెట్‌ ఐటమ్‌ వేలం వేస్తానని ఆ జట్టు మాజీ లెఫ్టార్మ్‌ సీమర్‌ మెక్లీన్‌గన్‌ చాలెంజ్‌ చేశాడు. ఈ ఏడాది వేలానికి ముందు మెక్లీన్‌గన్‌ను ముంబై ఇండియన్స్‌ జట్టు నుంచి రిలీజ్‌ చేయడంతో వేలానికి రాలేదు. 2015లో ముంబై ఇండియన్స్‌ ద్వారా ఐపీఎల్‌ కెరీర్‌ను ఆరంభించిన మెక్లీన్‌గన్‌.. 56 మ్యాచ్‌ల్లో 71 వికెట్లుసాధించాడు.  కాగా, గురువారం తన అఫీషియల్‌ ట్వీటర్‌ హ్యాండిల్‌ ద్వారా క్వశ్చన్‌ అండ్‌ ఆన్సర్స్‌ సెషన్‌ నిర్వహించాడు. దీనిలో భాగంగా ఒక ట్వీటర్‌ యూజర్‌ నుంచి ఊహించిన ప్రశ్న ఎదురైంది. ‘ ఈసారి ముంబై ఇండియన్స్‌ పాయింట్ల పట్టికలో నిలుస్తుంది.. మీరేమంటారు’ అని ప్రశ్నించాడు. దానికి మెక్లీన్‌గన్‌ అలా ఏమీ జరగదు అని సమాధానం చెప్పాడు. ‘అవును..ముంబై పాయింట్ల పట్టికలో ఆఖరి స్థానంలోనే నిలుస్తుంది’ అని మళ్లీ విసిగించాడు. దాంతో విసిగిచెందిన మెక్లీన్‌గన్‌.. ‘ నువ్వు ఏమైనా మూగవాడివా.. చెబితే అర్థం కాదా’ అని కౌంటర్‌  ఇచ్చాడు. ఒకవేళ ముంబై పాయింట్ల పట్టికలో ఆఖరి స్థానంలో నిలిస్తే తన క్రికెట్‌ సామాగ్రిని అంతా వేలంలో పెట్టి దాని ద్వారా వచ్చిన దానిని చారిటీకి ఇస్తేనని సవాల్‌ చేశాడు. దీనిని కౌంటర్‌ చేసిన ఒక అభిమాని.. నిజాలు పలుసందర్భాల్లో గాయం చేస్తాయి అని ఎద్దేవా చేశాడు.  చదవండి: తొలి ఆటగాడు విరాట్‌ కోహ్లినే..

సాక్షి, ముంబై: ఐపీఎల్‌ పుణ్యమా.. విదేశి క్రికెటర్లు ప్రతి ఏటా భారత్‌కు వస్తున్నారు. దీంతో వారంత దేశ భాష హిందీ నేర్చుకోవడానికి తెగ ఆరాట పడుతున్నారు. తమ జట్టులోని సహచర భారత ఆటగాళ్లతో కొందరు అలవోకగా హిందీ మాట్లాడుతుండాగా.. మరి కొద్దరు ఆ పదాలను పలకడానికి చాల కష్టపడుతున్నారు. అయితే టీమిండియా వైస్‌ కెప్టెన్‌ రోహిత్‌ శర్మ ముంబై ఇండియన్స్‌ సహచర ఆటగాడై న్యూజిలాండ్‌ పేస్‌ బౌలర్‌ మిచెల్‌ మెక్‌గ్లాన్‌కు హిందీ పరీక్ష పెట్టాడు. ఐపీఎల్‌ సమయంలో తాను నేర్పించిన హిందీ గుర్తుకు ఉందా లేదా అని టెస్ట్‌ చేశాడు. ఈ వీడియోని సోషల్‌మీడియా వేదికగార రోహిత్‌ ‘మెక్‌గ్లాన్‌ హిందీని పరీక్షించడానికి ప్రయత్నిస్తున్నా..’అని  అభిమానులతో పంచుకున్నాడు. ఇక మెక్‌గ్లాన్‌ ఈ వీడియోను రీట్విట్‌ చేస్తూ నా హిందీ ఎలా ఉంది ..? అని ప్రశ్నించాడు. దీనికి భారత అభిమానులు నీబౌలింగ్‌లా ఉంది అని కొందరు, మా ఇంగ్లీష్‌లా ఉందని మరికొందరు చలోక్తులు విసురుతున్నారు. అయితే ఆ వీడియోలో ఏముందంటే.. రోహిత్‌ హిందీలో నీకు తెలిసిన పదాలు చెప్పు అని మెక్‌గ్లాన్‌ను అడిగాడు. దీనికి మెక్‌ గ్లాన్‌ ఎక్కువ తెలియదు కానీ కొన్ని తెలుసు అని నవ్వుతూ తండా పానీ,నయ్‌నయ్‌ అనగా వాటిని రోహిత్‌ నవ్వుతూ ఇంగ్లీష్‌లో చెప్పాడు. రోహిత్‌ సారథ్యంలో ముంబై ఇండియన్స్‌ మూడు ఐపీఎల్‌ టైటిల్స్‌ గెలుచుకుంది. ఈ గెలుపులో మెక్‌గ్లాన్‌ కీలకపాత్ర పోషించాడు. ఇక భారత్‌-న్యూజిలాండ్‌ వన్డే సిరీస్‌ ఈ నెల22న ముంబై వాంఖడే స్టేడియం వేదికగా ప్రారంభం కానుంది. ఈ నేపథ్యంలోనే ఇద్దరు ఆటగాళ్లు  కలుసుకొని ఆదివారం సరదాగా గడిపారు. మెక్‌గ్లాన్‌కు హిందీ నేర్పిన రోహిత్ వీడియో  


 వెల్లింగ్టన్‌: న్యూజీలాండ్ ఆటగాడు మిచేల్‌ మెక్‌క్లాన్‌గన్‌ బౌన్సర్‌ ధాటికి మైదానంలో కుప్పకూలాడు. పాకిస్థాన్ బౌలర్ అన్వర్ అలీ మెరుపువేగంతో వేసిన బౌన్సర్‌.. మిచేల్‌ ధరించిన హెల్మెట్‌ను దాటుకొని మరీ అతని ఎడుమ కన్నును బలంగా ఢీకొంది. దీంతో బాధతో విలవిలలాడుతూ అతను మైదానంలో పడిపోయాడు. వెల్లింగ్టన్‌లో సోమవారం న్యూజిలాండ్-పాకిస్థాన్ మధ్య జరిగిన వన్డే మ్యాచ్‌లో ఈ ఘటన జరిగింది.
 
 టెయిల్‌ ఎండర్‌గా బరిలోకి దిగిన మిచేల్‌ మైదానంలోకి అడుగుపెట్టిన కొద్దిసేపటికే.. బౌన్సర్‌ అతనిపై విరుచుకుపడింది. దీంతో కన్ను చుట్టు రక్తస్రావం జరిగి నొప్పితో విలవిలల్లాడుతున్న అతన్ని వెంటనే ఆస్పత్రికి తరలించారు. అక్కడ అతనికి కొన్ని కుట్లు వేశారు. కంటి చుట్టు ఉన్న ఎముకలు కొన్ని విరిగాయని, అయితే, తాను బాగున్నానని మిచేల్ ఆ తర్వాత ట్విట్టర్‌లో తెలిపాడు. తనకు అండగా నిలిచిన అభిమానులకు కృతజ్ఞతలు తెలిపారు. అయితే కన్ను చుట్టు ఉన్నఎముక స్వల్పంగా విరుగడం వల్ల మిచేల్‌కు చిన్నపాటి శస్త్రచికిత్స చేయాల్సిన అవసరముందని వైద్యులు తెలిపారు.