వాషింగ్టన్‌: అమెరికా అధ్యక్షుడు బైడెన్‌కు ఎదురు దెబ్బ తగిలింది. బడ్జెట్‌ చీఫ్‌గా భారతీయ అమెరికన్‌ నీరా టాండన్‌(50) నియామకంపై మద్దతు కూడగట్టడంలో అధికార పార్టీ , ఆయన కేబినెట్‌ విఫలమైంది. నీరా టాండన్‌ నియామకాన్ని ధ్రువీకరించడానికి అవసరమైన ఓట్లు సెనేట్‌లో పొందడం అసాధ్యమని తేలిపోవడంతో ఆమె నియామకంపై బైడెన్‌ వెనక్కి తగ్గారు. చేసేదేమిలేక నీరా టాండన్‌ వైట్‌ హౌస్‌ ఆఫీస్‌ ఆఫ్‌ మేనేజ్‌మెంట్‌ అండ్‌ బడ్జెట్‌ (ఓఎంబీ) డైరెక్టర్‌ పదవికి నామినేషన్‌ను ఉపసంహరించుకున్నట్టుగా మంగళవారం బైడెన్‌కు లేఖ రాశారు. టాండన్‌ గతంలో ఎందరో ప్రజాప్రతినిధులపై ట్వీట్ల దాడి చేశారు. వారిని వ్యక్తిగతంగా కించపరుస్తూ ఎన్నో ట్వీట్లు చేశారు. ఆ ట్వీట్లు ఇప్పుడు ఆమె అదవికి ఎసరు తెచ్చిపెట్టాయి. ఆమె మాటల దాడిని ఎదుర్కొన్న వారిలో రిపబ్లికన్లతో పాటుగా సొంత పార్టీకి చెందిన డెమొక్రాట్లు ఉన్నారు. దీంతో నీరా వెయ్యికి పైగా ట్వీట్లను తొలగించి సెనేటర్లకి క్షమాపణ చెప్పినప్పటికీ వారి ఆగ్రహం చల్లారలేదు. మొత్తం 23 కేబినెట్‌ హోదా పదవులకుగాను 11 పదవులకి అధ్యక్షుడి నామినేషన్‌తో పాటుగా కాంగ్రెస్‌లో ఉభయ సభల అనుమతి ఉండాలి. ఆమె నియామకంపై సొంత పార్టీలో వ్యతిరేకత రావడంతో బైడెన్‌ వెనక్కి తగ్గారు. ‘నీరా టాండన్‌ విజ్ఞప్తి మేరకు నామినేషన్‌ బడ్జెట్‌ చీఫ్‌గా ఆమె నామినేషన్‌ను ఉపసంహరణకు అంగీకరిస్తున్నా’ అంటూ బైడెన్‌ ప్రకటన విడుదల చేశారు. అయితే నీరా ప్రతిభ, అనుభవంపై తనకు ఎనలేని గౌరవం ఉందన్న బైడెన్‌ ఆమెకు మరో పదవి ఇస్తామని చెప్పారు. అంతకు ముందు నీరా టాండన్‌ అధ్యక్షుడికి రాసిన లేఖలో ‘‘నా మీద మీరు ఉంచిన నమ్మకం జీవితంలో నాకు దక్కిన అపురూపమైన గౌరవం’ అని లేఖలో పేర్కొన్నారు. ఎన్నో వివాదాల్లో నీరా నీరా సోషల్‌ మీడియాలో చాలా చురుగ్గా ఉంటారు. ఏ అంశంపైన అయినా సూటిగా తన అభిప్రాయాన్ని వెల్లడిస్తూ ఉంటారు. అదే ఆమెకు ఎందరు అభిమానుల్ని తెచ్చిపెట్టిందో అంత మంది శత్రువుల్ని  చేసింది. ఒబామా హయాంలో ఆయనకు ఎంతో పేరు తెచ్చి పెట్టిన ఒబామా హెల్త్‌ కేర్‌ రూపకర్తల్లో నీరా ముఖ్యభూమిక పోషించారు. బిల్‌ క్లింటన్, హిల్లరీల తరఫున ఎన్నికల ప్రచారాన్ని చేశారు. హిల్లరీ క్లింటన్‌ సహాయకురాలిగా ఉన్నారు. నీరా తల్లిదండ్రులు భారతీయులు. ‘ప్రభుత్వం పంపిణీ చేసే ఆహార కేంద్రాల్లో తినీ తినక నా తల్లి నన్ను పెంచి పెద్ద చేసింది. ఇప్పుడు అలాంటి ప్రభుత్వ పథకాల అమలు నా చేతుల మీదుగా జరుగుతుంది’ అని ఆమె ట్వీట్‌ చేశారు. గత నాలుగేళ్లలో నీరా టాండన్‌ తనకి నచ్చని వారిపై ట్వీట్లతో విరుచుకుపడ్డారు. రిపబ్లికన్‌ సెనేటర్‌ కాలిన్స్‌ని ‘ది వరస్ట్‌’ అని, మరో సెనేటర్‌ మిచ్‌ మెక్‌కన్నెల్‌ను ‘మాస్కో మిచ్‌’, ‘వోల్డ్‌మార్ట్‌’ అని నిందిస్తూ ట్వీట్లు చేశారు. 100 సీట్లు ఉండే సెనేట్‌లో చెరి 50 స్థానాలతో డెమొక్రాట్లు, రిపబ్లికన్లు సరిసమానమైన బలంతో ఉండడం, సొంత పార్టీకి చెందిన డెమొక్రాట్లు ఆమెకు మద్దతు తెలపడానికి నిరాకరించడంతో పదవి అందలేదు.

సాక్షి, విజయనగరం రూరల్‌: సార్వత్రిక ఎన్నికల్లో భాగంగా నామినేషన్ల దాఖలు, పరిశీలన, ఉపసంహరణ ప్రక్రియ గురువారంతో ముగిసింది. విజయనగరం అసెంబ్లీ స్థానానికి నామినేషన్ల ప్రక్రియ ఈ నెల 18న ప్రారంభం కాగా జాతీయ పార్టీలతో పాటు గుర్తింపు పొందిన ప్రాంతీయ పార్టీలు, స్వతంత్రులు 11 మంది నామినేషన్లు దాఖలు చేశారు. నామినేషన్ల ఉపసంహరణ ప్రక్రియ గురువారం ఆఖరిరోజు కావడంతో బుధవారం ఇద్దరు అభ్యర్థులు తమ నామినేషన్లు ఉపసంహరించుకున్నారు. మిగితా 9 మంది నామినేషన్ల ప్రక్రియ ముగిసిన నాటికి నామినేషన్లు ఉపసంహరించుకోనందున బరిలో తొమ్మిది మంది నిలిచారని నియోజకవర్గ ఎన్నికల రిటర్నింగ్‌ అధికారి, జాయింట్‌ కలెక్టర్‌ కె.వెంకటరమణారెడ్డి తెలిపారు. అభ్యర్థుల పేర్లు, వారికి కేటాయించిన ఎన్నికల గుర్తులతో ఎన్నికల సంఘానికి పంపినట్టు తెలిపారు.   వ.సం. అభ్యర్థులు          పార్టీ      గుర్తు 1  కోలగట్ల వీరభద్రస్వామి    వైఎస్సార్‌ కాంగ్రెస్‌ పార్టీ      ఫ్యాన్‌ 2 పి.అదితి విజయలక్ష్మి గజపతిరాజు   టీడీపీ              సైకిల్‌ 3 సతీష్‌కుమార్‌ సుంకరి    భారత జాతీయ కాంగ్రెస్‌         హస్తం 4 సుబ్బారావు కుసుమంచి  భారతీయ జనతా పార్టీ         కమలం 5  చోడి ఆదినారాయణ  జన జాగృతి పార్టీ         మైక్‌ 6 పాలవలస యశస్వి                  జనసేన    గాజుటంబ్లర్‌ 7 రేజేటి స్వర్ణలత      ఇండియా ప్రజాబంధు పార్టీ      బాకా 8 మండపాక అప్పలరాము   లోక్‌ జనశక్తి పార్టీ  కంప్యూటర్‌ 9 భీశెట్టి అప్పారావు బాబ్జీ  ఇండిపెండెంట్‌       విజిల్‌                                                     

అసలైన యుద్ధం మొదలు కానుంది. నామినేషన్ల ప్రక్రియలో అన్ని అంకాలూ గురువారంతో ముగిశాయి. ఉపసంహరణల అనంతరం బరిలో నిలిచిన అభ్యర్థుల తుది జాబితా ఖరారైంది. ఇప్పటికే పోటీలో ఉన్నవారు తమదైన శైలిలో ప్రచారంలో దూసుకుపోతున్నారు. సకుటుంబ సపరివార సమేతంగా కొందరు అభ్యర్థులు హోరాహోరీ పోరాడుతున్నారు. మరోవైపు వైఎస్సార్‌సీపీలోకి వలసల జోరు ఎక్కువైంది. దాదాపు అన్ని నియోజకవర్గాల్లోనూ ప్రతిరోజూ వందలకొద్దీ కుటుంబాలు తమ మద్దతు ప్రకటిస్తున్నాయి. ఆ పార్టీ నాయకులు వారిని చేర్చుకోవడంలో తలమునకలవుతున్నారు. ఇప్పటికే వరుసగా క్యూకడుతున్నవారిని చూసి అధికార తెలుగుదేశం పార్టీలో గుబులు మొదలైంది.  సాక్షి ప్రతినిధి, విజయనగరం: సార్వత్రిక ఎన్నికల సమరంలో నామినేషన్ల ఘట్టం ముగిసింది. ఉపసంహరణ ప్రక్రియ గురువారం ముగిసింది. ఇక బరిలో మిగిలిన అభ్యర్థులు ప్రచార పర్వంలోకి పూర్తి స్థాయిలో దిగనున్నారు. ప్రత్యర్థులపై మాటల తూటాలు, విమర్శల కత్తులు సిద్ధం చేస్తున్నారు. ఈసారి ఎన్నికల్లో రెండు ప్రధాన పార్టీల మధ్యనే పోటీ నెలకొంది. యువజన శ్రామిక రైతు కాంగ్రెస్‌ పార్టీ(వైఎస్సార్‌సీపీ), తెలుగుదేశం పార్టీ(టీడీపీ) అభ్యర్థుల మధ్యనే ప్రధాన పోరు సాగనుంది. జిల్లాలోని విజయనగరం పార్లమెంట్‌ నియోజకవర్గంతో పాటు తొమ్మిది అసెంబ్లీ స్థానాల్లో 2014 ఎన్నికల్లో టీడీపీయే పైచేయి సాధించింది. విజయనగరం పార్లమెంట్‌ స్థానంతో పాటు ఆరు అసెంబ్లీ స్థానాలను అప్పట్లో కైవసం చేసుకుంది. వైఎస్సార్‌సీపీ నుంచి గెలిచిన బొబ్బిలి ఎమ్మెల్యేను లాక్కున్న టీడీపీ తన బలం ఏడుకు పెంచుకుంది. కానీ ఈ సారి ఎన్నికల్లో పరిస్థితులు మారనున్నట్టు కనిపిస్తోంది. గడచిన ఐదేళ్లలో అధికారం అడ్డుపెట్టుకుని టీడీపీ చేసిన అరాచకాలు, అన్యాయాలకు జనం విసిగిపోయారు. సరైన సమయం ఎప్పుడొస్తుందా, టీడీపీకి బుద్ధిచెప్పి తమను ఇన్నాళ్లూ ఎక్కితొక్కిన నేతలను ఇంటికి సాగనంపుదామని ప్రజలు ఎదురుచూస్తున్నారు. ప్రతిపక్ష పార్టీ వైపు పరుగులు దీస్తున్న నేతలు, కార్యకర్తలే దీనికి నిదర్శనం. ఇంటిపోరుతో సతమతం ముఖ్యంగా అధికార తెలుగుదేశం పార్టీలో ఇంటిపోరు ఎక్కువైంది. సొంత పార్టీ కార్యకర్తల నుంచే వ్యతిరేకత రావడం ఆ పార్టీకి గట్టి దెబ్బే. జిల్లాలో టీడీపీ అధికారంలో ఉన్న అన్ని నియోజకవర్గాల్లోనూ ఆ పార్టీలో అసంతృప్తులు భారీగానే తెరపైకి వచ్చారు. సిట్టింగ్‌లకు టిక్కెట్టు ఇవ్వవద్దని బహిరంగంగానే అధినేతకు స్పష్టం చేశారు. అయినా ప్రజలు, పార్టీ నేతల అభిప్రాయం కంటే తన స్వార్థ, సొంత నిర్ణయాలకే ప్రాధాన్యమిచ్చే బాబు మాత్రం అసంతృప్తుల అభ్యంతరాలను పరిగణనలోకి తీసుకోకుండానే టిక్కెట్టు కేటా యించి తప్పు చేశారు. ఎన్నో ఏళ్లుగా పార్టీకోసం కష్టపడ్డ నేతలు చంద్రబాబు తీరుతో తీవ్ర మనో వ్యధకు లోనయ్యారు. తమకు ఎన్నటికీ పార్టీలో గుర్తింపు రాదని తెలుసుకున్నారు. వారిలో కొందరు వైఎస్సార్‌సీపీ వైపు మొగ్గుచూపారు. మరికొందరు ఎటూ తేల్చుకోలేక మౌనంగా ఉండిపోతున్నారు. అభ్యర్థుల ఎంపికలోనే తేడాలు అభ్యర్థుల ఎంపికలోనే ఇరుపార్టీల వైఖరి తేటతెల్లమైంది. పార్టీ కోసం కష్టపడ్డవారికి, సామాన్యులకు, ఎలాంటి అవినీతి మరకలు లేనివారికి వైఎసాŠస్‌ర్‌సీపీ టిక్కెట్లు ఇచ్చింది. టీడీపీ మాత్రం సిట్టింగ్‌లకు, కుటుంబ రాజకీయాలకు ప్రాధాన్యమిచ్చింది. విజయనగరంలో మాత్రం బీసీ సిట్టింగ్‌ ఎమ్మెల్యేను కాదని ఎంపీ అశోక్‌ కుమార్తెకు టిక్కెట్టు ఇచ్చిం ది. అర్హులను కాదని ఒకే కుటుంబంలో తండ్రీ, కూతుళ్లకు టిక్కెట్టు ఇవ్వడం ద్వారా తమకు తమ వ్యక్తులే ప్రాధాన్యమనే విషయాన్ని చెప్పకనే చెప్పింది. ఇవన్నీ గమనించిన ఆ పార్టీ నేతలు, కార్యకర్తలు తమ భవిష్యత్‌పై నిర్ణయం తీసుకోవాల్సిన సమయం వచ్చిం దని గ్రహించారు. వైఎస్సార్‌సీపీకి జైకొడుతూ ఆ పార్టీ కండువాలు వేసుకుంటున్నారు. దీంతో నిత్యం వైసీపీ నేతలు ఇతర పార్టీల నుంచి వస్తున్న వలస నేతలు, కార్యకర్తలను ఆహ్వానించడంలో క్షణం తీరిక లేకుండా గడుపుతున్నారు. మరోవైపు రావాలి జగన్‌– కావాలి జగన్‌ అంటూ ప్రచారంలోనూ దూసుకుపోతున్నారు. టీడీపీ మాత్రం మళ్లీ నువ్వేరావాలి అనే నినాదాన్ని జనానికి చెబితే ఎందుకు బాబూ మళ్లీ నువ్వే అంటారని భయపడుతోంది.  

చిత్తూరు కలెక్టరేట్‌: అధికార పార్టీ తిరుగుబాటు అభ్యర్థులను నామినేషన్‌ ఉపసంహరించుకోవాలని ఆ పార్టీ నేతలు బుజ్జగిస్తున్నారు. అయితే వారు ససేమిరా అంటున్నారు. నామినేషన్ల ఉపసంహరణకు గురువారంతో గడువు ముగియనుంది. జిల్లాలో టీడీపీ తిరుగుబాటు అభ్యర్థులు, స్వతంత్ర అభ్యర్థులు, చిన్న పార్టీల నాయకులు నామినేషన్లు దాఖలు చేశారు. అలా నామినేషన్లను దాఖలు చేసిన వారు బరిలోకి దిగితే ఓట్లు చీలే అవకాశాలున్నాయి. అలాంటి వారిని గుర్తించి బరిలో నుంచి తప్పుకోవాలని అధికార పార్టీ నేతలు ఒత్తిళ్లు తెస్తున్నట్లు సమాచారం. జిల్లాలోని మదనపల్లె, కుప్పం, పలమనేరు, చిత్తూరు పార్లమెంట్‌ నియోజకవర్గాల్లో ఈ పరిస్థితి ఉంది. నామినేషన్లు వేసిన పలువురు అభ్యర్థులు బరిలో ఉంటే ఓట్లు చీలి పార్టీ గుర్తుపై పోటీ చేసే అభ్యర్థులకు నష్టం కలిగే అవకాశముంటుంది. దీన్ని దృష్టిలో పెట్టుకుని జిల్లాలోని టీడీపీ, జనసేన ముఖ్యనేతలు బుజ్జగింపులు, ఆఫర్లు చేస్తున్నారని విశ్వసనీయ సమాచారం. పలమనేరు నుంచి టీడీపీ రెబల్‌గా నామినేషన్‌ దాఖలు చేసిన సుభాష్‌చంద్రబోస్‌ పార్టీ అధ్యక్షుడు చంద్రబాబునాయుడు, పలమనేరు టీడీపీ ఎమ్మెల్యే అభ్యర్థి అమరనాథరెడ్డి పలుమార్లు మంతనాలు చేసినట్లు తెలిసింది. అయినప్పటికీ బోస్‌ వెనక్కి తగ్గకుండా బరిలోనే ఉంటానని తేల్చి చెప్పినట్లు సమాచారం. జిల్లాలో ఇలా.. జిల్లాలోని మదనపల్లె నియోజకవర్గంలో టీడీపీ మద్దతుదారుడు శ్రీరాములు స్వతంత్ర అభ్యర్థిగా నామినేషన్‌ దాఖలు చేశారు. ఆయనను ఎన్నికల బరిలో నుంచి తప్పించడానికి ప్రయత్నాలు చేస్తున్నారు. అదే నియోజకవర్గంలో జనసేన అభ్యర్థిగా నామినేషన్‌ దాఖలు చేసిన స్వాతి బరిలో నుంచి తప్పుకుంటున్నారంటూ టీడీపీ నాయకులు ప్రచారం చేశారు. కుప్పం నియోజకవర్గంలో సతీష్‌ అనే స్వతంత్ర అభ్యర్థిని వీసీకే పార్టీకి చెందిన గణేశ్‌లను పోటీ నుంచి తప్పుకోవాలని టీడీపీ నేత మనోహర్‌ ఒత్తిడి తెస్తున్నారని తెలిసింది. టీడీపీ నేతలు చేస్తున్న బుజ్జగింపులకు అభ్యర్థులు ఒప్పుకోవడం లేదని, బరిలోనే ఉంటామని చెబుతున్నట్లు సమాచారం. 

సాక్షి, హైదరాబాద్‌: రాష్ట్ర శాసనసభ ఎన్నికల షెడ్యూల్‌ ప్రకారం గత మంగళవారం పూర్తి కావాల్సిన అభ్యర్థుల నామినేషన్ల పరిశీలన ప్రక్రియ బుధవారం కూడా పూర్తి కాలేకపోయింది. పరిశీలన తర్వాత తిరస్కరించిన, ఆమోదించిన అభ్యర్థుల నామినేషన్ల జాబితాను బుధవారం రాత్రి వరకు రాష్ట్ర ఎన్నికల ప్రధాన అధికారి(సీఈఓ) కార్యాలయం ప్రకటించలేకపోయింది. ఈ జాబితాను గురువారం ప్రకటిస్తామని సీఈఓ కార్యాలయం వాట్సాప్‌ గ్రూప్‌లో ప్రకటించింది. మరోవైపు గురువారంతో నామినేషన్ల ఉపసంహరణకు గడువు ముగియనుండడంతో అభ్యర్థుల్లో టెన్షన్‌ నెలకొని ఉంది. నిమిషం ఆలస్యంగా వచ్చిన పలువురు అభ్యర్థుల నామినేషన్లను స్వీకరించడానికి నిరాకరించిన ఎన్నికల యంత్రాంగం.. షెడ్యూల్‌ ప్రకారం వాటిని పరిశీలించడంలో విఫలమైందని విమర్శలు వ్యక్తమవుతున్నాయి. 

సాక్షి, రంగారెడ్డి : మాజీ మంత్రి శంకర్‌రావు యూటర్న్‌ తీసుకున్నారు. కాంగ్రెస్‌ నుంచి టికెట్‌ దక్కకపోవడంతో ఆయన షాద్‌నగర్‌ స్థానంలో ఎస్పీ నుంచి నామినేషన్‌ దాఖలు చేసిన చేసిన విషయం తెలిసిందే. ఈ నేపథ్యంలో పోటీపై మనసు మార్చుకున్నట్లు శంకర్‌రావు తెలిపారు. కాంగ్రెస్‌ నేతల విజ్ఞప్తి మేరకు పార్టీలోనే కొనసాగుతున్నట్లు ఆయన మంగళవారం ప్రకటించారు. మహాకూటమి బలపరిచిన టీడీపీ, కాంగ్రెస్‌ అభ్యర్థుల గెలుపునకు కృషి చేస్తానని ఆయన వెల్లడించారు. నామినేషన్‌ సందర్భంగా కాంగ్రెస్‌పై శంకర్‌రావు తీవ్ర విమర్శలు చేసిన విషయం తెలిసిందే. నలభైఏళ్లు పార్టీకి సేవచేసిన తనకు టికెట్‌ ఇవ్వలేదని, పార్టీ చీఫ్‌ ఉత్తమ్‌ కుమార్‌ రెడ్డి టికెట్లు అమ్మకున్నారని ఆయన ఆరోపించారు. పార్టీ మారి 24 గంటలు కూడా కాకముందు ఇలా ప్లేటు ఫిరాయించడంతో ప్రజలు అవాక్కయ్యారు. కాంగ్రెస్‌ రెబల్స్‌గా నామినేషన్‌ దాఖలు చేసిన మరికొంత మంది నేతలు కూడా ఉపసంహరించుకుంటారని కాంగ్రెస్‌ నేతలు అభిప్రాయపడుతున్నారు. దీని కొరకు ఇప్పటికే నేతలను బుజ్జగించేందుకు అధిష్టానం దూతలను రంగంలోకి దింపినట్లు సమాచారం.


 హైదరాబాద్: నామినేషన్ ఉపసంహరణ లేఖ తాను ఎవ్వరికీ ఇవ్వలేదని రాజసభ ఎన్నికల్లో తిరుగుబాటు అభ్యర్థిగా బరిలో దిగిన ఆదాల ప్రభాకరరెడ్డి తెలిపారు. రాజ్యసభ ఎన్నికల బరిలో కొనసాగుతున్నానని చెప్పారు. ముఖ్యమంత్రి కిరణ్ కుమార్ రెడ్డి మూడుసార్లు తనకు ఫోన్‌ చేసి నామినేషన్ ఉపసంహరించుకోవాలని కోరారని వెల్లడించారు. సీఎం సూచనను పరిశీలిస్తానని మాత్రమే చెప్పానని తెలిపారు.
 
 సమైక్యాంధ్ర ప్రతిష్ట కోసం సీమాంధ్ర ప్రజలు తమ నియోజకవర్గ ఎమ్మెల్యేలను తనకు ఓటేసేలా ఒప్పించాలని కోరారు. ఎమ్మెల్యే చింతలపూడి వెంకట్రామయ్యతో ఎవరో నాటకం ఆడించారని ఆరోపించారు. వెంకటరామయ్యను అమాయకుడిని చేసి నామినేషన్‌ ఉపసంహరణ పత్రాన్ని ఇప్పించేలా చూశారన్నారు. ఇదేమీ అన్యాయం అంటూ రిటర్నింగ్‌ అధికారికి ఫోన్‌ చేశానని చెప్పారు. నామినేషన్ ఉప సంహరణ పత్రంపై తన సంతకం చేసిన వారిపై క్రిమినల్ కేసు పెడతానని ఆయన హెచ్చరించారు. తనకు 175 మంది ఎమ్మెల్యేల మద్దతు ఉటుందని, తాను తప్పకుండా గెలుస్తానని ఆదాల విశ్వాసం వ్యక్తం చేశారు.