కైకరం (ఉంగుటూరు) : జాతీయ రహదారిపై కైకరం వద్ద శుక్రవారం తెల్లవారు జూమున చోటు చేసుకున్న రోడ్డు ప్రమాదంలో ఆటో బోల్తా పడి, డ్రైవర్‌ అక్కడిక్కడే మృతి చెందాడు. చేబ్రోలు పోలీసులు తెలిపిన వివరాలు ఇలా ఉన్నాయి. విజయవాడ సమీపంలోని భవానీపురానికి చెందిన ఆకుమళ్ల రమణారెడ్డి(29) గురువారం అర్ధరాత్రి ఒంటి గంట సమయంలో ఆటోలో వాషింగ్‌మెషీన్లు, కూలర్లలోడుతో తణుకు బయలుదేరాడు. మార్గ మధ్యలో కైకరం వద్ద వెనుక నుంచి గుర్తు తెలియని వాహనం ఆటోను ఢీకొని కొంత దూరం ఈడ్చుకుపోయింది. డ్రైవర్‌ రమణారెడ్డి అక్కడక్కిడే మృతిచెందాడు. చేబ్రోలు ఎస్సై చావా సురేష్‌ కేసు నమోదు చేసి దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం తాడేపల్లిగూడెం ఏరియా ఆస్పత్రికి తరలించారు. 


 అన్నవరప్పాడు (పెరవలి): జాతీయ రహదారిపై అన్నవరప్పాడు వద్ద శుక్రవారం రాత్రి మోటార్‌సైకిలిష్ట్‌ను వ్యాన్‌ డీకొట్టటంతో ఒక వ్యక్తి తీవ్ర గాయాలపాలైయ్యాడు. మండపేట నుండి తాడేపల్లిగూడెం వెళ్ళుతున్న మోటార్‌సైకిలిష్ట్‌ అన్నవరప్పాడు సెంటర్‌ వద్దకు వచ్చేటప్పటికి వ్యాన్‌ వేగంగా వచ్చి వెనుక డీకొట్టింది. దీనితో మోటార్‌సైకిలిష్ట్‌ ఆ వేగానికి రోడ్డుపై ఉన్న డివైడర్‌ను డీకొట్టి పడిపోవటంతో తలకు బలమైన గాయం అయ్యింది. దీనితో  హుటాహుటిన తణుకు ప్రభుత్వాస్పత్రికి తరలించారు. ప్రస్తుతం చికిత్స పొందుతున్నాడు.