‘పులి’ (2010) సినిమాతో హీరోయిన్‌గా ఎంట్రీ ఇచ్చారు నికిషా పటేల్‌. ఆ తర్వాత ‘ఓమ్‌ త్రీడీ (2013), అరకు రోడ్డులో(2016), గుంటూరు టాకీస్‌ (2017)’ సినిమాల్లో నటించారామె. కేవలం తెలుగు సినిమాలే కాదు. వీలైనప్పుడల్లా కన్నడ, తమిళ సినిమాలు చేస్తున్నారీ బ్యూటీ. తాజాగా కోలీవుడ్‌పై ఎక్కువ దృష్టి పెట్టినట్లున్నారు. జీవీప్రకాశ్, ఈషా రెబ్బా జంటగా ఎళిల్‌ దర్శకత్వంలో రూపొందుతున్న సినిమాలో ఓ లీడ్‌ రోల్‌ చేయడానికి ఇటీవల గ్రీన్‌సిగ్నల్‌ ఇచ్చారు నికిషా పటేల్‌. తాజాగా ‘మార్కెట్‌ రాజా: ఎమ్‌బీబీఎస్‌’ సినిమాలో కీలకపాత్ర చేస్తున్నారామె. ఆల్రెడీ షూటింగ్‌లో జాయిన్‌ అయ్యారు కూడా. ‘జర్నీ’ ఫేమ్‌ శరవణన్‌ ఈ సినిమాకు దర్శకత్వం వహిస్తున్నారు. ఆరవ్, కావ్యాథాపర్‌ జంటగా నటిస్తున్నారు. రాధికా శరత్‌కుమార్, నాజర్‌ కీలక పాత్రలు చేస్తున్న ఈ సినిమాని ఈ ఏడాది ఆగస్టులో విడుదల చేయాలనుకుంటున్నారు.

సాక్షి, సినిమా: నటి నికీషా పటేల్‌ ప్రభుదేవాను పెళ్లి చేసుకోవాలనుకుంటున్నట్లు ఇటీవల ఓ ఇంటర్వ్యూలో వెల్లడించిన విషయం తెలిసిందే. అయితే అందులో ఎలాంటి వాస్తవం లేదని తన ట్వీటర్‌ ద్వారా క్లారిటీ ఇచ్చింది. నికీషా ఇటీవల ఓ ఇంటర్వ్యూలో మీకు ఏ హీరో నటన అంటే ఇష్టం అని అడిగితే.. వెంటనే చాలా మంది హీరోల నటన నాకు ఇష్టం. ముఖ్యంగా ప్రభుదేవా అంటే చాలా ఇష్టం. ఆయన, మా కుటుంబం మధ్య మంచి సన్నిహిత సంబంధాలు ఉన్నాయి. దీంతోపాటు ప్రభుదేవాతో నటిస్తారా అని అడగగా.. సినిమా ఏంటి? నేను ఆయన్ని పెళ్లి చేసుకోవడానికైనా రెడీ అని నికీషా పటేల్‌ పేర్కొంది. అది ఇప్పుడు సోషల్‌ మీడియాల్లో వైరల్‌ అవడంతో నికీషా దానిపై క్లారిటీ ఇచ్చింది. ‘ప్రభుదేవా గురించి నేను అన్న మాటలపై చాలా వార్తాలు పుట్టుకొస్తున్నాయి. వీటిపై ఓ క్లారిటీ ఇవ్వాల్సిన సమయం వచ్చింది. వాటిలో ఎలాంటి నిజం లేదు. నేను నా కుటుంబంతో చాలా బిజీగా ఉన్నాను.’అని తన ట్వీటర్‌లో పేర్కొంది.  ‘ప్రభుదేవా సర్‌ గురించి నేను అన్న మాటలపై చాలా వార్తా పత్రికలు, మీడియా వెబ్‌సైట్‌లు చాలా రకాలుగా వార్తలు రాసేస్తున్నాయి. నేను ప్రభుదేవానే కాదు ఎవరినీ పెళ్లి చేసుకోవడం లేదు. ఆయన నాకు మంచి స్నేహితుడు, శ్రేయోభిలాషి మాత్రమే. నేను ప్రభుదేవాను సర్‌ అని పిలుస్తాను.’ అని తన పీఆర్‌వో రమేష్‌ బాల ట్వీటర్‌ ద్వారా తెలిపారు.  నికీషాపటేల్ పులి సినిమాలో పవన్‌కల్యాణ్‌కు జంటగా నటించి తెలుగు ఇండస్ట్రీకి పరిచయమైన విషయం తెలిసిందే. నికీషా పటేల్‌ తెలుగు, తమిళం, కన్నడ, మలయాళంలో సినిమాల్లో నటించింది. ప్రస్తుతం  ‘తేరీ మెహర్బానియా 2’ అనే బాలీవుడ్‌ సినిమాలో నటిస్తున్నారు.   Im so fed up with media calls last few days its about time i clarify this is not true...this news has been completely misunderstood. I'm busy with work and family. pic.twitter.com/9pTjFHWu1W — Nikesha Patel (@NikeshaPatel) May 13, 2018   Actress @NikeshaPatel issues a clarification.. " After many papers and websites carrying Prabhu deva sir news, I think it's time to clarify that's it's not true ...I'm not marrying anyone....he's purely just a friend...And a wellwisher. I call him sir only.. " @proyuvraaj pic.twitter.com/6lwAPNK7Sb — Ramesh Bala (@rameshlaus) May 13, 2018

తమిళసినిమా: డాన్సింగ్‌ స్టార్‌ను పెళ్లి చేసుకోవడానికి తాను రెడీ అంటోంది నటి నికీషాపటేల్‌. తెలుగులో పవన్‌కల్యాణ్‌కు జంటగా పులి చిత్రం ద్వారా కథానాయకిగా పరిచయమైన గుజరాతీ బ్యూటీ నికీషాపటేల్‌. అయితే ఆ చిత్రం ఆశించిన విజయం సాధించకపోవడంతో అక్కడ అవకాశాలను రాబట్టుకోలేకపోయింది. ఆ తరువాత తమిళ చిత్రం పరిశ్రమలోకి ఎంట్రీ ఇచ్చి ఇక్కడ ఎన్నమో ఏదో, కరైయోరం, నాదన్‌ చిత్రాల్లో నటించినా ఇప్పటికీ సరైన సక్సెస్‌ లేక స్టార్‌డమ్‌ కోసం పోరాడుతూనే ఉంది. ఆ మధ్య కన్నడ చిత్రపరిశ్రమలోకి కూడా అడుగుపెట్టిన నికీషాపటేల్‌కు బాలీవుడ్‌లోనూ అవకాశాలు వస్తున్నాయట. అయితే ప్రముఖ హీరోల సరసన, అదే విధంగా హీరోయిన్‌ పాత్రకు ప్రాముఖ్యత ఉంటేనే నటిస్తానని అంటోందట. ఈ అమ్మడికి తాజాగా కోలీవుడ్‌లో పాండిముని చిత్రంలో నటించే అవకాశం వచ్చింది. ఈ చిత్రం పరిచయం కార్యక్రమంలో పాల్గొనడానికి చెన్నైకి వచ్చిన నికీషాపటేల్‌ మీడియాతో ముచ్చటించింది. అదేంటో చూద్దాం.  రెండేళ్ల తరువాత నేను నటిస్తున్న తమిళ చిత్రం ఇది. చిత్రపరిశ్రమలో ఇటీవల కాస్టింగ్‌ కౌచ్‌ వ్యవహారం కలకలం సృష్టిస్తోంది. అవకాశాల కోసం నటీమణులను పడక గదికి రమ్మంటున్నారని కొందరు బహిరంగంగా చెబుతున్నారు. అయితే ఇదే విషయాన్ని నేను ఎప్పుడో చెప్పాను. అలాంటి సంస్కృతి ఉందన్నది చేదు నిజం. అయితే ఇది సినిమారంగంలో మాత్రమే కాదు అన్ని రంగాల్లోనూ జరుగుతున్న తతంగమే. సినిమా రంగం కాబట్టి బహిరంగంగా ప్రచారం జరుగుతోంది. ఇకపోతే ఏ హీరో నటన అంటే మీకు ఇష్టం అని అడుగుతున్నారు. చాలా మంది హీరోల నటన నాకు ఇష్టం. ముఖ్యంగా ప్రభుదేవా అంటే చాలా ఇష్టం. ఆయన, మా కుటుంబం మధ్య మంచి సన్నిహిత సంబంధాలు ఉన్నాయి. ప్రభుదేవాతో నటిస్తారా అని అడుగుతున్నారు. నేను ఆయన్ని పెళ్లి చేసుకోవడానికే రెడీ అంటున్నాను అని నికీషా పటేల్‌ పేర్కొంది. ఇది ఇప్పుడు సోషల్‌ మీడియాల్లో వైరల్‌ అవుతోంది. ప్రభుదేవాకు చాలా కాలం క్రితమే పెళ్లి అయ్యింది.ఆయనకు ఇద్దరు పిల్లలు కూడా ఉన్నారు. మనస్పర్థల కారణంగా భార్యకు విడాకులు తీసుకున్న ప్రభుదేవా నటి నయనతారను ప్రేమించి పెళ్లి కూడా చేసుకోవాలనుకున్నారు. అయితే అదీ చివరి నిమిషంలో పెళ్లి పీటలెక్కలేదన్న విషయం తెలిసిందే. 

‘పులి’ ఫేమ్‌ నికిషా పటేల్‌ గుర్తున్నారా? ఆ తర్వాత ఒకట్రెండు తెలుగు సినిమాలు చేసినా పెద్దగా గుర్తింపు తెచ్చుకోలేకపోయారు. తమిళ చిత్రాలు చేయడం మొదలుపెట్టి, అక్కడ బిజీ అయ్యారు నికిషా. చాలా గ్యాప్‌ తర్వాత ఆమె తెలుగు తెరపై కనిపించనున్నారు. నికిషా టైటిల్‌ రోల్‌లో జానీ దర్శకత్వంలో తెరకెక్కుతోన్న చిత్రం ‘రౌడీ పోలీస్‌’. ఇందులో నికిషా పవర్‌ఫుల్‌ పోలీసాఫీసర్‌గా కనిపిస్తారు. రిస్కీ ఫైట్స్‌ని ధైర్యంగా చేశారట. దర్శక–నిర్మాతలు డూప్‌తో చేయిద్దామన్నా వినకుండా నికిషా చేయడం చిత్రబృందాన్ని ఆశ్చర్యపరిచింది. రోప్‌ యాక్షన్‌ సీన్స్‌ని సైతం నికిషా అద్భుతంగా చేశారట. ఇంతకీ ఈ బ్యూటీ అవలీలగా ఫైట్స్‌ చేయడానికి కారణం ఉంది. సినిమాల్లోకి రాక ముందు ఆమె మార్షల్‌ ఆర్ట్స్‌లో శిక్షణ తీసుకున్నారు. అది ఈ సినిమాకి ఉపయోగపడింది. ఆర్‌.ఎ ప్రొడక్షన్స్‌ పతాకంపై వేణు నిర్మిస్తున్న ఈ సినిమా క్లైమాక్స్‌ చిత్రీకరణ జరుపు కుంటోంది.  ముకుల్‌దేవ్‌ విలన్‌గా నటిస్తున్న ఈ చిత్రంలో భానుచందర్‌ ప్రధాన పాత్రచేస్తున్నా రు. అమిద్, ‘గబ్బర్‌ సింగ్‌’ విలన్‌ బ్యాచ్‌ నటిస్తున్న ఈ చిత్రానికి సమర్పణ: బాజీ, కెమెరా: ముజీర్‌.  


 భాస్కర్‌ ఒరు రాస్కెల్‌ చిత్ర యూనిట్‌ మాల్దీవులకు పయనం అవుతోంది. మలయాళంలో మమ్ముట్టి, నయనతార జంటగా నటించిన భాస్కర్‌ ది రాస్కెల్‌ చిత్రానికి రీమేక్‌ అవుతున్న చిత్రం భాస్కర్‌ ఒరు రాస్కెల్‌.
 
 ఇందులో అరవిందస్వామి, అమలాపాల్‌ జంటగా నటిస్తున్నారు. ఇతర ప్రధాన పాత్రల్లో నాజర్, సూరి, రోబోశంకర్, రమేశ్‌ఖన్నా, సిద్ధిక్‌ మాస్టర్‌ రాఘవ నటిస్తున్నారు. తెరి చిత్రం ద్వా రా బాలతారగా పరిచయమైన నటి మీనా కూతురు నైనిక, కీలక పాత్రల్లో బాలీవుడ్‌ నటుడు అఫదవ్‌ వివద్‌శాని నటిస్తున్నారు. ఒక ప్రత్యేక పాత్రలో నటి నికీషాపటేల్‌ నటిస్తుం డడం విశేషం. మలయాళ చిత్రానికి దర్శకత్వం వహించిన సిద్ధికే ఈ చిత్రాన్ని తెరకెక్కిస్తున్నారు.
 
 ఈ చిత్ర వివరాలను ఆయన తెలుపుతూ ప్రస్తుతం చిత్ర చివరి షెడ్యూల్‌ను చెన్నైలో చిత్రీకరిస్తున్నట్లు తెలిపారు. ఇందులోని ఒక పాటను మాల్దీవుల్లో చిత్రీకరించనున్నామని, అందుకు ఈ నెల 27ను చిత్ర యూనిట్‌ మాల్దీవులకు పయనం కానందని తెలిపారు. ఈ పాటతో చిత్ర షూటింగ్‌ పూర్తి అవుతుందని చెప్పారు. అనంతరం నిర్మాణాంతర కార్యక్రమాలను పూర్తి చేసి త్వరలోనే భాస్కర్‌ ఒరు రాస్కెల్‌ చిత్రాన్ని విడుదలకు సన్నాహాలు చేస్తున్నట్లు దర్శకుడు వెల్లడించారు.


 ‘‘ప్రస్తుతం ప్రజలు డబ్బు సమస్య ఎదుర్కొంటున్నారు. ఈ పరిస్థితుల్లో సినిమా విడుదల చేయాలా? వద్దా? అనుకున్నాం. కానీ, ఇటీవల విడుదలైన చిత్రాల వసూళ్లు బాగుండటం, ముఖ్యంగా ‘అరకు రోడ్‌లో’ చిత్రంపై ఉన్న నమ్మకంతో ధైర్యం చేసి రిలీజ్ చేస్తున్నాం’’ అని హీరో సాయిరామ్ శంకర్ అన్నారు. ఆయన హీరోగా, నికిషా పటేల్ హీరోయిన్‌గా వాసుదేవ్ దర్శకత్వంలో మేకా బాలసుబ్రమణ్యం, బి.భాస్కర్, వేగిరాజు ప్రసాదరాజు, రామేశ్వరి నక్కా నిర్మించిన ఈ చిత్రం డిసెంబరు 2న విడుదల కానుంది. వాసుదేవ్ మాట్లాడుతూ- ‘‘విశాఖ-అరకు ప్రాంతాల్లో నడిచే కామెడీ, యాక్షన్ థ్రిల్లర్ ఇది. పూరీ జగన్నాథ్‌గారికి మా చిత్రం నచ్చడంతో విజయంపై మాకు మరింత నమ్మకం వచ్చింది’’ అన్నారు. ‘‘అన్ని వర్గాలవారికీ నచ్చే విధంగా ఉంటుంది’’ అన్నారు నిర్మాతలు.
  


  ఉత్తరాది భామ నికిషాపటేల్ జ్ఞాపక శక్తిని కోల్పోయారట. యుక్త వయసులో ఆమెకు మెమొరీలాస్ అవ్వడం ఏమిటని ఆశ్చర్యపోతున్నారా? పులి చిత్రం ద్వారా టాలీవుడ్‌లోకి ప్రవేశించిన ఈ గ్లామర్ డాల్ ప్రస్తు తం కోలీవుడ్‌పై దృష్టి సారిస్తోంది. తమిళం లో పలు అవకాశాలను చేజిక్కించుకున్న బబ్లీ హీరోయిన్ నారదన్ చిత్రంలో నకులన్‌తో రొమాన్స్ చేస్తోంది. ఈ చిత్రంలో జ్ఞాపక శక్తిని కోల్పోయిన యువతిగా నటిస్తోందట. దీని గురించి ఈ బాలీ వుడ్ భామ తెలుపుతూ నారదన్ చిత్రంలో డిఫరెంట్ షేడ్స్ ఉన్న పాత్రను పోషిస్తున్నట్లు చెప్పింది. ఇది చాలా ఇంట్రెస్టింగ్ లవ్ స్టోరీ చిత్రమని తెలిపింది.
  
   ప్రస్తుతం ఈ చిత్ర షూటింగ్ చెన్నైలో జరుగుతోందని వెల్లడించారు. నకులన్‌తో నటిస్తున్న అనుభవం గురించి అడగ్గా ఆయన మంచి ఎనర్జిటిక్ నటుడన్నారు. అంతా కుటుంబ సభ్యులుగా కలిసిపోయి నటిస్తున్నట్లు చెప్పారు. నారదన్ చిత్రంలో నటించడం మంచి అనుభవంగా పేర్కొన్నారు. ఈ చిత్రంతోపాటు గౌతమ్ కార్తీక్ సరసన ఎన్నమో ఏదో చిత్రంలోనూ నటిస్తున్నట్లు తెలిపారు. ఇందులోను తనది చాలా బలమైన పాత్ర అని వివరిం చారు. గౌతమ్ కార్తీక్ గర్ల్ ఫ్రెండ్‌గా నటిస్తున్నట్లు తెలి పారు. మరో ద్విభాషా చిత్రం రంభ, ఊర్వశి, మేనకలో కూడా నటిస్తున్నట్లు చెప్పారు. ఇది పూర్తిగా లేడీ ఓరియంటెడ్ కథా చిత్రమని నికిషా పటేల్ వెల్లడించారు.