దేశీయ ఐటీ దిగ్గజం ఇన్ఫోసిస్ కూడా ఖర్చులను తగ్గించుకునే పనిలో పడింది. ముఖ్యంగా   కంపెనీ సీఈఓ సలీల్ పరేఖ్ కూడా 2022-23 ఆర్థిక సంవత్సరానికి  సంబంధించి వేతనంలో  కోత విధించినట్టు తెలుస్తోంది.గత ఏడాది అందుకున్న రూ.71 కోట్లతో పోలిస్తే కేవలం రూ.56.44 కోట్లు మాత్రమే అందుకున్నారట. ఇదీ చదవండి: షాకింగ్‌: 100కు పైగా డేంజరస్‌ యాప్స్‌,  వెంటనే డిలీట్‌ చేయకపోతే  బిజినెస్ టుడే నివేదిక ప్రకారం, ఇన్ఫోస్ సీఈఓ సలీల్ పరేఖ్ గతేడాది తన వార్షిక వేతనంలో 21 శాతం తగ్గింది. 2022-23 ఆర్థిక సంవత్సరంలో  వేతనంగా  రూ. 56.44 కోట్లుగా ఉంది.  2021-22 ఆర్థిక సంవత్సరంలో, పరేఖ్ మొత్తం రూ.71 కోట్ల జీతం పొందారు. ఇదే విషయాన్ని కంపెనీ వార్షిక నివేదికలో వెల్లడించింది. (బుగట్టి రెసిడెన్షియల్‌ టవర్‌...నెక్ట్స్‌ లెవల్‌: దిమ్మదిరిగే ఫోటోలు) పరేఖ్ మొత్తం వేతనంలో రూ. 6.67 కోట్ల మూల వేతనం, రూ. 18.73 కోట్ల పనితీరు ఆధారిత బోనస్, 9.71 కోట్ల స్టాక్ అవార్డులు మరియు 45 లక్షల ఇతర ప్రయోజనాలు ఉన్నాయి.స్టాక్‌ యూనిట్స్‌ ఆధారంగా వచ్చే రాబడి క్షీణత, ఇన్ఫోసిస్ బోనస్ ప్లాన్‌లో మార్పు వంటి కారణాల రీత్యా వేతనం భారీగా తగ్గినట్టు తెలుస్తోంది.   కాగా మార్చి 2023తో ముగిసిన త్రైమాసికంలో ఇన్ఫోసిస్ తన ఉద్యోగుల సగటు వేరియబుల్ వేతనాన్ని 40 శాతం కోత విధించిన సంగతి తెలిసిందే. 2022-23లో సగటు ఇన్ఫోసిస్ ఉద్యోగి మొత్తం జీతం రూ. 10.3 లక్షలు.  

సాక్షి, ముంబై:  విప్రో ఎగ్జిక్యూటివ్ చైర్మన్ రిషద్ ప్రేమ్‌జీ కీలక నిర్ణయం  తీసుకున్నారు.  ఈ ఏడాది తన వేతనాన్ని సగానికి తగ్గించుకున్నారు. ప్రపంచ వ్యాప్తంగా అనేక దిగ్గజ కంపెనీలు ఖర్చులను తగ్గించుకునే పనిలో పడ్డాయి. ఈ  క్రమంలో భారీ ఎత్తున లేఆఫ్స్‌కు మొగ్గు చూపుతున్నతరుణంలో విప్రో రిషద్ ప్రేమ్‌జీ వేతన కోత నిర్ణయం ప్రాధాన్యతను సంతరించుకుంది. (వరల్డ్‌ ఫాస్టెస్ట్‌ కారు కొన్న దిగ్గజ ఆటగాడు: రూ. 29 కోట్లు) యుఎస్‌లోని సెక్యూరిటీస్ అండ్ ఎక్స్ఛేంజ్ కమీషన్‌కు ఇటీవల దాఖలు చేసిన సమాచారం ప్రకారం రిషద్ ప్రేమ్‌జీ 2023 ఆర్థిక సంవత్సరానికి తన జీతంలో స్వచ్ఛందంగా 50 శాతం కోత  విధించుకున్నారు. (మారుతీ ‘జిమ్నీ’: మీకో గుడ్‌న్యూస్‌, ఇంట్రస్టింగ్‌ అప్‌డేట్స్‌) మార్చి 2023తో ముగిసిన ఆర్థిక సంవత్సరానికి మొత్తం వార్షిక పరిహారంగా 951,353 డాలర్లు పొందగా , మునుపటి సంవత్సరం ఆదాయంతో పోలిస్తే దాదాపు 50 శాతం తక్కువ. విప్రో లిమిటెడ్ ఎగ్జిక్యూటివ్ చైర్మన్‌గా  ప్రేమ్‌జీ ప్రస్తుత 5 సంవత్సరాల పదవీకాలం జూలై 30, 2024న ముగియనుంది.  ఇదీ చదవండి: యాపిల్‌ స్పెషల్‌ ఫీచర్‌తో స్మార్ట్‌ ట్రావెల్‌ మగ్‌, ధర వింటే..! ఇలాంటి మరెన్సీ కార్పొరేట్‌ వార్తలు, విశేషాలకోసం చదవండి: సాక్షిబిజినెస్‌

సాక్షి,ముంబై:  ప్రపంచవ్యాప్తంగా స్టార్టప్‌ల దగ్గర్నించి, దిగ్గజ కంపెనీలుగా దాకా ఖర్చులను తగ్గించుకునేందుకు ఉద్యోగాల కోతకు నిర్ణయిస్తున్నాయి. ఇందులో ఎడ్యుటెక్‌ యూనికార్న్‌  అన్‌ఎకాడెమీ కూడా మినహాయింపేమీ కాదు. అయితే  తాజాగా అన్‌ఎకాడెమీ ఫౌండర్స్‌ సంచలన నిర్ణయం తీసుకున్నారు. వచ్చే ఏడాది(2024) ఏప్రిల్ వరకూ  తమ వేతానల్లో కోత విధించుకుంటున్నట్టు కంపెనీ సీఈవో గౌరవ్ ముంజాల్ ప్రకటించారు.  తొలగింపులను ప్రకటించిన ఒక రోజు తర్వాత ఈ పరిణామం వెలుగులోకి వచ్చింది.   (మళ్లీ ఉద్యోగాల కోత..12 నెలల్లో 1400మందిని తొలగించిన స్టార్టప్‌) వ్యవస్థాపకులతో సహా  టాప్‌ లీడర్‌షిప్‌ జీతాల్లో  ఈ  కోత ఉండనుంది. తాల్లో కోత 25 శాతం వరకు ఉండవచ్చని అంచనా. ఈ తగ్గింపు  వారి  ప్రస్తుత జీతం, పరిధి , పనితీరుపై ఆధారపడి ఉంటుందని, తిరిగి ఏప్రిల్ 2024లో మాత్రమే సవరిస్తామని కంపెనీ వెల్లడించింది. కాగా వరుసగా నాలుగోసారి 12 శాతం ఉద్యోగులను తొలగిస్తున్నట్టు గురువారం ప్రకటించింది. (IPL 2023: ఆ క్రికెటర్‌కు లక్కీ చాన్స్‌, టియోగో ఈవీ ఓనర్లకు బంపర్‌ ఆఫర్లు) కాగా గత ఏడాది  కాలంగా దాదాపు 1400 మందిఉద్యోగులకు ఉద్వాసన పలికింది. 2022లో పలు  రౌండ్ల తొలగింపుల ద్వారా  సిబ్బంది సంఖ్యను 1,350 తగ్గించకుంది. 2020-21ఆర్థిక సంవత్సరంలో సంస్థ నష్టాలు రూ. 1,537 కోట్ల నుండి సంవత్సరానికి (YoY) 85 శాతం పెరిగి రూ.2,848 కోట్లుగా ఉన్నాయి.  ఆదాయం రూ.719 కోట్లుగా ఉంది.

సాక్షి, ముంబై: వేలాది ఉద్యోగుల తొలగింపు తర్వాత ఐటీ మేజర్‌ సంస్థ గూగుల్‌ కీలక నిర్ణయం తీసుకుంది. ఒకేసారి 12 వేల మందిని ఉద్యోగాల నుంచి తొలగిస్తున్నట్టు ప్రకటించిన గూగుల్ సీఈవో సుందర్ పిచాయ్‌పై విమర్శలు వెల్లువెత్తిన నేపథ్యంలో తాజాగా తన జీతాన్ని కూడా భారీగా తగ్గించుకున్నారట. ఉద్యోగులతో టౌన్ హాల్ సమావేశంలో, పిచాయ్ సీనియర్‌ ఉద్యోగుల వేతన కోత  విషయాన్ని ప్రకటించినట్టు సమాచారం. సీనియర్ వైస్ ప్రెసిడెంట్ నుంచి పైనున్న  పలువురి  టాప్‌ ఉద్యోగుల జీతాల్లో  భారీగానే కోత పడనుంది. సంవత్సరానికి  ఒకసారి ఇచ్చే బోనస్‌ను తగ్గించడంతోపాటు ఇకపై సీనియర్ ఉద్యోగులందరికీ  పని తీరు ఆధారంగానే వార్షిక బోనస్ ఉంటుందని సుందర్ పిచాయ్ ప్రకటించారు. టాప్‌ ఎగ్జిక్యూటివ్‌లతోపాటు సీఈవోగా తన వేతనంలో కోత  విధించుకున్నట్టు తెలుస్తోంది. అయితే వారి వారి జీతాలు ఎంత శాతం తగ్తుతాయి, ఈ కోతలు ఎంతకాలం ఉంటాయనే విషయాలపై స్పష్టతలేదు. (ఆయనకు లేదా బాధ్యత? ముందు గూగుల్‌ సీఈవోను తొలగించండి:పెల్లుబుకిన ఆగ్రహం) ప్రస్తుతం ప్రపంచమంతా ఆర్థిక మాంద్యం భయం గుప్పిట్లో ఉంది. ఈ నేపథ్యంలో గూగుల్  సహా దాదాపు అన్ని టెక్ కంపెనీలు ఉద్యోగులకు ఉద్వాసన పలికాయి. ప్రధానంగా గూగుల్‌ సంస్థలో ఉద్యోగాల కోతపై సోషల్ మీడియాలో సుందర్‌ పిచాయ్‌పై విమర్శలు గుప్పించారు. వేలాది ఉద్యోగులను తొలగించే బదులు, సీఈవోగా ఆయన జీతంలో కోత విధించు కోవచ్చుగా కదా ప్రశ్నలు వచ్చాయి. అలాగే ఇటీవల యాపిల్ సీఈవో టిమ్ కుక్ 40 శాతం వేతన కోత ప్రకటించిన విషయాన్ని ఉదహరించారు. కాగా IIFL హురున్ ఇండియా రిచ్ లిస్ట్ 2022 ప్రకారం,  పిచాయ్‌ నికర సంపద విలువ 20 శాతం తగ్గి రూ. 5,300 కోట్లుగా ఉంది.   

సాక్షి, ముంబై: టాటా గ్రూప్ సొంతమైన ప్రముఖ విమానయాన సంస్థ ఎయిరిండియా పైలట్లు సంచలన ఆరోపణలు చేశారు. నిబంధనలకు విరుద్ధంగా ఎక్కువ పనిగంటలతో పాటు,హెల్త్‌ లీవ్‌లను నిరాకరిస్తోందని ఎయిరిండియా పైలట్‌ బాడీ, ఇండియన్‌ కమర్షియల్‌ పైలట్స్‌ అసోసియేషన్‌ ఆరోపించింది. తాజా పరిణామంతో ప్రయాణీకుల భద్రత ప్రశ్నలను లేవనెత్తుతోంది.  సీఎన్‌బీసీ నివేదిక ప్రకారం పైలట్‌లు నెలకు 70 గంటలకు బదులుగా అన్ని విమానాలలో నెలకు 90 గంటలకు పైగా ప్రయాణించారని(ఫైయింగ్‌ అవర్స్‌)  ఐపీజీ-ఐసీపీఏ వాదించింది. అలాగే ఎయిరిండియా యాజమాన్యం పైలట్‌లకు లీవ్‌లను నిరాకరిస్తోందని  ఒక్కోసారి  రద్దు చేస్తోందని తద్వారా చాలామంది పైలట్లు అనారోగ్యానికి గురవుతున్నారని ఆరోపించింది. అంతేకాదు సెలవులు పొందిన లేదా శిక్షణ పొందిన నెలల్లో వేతన కోతలతో వేధిస్తున్నారని పైలట్లు ఆరోపించారు. ఇకపై దీన్ని సహించలేమని, తమ జీవన నాణ్యత, పని-జీవిత సమతుల్యత, దీర్ఘకాలిక ఆరోగ్యాన్ని త్యాగం చేయలేమని పేర్కొన్నారు. (రిలయన్స్‌ మరో సంచలనం: గుజరాత్‌లో షురూ) కోవిడ్ తరువాత వేతనాల్లో కోత పెట్టిన సంస్థ ఇపుడు పూర్వ వేతనాలను చెల్లించకపోవడంపై ఆగ్రహం వ్యక్తం చేశారు. ఎయిర్‌లైన్ 777 ఫ్లీట్‌ల కోసం ఎక్స్-ప్యాట్ పైలట్‌లను ప్రస్తుత దీర్ఘకాలిక పైలట్‌ల కంటే 80 శాతం ఎక్కువ వేతనంతో రిక్రూట్ చేస్తోందనీ భారతీయ పైలట్లపై  చూపిస్తున్న ఈ వివక్షను  తీవ్రంగా వ్యతిరేకిస్తున్నట్లు ఐపీజీ-ఐసీపీఏ తెలిపింది.  కాగా సిబ్బంది కొరత నివేదికలను ఎయిరిండియా ఖండించిన కొన్ని రోజుల తరువాత ఈ పరిణామం చోటుసుకుంది. మరి తాజా ఆరోపణలపై  ఎయిరిండియా సంస్థ ఎలా స్పందిస్తుందో  చూడాలి. (బర్సో రే మేఘా మేఘా అంటున్న ఇన్ఫోసిస్‌ సుధామూర్తి: వీడియో చూస్తే ఫిదా)

సాక్షి, ముంబై : కరోనా సంక్షోభంతో  తన చరిత్రలోనే   టాటా గ్రూపు టాప్ మేనేజ్ మెంట్ తొలిసారి కీలక నిర్ణయం తీసుకుంది.  టాటా సన్స్ ఛైర్మన్ ఎన్ చంద్రశేఖరన్ సహా, టాటా గ్రూప్ కంపెనీల  సీఈఓలు వేతనంలో కోత విధించుకునేందుకు నిర్ణయించుకున్నారు. ఖర్చు తగ్గించే చర్యలను ప్రారంభించిన నేపథ్యంలో 20 శాతం దాకా వేతన కోతకు సిద్ధమయ్యారు. కరోనా వైరస్ , లాక్‌డౌన్ కారణంగా వ్యాపారం ప్రభావితం కావడంతో  సంస్థ తాజా నిర్ణయం వెలువడింది.  తాజా నిర్ణయం ప్రకారం టాటా స్టీల్, టాటా మోటార్స్, టాటా పవర్, ట్రెంట్, టాటా ఇంటర్నేషనల్, టాటా క్యాపిటల్, వోల్టాస్  ఇతర  కంపెనీల సీఈవోలు, ఎండీలు వారి వారి జీతాలను తగ్గించు కుంటారు. అలాగే  ప్రస్తుత సంవత్సర బోనస్‌లను వదులుకోనున్నారు.  ఈ  వరుసలో గ్రూప్ ప్రధానమైన, అత్యంత లాభదాయక సంస్థ టీసీఎస్ సీఈవో రాజేష్ గోపీనాథన్  ముందు వరుసలో నిలిచారు.  సంస్థ ప్రకటించిన సమాచారం ప్రకారం  గత ఆర్థిక సంవత్సరంతో పోల్చితే 2019-20లో రాజేష్ రెమ్యునరేషన్ 16.5 శాతం తగ్గి రూ .13.3 కోట్లకు  చేరుకుంది.  తద్వారా సంస్థలకు, కీలక ఉద్యోగులకు ప్రేరణ ఇవ‍్వడంతోపాటు, నైతిక మద్దతు అందించాలని భావిస్తున్నారు. కరోనా వైరస్ ప్రేరిత సంక్షోభం సమయంలో పే-కట్ తీసుకోవడం వెనుక ప్రధాన ఉద్దేశ్యం ఇదేనని కంపెనీ వెల్లడించింది.  కోవిడ్-19 మహమ్మారి ప్రభావంతో ఏర్పడిన ఆర్థిక పరిస్థితుల దృష్ట్యా 2020 ఆర్థిక సంవత్సరానికి ఎగ్జిక్యూటివ్ వేతనాలు భారీగా క్షీణించాయి. టాప్15 టాటా గ్రూప్ కంపెనీలలో సీఈవో వేతనం ఎఫ్‌వై18 పోలిస్తే...ఎఫ్‌వై 19లో సగటున 11 శాతం పెరిగింది. ఎఫ్‌వై 17 తో పోలిస్తే ఎఫ్‌వై 18 లో 14 శాతం పెరిగింది.

సాక్షి, ముంబై:  కరోనా వైరస్ కలకలం నేపథ్యంలో రిలయన్స్ ఇండస్ట్రీస్ లిమిటెడ్ కీలక నిర్ణయం తీసుకుంది. సంస్థ అధినేత అపర కుబేరుడు  ముకేశ్ అంబానీ తన వార్షిక వేతనాన్ని వదులు కోనున్నారు. అంతేకాదు  హైడ్రోకార్బన్స్ బిజినెస్ కు సంబంధించిన సీనియర్ ఉద్యోగుల జీతాల్లో కూడా కోత విధిస్తున్నట్టు రిలయన్స్ బుధవారం ఒక ప్రకటనలో వెల్లడించింది. అయితే సంవత్సరానికి రూ.15 లక్షల కన్నా తక్కువ సంపాదించే ఉద్యోగుల  జీతాల్లో కోత వుండదని స్పష్టం చేసింది. తద్వారా సామాన్య ఉద్యోగులను మినహాయించి మరోసారి  ట్రెండ్ సెట్ చేశారు ఈ కార్పొరేట్ దిగ్గజం ముకేశ్ అంబానీ. ఏప్రిల్ 29న ఉద్యోగులకు రాసిన లేఖలో ఛైర్మన్, మేనేజింగ్ డైరెక్టర్ ముకేశ్ అంబానీ 2020-21 సంవత్సరానికి తన మొత్తం జీతం వదులుకుంటారని రిలయన్స్ ఇండస్ట్రీస్ ఎగ్జిక్యూటివ్ డైరెక్టర్ హిటల్ ఆర్. మెస్వానీ వెల్లడించారు. అలాగే ఎగ్జిక్యూటివ్ డైరెక్టర్లు, ఎగ్జిక్యూటివ్ కమిటీ సభ్యులు, ఇతర  సీనియర్  ఉద్యోగులు సహా రిఫరింగ్ బోర్డు డైరెక్టర్లు 30-50 శాతం వదులుకుంటారని ప్రకటించారు.  అంతేకాకుండా, మొదటి త్రైమాసికంలో సాధారణంగా చెల్లించే వార్షిక నగదు బోనస్, ఇతర ప్రోత్సాహకాల చెల్లింపును కూడా వాయిదా వేస్తున్నట్టు  తెలిపారు. (ఆసియాలో అపర కుబేరుడుగా అంబానీ) శుద్ధి చేసిన ఉత్పత్తులు, పెట్రో కెమికల్స్ డిమాండ్ తగ్గడం వల్ల హైడ్రోకార్బన్స్ వ్యాపారం బాగా ప్రభావితమైంది. దీంతో ఖర్చుల తగ్గింపు అవసరమని మెస్వానీ పేర్కొన్నారు  కోవిడ్-19 సంక్షోభ సమయంలో నిర్వహణ ఖర్చులు, స్థిర వ్యయాల తగ్గింపుపై  దృష్టి పెట్టామని, దీనికి అందరూ  సహకరించాలని ఉద్యోగులను కోరారు. అయితే  లాక్‌డౌన్‌  వ్యాపార ప్రక్రియలను పునర్వ్యవస్థీకరించడానికి,  డిజిటలైజ్ చేయడానికి  తదుపరి ఉత్పాదకతను మెరుగుపరచడానికి అవకాశాన్నిఇచ్చిందని తన లేఖలో పేర్కొంది. కోవిడ్-19 కారణంగా భారతదేశంలోపాటు యావత్ ప్రపంచం తీవ్రమైన  సవాళ్లను ఎదుర్కంటోందనీ పరిశ్రమలు, వ్యాపారం ప్రభావితమయ్యాయని ప్రకటించిన  రిలయన్స్  తాము కూడా దీనికి మినహాయింపు కాదని తెలిపింది. కాగా  2008-09 నుంచి  11 ఏళ్లుగా  అంబానీ వేతనం ఏడాదికి రూ.15 కోట్లకే పరిమితమైన సంగతి తెలిసిందే. (లాక్‌డౌన్‌ పొడిగింపుపై ఇన్ఫీ మూర్తి స్పందన)

ముంబై: కరోనా వైరస్‌ వ్యాప్తి నివారణ చర్యల్లో భాగంగా దేశవ్యాప్తంగా లాక్‌డౌన్‌ అమలు చేస్తుండటంతో దేశ ఆర్థిక వ్యవస్థ కుదేలయింది. పన్నులు, సుంకాలు రాకపోవడంతో ప్రభుత్వాలకు నిధులు సమకూరడం లేదు. అంతంతమాత్రంగా నిధులతో పాలన సాగించడం కష్టంగా మారింది. సంక్షోభ సమయంలో నిధులు సమకూర్చుకునేందుకు ప్రభుత్వాలు అన్ని ప్రయత్నాలు చేస్తున్నాయి. ఇందులో భాగంగా పాలకులు, ప్రభుత్వ ఉద్యోగుల వేతనాల్లో కోత విధిస్తున్నాయి.  మన దేశంలో అత్యధిక కరోనా కేసులు నమోదైన మహారాష్ట్ర ఈ దిశగా నిర్ణయం తీసుకుంది. ముఖ్యమంత్రి, ఉప ముఖ్యమంత్రి సహా ప్రజా ప్రతినిధుల వేతనాల్లో కోత విధిస్తున్నట్టు మంగళవారం ప్రకటించింది. మార్చి నెల వేతనంలో 60 శాతం కోత విధిస్తున్నట్టు డిప్యూటీ సీఎం, ఆర్థికమంత్రి అజిత్‌ పవార్‌ వెల్లడించారు. ముఖ్యమంత్రితో ఉద్ధవ్‌ ఠాక్రేతో భేటీ తర్వాత ఆయన విలేకరులతో మాట్లాడుతూ... క్లాస్‌ 1,2 ప్రభుత్వ ఉద్యోగుల వేతనాల్లో 50శాతం, క్లాస్‌ 3 ఉద్యోగుల వేతనాల్లో 25శాతం కోత విధిస్తున్నట్టు ప్రకటించారు. క్లాస్‌ 4 ఉద్యోగులకు పూర్తి జీతం ఇవ్వనున్నట్టు చెప్పారు. కరోనా మహమ్మారిని సమర్థవంతంగా అడ్డుకోవడానికి భారీ ఎత్తున నిధులు సమకూర్చడంతో పాటు, లాక్‌డౌన్‌ కారణంగా ప్రభుత్వానికి రావాల్సిన నిధులు రాకపోడంతో వేతనాలు కోత పెట్టాల్సి వచ్చిందన్నారు. ప్రజా ప్రతినిధులు, ఉద్యోగులు పరిస్థితిని అర్థం చేసుకుని ప్రభుత్వానికి సహకరించాలని విజ్ఞప్తి చేశారు.  మహారాష్ట్రలో బాటలోనే పయనించేందుకు మిగతా రాష్ట్రాలు సిద్ధమవుతున్నాయి. (కరోనా సంక్షోభం: విద్యుత్‌ టారిఫ్‌లు తగ్గింపు!)

సాక్షి,ముంబై: దేశంలోనే అతిపెద్ద టైర్ల పరిశ్రమ అపోలో టైర్స్ కంపెనీకి అపోలో టైర్స్ లిమిటెడ్  ఛైర్మన్ ఒంకార్ కన్వర్,  ఆయన కుమారుడు,  ఎండీ, కంపెనీ ఉపాధ్యక్షుడు నీరజ్ కన్వర్‌కు భారీ ఎదురు దెబ్బ తగిలింది.  కంపెనీ వీరికి  చెల్లించే చెల్లింపుల్లో 30శాతం కోత పడింది.  అలాగే  మేనేజింగ్ డైరెక్టర్‌గా నీరజ్ పునః నియామకాన్ని కూడా కంపెనీ  తిరస్కరించింది. అపోలో టైర్స్ బోర్డుకు చెందిన  నామినేషన్స్ అండ్ రెమ్యునరేషన్ కమిటీ 2018-19 ఆర్థిక సంవత్సరానికి వారి  మొత్తం పరిహారాన్ని 30 శాతం తగ్గించాలని ప్రతిపాదించింది. ప్రమోటర్ల వేతనాలు పన్ను చెల్లించే ముందు లాభంలో 7.5 శాతం పరిమితి ఉండాలని  కమిటీ సిఫార్సు చేసింది. పనితీరు ఆధారిత వేతనం మొత్తం పరిహారంలో సుమారు 70 శాతంగా ఉండాలి, ప్రమోటర్ల వార్షిక ఇంక్రిమెంట్స్  కూడా కంపెనీ సీనియర్ నిపుణులకి అనుగుణంగా ఉండాలని ప్యానెల్‌  స్పష్టం చేసింది. అపోలో టైర్స్ ఎండీ నీరజ్ కన్వర్ కొనసాగింపునకు కంపెనీలో మైనార్టీ వాటా కలిగిన షేర్ హోల్డర్స్  ససేమిరా అన్నారు. ఈ షాకింగ్‌ పరిణామంతో కంపెనీలో మేజర్ వాటా కలిగిన నీరజ్ కు షేర్‌ హోల్డర్స్ చేతిలో అతి పెద్ద ఒటమి ఎదురైనట్టైంది. నీరజ్  వాడుకోవాల్సిన దానికంటే ఎక్కువ పరిహారాలను తీసుకున్నారని, ఈ నేపథ్యంలో ఆయన ఎండీగా కొనసాగడానికి అర్హుడు కాదని అపోలో టైర్స్  షేర్ హోల్డర్స్ అభిప్రాయ పడ్డారు. సెప్టెంబరు 12న జరిగిన ఓటింగ్ లో కంపెనీ ఇన్స్టిట్యూషనల్ ఇన్వెస్టర్లు, మ్యూచువల్ ఫండ్‌ ఇన్వెస్టర్లు కూడా నీరజ్ కు వ్యతిరేకంగా ఓటు వేశారు. 2016 లో రు. 30 కోట్లు హౌజ్ అలవెన్స్‌గా తీసుకున్న నీరజ్ 2017లో ఆయన నిర్వాహణలో కంపెనీ లాభాలు గత సంవత్సరం 34 శాతం తగ్గి రు.622 కోట్లకే పరిమితమైనప్పటికీ , 41 శాతం పెంపుతో 42.8 కోట్లను డ్రా చేశారు నీరజ్‌. పే-టు-లాభం నిష్పత్తి పరంగా నీరజ్‌కు అందినపరిహారం దాదాపు రెట్టింపు అయ్యింది. అదేవిధంగా, గత ఆర్థిక సంవత్సరానికి తండ్రీకొడు కుల జీతం-లాభం నిష్పత్తి రెండింతలైందిట. ఇదే  షేర్ హోల్డర్స్ లో నీరజ్ పై అసంతృప్తికి ప్రధాన కారణంగా తెలుస్తోంది.

న్యూఢిల్లీ : దేశంలోకెల్లా అతిపెద్ద ప్రైవేట్ విమాన యాన సంస్థ జెట్ ఎయిర్ వేస్ తీవ్ర ఆర్థిక ఇబ్బందులను ఎదుర్కొంటున్న సంగతి తెలిసిందే. ఈ ఇబ్బందులను తగ్గించుకోవడానికి సిబ్బంది వేతనాలను 25 శాతం తగ్గించాలని ప్రతిపాదనలు కూడా సిద్ధం చేసింది. అయితే వేతనాలు తగ్గించుకోవడానికి పైలెట్లు ససేమీరా అనడంతో ఇక ఏం చేయాలేక ఆ నిర్ణయాన్ని వెనక్కి తీసుకుంది. జీతాల కోతను పక్కకు పెట్టిన జెట్‌ ఎయిర్‌వేస్‌ మరో సంచలన నిర్ణయం తీసుకుందని తెలుస్తోంది. గ్రౌండ్‌ స్టాఫ్‌లో 500 మందిపై వేటు వేయాలని ఈ ఎయిర్‌లైన్స్‌ నిర్ణయించిందని రిపోర్టులు వెల్లడిస్తున్నాయి. ప్రస్తుతం జెట్‌ ఎయిర్‌వేస్‌లో 16,558 మంది ఉద్యోగులున్నారు. వారిలో సుమారు 5వేల మంది గ్రౌండ్‌ స్టాఫ్‌. అయితే వీరిలో 500 మందికి పింక్‌ స్లిప్‌లు ఇ‍వ్వాలని జెట్‌ ఎయిర్‌వేస్‌ ప్లాన్‌ చేస్తున్నట్టు రిపోర్టులు పేర్కొంటున్నాయి. వీరి వేతనాలు రూ.10 వేల నుంచి రూ.40 వేల మధ్యలో ఉండనున్నట్టు ఇండస్ట్రి వర్గాలు చెప్పాయి.  క్రూడ్‌ ఆయిల్‌ ధరలు విపరీతంగా పెరిగిపోవడం, రూపాయి విలువ క్షీణించడంతో, జెట్ ఎయిర్‌వేస్‌ తీవ్ర ఆర్థిక ఇబ్బందుల్లో కూరుకుపోయిన సంగతి తెలిసిందే. ఈ నేపథ్యంలో ఉద్యోగులు 25 శాతం వేతనాలు తగ్గించుకోవాలని మేనేజ్‌మెంట్‌ ఆదేశించింది. ఈ వేతన కోత ప్రతిపాదనకు వ్యతిరేకంగా పైలెట్లు, ఉద్యోగులు నిరసన వ్యక్తం చేశారు. ఉద్యోగుల నిరసనకు దిగొచ్చిన జెట్‌ ఎయిర్‌వేస్‌ మేనేజ్‌మెంట్‌, ఈ నిర్ణయంపై వెనక్కి తగ్గింది. ఉద్యోగుల వేతనాల కోతను చేపట్టడం లేదని చైర్మన్‌ నరేష్‌ గోయల్‌ భరోసా ఇచ్చారు. వేతనాల కోత నిర్ణయంపై వెనక్కి తగ్గిన జెట్‌ ఎయిర్‌వేస్‌, ఉద్యోగులపై వేటు వేస్తోంది.   

న్యూఢిల్లీ : ఉద్యోగులు వేతనాలు తగ్గించుకోవాలని... లేదంటే జెట్‌ ఎగరబోదంటూ హెచ్చరికల మీద హెచ్చరికలు జారీ చేసిన జెట్‌ ఎయిర్‌వేస్‌ మేనేజ్‌మెంట్‌ ఎట్టకేలకు కిందకు దిగొచ్చింది. ఎట్టి పరిస్థితుల్లోనూ తాము వేతనాలు తగ్గించుకునేది లేదంటూ ఉద్యోగులు, పైలెట్లు భీష్మించుకుని కూర్చోవడంతో, వేతనాల కోతపై జెట్‌ ఎయిర్‌వేస్‌ వెనక్కి తగ్గింది. నాన్‌-మేనేజ్‌మెంట్‌ స్టాఫ్‌కు 25 శాతం తగ్గించబోతున్న వేతన ప్రతిపాదనను పక్కనపెట్టేసింది. శుక్రవారం జెట్‌ ఎయిర్‌వేస్‌ ఉద్యోగులు, చైర్మన్‌ నరేష్‌ గోయల్‌తో సమావేశం కావడంతో, ఈ సమస్యకు పరిష్కారం లభించింది. ఈ సమావేశ అనంతరం జూలై నెల వేతనాలను కూడా ఈ విమానయాన సంస్థ శుక్రవారమే ఉద్యోగుల అకౌంట్లలోకి క్రెడిట్‌ చేసింది.  వేతన కోత చర్చ నేపథ్యంలో జెట్‌ ఎయిర్‌వేస్‌ జూలై నెల వేతనాలు ఆపివేసిన సంగతి తెలిసిందే. వేతనాల కోతపై ప్రతి ఒక్కర్ని ఒప్పించిన తర్వాత జూలై నెల వేతనాలను వేయాలనుకుంది. కానీ ఎలాంటి వేతన కోత చేపట్టడం లేదని చైర్మన్‌ భరోసా ఇవ్వడంతో, వెంటనే తమ వేతనాలను తమ అకౌంట్లలోకి క్రెడిట్‌ చేసినట్టు ఓ జెట్‌ ఉద్యోగి చెప్పాడు. అయితే జెట్‌ ఎయిర్‌వేస్‌ టాప్‌ మేనేజ్‌మెంట్‌ ఇప్పటికే వేతనాలను తగ్గించుకుంది. వేతన కోతపై మీడియాలో పలు రిపోర్టులు రావడంతో, గోయల్‌ ఈ విమానయాన సంస్థ ఇమేజ్‌ను కాపాడేందుకు ఈ నిర్ణయం తీసుకున్నట్టు ఎయిర్‌లైన్‌ అధికారులు చెప్పారు. ‘మీరు సాయం చేశారు.. నేను ఎప్పటికీ అది మర్చిపోను’ అని గోయల్‌ ఉద్యోగులకు చెప్పినట్టు తెలిసింది. దేశీయ ఏవియేషన్‌ మార్కెట్‌ ఆఫర్లను అందిపుచ్చుకుని ఈ ఎయిర్‌లైన్‌ ముందజలో నిలుస్తుందని గోయల్‌, ఉద్యోగులకు హామీ కూడా ఇచ్చారు. అయితే ప్రస్తుతం ఈ విమానయాన సంస్థ కష్టకాలంలో ఉండటంతో తమకు సాయం చేయాల్సిందిగా జెట్‌ స్టాఫ్‌ను గోయల్‌ కోరినట్టు వెల్లడైంది.  గోయల్‌ అభ్యర్థన మేరకు ఎయిర్‌లైన్‌కు మద్దతు ఇవ్వాలని జెట్‌ పైలెట్ల అసోసియేషన్‌ కూడా తమ సభ్యులను కోరింది. క్రూడ్‌ ఆయిల్‌ ధరలు విపరీతంగా పెరిగిపోవడం, రూపాయి విలువ క్షీణించడంతో, జెట్ ఎయిర్‌వేస్‌ తీవ్ర ఆర్థిక ఇబ్బందుల్లో కూరుకుపోయింది. ఈ నేపథ్యంలో ఉద్యోగులు 5 శాతం నుంచి 25 శాతం వేతనాలు తగ్గించుకోవాలని మేనేజ్‌మెంట్‌ ఆదేశించింది. వేతన కోతపై జెట్‌ ఎయిర్‌వేస్‌ ప్రతిపాదనకు వ్యతిరేకంగా పైలెట్లు, ఉద్యోగులు నిరసన వ్యక్తం చేశారు. వరుసగా రెండేళ్లు 2016, 2017ల్లో లాభాల అనంతరం తొలిసారి జెట్‌ ఎయిర్‌వేస్‌ 2018 ఆర్థిక సంవత్సరంలో రూ.767 కోట్ల నష్టాలను నమోదు చేసింది. కేవలం జెట్‌ ఎయిర్‌వేస్‌ మాత్రమే కాక, ఇండిగో కూడా భారీగా తన లాభాలను పోగొట్టుకుంది. ఈ ఆర్థిక సంవత్సరం తొలి క్వార్టర్‌లో ఇండిగో కూడా నికర లాభాలు 97 శాతం క్షీణించాయి.  

న్యూఢిల్లీ : దేశీయ అతిపెద్ద విమానయాన సంస్థ జెట్‌ ఎయిర్‌వేస్‌ లిమిటెడ్‌, ఉద్యోగులకు ముందస్తు హెచ్చరికలు జారీ చేసింది. వేతన తగ్గింపు లాంటి వ్యయ నిర్మూలన చర్యలు తీసుకోకపోతే, 60 రోజుల అనంతరం జెట్ ఎయిర్‌వేస్‌ ఇక ఎగరకుండా.. గ్రౌండ్‌కే పరిమితం కావాల్సి వస్తుందని తెలిపింది. ఈ విషయాన్ని కంపెనీ ఓ సీనియర్‌ ఎగ్జిక్యూటివ్‌ తెలిపారు. రెండేళ్ల వరకు 15 శాతం వేతనం తగ్గించుకోవాలని జెట్‌ ఎయిర్‌వేస్‌ ప్రతిపాదించింది. ఈ  ప్రతిపాదనను పైలెట్లు ఎట్టి పరిస్థితుల్లో ఒప్పుకోవడం లేదు. ఖర్చులను తగ్గించుకుని, రెవెన్యూలను పెంచుకుందామని జెట్‌ ఎయిర్‌వేస్‌ వేతన కోత విషయాన్ని పైలెట్లకు తెలిపిందని సంబంధిత వర్గాలు తెలిపాయి. కానీ వేతన కోతను జెట్‌ ఎయిర్‌వేస్‌ సిబ్బంది ఎట్టి పరిస్థితుల్లో ఆమోదించేటట్టు కనిపించడం లేదు. దీంతో జెట్‌ ఎయిర్‌వేస్‌ ఈ హెచ్చరికలు జారీచేసింది. సేల్స్‌, డిస్ట్రిబ్యూషన్‌, పేరోల్‌, మెయింటనెన్స్‌ వంటి ఏరియాల్లో పొదుపు చేపట్టాలని కంపెనీ చూస్తోందని, దీంతో జెట్‌ ఎయిర్‌వేస్‌ను ఆరోగ్యకరమైన, మరింత స్థితిస్థాపక వ్యాపారంగా మార్చుకోవాలనుకుంటున్నట్టు కంపెనీ అధికార ప్రతినిధి చెప్పారు. ఈ విషయంపై జెట్‌ ఎయిర్‌వేస్‌ వాటాదారులందరితో సంప్రదింపులు కూడా జరిపింది. ఈ వ్యయాలు తగ్గించుకునే క్రమంలో, జెట్‌ ఎయిర్‌వేస్‌ కొందరు స్టాఫ్‌ను కూడా తీసేయాలని చూస్తుందని సంబంధిత వర్గాలు తెలిపాయి.  అయితే పైలెట్లపై లేఆఫ్స్‌ ప్రభావం ఉండదని పేర్కొన్నాయి.  కాగ, ఉద్యోగుల వేతనాల్లో జెట్‌ ఎయిర్‌వేస్‌ కోత పెడుతున్నట్టు నిన్ననే(గురువారం) రిపోర్టులు వచ్చాయి. ఆగస్టు నుంచి ఈ తగ్గింపు వేతనాలను జెట్‌ ఎయిర్‌వేస్‌ అమలు చేయనుందని ఎకానమిక్‌ టైమ్స్‌ రిపోర్టు చేసింది. ఈ వేతన కోతను ఉద్యోగులు వ్యతిరేకిస్తున్నారు. ముఖ్యంగా పైలెట్లు అసలు ఈ ప్రతిపాదనకు ఒప్పుకోవడం లేదని తెలిసింది. ఒకవేళ వేతన కోతను చేపట్టకపోతే, 60 రోజులకు మించి జెట్‌ ఎయిర్‌వేస్‌ను ఆపరేట్‌ చేయడం కుదరదని ఈ విమానయాన సంస్థ మేనేజ్‌మెంట్‌ హెచ్చరించింది. ఆర్థికంగా జెట్‌ ఎయిర్‌వేస్‌ చితికి పోయిందని వార్తలు వెలువడిన క్రమంలో స్టాక్‌ మార్కెట్‌లో ఈ విమానయాన సంస్థ షేర్లు ట్రేడింగ్‌ ప్రారంభంలోనే 6 శాతం వరకు క్షీణించాయి. రూ.323.90 వద్ద ప్రారంభమైన దీని షేరు రూ.312.15 వద్ద కనిష్ట స్థాయిలను తాకింది.  జెట్‌ ఎయిర్‌వేస్‌ ప్రస్తుతం ఒత్తిడిలో కొనసాగుతోంది. క్రూడ్‌ ఆయిల్‌ ధరలు పెరుగడం, రూపాయి విలువ క్షీణించడం వంటి కారణాలతో జెట్‌ ఎయిర్‌వేస్‌కు ఖర్చులు పెరిగిపోయాయి. వీటిని రికవరీ చేసుకునేందుకు జెట్‌ ఎయిర్‌వేస్‌ ఉద్యోగుల వేతనాల్లో కోత పెడుతోంది. 2017 జూలైలో 12 మంది జూనియర్‌ పైలెట్లను 30-50 శాతం వేతనాన్ని మాత్రమే తీసుకోవాలని ఆదేశించింది. లేదంటే ఉద్యోగం మానేసి ఇంటికి వెళ్లిపోవచ్చని కూడా పేర్కొంది. ఈ ఆర్థిక ఇబ్బందుల నుంచి బయటపడటానికి జెట్‌ ఎయిర్‌వేస్‌, ఇన్వెస్ట్‌మెంట్‌ బ్యాంకర్లను కూడా ఆశ్రయిస్తోంది. క్యారియర్‌లోని వాటాను అమ్మిపెట్టాలని కోరుతోందని తెలుస్తోంది.  

సంస్థలో పురుష , మహిళా ఉద్యోగుల మధ్య ఆదాయ అసమానతలు ఆరోపణల నేపథ్యంలో బీబీసీకి చెందిన టాప్‌ న్యూస్‌ ప్రెజెంటర్లు దిగి రాక తప్పలేదు. తమ వేతనాలను తగ్గించుకునేందుకు ఆరుగురు యాంకర్లు ఆమోదం తెలిపారు.   జెరెమీ వైన్, జాన్ హంప్రీస్, నిక్కీ క్యాంబెల్,  హ్యూ ఎడ్వర్డ్స్, జాన్ సోపెల్‌,  జెరెమీ వైన్‌, నిక్‌ రాబిన్‌ సన్‌  తమ వేతనాల్లో కోతకు అంగీకరించారు. ఒకే పని చేస్తున్న స్త్రీ పురుషులకు సమాన వేతనాలను అమలు చేయాలి  పే కట్‌కు అంగీకరించిన  జెరెమీ వైన్ వ్యాఖ్యానించారు. ఈ విషయంలో మహిళా సహోద్యోగులకే తన మద్దతు అని  ప్రకటించారు. పురుష, మహిళా అంతర్జాతీయ ఎడిటర్ల వేతనాలలో అసమానతలకు నిరసనగా బీబీసీ చైనా ఎడిటర్ క్యారీ గ్రేసీ తన పదవికి రాజీనామా చేసిన నేపథ్యంలో వారు ఈ నిర్ణయం తీసుకున్నారు. ఈ మేరకు బీబీసీ ఒక ప్రకటన విడుదల చేసింది.   ప్రేక్షకులతో నిజమైన సంబంధం కలిగి ఉన్న గొప్ప జర్నలిసులు, ప్రెజెంటర్లనీ తెలిపింది.  వారు తమ సంస్థలో పనిచేయడం గర్వంగా ఉందని పేర్కొంది. జులై, 2017లో బీబీసీ తమ సంస్థలో  తమ సంస్థలో అత్యధిక  వేతనాలు తీసుకుంటున్న వారిలో 2/3వంతు పురుషులే ఉన్నారని, ఇందులో ఏడుగురు ఎడిటర్లు ఉన్నారని  నివేదించింది.  150,000 పౌండ్ల(సుమారు రూ.1.35 కోట్లు)కు పైగా వేతనాలు పొందుతున్న వారి జాబితాను విడుదల  చేసింది. ఆ జాబితాలో క్రిస్ ఎవాన్స్ 2016/2017లో రూ.19.84 కోట్ల నుంచి రూ.22.54 కోట్ల వేతనంతో మొదటి స్థానంలో నిలిచారు. అదే సమయంలో మహిళల్లో అత్యధికంగా క్లాడియా వింకెల్‌మ్యాన్ రూ.4 కోట్ల నుంచి రూ.4.5 కోట్లు మాత్రమే వేతనంగా పొందినట్టు రిపోర్ట్‌  చేసింది.   దీంతో బీబీసీ లాంటి అంతర్జాతీయ సంస్థలో వివక్ష,  వేతన వ్యత్యాసాలు అంశంపై  వివాదం రాజుకుంది.  కాట్టి కే, ఎమిలీ మెట్లిస్‌, అలెక్స్ జోన్స్  సహా దాదాపు 40మంది హై ప్రొఫైల్‌ మహిళా ఉద్యోగులు ఈ సంస్కృతికి స్వస్తి చెప్పాలంటూ ఒక  బహిరంగ లేఖ రాయడం కలకలం రేపింది. స్త్రీ, పురుష వేతన వ్యత్యాసానికి నిరసనగా  గత నెలలో  బీబీసీ చైనా ఎడిటర్‌ క్యారీ గ్రేసీ రాజీనామా చేశారు. దీనిపై బ్రిటీష్‌  కల్చరల్‌ సెక్రటరీ మాట్‌ హాన్‌ కాక్‌ కూడా దీనిపై స్పందించారు. బీబీసీ లాంటి అంతర్జాతీయ సంస్థలో ఉద్యోగులకు  న్యాయమైన, సమాన వేతనాలు ఉండాలని, బ్రిటిష్ విలువలకు ధృవతారలా బీబీసీ ఉండాలని సూచించారు. కాగా ఆన్-ఎయిర్ ప్రెజెంటర్లు, ఎడిటర్లు, కరస్పాండెంట్ల వేతనాల విషయంలో బీబీసీ అనుసరించే విధానాన్ని వచ్చే వారం విడుదల చేయనున్నట్టు తెలుస్తోంది.  


 బెంగళూరు : టెక్‌ మహింద్రాలోని టాప్‌ ఎగ్జిక్యూటివ్‌ల వేతనానికి కోత పడింది. కంపెనీలోని ఎగ్జిక్యూటివ్‌ వైస్‌ ప్రెసిడెంట్‌, సీనియర్‌ వైస్‌ ప్రెసిడెంట్‌ ర్యాంకు కలిగిన టాప్‌ ఎగ్జిక్యూటివ్‌లకు 10 శాతం నుంచి 20 శాతం వరకు వేతనం కోత పెడుతున్నట్టు కంపెనీ ప్రకటించింది. గత కొన్ని త్రైమాసికాలుగా కంపెనీ పేలవమైన పనితీరు కనబరుస్తుండటంతో ఈ నిర్ణయం తీసుకున్నట్టు తెలిసింది. ఈ నిర్ణయానికి ప్రభావితమవుతున్న 20 మంది ఎగ్జిక్యూటివ్‌లు కంపెనీ సీఈవో సీపీ గుర్నాని, చీఫ్‌ పీపుల్‌ ఆఫీసర్‌ రాకేష్‌ సోనీలకు లేఖలు రాశారు. మేనేజ్‌మెంట్‌ నుంచి టాప్‌ ఎగ్జిక్యూటివ్‌ల వరకు అందరం దీన్ని స్వాగతిస్తున్నట్టు తెలిపారు. మేనేజ్‌మెంట్‌ తీసుకున్న ఈ నిర్ణయం గుర్నాని, రాకేష్‌ సోనీలపై కూడా ప్రభావం చూపనుంది. 
  
 కంపెనీ పనితీరు మెరుగుపడిన అనంతరం వేతనాలు పునరుద్ధరణ అవుతాయని వారు భావిస్తున్నారు. వైస్‌ ప్రెసిటెడ్‌ స్థాయి నుంచి ఆపై స్థాయి 500 మంది ఎగ్జిక్యూటివ్‌ల వేతన పెంపును వాయిదా వేసిన టెక్‌ మహింద్రా, వేతనాన్ని పెంచకపోగా, ఈ వేతన కోతను ఆఫర్‌ చేసింది. ఆరేళ్ల కంటే ఎక్కువ అనుభవమున్న ఎగ్జిక్యూటివ్‌లందరూ ఈ నిర్ణయానికి ప్రభావితమవుతారు. ప్రస్తుతం అన్ని టాప్‌ ఐటీ సర్వీసు కంపెనీల టాప్‌ ఎగ్జిక్యూటివ్‌లు ఒత్తిడిలో కొనసాగుతున్నారు. ఇన్ఫోసిస్‌ కూడా జాబ్‌ లెవల్‌ 7, ఆపై స్థాయి సీనియర్‌ ఎగ్జిక్యూటివ్‌ల వేతనాల పెంపును వాయిదావేసింది. కాగ్నిజెంట్‌ కంపెనీ అయితే ఏకంగా వాలంటరీ సెపరేషన్‌ ఇన్సెంటివ్‌ను ఆఫర్‌ చేసింది. ఐటీ వ్యయాలు తగ్గడం, కొత్త డిజిటల్‌ టెక్నాలజీల వైపు క్లయింట్లు మొగ్గుచూపుతుండటంతో ఐటీ ఇండస్ట్రీలో ఈ పరిస్థితి నెలకొంటోందని టెక్‌ వర్గాలు చెబుతున్నాయి. 


 న్యూఢిల్లీ: సభలో నానా రభస చేసి మైకు విరగ్గొట్టిన బీజేపీ ఎమ్మెల్యేకు ఢిల్లీ రాష్ట్ర ప్రభుత్వం గట్టి హెచ్చరికలు జారీ చేసింది. మైకు విరగ్గొట్టిన ఓం ప్రకాశ్ శర్మ రూ.18,560 చెల్లించాల్సిందేనని డిమాండ్ చేస్తూ గురువారం నాటి సభలో ఓ తీర్మానం ప్రవేశ పెట్టారు. సభలో ఇలాంటి ఘటనలు మరోసారి రిపీట్ చేయొద్దంటూ అందులో హెచ్చరించారు. ఆమ్ ఆద్మీ పార్టీ నేత, ఎమ్మెల్యే భవనా గౌర్ ఈ తీర్మానం ప్రవేశపెట్టగా ఏకగ్రీవంగా సభ్యులు దానిని ఆమోదించారు.
 
 ఢిల్లీలో మొత్తం 70మంది సభ్యలు ఉండగా అందులో 67మంది ఆమ్ ఆద్మీ పార్టీ ఎమ్మెల్యేలే ఉన్నారు. కాగా, ఈ తీర్మానాన్ని విజేందర్ గుప్తా తీవ్రంగా వ్యతిరేకించారు. 'ఉద్దేశపూర్వకంగా శర్మ ఆపనిచేయలేదు. ఎలాంటి నష్టం కలిగించలేదు' అని గుప్తా తెలిపారు. అసెంబ్లీ బడ్జెట్ సమావేశాల సమయంలో విశ్వాస్ నగర్ ఎమ్మెల్యే అయిన శర్మను మొత్తం సెషన్ సభకు రానివ్వకుండా వేటు వేశారు. తమ పార్టీ నేత అల్కా లంబాపై అనుచిత వ్యాఖ్యలు చేశారని కూడా శర్మపై ఆరోపణలు ఉన్న సంగతి తెలిసిందే.