శ్రీనగర్‌ : ఉగ్రవాదుల కాల్పుల్లో తీవ్రంగా గాయపడ్డ పీడీపీ నేత అబ్దుల్‌ ఘని ఆస్పత్రిలో చికిత్స పొందుతూ మృతి చెందారు. పుల్వామలో సోమవారం ఉదయం అబ్దుల్‌ ఘని వాహనంపై ఉగ్రవాదులు దాడి చేసిన విషయం తెలిసిందే. ఈ దాడిలో తీవ్రంగా గాయపడిన ఆయనను హుటాహుటిన ఆసుపత్రికి తరలించారు. వైద్యులు ఆయన్ని బతికించేందుకు ప్రయత్నించినా ఫలితం లేకపోయింది. అబ్దుల్‌ ఘనీ చికిత్స పొందుతూ మరణించారు. రెండు వారాల వ్యవథిలో అబ్దుల్‌ ఘనిపై ఉగ్రవాదులు దాడి చేయడం ఇది మూడోసారి.