న్యూయార్క్,: మైక్రో బ్లాగింగ్ వెబ్సైట్  ట్విట్టర్  తన  త్రైమాసిక ఆదాయ ఫలితాలును ఇక  పెరిస్కోప్ ద్వారా ప్రకటించదట.  సంస్థ క్యూ 2 ఫలితాలను వచ్చే మంగళవారం ప్రకటించనుంది. ట్విట్టర్ కు చెందిన  ప్రముఖ లైవ్‌ స్ట్రీమింగ్‌ యాప్‌ పెరిస్కోప్‌  ద్వారా  వెల్లడించబోదని మీడయా రిపోర్ట్స్  ప్రకటించాయి.  2015 లో ఈ పెరిస్కోప్ ద్వారానే ట్టిట్టర్ తన  ఆర్థిక ఫలితాలను ప్రకటించింది. మిగిలిన ఏ కంపెనీ ఇలా లైవ్ వీడియో ద్వారా ఆర్థిక ఫలితాలను ప్రకటించపోయినప్పటికీ,  ట్విట్టర్ పెట్టుబడిదారులకు, వారి కొత్త ఉత్పత్తులను ప్రోత్సహించడానికి ఇది సులభమైన మార్గంగా ట్విట్టర్ ఎంచుందని రీకోడ్.నెట్ శుక్రవారం నివేదించింది.  వాటాదారులు వచ్చిన ఫీడ్ బ్యాక్ ఆధారంగా   వీడియో స్ట్రీమింగ్ ముఖ్యం కాదని  భావించిన సంస్థ ఈ నిర్ణయం తీసుకుందని తెలిపింది.
  
 కాగా కోట్ల సంఖ్యలో యూజర్లు ఉన్న ఈ  యాప్‌ను ట్విట్టర్‌ మార్చి 26, 2015న ప్రారంభించింది.   ట్విట్టర్‌ ఆధారిత సర్వీసుల్లో పెరిస్కోప్‌కు మంచి ఆదరణ లభిస్తున్న సంగతి తెలిసిందే.
 
  


 తాగిన మత్తులో కారు నడుపుతూ వీడియో తీస్తూ ఆన్ లైన్ లో చాట్ చేసిన యువతికి అమెరికా కోర్టు జైలు శిక్ష నుంచి ఉపశమనం ఇచ్చింది. తొలిసారి డ్రంక్ అండ్ డ్రైవ్ చేశానని, దీన్ని కూడా పరిగణలోకి తీసుకోవాలన్న నిందితురాలి వాదనతో కోర్టు ఏకీభవించింది. అయితే ఆమెను సంవత్సరం పాటూ మద్యం సేవించకుండా పోలీసుల పరిశీలనలో ఉంచాలని కోర్టు తెలిపింది. అంతేకాకుండా ఆరు నెలలపాటూ డ్రైవింగ్ లైసెన్స్ను సస్పెండ్ చేశారు. 150 గంటల పాటూ కమ్యూనిటీ సర్వీస్తో పాటూ 10 వారాతంపు రోజుల్లో పని చేసుకోవడానికి పోలీసుల పరిశీలననుంచి విముక్తి ఇచ్చారు.
 
 తాగిన మైకంలో కారు డ్రైవ్ చేస్తూ ఓ యువతి గత ఏడాది పోలీసులకు అడ్డంగా దొరికిన విషయం తెలిసిందే. 23 ఏళ్ల వైట్నీ బీల్ ...అమెరికాలోని లేక్ ల్యాండ్, ఫ్లోరిడాలో తాగిన మత్తులో కారు నడిపింది. అయితే అదే సమయంలో తన ఫోన్ లో తన చేష్టలని వీడియో తీస్తూ ఆన్ లైన్ గ్రూప్(పెరీస్కోప్) లో చాట్ చేసింది.
 
 ఆ వీడియోను చూసిన వాళ్లు ఆ యువతి తాగిన మత్తులో కారు నడిపి ఎక్కడ ప్రమాదానికి గురిఅవుతుందోనని పోలీసులకు సమాచారం ఇచ్చారు. ఫోన్ ఆధారంగా ఆమె ప్రయాణిస్తున్న ప్రాంతాన్ని గుర్తించిన పోలీసులు వెంటనే వెంబడించారు. వైట్నీ బీల్  ఆపడానికి పోలీసులు ప్రయత్నించగా తప్పించుకోవాలని చూసింది. చివరకు ఫుట్ పాత్ను ఢీకొట్టి కారును ఆపింది. తాగి వాహనం నడిపినందుకుగానూ ఆమెపై డ్రంక్ అండ్ డ్రైవ్ కేసు నమోదు చేసి పోలీసులు అరెస్ట్ చేశారు.