న్యూఢిల్లీ: ప్రైవేటీకరణకు వచ్చే ప్రభుత్వరంగ కంపెనీలను మరే ఇతర ప్రభుత్వరంగ సంస్థ కొనుగోలు చేయకుండా కేంద్ర ఆర్థిక శాఖ నిషేధాన్ని విధించింది.  యాజమాన్య నియంత్రణ ఒక ప్రభుత్వరంగ సంస్థ నుంచి మరో ప్రభుత్వరంగ సంస్థలకు బదిలీ అయితే, సహజసిద్ధంగా ఉన్న అసమమర్థతలన్నవి కొనసాగొచ్చని.. ఇది నూతన ప్రభుత్వరంగ సంస్థల (పీఎస్‌ఈ) విధానానికి విరుద్ధమని పేర్కొంది.  గతంలో కొన్ని సీపీఎస్‌ఈల్లో తనకు ఉన్న మెజారిటీ వాటాలను అదే రంగంలో పనిచేసే మరో ప్రభుత్వరంగ సంస్థకు విక్రయించడం గమనార్హం. ఆర్‌ఈసీలో తన వాటాలను పీఎఫ్‌సీకి విక్రయించడం తెలిసిందే. అలాగే, హెచ్‌పీసీఎల్‌లో వాటాలను ఓఎన్‌జీసీకి కట్టబెట్టింది.    


 న్యూఢిల్లీ: పోటీ సత్తా పెంపొందడానికి ప్రభుత్వరంగ సంస్థలకు (పీఎస్‌ఈ) సమాన అవకాశాలు అవసరమని రాష్ట్రపతి ప్రణబ్ ముఖర్జీ శుక్రవారం పేర్కొన్నారు. గ్లోబల్ పబ్లిక్ సెక్టార్ ఎంటర్‌ప్రైజెస్ సదస్సులో ఆయన ప్రసంగిస్తూ... సమానావకాశాలు, నిర్ణయాలు తీసుకోవడంలో స్వయంప్రతిపత్తి వంటి అంశాలు పీఎస్‌యూలను స్టాక్ మార్కెట్లలో లిస్టయ్యే సామర్థ్యానికి చేరువచేస్తాయని, వాటి పనితీరును మెరుగుపరుస్తాయని అన్నారు. 260 సంస్థల్లో కేవలం 60 మాత్రమే స్టాక్ ఎక్స్ఛేంజ్‌లలో లిస్టయిన విషయాన్ని ఆయన ఈ సందర్భంగా ప్రస్తావించారు.  వెసులుబాటు, నిర్వహణ, సత్వర నిర్ణయాలు వంటి అంశాల్లో ప్రభుత్వ-ప్రైవేటు రంగాల మధ్య సమాన అవకాశాలు నెలకొనడానికి ఎంతో చేయాల్సి ఉంటుందని అన్నారు.