చకచకా సినిమాలు చేస్తూ వస్తోన్న సూపర్‌స్టార్‌ రజనీకాంత్‌.. తన తదుపరి చిత్రషూటింగ్‌లో బిజీ అయ్యారు. ఏ ఆర్‌ మురుగదాస్‌ దర్శకత్వం వహిస్తున్న ‘దర్బార్‌’ చిత్రం శర వేగంగా షూటింగ్‌ జరుపుకుంటోంది. ప్రస్తుతం ముంబైలో షూటింగ్‌ జరుగుతుండగా.. విరామ సమయంలో యూనిట్‌సేద తీరింది. తాజాగా వాటికి సంబంధించిన ఫోటోలు సోషల్‌ మీడియాలో హల్‌చల్‌చేస్తున్నాయి. ఇటీవలె ముంబై షెడ్యూల్‌ ప్లాన్‌ చేసిన చిత్రయూనిట్‌కు లీకుల బెడద తప్పడం లేదు. సన్నివేశాలు, ఫోటోలు లీక్‌ అవుతూనే ఉన్నాయి. తాజాగా చిత్రయూనిట్‌ షూటింగ్‌ విరామ సయమంలో క్రికెట్‌ ఆడిన ఫోటోలు సోషల్‌ మీడియాలో వైరల్‌ అవుతున్నాయి. రజనీ బ్యాట్‌ పట్టి సిక్సుల మోత మోగిస్తున్నారేమో. ఈ చిత్రంలో నయనతార హీరోయిన్‌గా నటిస్తుండగా.. నివేధా థామస్‌ ఓ ముఖ్య పాత్రను పోషిస్తోంది. 

తమిళసినిమా: నటి త్రిష మార్కెట్‌ ఇప్పుడు వెలిగిపోతోంది. మధ్యలో కాస్త తడబడ్డా, విజయ్‌సేతుపతితో జత కట్టిన 96, రజనీకాంత్‌తో నటించిన పేట చిత్రాల విజయాలు  ఈ చెన్నై చిన్నదానికి నూతనోత్సాహాన్నిచ్చాయి. 96 చిత్రంలో తన నటనకు ప్రశంసలు, పేట చిత్రంలో రజనీకాంత్‌తో నటించాలన్న చిరకాల ఆకాంక్ష తీరడమే ఆ సంతోషానికి కారణం. ఇప్పుడు ఈ బ్యూటీకి అవకాశాలు వరుస కడుతున్నాయి. చేతిలో అరడజనుకు పైగా చిత్రాలు ఉన్నాయి. తాజాగా మరో హీరోయిన్‌ ఓరియెంటెడ్‌ కథా చిత్రంలో నటించే అవకాశం వరించింది. ప్రముఖ దర్శకుడు ఏఆర్‌.మురుగదాస్‌ కథను అందించి, లైకా ప్రొడక్షన్‌  నిర్మిస్తున్న చిత్రంలో త్రిష నటిస్తున్నారు. దీనికి ఎంగేయుమ్‌ ఎప్పోదుమ్‌ చిత్రం ఫేమ్‌ శరవణన్‌ దర్శకత్వం వహిస్తున్నారు. ఇటీవలే పూజా కార్యక్రమాలతో ప్రారంభమైన ఈ చిత్రానికి రాంగీ అనే టైటిల్‌ను నిర్ణయించారు. ఇది యాక్షన్, ఎడ్వెంచర్‌ కథా చిత్రంగా ఉంటుందని చిత్ర వర్గాలు తెలిపారు. ఈ చిత్రానికి యువ సంగీత దర్శకుడు అనిరుధ్‌ సంగీతాన్ని అందిస్తున్నారని సమాచారం. త్రిష, అనిరుధ్‌ కాంబినేషన్‌లో తెరకెక్కుతున్న తొలి చిత్రం ఇదే కావడం విశేషం. అలా త్రిషతో అనిరుధ్‌ కనెక్ట్‌ అయ్యారన్నమాట. కాగా త్రిష సీనియర్‌ నటి సిమ్రాన్‌తో కలిసి మరో ఎడ్వెంచర్, థ్రిల్లర్‌ చిత్రంలోనూ నటిస్తున్నారు. సమంత్‌ రామకృష్ణన్‌ దర్శకత్వం వహిస్తున్న ఈ చిత్ర షూటింగ్‌ కేరళ, పిచ్చావరవం, థాయ్‌ల్యాండ్‌లో జరుపుకుంటోంది.  

తమిళసినిమా: పేట చిత్రం అన్ని విధాలా దుమ్మురేపడంతో ఆ చిత్ర కథానాయకుడు రజనీకాంత్‌తో పాటు, ఆయన అభిమానులు యమ ఖుషీగా పండగ చేసుకుంటున్నారు. చాలాకాలం తరువాత సూపర్‌స్టార్‌ ఖాతాలో మరో మంచి కమర్షియల్‌ చిత్రం చేరిందని చెప్పవచ్చు. పేట చిత్ర షూటింగ్‌ను పూర్తి చేసిన రజనీకాంత్‌ గత నెల చివరలో కుటుంబంతో సహా విహారయాత్రకు అమెరికా వెళ్లొచ్చారు. తాజాగా మరింత ఉత్తేజంతో కొత్త చిత్రానికి రెడీ అవుతున్నారు. ఈయన ఇప్పుడు దర్శకుడు ఏఆర్‌.మురుగదాస్‌ దర్శకత్వంలో ఒక భారీ చిత్రంలో నటించబోతున్న విషయం తెలిసిందే. పలు విశేషాలతో కూడిన ఈ చిత్రం మార్చిలో సెట్‌పైకి వెళ్లనుందన్నది తాజా సమాచారం. ఇందులో హీరోయిన్‌ ఎవరన్నది చిత్ర వర్గాలు స్పష్టం చేయకపోయినా, యువ క్రేజీ నటి కీర్తీసురేశ్‌ పేరు వార్తలో చాలా రోజులుగానే నానుతోంది. అదేవిధంగా ఇది రాజకీయ నేపథ్యంలో సాగే చిత్రం అని, దీనికి నర్కాలి అనే టైటిల్‌ను చిత్ర వర్గాలు పరిశీలిస్తున్నట్లు జోరుగా ప్రచారం జరిగింది. అయితే దీన్ని దర్శకుడు ఏఆర్‌.మురుగదాస్‌ ఖండించారు. ఇది అసలు రాజకీయ నేపథ్యంలో సాగే కథే కాదని తేల్చి చెప్పారు. దీంతో ఆ తరువాత ఇందులో రజనీకాంత్‌ మరోసారి పవర్‌ఫుల్‌ పోలీస్‌ అధికారిగా కనిపించబోతున్నారనే ప్రచారం జోరందుకుంది. దీనిపై మాత్రం దర్శకుడు ఎలాంటి ఖండన చేయలేదు. పేట చిత్రంలో పాటలను, నేపథ్య సంగీతాన్ని అదరగొట్టిన యువ సంగీతదర్శకుడు అనిరుధ్‌నే రజనీకాంత్‌ తాజా చిత్రానికి సంగీత బాణీలు కట్టనున్నారనే ప్రచారం జరుగుతోంది. ఇక మరో విషయం ఏమిటంటే ఈ భారీ చిత్రం కోసం సూపర్‌స్టార్‌ ఏకంగా 90 రోజులు కాల్‌షీట్స్‌ కేటాయించారట. చిత్రాన్ని మార్చిలో చెన్నైలో ప్రారంభించి, ఆపై హైదరాబాద్, ముంబై ప్రాంతాల్లో నిర్వహించడానికి ప్రణాళికను చిత్ర వర్గాలు సిద్ధం చేస్తున్నట్లు సమాచారం.  

తమిళ సెన్సేషన్‌ డైరెక్టర్‌ ఏఆర్‌ మురుగదాస్‌, ఇళయ దళపతి విజయ్‌ కాంబినేషన్‌ అంటే తమిళనాట బాక్సాఫీస్‌ రికార్డులు క్రియేట్‌ అవ్వాల్సిందే. ఇప్పటికే తుపాకి, కత్తి సినిమాలతో బ్లాక్‌బస్టర్‌ హిట్‌లు కొట్టిన ఈ కాంబినేషన్‌ హ్యాట్రిక్‌ హిట్‌ కొట్టడానికి రెడీ అయ్యింది. తాజాగా కార్పోరేట్‌ క్రైమ్‌ నేపథ్యంలో తెరకెక్కిన సర్కార్‌ సినిమాతో ప్రేక్షకుల ముందుకు వచ్చేందుకు రెడీ అయ్యారు.   అయితే ఇంతలోనే ఈ సినిమా కథ తనదేనంటూ కొన్ని సంవత్సరాల క్రితమే ఈ కథను తాను రిజిస్టర్‌ చేశానంటూ వరుణ్‌ రాజేంద్రన్‌ అనే వ్యక్తి కేసు వేశాడు. అయితే దీనిపై మురుగదాస్‌ స్పందిస్తూ.. ఇది పబ్లిసిటీ కోసమే చేస్తున్నాడని, ఇంకా విడుదల కాకుండానే ఈ కథ ఆయనదేనని ఎలా అంటాడని, ఈ విషయాన్ని తాను కోర్టులోనే తేల్చుకుంటానని తెలిపాడు. అయితే వరుణ్‌ మాత్రం తనకు రూ.30లక్షల నగదు, టైటిల్స్‌లో స్టోరీ క్రెడిట్‌ ఇవ్వాలని డిమాండ్‌చేసినట్లు తెలుస్తోంది. కీర్తి సురేశ్‌, వరలక్ష్మీ ప్రధాన పాత్రల్లో నటిస్తున్న ఈ మూవీని దీపావళి కానుకగా నవంబర్‌ 6న విడుదల చేయనున్నారు. 


  టాలీవుడ్ సూపర్‌స్టార్ మహేష్ బాబు చెన్నైలో మకాం పెట్టారు. చెన్నైలో పుట్టి పెరిగిన మహేష్‌బాబుకు ఈ మహానగరం అంటే చాలా ఇష్టం. ఆయన నటించే చాలా చిత్రాల షూటింగులు ఇక్కడే నిర్వహిస్తుంటారు.అదే విధంగా తమిళ చిత్రాల్లో నటించాలన్న కోరిక మహేష్ బాబుకు చాలా కాలంగా ఉంది. అది ఇప్పుడు నెరవేరుతోంది.
  
   ప్రముఖ దర్శకుడు ఏఆర్.మురుగదాస్ దర్శకత్వంలో మహేష్‌బాబు హీరోగా నటిస్తున్న ద్విభాషా చిత్రం షూటింగ్ శరవేగంగా జరుగుతోంది. రకుల్‌ప్రీత్‌సింగ్ నాయకిగా నటిస్తున్న ఈ చిత్రం గత నెలలో హైదరాబాద్‌లో ప్రారంభమై అక్కడ తొలి షెడ్యూల్‌ను పూర్తి చేసుకుంది. తాజాగా చెన్నైలో చిత్రీకరణను జరుపుకుంటోంది.ఈ చిత్రం కోసం చెన్నై శివారు ప్రాంతంలో బ్రహ్మాండమైన సెట్‌ను వేసి చిత్రంలోని ప్రధాన సన్నివేశాలను చిత్రీకరిస్తున్నట్లు చిత్ర నిర్మాత మధు వెల్లడించారు. చెన్నైలో 20 రోజుల పాటు షూటింగ్‌ను నిర్వహిస్తున్నట్లు ఆయన తెలిపారు.
  
   టాప్ డెరైక్టర్ ఏఆర్.మురుగదాస్, సూపర్‌స్టార్ మహేశ్‌బాబు,స్టార్ కెమెరామెన్ సంతోష్‌శివన్‌ల కాంబినేషన్‌లో ఈ చిత్రాన్ని నిర్మించడం సంతోషంగా ఉందన్నారు. ముఖ్యంగా మహేష్‌బాబుకు తెలుగులోనే కాకుండా ఇతర రాష్ట్రాల్లోనూ మంచి పాపులారిటీ ఉందన్నారు. తమిళ ప్రజలు ఆయనపై చూపిస్తున్న ఆదరణను, ప్రోత్సాహాన్ని చూస్తుంటే ఆశ్చర్యం కలుగుతోందన్నారు. సంచలన కాంబినేషన్‌లో రూపొందిస్తున్న ఈ చిత్రం కచ్చితంగా ట్రెండ్ సెట్టర్ అవుతుందనే అభిప్రాయాన్ని నిర్మాత మధు వ్యక్తం చేశారు.  
  
  


 ఆమిర్ ఖాన్, ఏఆర్ మురుగదాస్, ఏఆర్ రహమాన్, అసిన్.. ఈ నాలుగు పేర్లూ ఇంగ్లిష్‌లో ‘ఏ’ అక్షరంతో మొదలవుతాయ్. అందుకే ఈ కాంబినేషన్‌లో రూపొందిన హిందీ చిత్రం ‘గజిని’ విడుదలైనప్పుడు ‘నాలుగు ఏల కోసం ఈ సినిమా చూడొచ్చు. అద్భుతం’ అని చాలామంది అన్నారు. ఆమిర్‌ఖాన్ కెరీర్‌లో ఎప్పటికీ గుర్తుండిపోయే చిత్రం ఇది. ఇంతటి ఘనవిజయాన్ని ఇచ్చాడు కాబట్టే, దర్శకుడు మురుగదాస్ అంటే ఆయనకు అభిమానం. ఈ చిత్రం విడుదలై ఎనిమిదేళ్లయింది. మళ్లీ ఈ హిట్ కాంబినేషన్‌లో సినిమా ఎప్పుడు? అనుకునేవాళ్లకు మురుగదాస్ ఓ క్లారిఫికేషన్ ఇచ్చారు. ‘‘ఇటీవల ఆమిర్‌ని కలిశాను. ‘మన కాంబినేషన్‌లో సినిమా వచ్చి, చాలా ఏళ్లయింది. మళ్లీ చేద్దాం’ అన్నాను. ఆయన అంగీకరించారు.
  
  ప్రస్తుతం దక్షిణాది చిత్రాలతో నేను బిజీ. హిందీ చిత్రాలతో ఆయన బిజీ. అందుకని ఇప్పటికిప్పుడు మా కాంబినేషన్‌లో సినిమాని మొదలుపెట్టలేం. కొంత టైమ్ పడుతుంది. ఎంత టైమ్ అయినా చేయడం మాత్రం ఖాయం’’ అని మురుగదాస్ పేర్కొన్నారు. ఆమిర్ నటించిన తాజా చిత్రం ‘దంగల్’ విడుదల కోసం ఆసక్తిగా ఎదురు చూస్తున్నానని ఆయన అన్నారు. ఇటీవల విడుదలైన ‘దంగల్’ లుక్ చూసినప్పుడు ‘గజిని’, ‘ధూమ్ 3’లో కనిపించినంత యంగ్‌గా ఆమిర్ కనిపిస్తున్నారనిపించిందనీ, ఫిజిక్‌ని అద్భుతంగా మెయిన్‌టైన్ చేస్తున్నారని అన్నారు.
  
  ఆ సంగతలా ఉంచితే.. మళ్లీ ఆమిర్, మురుగదాస్ సినిమా చేస్తే, ఏఆర్ రహమాన్‌ని సంగీతదర్శకుడిగా అడిగితే కాదనరు. ఆ విధంగా ఈ మూడు ‘ఏ’లు మళ్లీ కలిసి సినిమా చేసే అవకాశం ఉంది. కానీ, ‘గజిని’లో నాయికగా నటించిన అసిన్‌కి పెళ్లయింది. పెళ్లి తర్వాత ఆమె సినిమాలేవీ ఒప్పుకోలేదు. సో.. ఈ  ప్రాజెక్ట్‌కి ఆ ఒక్క ‘ఏ’ మిస్సవుతుందా? ఒకవేళ ఆలియా భట్‌ని నాయికగా తీసుకున్నా లేక ‘ఏ’ అక్షరంతో మొదలయ్యే పేరున్న వేరొక తారని తీసుకున్నా అప్పుడు ఈ సినిమాకీ నాలుగో ‘ఏ’ ఉంటుంది.
  


 దక్షిణాది చిత్రపరిశ్రమలోకి ఉత్తరాది భామల దిగుమతి అప్రతిహంగా కొనసాగుతూనే ఉందని చెప్పవచ్చు. అనుష్క, ఇలియానా, హన్సిక, తాప్సీ ఇలా చాలా మంది ఉత్తరాది బ్యూటీస్ దక్షిణాదిని ఏలుతున్నారు. ఐశ్వర్యారాయ్, ప్రియాంక చోప్రా, కత్రినా కైఫ్ లాంటి ముద్దుగుమ్మలు కూడా దక్షిణాది ప్రేక్షకుల ఆదరాభిమానాలను చూరగొన్న తారలే. తాజాగా ఈ జాబితాలోకి బాలీవుడ్ బ్యూటీ పరిణితి చోప్రా చేరనుందని సమాచారం. ఈ అమ్మడిని ప్రముఖ దర్శకుడు ఏఆర్.మురుగదాస్ దక్షిణాదికి పరిచయం చేయనున్నట్లు తెలుస్తోంది.
 ఈ జాణ భారీ పారితోషికాన్ని డిమాండ్ చేసినట్లు, దర్శకుడు మురుగదాస్ సంప్రదింపులు జరిపి ఆమెను అంగీకరింపజేసినట్లు పరిశ్రమ వర్గాల మాట. ఈ అగ్ర దర్శకుడు టాలీవుడ్ సూపర్‌స్టార్ మహేశ్‌బాబు హీరోగా తమిళం, తెలుగు భాషల్లో భారీ చిత్రాన్ని తెరకెక్కించడానికి సమాయత్తం అవుతున్న విషయం తెలిసిందే. ఇందులో మహేష్‌బాబుతో ముగ్గురు ముద్దుగుమ్మలతో రొమాన్స్ చేయించనున్నారట. అందులో ప్రధాన భామగా పరిణితి చోప్రాను ఎంపిక చేసినట్లు తాజా సమాచారం.
 దక్షిణాది చిత్రాల్లో నటి ంచాలన్న తన చిరకాల కోరిక టాలీవుడ్ సూపర్‌స్టార్ మహేష్‌బాబుతో కలసి నటించడం ద్వారా నెరవేరబోతున్నందుకు పరిణితి చోప్రా తెగ సంబరపడిపోతోందట. ఇక ఇతర బ్యూటీస్ కీర్తీసురేష్, సాయి పల్లవి ఇప్పటికే ఎంపికైనట్లు తెలిసింది.ఇందులో మహేష్‌బాబుకు ఎస్‌జే.సూర్య విలన్‌గా మారనున్నారని తెలిసింది. ఈ చిత్రం వచ్చే నెలలో సెట్ పైకి వెళ్లనున్నట్లు కోలీవుడ్ వర్గాల టాక్.


 మహేశ్‌బాబు హీరోగా మురుగదాస్ దర్శ కత్వంలో ఓ చిత్రం రూపొందనుందనే వార్త కొన్ని రోజులుగా వినిపిస్తున్న విషయం తెలిసిందే. ఈ వార్తకు ఇటు మహేశ్ నుంచి కానీ, అటు మురుగదాస్ నుంచి కానీ ఎలాంటి ధ్రువీకరణా రాలేదు. చివరికి ప్రముఖ ఛాయాగ్రాహక-దర్శకుడు సంతోష్ శివన్ ఈ చిత్రం గురించి గురువారం ట్విట్టర్‌లో ఒక పోస్ట్ చేశారు. ‘‘మహేశ్-మురుగదాస్ కాంబినేషన్‌లో సినిమా చేయడానికి ఆసక్తిగా ఎదురుచూస్తున్నా. వచ్చే ఏడాది మొదలవుతుంది’’ అని సంతోష్ శివన్ పేర్కొన్నారు. అంటే, ‘బ్రహ్మోత్సవమ్’ నెక్స్ట్ మహేశ్ సినిమా ఏంటో కన్‌ఫర్మ్ అన్నమాట!
  


 గెలుపు ప్రభావం ఏమిటన్నది యువ నటుడు వైభవ్‌కు బాగా అనుభవమైంది. విజయం అవకాశాల్ని ఆనందాన్నే కాదు ఆత్మవిశ్వాసాన్ని పెంచుతుంది. ప్రస్తుతం ఇవన్నీ కలిపిన జోష్‌లో ఉన్నారు నటుడు వైభవ్. మంచి విజయం కోసం చాలా కాలంగా ఎదురుచూసిన ఈయనకు కప్పల్ చిత్రం దాన్ని అనూహ్యంగానే అందించింది. ఇంకా చెప్పేదేముంది పెద్ద పెద్ద సంస్థలో నటించే అవకాశాలు వైభవ్‌ను వరిస్తున్నాయి. తాజాగా ప్రముఖ దర్శకుడు ఎ ఆర్ మురుగదాస్ నుంచి ఈ యువ నటుడికి పిలుపొచ్చింది. ఆయన నిర్మించనున్న చిత్రంలో వైభవ్ హీరో. ఈ చిత్రానికి ఎస్ ఎస్ స్టాన్లీ దర్శకుడు.
 
 అంతేకాదు అరణ్మణై వంటి విజయవంతమైన చిత్రాన్ని నిర్మించిన విజయన్ ఐ మీడియా సంస్థ ఈయనతో చిత్రం చేయడానికి ముందుకొచ్చింది. మరో లక్కీఛాన్స్ ఏమిటంటే కుష్బు తన అల్కి సినీ మాక్స్ పతాకంపై నిర్మించనున్న చిత్రంలోను వైభవే నాయకుడు. ఈ చిత్రాలకు సంబంధించిన పూర్తి వివరాలు త్వరలోనే వెల్లడి కానున్నాయని వైభవ్ అన్నారు. ఈ సందర్భంగా ఆయన పేర్కొంటూ తాను దర్శకుల నటుడిని అన్నారు. నటుడిగా పేరు తెచ్చుకోవాలని చాలాకాలంగా శ్రమిస్తున్నానన్నారు. ఇప్పటి ఎదుగుదల చాలా సంతోషాన్ని ఇస్తుందని పేర్కొన్నారు.