బాలీవుడ్ రిలీజ్ కు రెడీ అవుతున్న రాబ్తాపై టాలీవుడ్ లోనూ పెద్ద ఎత్తున చర్చ జరుగుతోంది. ముఖ్యంగా ఈ సినిమా టాలీవుడ్ సూపర్ హిట్ సినిమా మగధీరకు కాపీ అంటూ.. హీరోయిన్లు వందల ఏళ్లనాడు ప్రేమించుకోవటం.. తమ ప్రేమను గెలిపించుకోవడానికి తిరిగి జన్మించటం.. హీరో వంద మంది యోధులతో తలపడటం లాంటి సీన్లు రాబ్తాలో ఉన్నాయన్న వార్తలు రావటంతో ఇది మగధీరకు కాపీ అన్న టాక్ బలంగా వినిపించింది.
 
 మగధీర నిర్మాత అల్లు అరవింద్ కూడా ట్రైలర్ ను చూసి ఈ సినిమా మగధీరకు కాపీ నే అన్న ఆలోచనలో రాబ్తా యూనిట్ పై కేసు వేశాడు. రాబ్తా యూనిట్ మాత్రం తమ సినిమా కాపీ అన్న వార్తలను ఖండించింది. కేవలం రెండు నిమిషాల ట్రైలర్ చూసి సినిమా కాపీ అని ఎలా నిర్ణయిస్తారని ప్రశ్నించింది. బుధవారం కోర్టు ముందు కూడా ఇదే వాదన వినిపించింది. కోర్లు రాబ్తా సినిమా ఫుల్ స్క్రిప్ట్ ను కూడా అదంజేసింది.
 
 రాబ్తా యూనిట్ వాదనతో సంతృప్తి చెందిన కోర్టు వారికి అనుకూలంగా తీర్పునిచ్చింది. దీంతో ఈ రోజు(గురువారం) ఉదయం రాబ్తా యూనిట్ పై వేసిన కేసును అల్లు అరవింద్ వెనక్కి తీసుకున్నారు. దీంతో రేపు రాబ్తా రిలీజ్ కు లైన్ క్లియర్ అయ్యింది. సుశాంత్ సింగ్ రాజ్పుత్, కృతిసనన్ జంటగా తెరకెక్కిన రాబ్తాకు దినేష్ విజన్ దర్శకుడు.


 ముంబై: ఇటీవల వివాదాలకు కేంద్ర బిందువైన బాలీవుడ్ మూవీ రాబ్తా. దర్శకధీరుడు రాజమౌళి తెరకెక్కించిన మగధీర సినిమాకు రాబ్తా కాపీ అంటూ నిర్మాత అల్లు అరవింద్ కోర్టును ఆశ్రయించగా.. కేవలం ట్రైలర్ చూసి కాపీ అనడం భావ్యం కాదని మూవీ యూనిట్ వివరణ ఇచ్చుకుంది. రేపు (శుక్రవారం) విడుదలకు సిద్ధంగా ఉన్న నేపథ్యంలో 'రాబ్తా' హీరో సుశాంత్ సింగ్ రాజ్‌పుత్ అభిమానులకు ఓ విజ్ఞప్తి చేశాడు. 'నా మూవీ రాబ్తా రేపు విడుదల కానుంది. ఎలాగైనా సరే కాస్త తీరక చేసుకుని మూవీ చూడండి. మీ అభిప్రాయాలను నాతో షేర్ చేసుకోగలరని' సుశాంత్ ట్వీట్ చేశాడు.
 
 టీమిండియా మాజీ కెప్టెన్ ఎంఎస్ ధోనీ జీవిత కథాంశంతో తెరకెక్కిన 'ఎంఎస్ ధోనీ: ద అన్‌టోల్డ్ స్టోరీ' తో సక్సెస్ బాట పట్టాడు సుశాంత్. ఓ మంచి సక్సెస్ తర్వాత వస్తున్న మూవీ కావడంతో రాబ్తాపై ఈ హీరో ఎన్నో ఆశలు పెట్టుకున్నాడు. ఈ మూవీ కోసం ఎంతగానో కసరత్తులు చేయడం తెలిసిందే. హిట్ కోసం ఎదురుచూస్తున్న కృతి సనన్‌కు రాబ్తా సక్సెస్ కీలకం కానుంది. మరోవైపు టాలీవుడ్ మూవీ మగధీరను కాపీ కొట్టారంటూ వివాదం రాజుకోవడంతో రాబ్తాకు ప్రచారం కూడా ఎక్కువగానే జరిగింది. దీంతో 'రీల్' ధోనీని ప్రేక్షక్షులు ఆధరిస్తారా అన్న దానిపై చర్చ జరుగుతోంది. సుశాంత్‌, ‘వన్‌ నేనొక్కడినే’ ఫేమ్ కృతి సనన్‌ జంటగా నటించిన ఈ మూవీ రేపు (జూన్ 9న) ప్రేక్షకుల ముందుకు రానుంది.
  
 
 Please find some time and love for #raabta tomorrow and let me know how the experience was.Much love❤️@RaabtaOfficial @kritisanon @TSeries
 — Sushant Singh Rajput (@itsSSR) 8 June 2017


 త్వరలో రిలీజ్ కు రెడీ అవుతున్న బాలీవుడ్ మూవీ రబ్లా యూనిట్, కాపీ సినిమా అంటూ వస్తున్న ఆరోపణలపై స్పందించింది. రామ్ చరణ్ హీరోగా రాజమౌళి దర్శకత్వంలో తెరకెక్కిన మగధీర సినిమాకు రబ్లా కాపీ అంటూ నిర్మాత అల్లు అరవింద్ కోర్టును ఆశ్రయించడంతో వివాదం ముదిరింది. కేవలం 2 నిమిషాల 14 సెకన్ల ట్రైలర్ చూసి సినిమా కాపీ అంటూ ఎలా నిర్ణయిస్తారని రబ్లా యూనిట్ ఫైర్ అయ్యింది.
 
 ఎలాంటి ఆదారాలు లేకుండా కాపీ అని ప్రచారం చేయటం క్రియేటివిటీని అవమానించటమే అన్నారు రబ్తా టీం. చాలా సినిమాల్లోని సన్నివేశాలు ఇతర చిత్రాల నుంచి స్ఫూర్తిని పొంది రూపొందిస్తున్నారని అంత మాత్రానికే కాపీ అంటూ ఆరోపణలు చేయటం తగదంటున్నారు. అల్లు అరవింద్ తమ సినిమాపై కోర్టును ఆశ్రయించినందుకు బదులుగా రబ్తా చిత్ర నిర్మాతలు ప్రతికా ప్రకటన ద్వారా తమ సమాధానం ఇచ్చారు.
  
 
 Official Statement on behalf of the producers of #Raabta, Dinesh Vijan and Bhushan Kumar pic.twitter.com/ueU87TUIuv
 — taran adarsh (@taran_adarsh) May 25, 2017


 హైదరాబాద్‌ : హిందీ చిత్రం ’రబ్తా’  నిర్మాతకు కోర్టు గురువారం నోటీసులు జారీ చేసింది. మగధీర చిత్రాన్ని కాపీ కొట్టారంటూ ఆ చిత్ర నిర్మాత అల్లు అరవింద్‌ నిన్న హైదరాబాద్‌లోని సిటీ సివిల్‌ కోర్టును ఆశ్రయించిన విషయం తెలిసిందే. రాబ్తా విడుదలను నిలిపివేయాలని ఆయన తన ఫిర్యాదులో కోరారు. దీనిపై  జూన్‌ 1లోగా రబ్తా నిర్మాత సమాధానం ఇవ్వాలని న్యాయస్థానం ఆదేశించింది.
 సుశాంత్‌ సింగ్‌ రాజ్‌పుత్, కృతి సనన్‌ (‘వన్‌ నేనొక్కడినే’ ఫేమ్‌) జంటగా నటించిన రాబ్తా చిత్రం వచ్చే నెల 9న ప్రేక్షకుల ముందుకు రానుంది. అయితే రబ్తా సినిమా ట్రైలర్‌ రిలీజ్‌ అవగానే ‘మగధీర’కు, దీనికి ఏదో కనెక్షన్‌ ఉన్నట్టుంది!’’ అంటూ సోషల్‌ మీడియాలో సెటైర్స్‌ పేలాయి. ‘రాబ్తా’ ట్రైలర్‌లో, స్టిల్స్‌లో ‘మగధీర’ ఛాయలు కనిపిస్తున్నాయనే కామెంట్స్‌ వినిపించాయి కూడా.
 
  


 హిందీలో ‘రాబ్తా’ అనే పదానికి మీనింగ్‌ ఏంటో తెలుసా? ‘కనెక్షన్‌’ అని! సుశాంత్‌ సింగ్‌ రాజ్‌పుత్, కృతి సనన్‌ (‘వన్‌ నేనొక్కడినే’ ఫేమ్‌) జంటగా నటించిన హిందీ ఫిల్మ్‌ ‘రాబ్తా’ ట్రైలర్‌ రిలీజవ్వగానే ‘‘తెలుగు హిట్‌ ‘మగధీర’కు, దీనికి ఏదో కనెక్షన్‌ ఉన్నట్టుంది!’’ అని సోషల్‌ మీడియాలో కొందరు సెటైర్స్‌ వేశారు. ‘రాబ్తా’ ట్రైలర్‌లో, స్టిల్స్‌లో ‘మగధీర’ ఛాయలు కనిపిస్తున్నాయంటున్నారు.
 
  ‘‘కనెక్షన్‌ కాదు, మా చిత్రకథను కాపీ కొట్టారు’’ అంటూ ‘మగధీర’ చిత్రనిర్మాత అల్లు అరవింద్‌ బుధవారం హైదరాబాద్‌లోని సిటీ సివిల్‌ కోర్టు మెట్లెక్కారు. ‘రాబ్తా’ విడుదలను నిలిపివేయాలని కోరారు. కేసును కోర్టు జూన్‌ 1కి వాయిదా వేసింది. జూన్‌ 9న ‘రాబ్తా’ విడుదల తేదీ ప్రకటించిన నేపథ్యంలో  1న ఏం తీర్పు వస్తుందనేది ఆసక్తిగా మారింది.


 వెయిటింగ్‌... వెయిటింగ్‌... మహేశ్‌బాబు అభిమానులు ఎప్పట్నుంచో ‘స్పైడర్‌’ను ఎప్పుడు విడుదల చేస్తారోనని వెయిట్‌ చేస్తున్నారు. వాళ్ల వెయిటింగ్‌కి తగ్గట్టు మహేశ్‌ బర్త్‌డే (ఆగస్టు 9) కానుకగా ఆగస్టు సెకండ్‌ వీక్‌లో సినిమాను విడుదల చేయాలనుకుంటున్నారనే వార్తలు రావడంతో ఫ్యాన్స్‌ ఫుల్‌ హ్యాపీగా ఫీలయ్యారు. కట్‌ చేస్తే... అభిమానులకు చిన్న షాక్‌! చిత్రనిర్మాతలు ‘ఠాగూర్‌’ మధు, ఎన్వీ ప్రసాద్‌లు ‘స్పైడర్‌’ను సెప్టెంబర్‌లో ప్రేక్షకుల ముందుకు తీసుకొస్తారట.
 
  కారణం ఏంటంటే... ప్రస్తుతం చెన్నైలో క్లైమాక్స్‌ ఎపిసోడ్‌ను షూట్‌ చేస్తున్నారు. వచ్చే నెల 2వ తేదీతో క్లైమాక్స్‌ షెడ్యూల్‌ ముగుస్తుంది. తర్వాత బ్యాలెన్స్‌ రెండు సాంగ్స్‌ షూట్‌ చేయడం కోసం ఫారిన్‌ వెళతారు. షూటింగ్‌ ఫాస్ట్‌గా పూర్తయినా... పోస్ట్‌ ప్రొడక్షన్‌ అండ్‌ గ్రాఫిక్‌ వర్క్స్‌కి ఎక్కువ టైమ్‌ కావాలని దర్శకుడు ఏఆర్‌ మురుగుదాస్‌ అడిగారట! అదీ మేటర్‌. రకుల్‌ప్రీత్‌ సింగ్‌ హీరోయిన్‌గా నటిస్తున్న ఈ చిత్రానికి హ్యారీస్‌ జయరాజ్‌ స్వరకర్త.


 ముంబై: ‘‘వన్’ సినిమాతో తెలుగు ప్రేక్షకులను పలుకరించింది బాలీవుడ్ భామ కృతి సనన్. మహేశ్ బాబు హీరోగా తెరకెక్కిన ఈ సినిమా పెద్దగా ఆడలేదు. ఆ తర్వాత నాగాచైతన్యతో కలిసి ‘దోచేయ్’ సినిమా చేసింది. ఈ సినిమా కూడా ప్రేక్షకుల మనస్సు దోచేయడంలో విఫలమవ్వడంతో ప్రస్తుతానికి బాలీవుడ్ సినిమాలకు పరిమితమైన ఈ భామ చుట్టూ అనేక రూమర్లు చక్కర్లు కొడుతున్నాయి. ప్రస్తుతం ‘రబ్తా’ సినిమాలో నటిస్తున్న కృతి.. ఆ సినిమాలో తన సహ నటుడైన సుశాంత్ సింగ్ రాజ్‌పుత్‌తో డేటింగ్ చేస్తున్నట్టు కథనాలు వస్తున్నాయి.
 
 అయితే, ఈ కథనాలను కృతి తోసిపుచ్చింది. తాను సుశాంత్‌ను ఏమాత్రం కలుసుకోవడం లేదని, ఇంతకంటే వివరణ ఇవ్వడానికి ఏమీ లేదని ఆమె స్పష్టం చేసింది. సుశాంత్‌తో తాను డేటింగ్ చేస్తున్నట్టు వెలువడుతున్న కథనాలను ట్విట్టర్‌లోనూ కృతి ఖండించింది. ఆ కథనాల్లో ఎలాంటి వాస్తవం లేదని తెలిపింది.
 
 ‘మాదారి’ స్పెషల్ స్క్రీనింగ్ సందర్భంగా బుధవారం సాయంత్రం ఆమె విలేకరులతో మాట్లాడింది. డేటింగ్ వార్తలపై స్పందించకుండా ఉండటమే మేలు అని తాను మొదట అనుకున్నానని, కానీ చిలువలు పలువలుగా కథనాలు వండి వారుస్తుండటంతో వాటిని ఖండిస్తూ తాను ట్విట్టర్‌లో వివరణ ఇచ్చానని, అంతకుమించి చెప్పాల్సిందేమీ లేదని ఆమె స్పష్టం చేసింది.


 ‘నా ఆప్తురాలు నుపూర్ సనన్‌తో కలిసి ప్రస్తుతం ఇంట్లో ఛాయ్ తాగుతున్నా. థాయ్‌లాండ్‌లో అచ్చం నాలాంటి వారిని ఎవరినో చూసి.. నేనేనని మీరు పొరబడి ఉంటారు’ .. తనపై రూమర్స్ రాసిన ఓ వెబ్‌సైట్‌కి హీరోయిన్ కృతి సనన్ ఇచ్చిన కేజ్రీ సమాధానం ఇది. మహేశ్ బాబు హీరోగా తెరకెక్కిన ‘వన్’ సినిమాతో తెలుగు ప్రేక్షకులు పరిచయమైన ఈ ముద్దుగుమ్మ ఇప్పుడు పూర్తిగా బాలీవుడ్‌పై దృష్టి పెట్టింది.
 
 త్వరలో సుశాంత్ సింగ్ రాజ్‌పుత్ తో కలిసి ‘రాబ్తా’ సినిమాను కృతి చేయబోతున్నది. ఈ నేపథ్యంలో సుశాంత్‌ తో కృతి సన్నిహితంగా మెలుగుతున్నదని, ఈ జంట ప్రేమలో మునిగితేలుతున్నదని గత కొన్నిరోజులుగా బాలీవుడ్‌లో వదంతులు షికారు చేస్తున్నాయి. ఈ నేపథ్యంలో ఓ సినీ వెబ్‌సైట్.. సుశాంత్, కృతి థాయ్‌లాండ్‌లో విహరిస్తున్నారని, ‘రాబ్తా’ సినిమా కోసం థాయ్‌లాండ్‌లో మార్షల్ ఆర్ట్స్ నేర్చుకుంటూ పనిలోపనిగా.. ఈ జంట కలిసి విహరిస్తున్నదని కథనం రాసింది. దీనికి కౌంటర్ ఇస్తూ.. తాను ఇంట్లోనే ఆప్తురాలితో ఛాయ్ తాగుతున్నానంటూ ఆ ఫొటోను కృతి షేర్ చేసింది.   
  
 
 @pinkvilla Having Chai at home with my Lovebird @NupurSanon !! Who's my look-alike holidaying in Thailand?