న్యూఢిల్లీ: రైల్‌ డెవలప్‌మెంట్‌ అధారిటీ ఏర్పాటుకు కేంద్ర కేబినెట్‌ గ్రీన్‌సిగ్నల్‌ ఇవ్వడం  రైల్‌ షేర్లకు కిక్‌ ఇచ్చింది.   రైల్ డెవలప్‌మెంట్ అథారిటీ (ఆర్‌డీఏ)ఏర్పాటుకు  క్యాబినెట్‌ బుధవారం  సాయంత్రం గ్రీన్‌ సిగ్నల్‌ ఇచ్చింది.  తద్వారా  రైల్వే శాఖలో సంస్కరణలకు మోదీ సర్కారు శ్రీకారం  చుట్టింది.  రూ.50కోట్ల నిధులతో ఈ  బోర్డును ఏర్పాటు చేయనున్నట్టు  ప్రకటించింది.   దీంతో మార్కెట్లో  రైల్‌ సెక్టార్‌ దూసుకుపోతోంది.   ప్రధానంగా  స్టోన్‌ ఇండియా 14 శాతం  కెర్నెక్స్‌ మైక్రో 5 శాతం జంప్ చేశాయి. ఈ బాటలో  పయనిస్తున్న టెక్స్‌మాకో రైల్‌ 2.2 శాతం, బీఈఎంఎల్‌ 1.6 శాతం , టిటాగర్‌వేగన్‌  స్వల్పంగా చ బలపడ్డాయి.
  ప్రైవేటు పెట్టుబడులను ఆకర్షించడానికి ఇది అతిపెద్ద సంస్కరణఅని  ఎనలిస్టులు భావిస్తున్నారు.  ఈ సంస్థ 1989 నాటి రైల్వే చట్టం పరిధిలోనే పనిచేస్తుంది. దీని ఏర్పాటుకు రూ. 50 కోట్ల నిధులు కేటాయించారు.  ప్రత్యేక బడ్జెట్‌ తో స్వతంత్ర సంస్థగా ఈ బోర్డు పనిచేయనుంది.  1980 రైల్వేచట్టం ప్రకారం  పని చేస్తుంది. ఇందులో చైర్మన్, ముగ్గురు సభ్యులు ఉంటారు. వీళ్ల పదవీకాలం ఐదేళ్లు ఉంటుంది. మరోవైపు చాలా కాలంగా పెండింగులో ఉన్న రైల్ డెవలప్‌మెంట్ అథారిటీ ఏర్పాటుకు కేంద్ర మంత్రివర్గం ఆమోదం లభించిన  నేపథ్యంలో రాబోయే కొన్ని నెలల్లో రైలు టికెట్ల ధరలు బాగానే పెరగనున్నాయనే అంచనాలను నెలకొన్నాయి.
 
 
  


 ప్రధాని మోదీ చేపట్టిన కేంద్ర మంత్రివర్గ పునర్వ్యవస్థీకరణలో భాగంగా సురేష్ ప్రభుకు రైల్వే శాఖ దక్కడంతో రైల్ షేర్లు పరుగందుకున్నాయి. టక్స్‌మాకో రైల్ 9%, కాళిందీ నిర్మాణ్ 8%, బీఈఎంఎల్, నెల్కో 7%, కెర్నెక్స్ మైక్రో 5%, టిటాగఢ్ 4%, స్టోన్ ఇండియా 3% చొప్పున ఎగశాయి. కొత్త మంత్రి రాకతో రైల్వే ఆర్డర్లపై అంచనాలు పెరిగాయని నిపుణులు పేర్కొన్నారు.
 
 ఇక మరోవైపు పౌరవిమానయాన కొత్త ముసాయిదా విధానాల నేపథ్యంలో విమాన రంగ షేర్లు జెట్ ఎయిర్‌వేస్ 7%, స్పైస్ జెట్ 6% చొప్పున పురోగమించాయి. ఈ జూలై-సెప్టెంబర్(క్యూ2)లో జెట్ ఎయిర్‌వేస్ రూ. 70 కోట్ల నికర లాభాన్ని ఆర్జించడం కూడా ఇందుకు దోహదపడిందని నిపుణులు తెలిపారు. గత క్యూ2లో రూ. 891 కోట్ల నష్టాలు నమోదయ్యాయి.
 
 ఎయిర్‌పోర్ట్స్ అథారిటీ, పవన్ హంస్‌లను లిస్టింగ్ చేయడం, ఎయిర్ ఇండియాను ప్రయివేటీకరించడం, విమాన ఇంధన  ధరలను హేతుబద్ధీకరించడం వంటి అంశాలు కొత్త పాలసీలో ఉన్న సంగతి తెలిసిందే. కాగా, ఆడిదాస్ గ్రూప్‌తో ఒప్పందం కారణంగా లవబుల్ లింగరీ షేరు 20% దూసుకెళ్లింది.
 
  నిఫ్టీ కొత్త రికార్డు
  మార్కెట్ల ప్రామాణిక సూచీ సెన్సెక్స్ మరోసారి 28,000 పాయింట్లను అధిగమించి ఇంట్రాడేలో 28,028కు చేరింది. ఈ బాటలో ఎన్‌ఎస్‌ఈ ప్రధాన సూచీ నిఫ్టీ సైతం 8,383ను తాకింది. ఇవి సరికొత్త గరిష్టాలుకాగా, సెన్సెక్స్ 6 పాయింట్ల లాభంతో 27,875 వద్ద నిలవగా, నిఫ్టీ 7 పాయింట్లు బలపడి 8,344 వద్ద స్థిరపడింది. ఇది కూడా రికార్డే.