చెన్నై : తమిళనాడులో ప్రసిద్ధి చెందిన హోటల్‌ శరవణభవన్‌ యజమాని రాజగోపాల్‌కు ఓ హత్య కేసులో యావజ్జీవ శిక్ష విధించిన సుప్రీంకోర్టు  జూలై 7లోగా కోర్టులో లొంగిపోవాలని ఆయనను ఆదేశించింది. అయితే కోర్టు తీర్పుపై అప్పీల్‌ చేస్తూ రాజగోపాల్‌ బెయిల్‌ కోసం ప్రత్యేక న్యాయస్ధానాన్ని ఆశ్రయించాడు. రాజగోపాల్‌ పిటిషన్‌ను తిరస్కరిస్తూ లొంగిపోయేందుకు ఇచ్చిన గడువును పొడిగించేది లేదని, ఆయన వెంటనే కోర్టుకి లొంగిపోవాలని జస్టీస్‌ ఎన్‌వీ రమణ మంగళవారం ఆదేశించారు.   శాంతాకుమార్‌ హత్య కేసులో రాజగోపాల్ సహా 11మందికి సర్వోన్నత న్యాయస్ధానం మార్చిలో జీవితఖైదును ధృవీకరించింది. ఈ ​కేసు విషయంపై కోర్టు న్యాయమూర్తి  ఎన్‌వీ రమణ ఆధ్వర్యంలో ముగ్గురు న్యాయమూర్తులతో  కూడిన ధర్మాసనాన్ని ఏర్పాటు చేసింది. హోటల్‌ శరవణభవన్‌లో అసిస్టెంట్‌ మేనేజర్‌గా పనిచేసే రామస్వామి కూతురు జీవజ్యోతి (20) అదే హోటల్‌కు చెందిన మరో బ్రాంచ్‌లో పనిచేసేది. అయితే ఆమెపై కన్నెసిన రాజగోపాల్‌ జీవజ్యోతిని పెళ్లి చేసుకొవాలనుకున్నాడు. కాని ఆమె దీనికి తిరస్కరించి అదే హోటల్‌లో పని చేస్తున్నశాంతాకుమార్‌ను వివాహం చేసుకుంది. అప్పటికి మారని రాజగోపాల్‌ తనని ఎలాగైనా దక్కించుకోవాలనుకున్నాడు. దీంతో ఆమె భర్త శాంతకుమార్‌ను కిడ్నాప్‌ చేయించి హత్య చేశాడు.

సాక్షి, న్యూఢిల్లీ : పాపులర్‌ హోటల్‌ చైన్‌ శరవణ భవన్‌ యజమాని పీ రాజగోపాల్‌కు భారీ షాక్‌ తగిలింది. ఉద్యోగిని కిడ్నాప్‌ చేసి దారుణంగా హత్య చేసిన కేసులో మద్రాస్‌ హైకోర్టు ఇచ్చిన తీర్పును అత్యున్నత న్యాయస్థానం సుప్రీంకోర్టు సమర్థించింది. ఈ కేసులో నేరస్థులందరికీ జీవిత ఖైదును ఖరారు చేసింది. అలాగే జులై 7వ తేదీలోపు రాజగోపాల్‌ కోర్టు ముందు లొంగిపోవాలని ఆదేశించింది.  దాదాపు 18ఏళ్ల తరువాత ఈ కేసులు తుది తీర్పు వెలువడింది. శరవణ భవన్‌ గ్రూపు  ఉద్యోగి శాంతా కుమార్‌ని హత్యచేసిన కేసులో రాజగోపాల్‌ నిందితుడుగా విచారణను ఎదుర్కొన్నారు. ప్రాసిక్యూషన్‌ వాదనతో ఏకీభవించిన మద్రాస్‌ హైకోర్టు  2009లో అతనికి జీవిత ఖైదును విధించింది. దీనిపై రాజగోపాల్‌ సుప్రీంను ఆశ్రయించారు. అనారోగ్య కారణాలతో  2009లో అతనికి బెయిల్‌ మంజూరైంది.  దీనిపై తుది విచారణ చేపట్టిన సుప్రీం శుక్రవారం తీర్పును వెలువరించింది. జస్టీస్‌ ఎన్‌వీ రామన్‌ నేతృత్వంలోని ధర్మాసనం రాజగోపాల్‌తోపాటు మొత్తం ఆరుగురు నేరస్థులకు  జీవిత ఖైదు  శిక్ష విధిస్తూ తీర్పునిచ్చింది.   కేసు పూర్వాపరాల్లోకి వెళితే.. చెన్నైలోని శరవణ భవన్‌ బ్రాంచ్‌ అసిస్టెంట్‌ మేనేజర్‌  కుమార్తె జీవజ్యోతిని పెళ్లి చేసుకోవాలని ప్లాన్‌వేశాడు రాజ్‌గోపాల్‌. దీన్ని జ్యోతి గట్టిగా వ‍్యతిరేకించింది. అప్పటికే ఇద్దరు భార్యలున్న రాజగోపాల్‌ పన్నాగాన్ని గమనించిన జ్యోతి తండ్రికూడా ఈ ప్రతిపాదనను తీవ్రంగా వ్యతిరేకించారు. అనంతరం 1999లో శరవణ గ్రూపులోనే పనిచేస్తున్నశాంతాకుమార్‌తో జ్యోతికి వివాహ జరిపించారు.  అక్కడితో ఈ వివాదం ముగిసిపోతుందని భావించారు. కానీ రాజగోపాల్‌లోని మృగత్వం మరింత బుసలు కొట్టింది. తన వేధింపులపర్వాన్ని కొనసాగించాడు. భర్తతో విడిపోయి, తనను పెళ్లి చేసుకోవాలని లేదంటే చంపేస్తానంటూ బెదరింపులకు దిగాడు. దీంతో సహనం నశించిన జీవజ్యోతి, శాంతాకుమార్‌ దంపతులు పోలీస్ట్‌ స్టేషన్‌లో ఫిర్యాదు చేశారు. మరింత రెచ్చిపోయిన రాజగోపాల్‌ ఫిర్యాదు ఇచ్చిన కొద్ది రోజుల్లోనే (2001లో అక్టోబర్‌) ఎనిమిది మంది  కిరాయి గుండాలతో శాంతాకుమార్‌ను కిడ్నాప్‌ చేసి హతం చేశాడు. కొడైకెనాల్‌ పెరుమాలమలై అడవుల్లో శాంతాకుమార్‌ మృతదేహాన్ని పోలీసులు గుర్తించారు.   కాగా దాదాపు 20 దేశాల్లో హోటళ్లను నిర్వహిస్తూ ప్రాచుర్యం పొందింది శరవణ భవన్‌ హోటల్‌ గ్రూపు. అమెరికా, బ్రిటన్‌, ఫ్రాన్స్‌, ఆస్ట్రేలియా దేశాల్లో తన వ్యాపారాన్ని విస్తరించింది. దేశీయంగా ఢిల్లీ సహా  వివిధ ప్రాంతాల్లో 25 శాఖలున్నాయి.  


 కరీంనగర్ సిటీ, న్యూస్‌లైన్ : లోక్‌సభలో తెలంగాణ బిల్లు ప్రవేశపెట్టిన సమయంలో విజయవాడ ఎంపీ లగడపాటి రాజగోపాల్ చేసిన పెప్పర్ స్ప్రే దాడికి ఎంపీ పొన్నం ప్రభాకర్ తీవ్ర అస్వస్థతకు గురయ్యారు. అతి సమీపంలో స్ప్రే చేయడం వల్ల పొన్నం కళ్లు తెరువలేని స్థితిలో అస్వస్థతకు గురయ్యారు. పెద్దపల్లి ఎంపీ జి.వివేకానంద, నల్గొండ ఎంపీ కోమటిరెడ్డి రాజగోపాల్‌రెడ్డి తదితరులు పొన్నంను హుటాహుటిన ఆస్పత్రికి తరలించారు. చికిత్స అనంతరం ఆయన ఇంటికి వెళ్లారు. పొన్నంపై దాడి ఘటన జిల్లాలో కలకలం సృష్టించింది. దాడికి నిరసనగా జిల్లావ్యాప్తంగా, కాంగ్రెస్, అనుబంధ విభాగాలు, ఉద్యోగ సంఘాలు, జేఏసీలు ఆందోళన నిర్వహించాయి.
  
  పరామర్శ
  పెప్పర్ స్ప్రే దాడికి గురైన ఎంపీని కాంగ్రెస్, టీఆర్‌ఎస్, టీజేఏసీ నేతలు పరామర్శించారు. ఆస్పత్రి నుంచి బయటకు వస్తున్న సమయంలోనే పార్టీ రాష్ట్ర వ్యవహారాల ఇన్‌చార్జి దిగ్విజయ్‌సింగ్ ‘హౌ ఆర్ యూ’ అంటూ పలకరించారు. ధైర్యం చెప్పారు. అనంతరం పొన్నం నివాసంలో టీఆర్‌ఎస్ జిల్లా అధ్యక్షుడు ఈద శంకర్‌రెడ్డి, తన్నీరు శరత్‌రావు, వోరుగంటి ఆనంద్, పన్యాల శ్యాంసుందర్‌రెడ్డి, ఉల్లెంగుల ఏకానందం, టీఆర్‌ఎస్వీ జిల్లా అధ్యక్షుడు సిద్దం వేణు, ఏనుగు రవీందర్‌రెడ్డి, భూక్యా తిరుపతినాయక్, పొన్నం అనిల్, రాజు తదితరులు పొన్నంను పరామర్శించి, సంఘీభావం ప్రకటించారు. ఢిల్లీలోనే ఉన్న టీఎన్జీవోస్ జిల్లా అధ్యక్షుడు హమీద్, నర్సింహులు, రాజయ్యగౌడ్ కూడా పొన్నంను పరామర్శించి, సీమాంధ్రుల దాడిని ఖండించారు.
  
  నేడు నిరసన దీక్ష
  పొన్నంపై దాడిని నిరసిస్తూ శుక్రవారం జిల్లా కేంద్రంలోని తెలంగాణ చౌక్‌లో నిరసన దీక్ష చేపడుతున్నట్లు నగర కాంగ్రెస్ కమిటీ అధ్యక్షుడు కన్న కృష్ణ తెలిపారు. అనంతరం లగడపాటిపై పోలీసులకు ఫిర్యాదు చేస్తామన్నారు.
  


 పుస్తకం    :    వెన్నెల్లో మంచుపూలు (కవిత్వం)
  రచన    :    తిరువాయపాటి రాజగోపాల్
  పేజీలు: 100 వెల: 60
  ప్రతులకు: ప్రముఖ పుస్తక కేంద్రాలు
  
  విషయం    :    నువ్వు ఇప్పటికీ చిగురు వేస్తున్నావా? జీవన సాఫల్యం జుర్రుకుంటున్నావా? అవునో కాదో తేల్చుకోవాలంటే రాజగోపాల్ ‘వెన్నెల్లో మంచుపూలు’ పరిమళాన్ని ఆస్వాదించాల్సిందే. ‘అంతర్ముఖత్వం అన్ని ఔన్నత్యాలకూ ఆది మూలం’ అని విశ్వసిస్తారు కవి. ‘నా అనామకత్వానికి, నేను విసిరే సవాలు, నా కవిత్వం’ అంటారు. మనం ‘అభినయిస్తున్న విజయాలన్నీ, అప్రకటిత పరాజయాలు’ అని ఆక్షేపిస్తారు. బాల్యజ్ఞాపకాల్లోంచి ‘బతికున్న క్షణాలు’ ఏరుకుంటారు. గాలిసవ్వడిలో గాంధర్వం వింటారు. అధికారాంతం, వాడూ నేనూ, ఇలా కూడా వీలౌతుంది... ప్రతి కవితా దేనికదే ప్రత్యేకం.  స్ఫూర్జితశరం, అక్షతగాత్రయోధుడు, నక్షత్ర వృక్షజాలం, దీర్ఘచతురస్రీకరణ... రాజగోపాల్ సొంత పదసామగ్రిని సృష్టించుకుంటారు. ‘రాసిన పంక్తులు, జవనాశ్వాలై, జగత్తును రంగస్థలి చేసుకుని, కవాతు చెయ్యాలి’ అన్న కవి కల నెరవేరాలని ఆశిద్దాం.
  - ఎమ్వీ రామిరెడ్డి
  
  లోతుగా వెంటాడే కలలు
  
  పుస్తకం    :    ఊదారంగు మధ్యాహ్నం (కథలు)
  రచన    :    ఎమ్మెస్ సూర్యనారాయణ
  పేజీలు: 98
  వెల: 50
  ప్రతులకు: ఎం.రత్నమాల, ఆదిత్య కుటీర్, పొదలాడ, రాజోలు, తూ.గో.  -533 242
  9298950941
  
  విషయం    :    కవిత్వం, కథలు వేర్వేరు కావచ్చు. కానీ సూర్యనారాయణ కథలు చదివితే, కవిత్వం మారువేషంలో వచ్చినట్టుగా అనిపిస్తుంది. కోనసీమ కొబ్బరినీళ్లంత స్వచ్ఛమైన, చిక్కనైన కవిత్వం ఎమ్మెస్‌ది. అదే తరహా మ్యాగ్నటిజమ్ ఈ కథల్లోనూ టచ్ అవుతుంది. ఓ పట్టాన అర్థం కాని మోడ్రన్ ఆర్ట్‌లాంటి కథలివి. ఆయన కన్న కలలు, మెలకువలు, కలవర పాటలు, కలత నిదురలో రాసుకున్న స్వర్ణాక్షరాలు... వీటన్నిటి కలగలపుతో పుట్టిన కథలివి. గోదావరి నదిలో ఉండే గాంభీర్యంతో పాటు గలగల పారే చమత్కారం కూడా ఆవిష్కృతమవుతాయి. ఏదో భావజాలం, అంతర్మథనం వెంటాడీ వెంటాడనట్టుగా అనిపిస్తాయి. జన్మాంతరం, పడమటి ఉత్తరం, చిదంబర స్వప్నం, ఊదారంగు మధ్యాహ్నం, ఆత్మవస్త్రం... చదువుతుంటే, మనసుకున్న కొత్త లోతులు తెలుసుకోవాలనే తహతహ పెరుగుతుంది. ఒక్క ముక్కలో, ఇది స్లో మోషన్‌లో వెంటాడే కల.
  - శ్రీబాబు
  
  ఆలోచింపజేయటం ఒక సవాలు
  పుస్తకం    :    సవాళ్లతో సంఘర్షణ (ఉపన్యాసాలు)
  రచన    :    సీతారాం ఏచూరి
  పేజీలు: 228; వెల: 100 ప్రతులకు: రాష్ట్రంలోని అన్ని ప్రజాశక్తి బ్రాంచీలు
  
  విషయం    :    ఒకప్పటి ప్రజానాయకుల ఉపన్యాసాలు విని, ఉద్యమ కారులుగా మారినవారు ఎందరో! ఇప్పటికీ ప్రజా ఉద్యమాల్లో పనిచేసేవారు కొందరు మాట్లాడితే జనం కదలిపోతారు. ఉపన్యాసాల ద్వారా తమ రాజకీయ భావజాలాలను వారు విస్తృతంగా ప్రచారం చేస్తారు. వామపక్ష ఉద్యమాల్లో జాతీయ నాయకుడిగా ఎదిగిన సీతారాం ఏచూరి మంచి వక్త. ఆయన తాత్విక భావజాలాన్ని, రాజకీయ అంశాలను అందరూ ఒప్పుకోవచ్చును లేదా వ్యతిరేకించవచ్చును. కానీ ఏచూరి తమ పార్టీ విధానాన్ని చెప్పేటప్పుడు, జాతీయ అంతర్జాతీయ అంశాలను విశ్లేషించేటప్పుడు ఇతరులను ఆకట్టుకునే శక్తి ఉంది. అందుకే చాలామంది మాట్లాడిన ఉపన్యాసాలు అప్పటికప్పుడు విని చప్పట్లు కొట్టి వదిలేయవచ్చును. కానీ ఏచూరి మాటలు ఆలోచింపజేసే దశకు తీసుకుపోతాయి. వామపక్ష దారిలో దేశానికి సోషలిజం వస్తుందా అన్నది సవాలక్షల సవాళ్ల ప్రశ్న అనుకోకండి. ఈ పుస్తకం ద్వారా వామపక్ష ఉద్యమదారి ఎటు పోతుందో తెలుస్తుంది.
  - జూలూరు గౌరీశంకర్
  
  కొత్త పుస్తకాలు
  అక్షరమాల కథలు
  రచన: తల్లాప్రగడ రవికుమార్
  పేజీలు: 134; వెల: 80
  ప్రతులకు: రచయిత, 21-10-87, శ్రీనగర్ మొదటివీధి, సత్యనారాయణపురం, విజయవాడ-520011.
  ఫోన్: 9397831065
  
  అంతర్‌భ్రమణం
  రచన: శ్రీ అరుణం
  పేజీలు: 214; వెల: 100
  ప్రతులకు: విక్టరీ పబ్లిషర్స్, 30-17-18, వారణాశివారి వీధి, సీతారాంపురం, విజయవాడ-2. ఫోన్: 0866-2444156
  
  1.వియోగి నాటికలు
  రచన: కోపల్లె విజయప్రసాదు
  పేజీలు: 200; వెల: 150
  2. ఆత్మావలోకనం (నవల)
  రచన: శ్రీరాగి
  పేజీలు: 154; వెల: 120
  3. సగటు ఉద్యోగి (నవల)
  రచన: శ్రీరాగి
  పేజీలు: 346; వెల: 200
  ప్రతులకు: టి కె విశాలాక్షిదేవి, 87/395, కమలానగరు, బి క్యాంపు, కర్నూలు-518002. ఫోన్: 9502629095
  
  శ్రీ గాయత్రీ శంకర భాష్యము (ఆంధ్ర వివరణ సహితము)
  రచన: శ్రీ శ్రీ చిదానంద భారతీ స్వామి
  పేజీలు: 112; వెల: 100
  ప్రతులకు: బండారు శివరామకృష్ణశర్మ, శ్రీ చిదానంద భారతీస్వామి ఫౌండేషన్, 11-17-32/1, రామిరెడ్డిపేట, నరసరావుపేట.
  ఫోన్: 9247897994
  
  ముక్తకములు
  రచన: డా.వై.బాలరాజు
  పేజీలు: 96; వెల: 90
  ప్రతులకు: రచయిత, 2-9-12, బస్టాండ్ రోడ్, జనగాం, వరంగల్-506167.
  ఫోన్: 8500040827