హైదరాబాద్: ఓ యువతి అదృశ్యమవడం నగరంలో కలకలం రేపింది. ఇంట్లో నుంచి బయటకు వెళ్లిన యువతి కనిపించకుండా పోయిన సంఘటన ఎల్‌బీనగర్ పోలీస్‌స్టేషన్ పరిధిలో చోటు చేసుకుంది. పోలీసుల కథనం ప్రకారం.... ఎల్‌బీనగర్ సెంట్రల్‌బ్యాంక్ కాలనీకి చెందిన కృష్ణ కుమార్తె రమ్య (24) ఈ నెల 19వ తేదీన ఇంట్లో ఎవరికి చెప్పకుండా బయటకు వెళ్లి తిరిగి రాలేదు.
 ఆచూకీ కోసం బంధువులు, స్నేహితుల వద్ద వెతికినా ప్రయోజనం లేకపోవడంతో కుటుంబ సభ్యులు బుధవారం రాత్రి ఎల్‌బీనగర్ పోలీస్‌స్టేషన్‌లో ఫిర్యాదు చేశారు. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు.