సాక్షి, హైదరాబాద్‌: ‘పోలీస్‌ రిక్రూట్‌మెంట్‌ బోర్డు’ ద్వారా ఆర్టీసీ డ్రైవర్లు, కండక్టర్లను ఎంపిక చేయనున్నారు. ఆర్టీసీలో మూడు వేల ఖాళీల భర్తీకి ఇటీవల ఆ సంస్థ ప్రతిపాదించింది. ఆర్థికశాఖ వద్ద ప్రస్తుతం పెండింగ్‌లో ఉన్న ఆ ప్రతిపాదన ఎన్నికల కోడ్‌ ముగిశాక సీఎం పరిశీలనకు వెళుతుంది. దానికి ఆయన ఆమోదముద్ర వేయగానే ఎంపిక ప్రక్రియ ప్రారంభమవుతుంది. పోలీస్‌ రిక్రూట్‌మెంట్‌ బోర్డు కు ఆర్టీసీ ఉద్యోగుల ఎంపిక బాధ్యత అప్పగించటంపై ఆయన ఎలాంటి అభ్యంతర్థిరం వ్యక్తం చేయకపోతే ఈ నియామకాలు చకచకా జరుగుతాయి. టీఎస్‌పీఎస్‌సీ అనాసక్తితో.. దశాబ్దాలుగా అంతర్గత ఉద్యోగాల నియామకా లను సొంతంగా ఆర్టీసీనే చూస్తూ వచ్చింది. కానీ గత బీఆర్‌ఎస్‌ ప్రభుత్వం, ఓ దశలో దీనిని ప్రశ్నించింది. ప్రభుత్వ సంస్థల్లో అన్ని రకాల నియామకాలను టీఎస్‌పీఎస్‌సీ పర్యవేక్షిస్తుండగా, ఆర్టీసీలో ఆ సంస్థ చేపట్టడంపై అభ్యంతరం వ్యక్తం చేసింది. గత ప్రభుత్వ హయాంలో ఆర్టీసీలో అప్పటి వరకు నియామకాలు లేకపోవటం, తొలిసారి ఖాళీల భర్తీకి శ్రీకారం చుట్టాలని నిర్ణయించిన తరుణంలో ఈ ప్రశ్న ఉత్పన్నమైంది. దీంతో ఆర్టీసీ ఉద్యోగాల ఎంపిక కూడా టీఎస్‌పీఎస్‌సీనే చూడాలని ఆదేశించింది. తొలుత ఆర్టీసీ ఫైనాన్స్, పర్సనల్‌ విభాగాల్లో జూనియర్‌ అసిస్టెంట్‌ ఉద్యోగాల నియామక ప్రక్రియ చేపట్టింది. కానీ అప్పట్లో వాటి నియామకాలు జరగలేదు. కాంగ్రెస్‌ ప్రభుత్వం వచ్చాక నియామక ఉత్తర్వులు జారీ అయ్యాయి. డ్రైవర్ల నియామక ప్రక్రియ వరకు వచ్చేసరికి టీఎస్‌పీఎస్‌సీ చేతులెత్తేసింది. ఇతర ఉద్యోగాల భర్తీ ప్రక్రియలో బిజీగా ఉండగా, వీటిని చేపట్టడం సాధ్యం కాదని పేర్కొంది. దీంతో విషయం నాటి ప్రభుత్వ చివరిదశలో మరోసారి ప్రభుత్వ పరిశీలనకు వెళ్లింది. మళ్లీ దీనిపై సమాలోచనలు చేసి పోలీస్‌ రిక్రూట్‌మెంట్‌ బోర్డుకు అప్పగించింది. ఈలోపు ఎన్నికలు రావటం, ప్రభుత్వం మారిపోవటంతో ఆ ప్రక్రియ అలాగే ఆగిపోయింది. కాంగ్రెస్‌ ప్రభుత్వం మహిళలకు బస్సుల్లో ఉచిత ప్రయాణ వసతి కలి్పంచటంతో బస్సుల సంఖ్య భారీగా పెంచుకోవాల్సిన పరిస్థితి ఏర్పడింది. ఇప్పటికే ఉద్యోగుల కొరత ఉన్న సమయంలో కొత్త బస్సులు సమకూర్చుకుంటే వాటి నిర్వహణ అసాధ్యంగా మారే పరిస్థితి ఉంది. దీంతో 8 వేల మంది డ్రైవర్లు, కండక్టర్లను నియమించుకోవాలని నిర్ణయించి ప్రభుత్వానికి ఆర్టీసీ ప్రతిపాదించింది. అన్ని నియామకాలు వద్దని ఆర్థికశాఖ మౌఖికంగా సూచించంతో 3 వేల పోస్టుల భర్తీకి మళ్లీ ప్రతిపాదించింది. ఇందులో 2 వేల మంది డ్రైవర్లు ఉండగా శ్రామిక్‌లు, డిపో మేనేజర్లు ఇలా మిగతా విభాగాలకు చెందిన మరో వెయ్యి మంది ఉన్నారు. సీఎం గ్రీన్‌సిగ్నల్‌ ఇస్తే పోలీస్‌ రిక్రూట్‌మెంట్‌ బోర్డు మూడు వేల ఆర్టీసీ ఖాళీల భర్తీ ప్రక్రియ చేపడతారు.డ్రైవర్ల డబుల్‌ డ్యూటీ రూ.వెయ్యికి పెంపు ప్రస్తుతం ఆర్టీసీలో ‘లక్షే లక్ష్యం’ పేరుతో ప్రత్యేక డ్రైవ్‌ కొనసాగుతోంది. 2017 నాటి వేతన సవరణ అమలు చేయనుండటంతో ఆర్టీసీపై రోజువారీగా రూ.కోటి చొప్పున భారం పడుతుంది. ఆ భారాన్ని పూడ్చుకునేందుకు సంస్థ, రోజువారీ ఆదాయాన్ని రూ.కోటి మేర అదనంగా పెంచుకోవాలని నిర్ణయించింది. ఇందుకుగాను ప్రతి డిపో రోజుకు రూ.లక్ష చొప్పున ఆదాయాన్ని పెంచుకునే కసరత్తు ప్రారంభించింది. లక్షే లక్ష్యం పేరుతో దీనిని చేపట్టింది. కానీ, ఈ రూపంలో డ్రైవర్లపై భారం మరింత పెరిగిందంటూ ఇటీవల డిపో మేనేజర్లు ఎండీ దృష్టికి తెచ్చారు. తీవ్ర ఎండలున్న ప్రస్తుత తరుణంలో ఇది ఇబ్బందిగా మారిందని పేర్కొన్నారు. దీంతో మే, జూన్‌ నెలలకు సంబంధించి డ్రైవర్ల డబుల్‌ డ్యూటీ మొత్తాన్ని రూ.వెయ్యికి పెంచాలని తాజాగా ఆర్టీసీ నిర్ణయించి ఆదేశాలు జారీ చేసింది. ఎండ తీవ్రత నుంచి ఉపశమనం పొందేలా డ్రైవర్ల విషయంలో ప్రత్యేక జాగ్రత్తలు తీసుకోవాలని ఆదేశించింది.

సాక్షి, హైదరాబాద్‌: ‘పోలీస్‌ రిక్రూట్‌మెంట్‌ బోర్డు’ ద్వారా ఆర్టీసీ డ్రైవర్లు, కండక్టర్లను ఎంపిక చేయనున్నారు. ఆర్టీసీలో మూడు వేల ఖాళీల భర్తీకి ఇటీవల ఆ సంస్థ ప్రతిపాదించింది. ఆర్థికశాఖ వద్ద ప్రస్తుతం పెండింగ్‌లో ఉన్న ఆ ప్రతిపాదన ఎన్నికల కోడ్‌ ముగిశాక సీఎం పరిశీలనకు వెళుతుంది. దానికి ఆయన ఆమోదముద్ర వేయగానే ఎంపిక ప్రక్రియ ప్రారంభమవుతుంది. పోలీస్‌ రిక్రూట్‌మెంట్‌ బోర్డు కు ఆర్టీసీ ఉద్యోగుల ఎంపిక బాధ్యత అప్పగించటంపై ఆయన ఎలాంటి అభ్యంతర్థిరం వ్యక్తం చేయకపోతే ఈ నియామకాలు చకచకా జరుగుతాయి. టీఎస్‌పీఎస్‌సీ అనాసక్తితో.. దశాబ్దాలుగా అంతర్గత ఉద్యోగాల నియామకా లను సొంతంగా ఆర్టీసీనే చూస్తూ వచ్చింది. కానీ గత బీఆర్‌ఎస్‌ ప్రభుత్వం, ఓ దశలో దీనిని ప్రశ్నించింది. ప్రభుత్వ సంస్థల్లో అన్ని రకాల నియామకాలను టీఎస్‌పీఎస్‌సీ పర్యవేక్షిస్తుండగా, ఆర్టీసీలో ఆ సంస్థ చేపట్టడంపై అభ్యంతరం వ్యక్తం చేసింది. గత ప్రభుత్వ హయాంలో ఆర్టీసీలో అప్పటి వరకు నియామకాలు లేకపోవటం, తొలిసారి ఖాళీల భర్తీకి శ్రీకారం చుట్టాలని నిర్ణయించిన తరుణంలో ఈ ప్రశ్న ఉత్పన్నమైంది. దీంతో ఆర్టీసీ ఉద్యోగాల ఎంపిక కూడా టీఎస్‌పీఎస్‌సీనే చూడాలని ఆదేశించింది. తొలుత ఆర్టీసీ ఫైనాన్స్, పర్సనల్‌ విభాగాల్లో జూనియర్‌ అసిస్టెంట్‌ ఉద్యోగాల నియామక ప్రక్రియ చేపట్టింది. కానీ అప్పట్లో వాటి నియామకాలు జరగలేదు. కాంగ్రెస్‌ ప్రభుత్వం వచ్చాక నియామక ఉత్తర్వులు జారీ అయ్యాయి. డ్రైవర్ల నియామక ప్రక్రియ వరకు వచ్చేసరికి టీఎస్‌పీఎస్‌సీ చేతులెత్తేసింది. ఇతర ఉద్యోగాల భర్తీ ప్రక్రియలో బిజీగా ఉండగా, వీటిని చేపట్టడం సాధ్యం కాదని పేర్కొంది. దీంతో విషయం నాటి ప్రభుత్వ చివరిదశలో మరోసారి ప్రభుత్వ పరిశీలనకు వెళ్లింది. మళ్లీ దీనిపై సమాలోచనలు చేసి పోలీస్‌ రిక్రూట్‌మెంట్‌ బోర్డుకు అప్పగించింది. ఈలోపు ఎన్నికలు రావటం, ప్రభుత్వం మారిపోవటంతో ఆ ప్రక్రియ అలాగే ఆగిపోయింది. కాంగ్రెస్‌ ప్రభుత్వం మహిళలకు బస్సుల్లో ఉచిత ప్రయాణ వసతి కలి్పంచటంతో బస్సుల సంఖ్య భారీగా పెంచుకోవాల్సిన పరిస్థితి ఏర్పడింది. ఇప్పటికే ఉద్యోగుల కొరత ఉన్న సమయంలో కొత్త బస్సులు సమకూర్చుకుంటే వాటి నిర్వహణ అసాధ్యంగా మారే పరిస్థితి ఉంది. దీంతో 8 వేల మంది డ్రైవర్లు, కండక్టర్లను నియమించుకోవాలని నిర్ణయించి ప్రభుత్వానికి ఆర్టీసీ ప్రతిపాదించింది. అన్ని నియామకాలు వద్దని ఆర్థికశాఖ మౌఖికంగా సూచించంతో 3 వేల పోస్టుల భర్తీకి మళ్లీ ప్రతిపాదించింది. ఇందులో 2 వేల మంది డ్రైవర్లు ఉండగా శ్రామిక్‌లు, డిపో మేనేజర్లు ఇలా మిగతా విభాగాలకు చెందిన మరో వెయ్యి మంది ఉన్నారు. సీఎం గ్రీన్‌సిగ్నల్‌ ఇస్తే పోలీస్‌ రిక్రూట్‌మెంట్‌ బోర్డు మూడు వేల ఆర్టీసీ ఖాళీల భర్తీ ప్రక్రియ చేపడతారు.డ్రైవర్ల డబుల్‌ డ్యూటీ రూ.వెయ్యికి పెంపు ప్రస్తుతం ఆర్టీసీలో ‘లక్షే లక్ష్యం’ పేరుతో ప్రత్యేక డ్రైవ్‌ కొనసాగుతోంది. 2017 నాటి వేతన సవరణ అమలు చేయనుండటంతో ఆర్టీసీపై రోజువారీగా రూ.కోటి చొప్పున భారం పడుతుంది. ఆ భారాన్ని పూడ్చుకునేందుకు సంస్థ, రోజువారీ ఆదాయాన్ని రూ.కోటి మేర అదనంగా పెంచుకోవాలని నిర్ణయించింది. ఇందుకుగాను ప్రతి డిపో రోజుకు రూ.లక్ష చొప్పున ఆదాయాన్ని పెంచుకునే కసరత్తు ప్రారంభించింది. లక్షే లక్ష్యం పేరుతో దీనిని చేపట్టింది. కానీ, ఈ రూపంలో డ్రైవర్లపై భారం మరింత పెరిగిందంటూ ఇటీవల డిపో మేనేజర్లు ఎండీ దృష్టికి తెచ్చారు. తీవ్ర ఎండలున్న ప్రస్తుత తరుణంలో ఇది ఇబ్బందిగా మారిందని పేర్కొన్నారు. దీంతో మే, జూన్‌ నెలలకు సంబంధించి డ్రైవర్ల డబుల్‌ డ్యూటీ మొత్తాన్ని రూ.వెయ్యికి పెంచాలని తాజాగా ఆర్టీసీ నిర్ణయించి ఆదేశాలు జారీ చేసింది. ఎండ తీవ్రత నుంచి ఉపశమనం పొందేలా డ్రైవర్ల విషయంలో ప్రత్యేక జాగ్రత్తలు తీసుకోవాలని ఆదేశించింది.


 
     నసీర్ కార్యకలాపాలపై పోలీసుల అనుమానం
 
      పాస్‌పోర్టుల కోసం లక్షలు చెల్లించిన వైనం
 
      వాచ్‌మన్‌గా ఉంటూ గుట్టుచప్పుడు కాకుండా దందా
 
      నసీర్‌తో పాటు ఐదుగురి కస్టడీ కోరుతూ కోర్టులో పిటిషన్
 
 సాక్షి, హైదరాబాద్ (సిటీబ్యూరో): నిషేధిత ఉగ్రవాద సంస్థ హర్కత్ ఉల్ జీహాది అల్ ఇస్లామి(హుజీ) సంస్థ సభ్యుల నియామకం హైదరాబాద్ కేంద్రంగా జరుగుతోందని పోలీసులు నిర్థారణకు వచ్చినట్టు తెలుస్తోంది. ఈనెల 14న నగర పోలీసులకు చిక్కిన పాకిస్తానీ మహమ్మద్ నసీరే...దీనికి కర్త, క్రియ అని భావిస్తున్నారు.
 
 చంచల్‌గూడ జైలు సమీపంలోని ఎంఎం జిరాక్స్ సెంటర్ వద్ద దొరికిన డాక్యుమెంట్ల ఆధారంగా ఇతను 15 మందికి పాస్‌పోర్టులు ఇప్పించి దేశం దాటించాడని తేలడంతో  పోలీసులు ఈ విధంగా అనుమానిస్తున్నారు. వీరికి భారీ మొత్తంలో డబ్బు ఎరజూపడమే కాకుండా...లక్షలు వెచ్చించి మరీ పాస్‌పోర్టులు ఇప్పించాడు. ఉద్యోగ వీసాలపై దుబాయ్‌కు పంపిస్తున్నట్టు చెబుతున్నా...వారిని అక్కడి నుంచి పాకిస్తాన్‌కు తరలించినట్టు పోలీసులు భావిస్తున్నారు. హుజీ సంస్థలో వీరిని చేర్చుకునేందుకు...చట్ట వ్యతిరేక కార్యకలాపాలు పాల్పడేందుకు 'ఉగ్ర' తరహాలో శిక్షణ ఇస్తున్నట్టుగా భావిస్తున్నారు.  
 
  వాచ్‌మన్  అవతారం...
  ఐదు నెలల క్రితం నగరానికి వచ్చిన నసీర్.. తనపై ఎవరికీ అనుమానం రాకుండా ఉండేందుకు...పోలీసు నిఘా లేని ప్రాంతాలను ఎంచుకున్నాడు. ఈ సమయంలోనే బాలాపూర్‌లో ఉపాధ్యాయుడిగా పనిచేస్తున్న సొహైల్ పర్వేజ్ ఖాన్‌తో పరిచయమైంది. అక్కడి యునాని ఆస్పత్రిలో వాచ్‌మన్ ఉద్యోగం ఉందని తెలుసుకున్న నసీర్...సొహైల్ సహాకారంతో అక్కడ విధుల్లో చేరాడు.
 
 ఆస్పత్రి నిర్వాహకులు అతడికి అక్కడే చిన్నపాటి గది కేటాయించడంతో మూడు నెలల పాటు సాఫీగా ప్రయాణం సాగింది. ఉదయం వేళలో కొన్ని గంటల పాటు బయటకు వెళ్లి 'సొంత' పని చేసుకునేవాడు. అందరితో మర్యాదపూర్వకంగా మెలిగి ఎవరికీ ఎటువంటి అనుమానం రాకుండా చూసుకున్నాడు. నెలక్రితం సోహైల్, అతని బావ మహమ్మద్ మసూద్ అలీ ఖాన్  సహకారంతో చంచల్‌గూడ సమీపంలోని ఒక ఫ్లాట్‌కు మారాడు. ఇక్కడికొచ్చి నెలకూడా గడవకముందే పోలీసులకు దొరికిపోయాడు.
 
  ఏజెంట్ సహకారంతో పాస్‌పోర్టు...
  వాచ్‌మన్‌గా విధులు నిర్వహిస్తున్న నసీర్‌కు హవాలా ద్వారా లక్షల రూపాయాలు అందేవి. ఇతర దేశాల నుంచి అక్రమంగా వలసవచ్చి కడుబీదరికంలో బతుకుతున్న వారిని లక్ష్యంగా చేసుకునేవాడు. నసీర్‌కు బంగ్లాదేశ్‌కు చెందిన నూర్, హషీమ్‌తో పరిచయం ఏర్పడింది. వీరంతా ఎంపిక చేసుకున్న ప్రాంతాల్లో యువకులను జీహాది సాహిత్యం నూరిపోయడంతో పాటు దుబాయ్‌లో ఉద్యోగాలు ఇప్పిస్తామని నమ్మబలికేవారు. తాము కొంచెం ప్రోత్సహిస్తే చాలు...హుజీ సంస్థలో సభ్యులుగా చేరిపోతారని అనుకున్న వాళ్లకు పాస్‌పోర్టులు ఇప్పించినట్టుగా పోలీసులు అనుమానిస్తున్నారు.
 
 కాగా, నసీర్ పాస్‌పోర్టు కోసం తొలిసారి దరఖాస్తు చేసినప్పుడు హైదరాబాద్ స్పెషల్ బ్రాంచ్ అధికారులు తిరస్కరించారు.  పాస్‌పోర్టు ఏజెంట్ మహమ్మద్ మసూద్ అలీ సహకారంతో మరోసారి దరఖాస్తు చేస్తే క్లియరెన్స్ వచ్చినట్టు పోలీసుల విచారణలో తేలింది. పాస్‌పోర్టు వెరిఫికేషన్ సెల్‌లోని కొంతమంది అధికారులు లంచం తీసుకుని నసీర్ పాస్‌పోర్టును క్లియర్ చేసినట్టుగా దర్యాప్తు అధికారులు అనుమానిస్తున్నారు. ఇందులో పాత్ర ఉన్న ఇద్దరు పాస్‌పోర్టు అధికారులపై పోలీసులు మరో రెండు రోజుల్లో చర్యలు తీసుకోనున్నట్టు తెలుస్తోంది. అలాగే ఎస్‌బీ సిబ్బందిని కూడా సీసీఎస్ పోలీసులు సోమవారం పిలిచి మాట్లాడారు.
 
  కస్టడీ కోరుతూ పిటిషన్...
  నసీర్‌తో సహా పట్టుబడిన ఆరుగురు అనుమానితుల్నీ లోతుగా విచారించాలని సీసీఎస్ ఆధీనంలోని సిట్ అధికారులు నిర్ణయించారు. ఇందు కోసం వారిని తమ కస్టడీలోకి తీసుకొనేందుకు అనుమతి ఇవ్వాలని సోమవారం నాంపల్లి కోర్టులో పిటిషన్ దాఖలు చేశారు. రెండు వారాలా పాటు కస్టడీకి ఇవ్వాలని కోరింది. కాగా, నసీర్ భార్య హబియా కటూన్‌ను కూడా సీసీఎస్ పోలీసులు విచారించినట్టు తెలుస్తోంది. అసాంఘిక కార్యకలాపాల్లో ఆమె పాత్ర ఉందా? లేదా? అనేది నిర్థారించడంపై దర్యాప్తు అధికారులు దృష్టి పెట్టారు.