బుల్లితెర న‌టుడు, 'యే రిష్తా హై ప్యార్ కే' సీరియ‌ల్ హీరో షాహీర్ షైఖ్ ఓ ఇంటివాడు కాబోతున్నాడు. ప్రేయ‌సి రుచికా క‌పూర్‌తో నిశ్చితార్థం కూడా జ‌రుపుకున్నాడు. ఈ శుభ‌వార్త‌ను సోష‌ల్ మీడియా ద్వారా త‌న అభిమానుల‌కు తెలిపాడు. నెచ్చెలి చేయందుకున్న ఫొటోను సైతం షేర్ చేశాడు. నీతో జీవితం పంచుకునే త‌దుప‌రి మ‌జిలీ కోసం ఎంతో ఆతృత‌గా ఎదురు చూస్తున్నాను అని రాసుకొచ్చాడు. అటు రుచికా ప‌రిస్థితి కూడా ఇంచుమించు అలాగే క‌నిపిస్తోంది. (చ‌ద‌వండి: ఢిల్లీ క్రైమ్‌ చిత్రానికి అంతర్జాతీయ ఎమ్మీ అవార్డు) షాహీరో షేర్ చేసిన ఫొటోలో రుచికా ఎడ‌మ చేతి వేలికి ఎంగేజ్‌మెంట్ రింగ్ తొడిగి ఉండగా, కోరుకున్న‌వాడితో జీవితం పంచుకోబోతున్నందుకు సంతోషంలో తేలియాడుతున్న‌ట్లుగా క‌నిపిస్తోంది. కాగా ఏడాదిన్న‌ర‌కు పైగా డేటింగ్‌లో ఉన్న ఈ జంట ఇప్పుడు ఏడ‌డుగులు న‌డ‌వ‌‌నుండ‌టంతో వారి అభిమానులు శుభాకాంక్ష‌లు తెలుపుతున్నారు. ఈ నెల‌లోనే సాదాసీదాగా పెళ్లి తంతు కానిచ్చేయ‌నున్న ఈ జంట‌ వ‌చ్చే ఏడాది ఫిబ్ర‌వ‌రిలో మాత్రం సాంప్ర‌దాయ‌బ‌ద్ధంగా అంద‌రి స‌మ‌క్షంలో ఘ‌నంగా వివాహం జ‌రుపుకోనున్నారు. (చ‌ద‌వండి: నా ప్రేమ వందనాలు స్వీకరించు ప్రియా) View this post on Instagram A post shared by Shaheer Sheikh (@shaheernsheikh)

సాక్షి, హైదరాబాద్‌ : స్కేటింగ్‌ క్రీడాకారిణి రుచిక పోలీసులను ఆశ్రయించారు. భర్త అక్షయ్‌ కటారియా తనను మోసం చేశారంటూ బేగంపేట మహిళా పోలీస్‌ స్టేషన్‌లో ఫిర్యాదు చేశారు. వేరే అమ్మాయితో వివాహేతర సంబంధం పెట్టుకున్నాడని, ఈ విషయంపై పలుసార్లు కుటంబ సభ్యులకు చెప్పినా ఫలితం లేదని రుచిక ఆవేదన వ్యక్తం చేశారు. ఆరు నెలల క్రితమే రుచికకు అక్షయ్‌తో వివాహమైంది.


 సత్య సింహా, రుచిక, రాజ్‌పుత్, హారిణి ప్రధాన పాత్రధారులుగా ఓ చిత్రం రూపొందుతోంది. దాసరి గంగాధర్ దర్శకుడు. గోపూజి కిరణ్ నిర్మాత. ఈ చిత్రం ముహూర్తపు దృశ్యానికి వ్యాపారవేత్త శ్రీరంగం సత్య కెమె రా స్విచాన్ చేయగా, సీనియర్ దర్శకుడు వి.సాగర్ క్లాప్ కొట్టారు. శిరీష్ భరద్వాజ్ గౌరవ దర్శకత్వం వహించారు.
 
 సరికొత్త కామెడీ థ్రిల్లర్ కథాంశంతో సాగే చిత్రమిదని దర్శకుడు చెప్పారు. వచ్చేవారం నుంచి రెగ్యులర్ షూటింగ్ ఉంటుందని నిర్మాత తెలిపారు. ఈ చిత్రానికి సంగీతం: సుభాష్ ఆనంద్, కెమెరా: కార్తీక్ నాయుడు శనక్కాయల, సహ నిర్మాత: పెండ్యాల చక్రవర్తి, లైన్ ప్రొడ్యూసర్: పిట్ల పాండు, సమర్పణ: డి.ఎం.ఎం.సదన్.