సాక్షి, విశాఖపట్నం: రాష్ట్ర విభజనకు వ్యతిరేకంగా ఉద్యమ కార్యాచరణ రూపొందించేందుకు ఈనెల 9న ప్రత్యేక సమావేశం నిర్వహించనున్నట్టు సమైక్యాంధ్ర విద్యుత్ ఉద్యోగుల జేఏసీ రాష్ట్ర కన్వీనర్ పోలాకి శ్రీనివాసరావు గురువారం ఓ ప్రకటనలో తెలిపారు. ఉదయం 10 గంటలకు హైదరాబాద్‌లో ఈ సమావేశం ఉంటుందని, రాష్ట్ర విభజనకు పాల్పడితే తక్షణమే మెరుపు సమ్మెకు దిగేందుకు కార్యాచరణ ప్రణాళికను చర్చించనున్నట్టు వెల్లడించారు. శుక్రవారం నుంచి సీమాంధ్రలో నిరసన కార్యక్రమాలు చేపట్టనున్లట్లు పేర్కొన్నారు.