ప్రముఖ దర్శకుడు సంగీత శివన్ (61) తుదిశ్వాస విడిచారు. గత కొన్నిరోజుల నుంచి అనారోగ్యంతో బాధపడుతున్న ఈయన.. ముంబయిలోని ఓ ప్రైవేట్ ఆస్పత్రిలో కన్నుమూశారు. ఈ క్రమంలోనే మలయాళ, హిందీ సెలబ్రిటీలు సంతాపం వ్యక్తం చేస్తున్నారు.(ఇదీ చదవండి: పవన్ మూవీ రిలీజ్ డేట్‌కి టెండర్ వేసిన 'దేవర'?)కేరళకు చెందిన సంగీత్ శివన్.. 1990లో 'వ్యూహం' చిత్రంతో దర్శకుడిగా ఎంట్రీ ఇచ్చారు. ఆ తర్వాత యోధ, గంధర్వం, నిర్ణయం, స్నేహపూర్వం అన్న లాంటి మలయాళ సినిమాలతో పాటు అప్నా సప్నా మనీ మనీ, క్లిక్, యమ్ల పగ్ల దీవానా 2 తదితర హిందీ మూవీస్ చేశారు. చివరగా 2019లో 'భారం' చిత్రానికి దర్శకత్వం వహించారు. ఇప్పుడు వయసుతో వచ్చిన అనారోగ్యం కారణంగా తుదిశ్వాస విడిచారు.సంగీత శివన్ సోదరుడు సంతోష్ శివన్.. ఇప్పటికే సినిమాటోగ్రాఫర్‌గా చాలా పేరు తెచ్చుకున్నారు. దర్శకుడిగానూ కొన్ని మూవీస్ చేశారు. ఇక సంగీత్ శివన్ చనిపోయారని వార్త తెలిసిన తర్వాత బాలీవుడ్ హీరో రితేష్ దేశ్‌ముఖ్ ఎమోషనల్ అయ్యాడు. ట్విట్టర్‌లో పోస్ట్ చేశాడు.(ఇదీ చదవండి: టాలీవుడ్ హీరోయిన్ ఫోన్ హ్యాక్.. బాధతో ఇన్ స్టాలో పోస్ట్)Deeply saddened and shocked to know that Sangeeth Sivan Sir is no more. As a newcomer all you want is someone to believe in you and take a chance.. can’t thank him enough for Kya Kool Hai Hum & Apna Sapna Money Money. Soft spoken, gentle and a wonderful human being. Am heart… pic.twitter.com/kvTkFJmEXx— Riteish Deshmukh (@Riteishd) May 8, 2024

సాక్షి,హైదరాబాద్‌: సికింద్రాబాద్‌లో మందుబాబు హల్‌చల్‌ చేశాడు. మద్యం మత్తులో సంగీత్‌ డీమార్ట్‌ సమీపంలోని ఓ వీధి స్తంభం ఎక్కి కిందకు దూకుతానని బెదిరించాడు. అతన్ని ఇలియాజ్‌గా స్థానికులు గుర్తించారు. కిందకు దిగాలని స్థానికులు, పోలీసులు అతనికి సర్దిచెప్పే యత్నం చేసినా వినిపించుకోలేదు. తనకు క్వార్టర్‌ మద్యం ఇస్తేనే స్తంభం దిగుతానని, లేదంటే పైనుంచి దూకుతానంటూ బేరానికి వచ్చాడు. చివరికి అతని ‘డిమాండ్‌’ మేరకు మద్యం సీసా తీసుకొచ్చి చూపించడంతో పోల్‌ దిగేందుకు అంగీకరించాడు. స్ట్రీట్‌ లైట్స్‌ బిగించేందుకు ఉపయోగించే క్రేన్‌ సాయంతో జీహెచ్‌ఎంసీ సిబ్బంది అతన్ని కిందకు దించారు. 

అటు వెండితెర, ఇటు బుల్లితెర రెండింటిలోనూ పాపులారిటీని సంపాదించుకున్న భామ నేహా పెండ్సే. గతంలో బిగ్‌బాస్‌ 12 హిందీలో పాల్గొన్న నేహా ఎక్కువ రోజులు బిగ్‌బాస్‌ హౌస్‌లో నిలవలేకపోయింది. మెరుపుతీగలా వచ్చినదారినే వెళ్లిపోయింది. అయితే ఉన్నది కొన్ని రోజులే అయినప్పటికీ సంచలనాలు సృష్టిస్తూ తరచూ వార్తల్లో నిలిచింది. ఇక తెలుగులోనూ ‘సొంతం’, ‘వీధిరౌడీ’ వంటి సినిమాల్లో హీరోయిన్‌గా నటించినా ఆ తర్వాత టాలీవుడ్‌లో జాడ లేకుండా పోయింది. ఆ తర్వాత మలయాళం, హిందీ భాషల్లోనూ నటించింది. కాగా నేహా పెండ్సే తన బాయ్‌ఫ్రెండ్‌ వ్యాపారి షార్దుల్‌ సింగ్‌ను పెళ్లి చేసుకునేందుకు రెడీ అయిన విషయం తెలిసిందే. పెళ్లికి ముందు చివరి ముద్దు అంటూ తనకు కాబోయే భర్తను ముద్దాడుతూ నేహా నూతన సంవత్సరానికి వినూత్నంగా వెల్‌కమ్‌ చెప్పింది. దీనికి సంబంధించిన ఫొటోను సోషల్‌ మీడియాలో షేర్‌ చేయగా విపరీతంగా వైరల్‌ అయింది. ఇక ప్రస్తుతం పెళ్లి కార్యక్రమాల్లో బిజీగా ఉన్న నేహా ఇంట్లో సంగీత్‌ జరిగింది. ఈ సందర్భంగా నేహా పెండ్సే కాబోయే భర్తతో కలిసి డ్యాన్స్‌ చేసింది. దీనికి సంబంధించిన ఫొటోలను అభిమానులతో పంచుకుంది. నేహా, షాదుల్‌ జంటల ఈడూజోడు బాగుందంటూ ఆమె అభిమానులు ప్రశంసలు కురిపిస్తున్నారు. నేడు నేహా పెండ్సే వివాహం బంధుమిత్రులు, స్నేహితుల, సెలబ్రిటీల సమక్షంలో ఘనంగా జరగనుంది.

సాక్షి, హైదరాబాద్‌: హీరోయిన్‌ అర్చన(వేద) పెళ్లి వేడుకల్లో భాగంగా సోమవారం రాత్రి సంగీత్‌ కార్యక్రమం నిర్వహించారు. బంధు మిత్రులతో పాటు వధువు, వరుడు హుషారుగా నృత్యాలు చేశారు. ఈ వేడుకకు సంబంధించిన వీడియో, ఫొటోలు సోషల్‌ మీడియాలో సందడి చేస్తున్నాయి. వీటిని చూసి అభిమానులు పండగ చేసుకుంటున్నారు. వధూవరులకు మనస్ఫూర్తిగా శుభాభినందనలు తెలియజేస్తున్నారు. ఓ ప్రముఖ హెల్త్‌కేర్ కంపెనీ ఉపాధ్యక్షుడు, వ్యాపారవేత్త జగదీశ్‌ భక్తవత్సలంతో 14 తేదీ తెల్లవారుజామున 1.30 గంటలకు హైదరాబాద్‌లో అర్చన వివాహం జరగనుంది. 13వ తేదీ సాయంత్రం వివాహ రిసెప్షన్ ఉంటుంది. ఈ వివాహానికి సినీ, రాజకీయ రంగాలకు చెందిన ప్రముఖులు హాజరుకానున్నారు. నేను సినిమాతో 2004లో తెరంగేట్రం చేసిన అర్చన.. తెలుగుతో పాటు కన్నడ, తమిళ సినిమాల్లోనూ నటించింది. సరైన విజయం దక్కపోవడంతో హీరోయిన్‌గా నిలదొక్కుకోలేకపోయింది. ప్రముఖ రియాల్టీ షో తెలుగు బిగ్‌బాస్‌ సీజన్‌-1 కంటెస్టెంట్‌గా పాల్గొని ప్రతిభ చాటుకుంది. టీవీల్లో పలు డ్యాన్స్‌షోలకు అర్చన న్యాయనిర్ణేతగా వ్యవహరించింది.

సకుటుంబ సపరివారం సంగీతంగా ప్రియానిక్‌ (ప్రియాంకా చోప్రా, నిక్‌ జోనస్‌), కుటుంబ సభ్యులు సంబరాల్లో మునిగితేలారు. శనివారం క్రిస్టియన్, ఆదివారం హిందూ సంప్రదాయాల్లో ఒక్కటయ్యారు ప్రియానిక్‌. ఇరు కుటుంబ సభ్యులు సంగీత్‌ కార్యక్రమాన్ని సరదాగా జరుపుకున్నారు. సంగీత్‌ కార్యక్రమం వీడియోను, ఫొటోలను ప్రియాంక షేర్‌ చేస్తూ ‘‘డ్యాన్స్‌ కాంపిటీషన్‌లా మొదలైన సంగీత్‌ కార్యకమం చివరికి ప్రేమ పూర్వక సంబరాల్లా ముగిశాయి. మా ఇద్దరి స్టోరీలను పాటల రూపంలో, డ్యాన్స్‌ రూపంలో భలే సరదాగా చూపించారు. వాళ్ల శ్రమకు, ఆప్యాయతకు రుణపడి ఉంటాం. ఇరు కుటుంబాల కలయికను అద్భుతంగా ఆరంభించడం ఆనందంగా ఉంది’’ అని పేర్కొన్నారు.

ఇంతకుముందు పెళ్లి ఊరెగింపులో మాత్రమే డ్యాన్స్‌ చేసేవారు మరి ఇప్పుడో...మెహందీ, సంగీత్‌ ఇలా పెళ్లికి ముందుకు జరిగే ప్రతి వేడుకలో నృత్యం చేయడం పరిపాటి అయ్యింది. ఈ వేడుకల్లో బంధువులు, స్నేహితులతోపాటు వధూవరూలు కూడా కాలు కదుపుతారు. కానీ ఈ పంజాబీ పెళ్లికూతురు మాత్రం తన వస్త్రధారణ, డ్యాన్స్‌తో అందరిని ఆశ్చర్యానికి గురిచేసింది. ఎందుకంటే సాధరణంగా పెళ్లికూతురంటేనే చక్కగా అలంకరించుకుని కుందనపు బొమ్మలా ముస్తాబవుతుంది. కానీ పంజాబ్‌కు చెందిన రషికా యాదవ్‌ మాత్రం చేతులకు చక్కగా గోరింటాకు పెట్టుకుంది. గాజులు ధరించింది, పెళ్లి నగలను అలంకరించుకుంది. పెళ్లికి ధరించేందుకు రూపొందించిన చోళితో పాటు జీన్స్‌ వేసుకుంది. దానికి నప్పే స్నీకర్స్‌(షూస్‌) ధరించింది. తర్వాత పంజాబీ గాయకుడు మంక్రీత్‌ ఔలఖ్‌ పాట ‘కదార్‌’కు డ్యాన్స్‌ చేసింది. దీన్నంతా పక్కనే ఉన్న ఫోటోగ్రాఫర్‌ ప్రియాంక కాంబోజ్‌ చోప్రా వీడియో తీసి ఇంటర్నెట్‌లో పోస్టు చేసింది. పోస్టు చేసిన 20 గంటల్లోనే ఈ వీడియో 7వేల లైకులు, 4.3లక్షల వ్యూస్‌తో హల్‌చల్‌ చేస్తుంది. ఈ వీడియోలో రషిక బంగ్రా స్టెప్పులతో పాటు, బెల్లీ డాన్స్‌, బాలీవుడ్‌ స్టెప్పులతో అదరగొట్టింది. రషిక గత 16ఏళ్లుగా కథక్‌ నృత్యాన్ని నేర్చుకుంటుంది.

ముంబై : బాలీవుడ్ నటి ఐశ్వర్య రాయ్‌ బచ్చన్ తన అందం, అభినయంతో భారత్లోనే కాకుండా ప్రపంచ వ్యాప్తంగా అభిమానులను సంపాదించుకున్నారు‌. ప్రపంచ సుందరి కిరీటం కైవసం చేసుకున్న దగ్గరి నుంచి సినిమా రంగ ప్రవేశం, పెళ్లికి ముందు అఫైర్లంటూ రూమర్స్, అభిషేక్ బచ్చన్తో వివాహం, కూతురు ఆరాధ్య, పెళ్లి అనంతరం తిరిగి సినీ రంగ ప్రవేశం ఇలా ఎప్పుడూ ఏదో ఒక సెన్సేషన్తో వార్తల్లో నిలవడం చూస్తూనే ఉన్నాం. ఇప్పుడు మాత్రం ఐష్ అభిమానులకు నవ్వు తెప్పించే ఓ ఆసక్తికర వార్త చక్కర్లు కొడుతోంది. విశాఖ యువకుడిగా చెప్పుకుంటున్న ఓ 29 ఏళ్ల కుర్రాడు సంగీత్ కుమార్ ఐశ్వర్య తన తల్లి అంటూ సంచలన వ్యాఖ్యలు చేశాడు. దీనికి సంబంధించి ఓ వీడియో నెట్లో హల్ చల్ చేస్తోంది.   సంగీత్ కుమార్ ఆ వీడియోలో ఏంచెప్పాడంటే.. 'నేను ఇన్‌విట్రో ఫర్టిలైజేషన్‌ (ఐవీఎఫ్‌) ద్వారా 1988లో లండన్లో జన్మించా. ఐశ్వర్య తల్లిదండ్రులు కృష్ణరాజ్‌ రాయ్‌, వ్రిందా రాయ్లు రెండేళ్లపాటూ నన్ను పెంచారు. నా తండ్రి అడివేలు రెడ్డి తర్వాత నన్ను విశాఖపట్నం తీసుకువచ్చారు. అప్పటి నుంచి విశాఖలోనే ఉండాల్సి వచ్చింది. నా తల్లి నుంచి దూరమై ఇప్పటికి 27 ఏళ్లు అవుతోంది. ఇప్పుడు నా తల్లితో ఉండాలనుకుంటున్నా. ఐష్ నా తల్లి అని నిరూపించడానికి నా దగ్గర ప్రస్తుతం ఎలాంటి ఆధారాలు లేవు. ఆ డాక్యుమెంట్లను నా కుటుంబ సభ్యులు నాశనం చేశారు' అంటూ వ్యాఖ్యానించాడు. అంతేకాకుండా ఇప్పుడు ఐష్, అభిషేక్లు కలిసి ఉండటం లేదట. వారిద్దరూ సెపరేట్ అయ్యారంటూ మరో బాంబు పేల్చాడు. ఈ కుర్రాడి వ్యాఖ్యలను ఐష్ అభిషేక్లు వింటే ఎలా స్పందిస్తారో చూడాలి.  


 హైదరాబాద్: ప్రముఖ మొబైల్ రిటైల్ సంస్థ సంగీత తన 41వ వార్షికోత్సవ సందర్భంగా వినియోగదారుల కోసం పలు ఆఫర్లను ప్రకటించింది. రూ.1, అంతకన్నా ఎక్కువ మార్జిన్ సేల్‌పై 20 శాతం క్యాష్‌బ్యాక్, లక్ష సెకన్ల టాక్‌టైమ్ కలిగిన సిమ్, ఐసీఐసీఐ క్రెడిట్ కార్డ్‌పై 5 శాతం క్యాష్‌బ్యాక్, హెచ్‌డీఎఫ్‌సీ కార్డుదారులకు 2 వేల రివార్డు పాయింట్లు వంటి ఆఫర్లను అందిస్తున్నట్లు సంస్థ ఒక ప్రకటనలో తెలిపింది. వీటితోపాటు జీరో వడ్డీతో 24 ఈఎంఐలు, బజాజ్ ఫైనాన్స్ నుంచి 100 శాతం వరకు మనీ బ్యాక్, రూ.లక్ష పర్సనల్ ఇన్సూరెన్స్, రెండేళ్ల బ్రాండ్ వారెంటీ, వారం రోజుల రిప్లేస్‌మెంట్ సౌకర్యం కూడా వినియోగదారులకు అందిస్తున్నట్లు పేర్కొంది.


 
 మంచువారి ఇంట్లో జరిగిన మనోజ్ సంగీత్ కార్యక్రమానికి 'తారలు' దిగి వచ్చారు.  సంగీత్ కార్యక్రమంలో నాటి తరం నటీనటుల నుంచి నేటి తరం యంగ్ హీరోహీరోయిన్లు స్టెప్స్ వేశారు. కొడుకు పెళ్లి సందడిలో మునిగి తేలుతున్న మోహన్ బాబు కూడా ఉత్సాహంగా నృత్యం చేశారు.  ఇక మంచు లక్ష్మి, ఆండ్రీ అయితే ఓ రేంజ్లో డాన్స్ చేసి దుమ్ము రేపారు. వారిద్దరి కలిసి ఓ పాటకు చేసిన డాన్స్ హైలెట్గా నిలిచింది. . ఈ నెల 20వ తేదీ బుధవారం ఉదయం 9.10 గంటలకు మనోజ్-ప్రణతి వివాహం జరుగబోతున్న విషయం తెలిసిందే.
 
 ఈ నేపథ్యంలో ఆదివారం రాత్రి ఏర్పాటు చేసిన సంగీత్ కార్యక్రమంలో వధువరుల కుటుంబాలతో పాటు పలువురు సినీ తారలు హాజరై సందడి చేశారు.  హైదరాబాద్లోని పార్క్ హయత్ హోటల్ ఈ వేడుకకు వేదికైంది.  తెలుగు, తమిళ, మలయాళ, కన్నడ, హిందీ సినిమా రంగాలకు చెందిన సినీస్టార్స్ ...మనోజ్ సంగీత్ ఫంక్షన్లో పాల్గొన్నారు.
 
 ఈ వేడుకలో కాబోయే వధూవరులు, మోహన్ బాబు తనతో నటించిన హీరోయిన్లు జయసుధ, సుమలత, రవీనా టండన్తో కలిసి డాన్స్ చేస్తే... ఇక మంచు విష్ణు, వెరొనికా ఓ తెలుగు పాటకు నృత్యం చేశారు.
 
 తమిళ చిత్ర పరిశ్రమ నుంచి హీరో ఆర్య, త్రిష, హన్సికతో పాటు పలువురు హాజరు కాగా, ఇక టాలీవుడ్ యంగ్ యాక్టర్స్ అల్లరి నరేష్, నాని, శ్రీకాంత్, హీరో బాలకృష్ణతో పాటు రాజకీయ నేతలు సుశీల్ కుమార్ షిండే, దానం నాగేందర్, కేవీపీ రామచంద్రరావుతో పాటు పలువురు హాజరయ్యారు. మే 16న మంచు మనోజ్ను పెళ్లికొడుకు చేసిన కార్యక్రమం కూడా కుటుంబ సభ్యులు గ్రాండ్గా నిర్వహించిన విషయం తెలిసిందే.
 
 
  


 హైదరాబాద్: మంచువారి ఇంట్లో చివరి పెళ్లి అంగరంగ వైభవంగా జరగనుంది. ఒకప్పుడు బాలీవుడ్కే పరిమితమైన సంగీత్ కార్యక్రమం ఇప్పడు టాలీవుడ్ సెలెబ్రిటీల వివాహ వేడుకల్లో కామన్ అయిపోయింది. గతంలో చిరంజీవి, బాలకృష్ణ ఫ్యామిలీలో జరిగిన సంగీత్ లో హీరోలు చిందేసిన విషయం తెలిసిందే. తాజాగా ఇప్పుడు మంచువారి ఇంట్లో సంగీత్ వేడుక కనులవిందుగా జరగనుంది. దాదాపు ఐదు రోజులపాటు జరిగే ఈ తంతులో ప్రముఖ తమిళ సూపర్ స్టార్ రజనీ కాంత్, కన్నడ నటుడు అంబరీశ్ అదిరిపోయే స్టెప్పులతో అలరించనున్నారట. నటుడు మోహన్ బాబు చిన్న కుమారుడు మంచు మనోజ్ వివాహం మే 20న జరగనున్న విషయం తెలిసిందే. దాంతో మోహన్ బాబుకు స్నేహితులు, సన్నిహితులైన రజనీకాంత్, అంబరీష్ ఈ వేడుకలో అలరించనున్నారు.
 
 ఇందుకోసం వారు ఘనంగా ఏర్పాట్లు చేస్తున్నారు. శంషాబాద్ లోని మోహన్ బాబు  నివాసంలో ఈ వేడుకకు వేదిక కానుంది. వరుసగా ఐదురోజులపాటు ధూమ్ ధామ్ గా కార్యక్రమాలు సిద్ధం చేశారు. వీటిలో ప్రతిరోజు సంగీత్ ఉంటుంది. మే 14 నుంచి వివాహ వేడుకలు జరగనున్నాయి. ఈ కార్యక్రమాలన్నింటికి మనోజ్ సోదరి మంచు లక్ష్మీ యాంకరింగ్ చేయనున్నారు. ఈ వివాహానికి చిత్ర పరిశ్రమలకు చెందిన ప్రముఖులందరు వస్తున్న విషయం తెలిసిందే.