హైదరాబాద్: ఎలక్ట్రిక్‌ వాహనాల తయారీలో ఉన్న క్వాంటమ్‌ ఎనర్జీ హైదరాబాద్‌లో మూడవ షోరూంను ప్రారంభించింది.  ఇంపాక్ట్ ఎంటర్‌ ప్రైజెస్ పేరుతో 1000 చదరపు అడుగుల విశాలమైన షోరూమ్ హైదరాబాద్‌లోని కూకట్‌పల్లి  అందుబాటులో ఉందని,  దీంతో సంస్థ మొత్తం ఔట్‌లెట్ల సంఖ్య 23కు చేరుకుందని కంపెనీ డైరెక్టర్‌ సి.కుశాల్‌ తెలిపారు. వీటిలో తెలంగాణలో నాలుగు కేంద్రాలు ఉన్నాయని చెప్పారు. దేశవ్యాప్తంగా క్వాంటమ్‌ ఎనర్జీ ఎనమిది రాష్ట్రాల్లో విక్రయాలు సాగిస్తోంది. ప్లాస్మా, ఎలెక్ట్రాన్, మిలన్, బిజినెస్‌ పేర్లతో ఎలక్ట్రిక్‌ స్కూటర్ల తయారీ, విక్రయం చేపడుతోంది. ప్లాస్మా స్కూటర్‌ ఒకసారి చార్జింగ్‌తో 135 కిలోమీటర్ల వరకు ప్రయాణిస్తుందని కంపెనీ తెలిపింది.

జూబ్లీహిల్స్‌ రోడ్‌ నెం.36లో కళామందిర్‌ రాయల్‌ చీరల షోరూం సోమవారం ప్రారంభమైంది. సినీ నటి అమల అక్కినేని, మెగాస్టార్‌ చిరంజీవి కుమార్తెలు సుష్మిత కొణిదెల, శ్రీజ కొణిదెల షోరూంను ప్రారంభించారు. కార్యక్రమంలో లగడపాటి పద్మ, ఫిక్కీ చైర్మన్‌ సుబ్రా మహేశ్వరి, కళామందిర్‌ సుమజ, ఝాన్సీ, కూచిపూడి నృత్యకారిణి దీపికారెడ్డి, ఫ్యాషన్‌ డిజైనర్‌ దివ్యారెడ్డి, ఎండి. కళ్యాణ్‌ తదితరులు పాల్గొన్నారు. ఇది 49వ స్టోర్‌ అని తమ వద్ద ప్రత్యేకమైన పైతాని, సిల్క్, కోట, పటోల, హ్యాండ్లూమ్, ఖాదీ చీరలు అందుబాటులో ఉన్నట్లు  నిర్వాహకులు తెలిపారు. ఈ సందర్భంగా అమల మాట్లాడుతూ.. చీర కట్టులోనే మహిళల ఔన్నత్యం దాగి ఉంటుందన్నారు. చీర కట్టడం అంటే తనకు ఎంతో ఇష్టమని, ఇక్కడ ఎన్నో డిజైనరీ బ్రాండ్లు కనువిందు చేస్తున్నాయన్నారు.

సాక్షి, వైజాగ్‌ : హైదరాబాద్ కేంద్రంగా పనిచేస్తున్న మల్టీ-బ్రాండ్ మొబైల్ రిటైల్  చైన్‌ హ్యాపీ మొబైల్స్, విశాఖలో  మరో షో రూంను ప్రారంభించింది. ప్రముఖ సినీ నటి కాజల్‌ అగర్వాల్‌ గురువారం దీన్ని ప్రారంభించారు. ఈ సందర్భంగా  వినియోగదారులు ఈ (అక్టోబర్) నెలలో దసరా, దీపావళి సందర్బంగా హ్యాపీ మొబైల్స్ స్టోర్స్ లో మెగా ఫెస్టివల్ ధమాకా అందిస్తోంది. ప్రతీ మొబైల్పై ఉచిత బహుమతి పొందేందుకు అయిదు కోట్ల విలువైన బహుమతులును సిద్ధంగా ఉంచినట్టు హ్యామీ మొబైల్స్‌  సీఎండీ కృష్ణ పవన్, డైరక్టర్ కోట సంతోష్ తెలిపారు. పది వేల రూపాయల పైబడి మొబైల్ కొన్న కస్టమర్లకు వారి పుట్టిన రోజున అక్షయ్య పాత్ర ద్వారా నిరుపేదలకి ఉచిత భోజనం సదుపాయాన్ని అందివ్వనున్నట్టు వెల్లడించారు. రెండు తెలుగు రాష్ట్రాలలో ఇప్పటివరకు 57 స్టోర్స్ ప్రారంభించామనీ తద్వారా పది లక్షల కస్టమర్లకి చేరువయ్యామని వారు సంతోషం వ్యక్తం చేశారు.  నచ్చిన వ్యక్తి దొరికతే  తప్పకుండా పెళ్లి చేసుకుంటా  - కాజల్‌ అగర్వాల్‌ ఈ కార్యక్రమంలో కాజల్‌ అగర్వాల్‌ మాట్లాడుతూ విశాఖ రావడం ఆనందంగా ఉందన్నారు. హ్యాపీ మొబైల్స్ తొలి షోరూమ్ ప్రారంభించడం సంతోషంగా ఉందనీ,  అలాగే కస్టమర్లకి భారీ డిస్కౌంట్ లు అందించడం  హ్యాపీగా ఉందని పేర్కొన్నారు.  విశాఖ ప్రజలు, ఇక్కడి ఫుడ్ తనకు చాలా ఇష్టమని తెలిపారు. విశాఖలోఎన్నో సినిమా షూటింగ్లలో పాల్గొన్నానంటూ ఈ సందర్భంగా ఆమె గుర్తు చేసుకున్నారు. అలాగే క్వీన్ తమిళ రీమేక్ లో కష్టపడి నటిస్తున్నాననీ,  హిందీతో పాడు తమిళ వెబ్ సిరీస్ లో నటిస్తున్నానంటూ తన ఫ్యూచర్‌  ప్రాజెక్టుల వివరాలందించారు. తన సహనటులందరితోనూ తనకు మంచి సంబంధాలున్నాయని తెలిపారు. అంతేకాదు తనకు నచ్చిన వ్యక్తి దొరికితే తప్పకుండా పెళ్లి చేసుకుంటానంటూ కాజల్‌ తన అభిమానుల్లో హుషారు నింపారు. అయితే తనకు కాబోయే వరుడు తనలాగా కాకుండా డిఫరెంట్‌గా వుండాలని వ్యాఖ్యానించి నవ్వులు పూయించారు. (ఫొటో గ్యాలరీ కోసం ఇక్కడ క్లిక్ చేయండి)

సాక్షి, ఖమ్మం: రిలయన్స్ రిటైల్‌కు చెందిన భారీ స్థాయి సూప‌ర్ మార్కెట్ శ్రేణి రిలయన్స్ స్మార్ట్ ఖమ్మంలో త‌న కొత్త స్టోర్‌ను వైఎస్ టవర్స్, ఎన్ఎస్టి రోడ్, బాలాజీ నగర్లో  బుధవారం ప్రారంభించింది. బ‌హుళ‌ విధ‌మైన ఉత్ప‌త్తులను క‌లిగి ఉండే ఈ స్టోర్‌లో కిరాణ ఉత్ప‌త్తులు, పండ్లు, కూర‌గాయ‌లు, పాల ఉత్ప‌త్తులు, కిచెన్‌వేర్‌, హోంవేర్ వంటి వాటితో పాటు మరెన్నో ఉత్ప‌త్తులు అందుబాటులో ఉన్నాయి. నాణ్య‌మైన ఉత్ప‌త్తులు  ఆక‌ర్ష‌ణీయ‌మైన ధ‌ర‌ల వ‌ల్ల స్థానిక ప్ర‌జ‌ల హృద‌యాల‌ను గెలుచుకోవ‌డంతో పాటు వారి దైనందిన అవ‌స‌రాల‌ను తీర్చే కేంద్రంగా రిలయన్స్ స్మార్ట్ నిల‌వ‌నుంది.  ఈ స్టోర్‌లో వినియోగ‌దారులు చెల్లించే మొత్తానికి త‌గిన నాణ్య‌మైన ఉత్పత్తులు అందించ‌డంతో పాటుగా ఎంఆర్‌పీపై క‌నీసం 6% డిస్కౌంట్‌ను అన్ని ఉత్ప‌త్తుల‌పై సంవత్సరం పొడ‌వునా అందిస్తోంది. దీంతోపాటు రూ.1499 విలువ గ‌ల వస్తువులు కొనుగోలు చేసిన‌ప్పుడు కిలో పంచ‌దార‌ను రూ.9 క‌నీస ధ‌ర‌తో అందించ‌డం వంటి ఇత‌ర ఆక‌ర్ష‌ణీయ ప‌థ‌కాల వ‌ల్ల దేశ‌వ్యాప్తంగా తమ నెల‌వారీ కిరాణ స‌రుకుల కోసం ఎంచుకోద‌గిన ఉత్త‌మ‌మైన సూప‌ర్‌ మార్కెట్‌గా రిలయన్స్ స్మార్ట్ నిలుస్తోంది. వీట‌న్నింటితో పాటు ప్ర‌ధాన‌మైన ఉత్ప‌త్తులను, పండ్లు మ‌రియు కాయ‌గూర‌ల‌పై ప్ర‌తిరోజూ త‌క్కువ ధ‌ర‌లకే అందిస్తోంది. తాజాగా ప్రారంభమైన ఖమ్మం స్టోర్‌ క‌లుపుకొని తెలంగాణ రాష్ట్రంలో రిలయన్స్ స్మార్ట్ స్టోర్ల సంఖ్య 18కు చేరుకుంది. 29,800 చ‌ద‌ర‌పు అడుగుల విస్తీర్ణంలో కొలువు దీరిన ఈ స్టోర్ వినియోగదారుల షాపింగ్ అవ‌స‌రాల‌కు అనుగుణంగా ఉత్త‌మ‌మైన డిజైన్ మ‌రియు లేఔట్ క‌లిగి ఉంది. `ప‌వ‌ర్ ఆఫ్ 9` పేరుతో క‌ల్పించిన ప్రారంభోత్స‌వ ఆఫ‌ర్ ద్వారా ఉల్లిగ‌డ్డ‌లు, కొబ్బ‌రికాయ‌లు, ప్లాస్టిక్ కంటెయిన‌ర్ల సెట్ వంటి అనేక ఉత్ప‌త్తులు కేవ‌లం రూ.9 కే (వీటి మార్కెట్‌ ధ‌ర క‌నీసం రూ.999 ఉంటుంది) అందించ‌డం వ‌ల్ల అనేక‌మంది వినియోగ‌దారులు ఆక‌ర్షితులు కానున్నారు. గ‌త కొన్ని సంవ‌త్స‌రాలుగా రిలయన్స్ స్మార్ట్ త‌న వినియోగ‌దారులకు సంబంధించిన దైనందిన మ‌రియు ప్ర‌త్యేక సంద‌ర్భాల‌కు త‌గిన అవ‌స‌రాల‌ను అన్ని ర‌కాలైన ధ‌ర‌ల‌తో కూడిన ఉత్ప‌త్తుల‌ను అందిస్తోంది. వినియోగ‌దారుడిపై ప్ర‌త్యేక దృష్టి సారించిన రిలయన్స్ స్మార్ట్ అత్యుత్త‌మ షాపింగ్ అనుభూతిని త‌న వినియోగ‌దారుల‌కు అందిస్తోంది. లార్జ్ ఫార్మాట్ సూప‌ర్ మార్కెట్ కేట‌గిరీలో విస్తృత శ్రేణిలో ఉత్ప‌త్తులు అందిస్తూ వినియోగ‌దారుల‌కు ఉత్ప‌త్తుల‌కు సంబంధించిన‌దే కాకుండా స్థ‌లం ప‌రంగా కూడా సారుప్యంగా అందుబాటులో ఉంది. నేడు రిలయన్స్ స్మార్ట్ స్టోర్ లు దేశవ్యాప్తంగా 100 కు పైగా నగరాలలో ఉన్నాయి.

సాక్షి, సినిమా : బాలీవుడ్‌ బాద్‌ షా షారూఖ్‌ ఖాన్‌ నటుడిగానే కాదు.. బిజినెస్‌ మాన్‌గా కూడా సక్సెస్‌ అయ్యాడన్నది తెలిసిందే. సొంత నిర్మాణ సంస్థ, ఐపీఎల్‌ జట్టుతోపాటు పలు బ్రాండ్‌లకు అంబాసిడర్‌గా వ్యవహరిస్తూ అత్యధిక ఆదాయం సంపాదిస్తున్న సెలబ్రిటీల జాబితాలో నిలుస్తూ వస్తున్నాడు. తాజాగా ఆయన సౌత్‌ స్టార్లతో కలిసి ఓ ఈవెంట్‌లో చేసిన సందడి చేసిన ఫోటోలు సోషల్‌ మీడియాలో హల్‌ చల్‌ చేస్తున్నాయి.  కళ్యాణ్‌ జ్యువెల్లర్స్‌ సంస్థ తమ కొత్త బ్రాంచ్‌లను మస్కట్‌(ఒమన్‌)లో ప్రారంభించింది. ఈ లాంఛింగ్‌ కార్యక్రమానికి తారా లోకం కదిలి వచ్చింది. సౌత్‌లో ఈ సంస్థకు బ్రాండ్‌ అంబాసిడర్లుగా వ్యవహరిస్తున్న నాగార్జున అక్కినేని(టాలీవుడ్‌), శివరాజ్‌కుమార్‌(శాండల్‌వుడ్‌), ప్రభు(కోలీవుడ్‌), మంజువారియర్‌(మాలీవుడ్‌)కూడా ఈ కార్యక్రమానికి హాజరయ్యారు.  బాలీవుడ్‌లో ఈ సంస్థకు బిగ్‌ బీ అమితాబ్‌ బచ్చన్‌ అంబాసిడర్‌ అన్న విషయం తెలిసిందే. అయితే అనారోగ్యకారణాలతో ఆయన ఈ కార్యక్రమానికి గైర్హాజరు కాగా, ఆ లోటును షారూఖ్‌ తీర్చినట్లయ్యింది. దీంతో సౌత్‌ స్టార్లు, కింగ్‌ ఖాన్‌తో దిగిన ఓ సెల్ఫీ వైరల్‌ అవుతోంది. ఒక్క ఫ్రేమ్‌లో టోటల్‌ ఇండియన్‌ సినిమాను చూపించారంటూ ఆ ఫోటో చూసిన వారంతా కామెంట్లు చేస్తున్నారు.

రాంగోపాల్‌పేట్‌: తనకు ఇప్పుడప్పుడే పెళ్లి చేసుకోనే ఆలోచన లేదని సినీ నటుడు నిఖిల్‌ అన్నాడు. పార్క్‌లేన్‌లో ఏర్పాటు చేసిన ‘జçహాపనా మెన్స్‌వేర్‌’ సెంటర్‌ను ఆదివారం అతడు ప్రారంభించాడు. ఈ సందర్భంగా విలేకరులు అడిగిన ప్రశ్నకు సమాధానం ఇస్తూ ‘నా పెళ్లి విషయంలో ఇప్పటికే కొంత వివాదం వచ్చిందం’టూనే.. ఇప్పుడు తన దృష్టి అంతా సినిమాలపైనేనన్నాడు. ప్రస్తుతం మూడు సినిమాలు చేస్తున్నానని, ఇందులో ఒకటి మాస్‌ కళాశాల వాతావరణంలో సాగుతుందన్నాడు. మెన్స్‌ కోసంమే ప్రత్యేకంగా జహాపనా ప్రారంభించడం సంతోషంగా ఉందన్నాని పేర్కొన్నాడు. తన తల్లితో కలిసి షాపింగ్‌ వెళ్లినపుడు ఆడవారి చీరలు ఎన్నో డిజైన్లు, రంగులు చూసి ఆశ్చర్యపోతుంటానని, ఇప్పుడు జహపనా మగవారికీ ఆ లోటును తీర్చిందన్నాడు. సంస్థ డైరెక్టర్లు ఇషాక్‌ బుకారి, ఇబ్రహీం బుకారీ  మాట్లాడుతూ వెడ్డింగ్, పార్టీవేర్‌ కోసం అద్భుతమైన డిజైన్లు ప్రత్యేకంగా రూపొందించి అందిస్తున్నట్టు చెప్పారు. 


 భీమవరం :పట్టణంలో ఆదివారం ‘పెళ్లిచూపులు’ ఫేం సినిమా హీరోయిన్‌ రీతూవర్మ సందడి చేశారు. స్థానికంగా సిరి వస్త్ర దుకాణం ప్రారంభోత్సవంలో ఆమె పాల్గొన్నారు. రాజ్యసభ సభ్యురాలు తోట సీతా రామలక్ష్మి షోరూంను ప్రారంభించగా రీతూవర్మ జ్యోతి ప్రజ్వలన చేశారు. వివిధ విభాగాలను ఎమ్మెల్యే అంజిబాబు సతీమణి పులపర్తి సత్యవతి, మాజీ ఎమ్మెల్యే గ్రంధి శ్రీనివాస్‌ సతీమణి గ్రంధి సత్యరాణి, మునిసిపల్‌ చైర్మన్‌ సతీమణి కొటికలపూడి నాగవెంకట సునీత ప్రారంభించారు. ప్రముఖ వైద్యుడు డాక్టర్‌ టి.శ్రీరామారావు మొదటి కొనుగోలు చేశారు. షోరూం అధినేతలు ఎం.సురేష్, జి.కిరణ్, కిశోర్, శ్యామ్‌ పాల్గొన్నారు.