ఇంజనీరింగ్ విద్యార్థి అనుమానాస్పద స్థితిలో మృతిచెందిన సంఘటన రంగారెడ్డి జిల్లా ఘట్‌కేసర్ మండలం కొండాపూర్‌లో శుక్రవారం వెలుగుచూసింది. స్థానిక సంస్కృతి ఇంజనీరింగ్ కళాశాలలో డిప్లమా మూడో సంవత్సరం చదువుతున్న అఖిల్‌కుమార్(18) అనుమానాస్పద స్థితిలో మృతిచెందాడు. కళాశాల యాజమాన్యం ఈ విషయం బయటకు పొక్కకుండా ఉంచేందుకు ప్రయత్నిస్తోందని విద్యార్థులు ఆందోళనకు దిగారు. విషయం తెలుసుకున్న పోలీసులు సంఘటనా స్థలానికి చేరుకొని వివరాలు సేకరిస్తున్నారు. విద్యార్థి మృతి వెనుక ర్యాగింగే కారణమా అనే కోణంలో పోలీసులు దృష్టి సారిస్తున్నారు.