కింగ్‌ నాగార్జున నటించిన సోగ్గాడే చిన్ని నాయనా సినిమా ఎంత హిట్టో అందరికీ తెలిసిందే! ఈ సినిమాకు ప్రీక్వెల్‌ అయిన బంగార్రాజుతో హిట్‌ కొట్టడానికి రెడీ అవుతున్నాడు నాగ్‌. ఇందుకోసం రమ్యకృష్ణతో పాటు నాగచైతన్య, కృతీ శెట్టిలను కూడా రంగంలోకి దించాడు. ‘బంగార్రాజు’ సినిమాలో ఏయన్నార్‌ని గుర్తు తెచ్చేలా నాగార్జున గెటప్‌ను డిజైన్‌ చేశారు ఈ చిత్రదర్శకుడు కల్యాణ్‌కృష్ణ. తాజాగా ఈసినిమా నుంచి లడ్డుందా సాంగ్‌ టీజర్‌ రిలీజైంది.' బాబూ తబలా, అబ్బాయి హార్మోనీ.. తానన ననన.. డాంటకు డడనా..' అంటూ ఏదో రాగం అందుకున్నాడు. ఇదర్థం కాక ఓ వ్యక్తి రాజుగారు దీని మీనింగ్‌ ఏంటని అడిగాడు. దీనికి బంగార్రాజు ఎప్పటిలాగే ఓ నవ్వు విసిరేస్తూ.. 'ఇంతకాలం తెలుసుకోకుండా ఏం చేస్తున్నావు? అడగాలి కదా! నేర్పిస్తాను కదా!' అని చెప్పుకొచ్చాడు. ఫుల్‌ సాంగ్‌ను నవంబర్‌ 9 ఉదయం 9.09 గంటలకు విడుదల చేస్తున్నట్లు పేర్కొన్నారు. కాగా టీజర్‌ చూస్తుంటే నాగ్‌ స్వర్గంలోని దేవకన్యలతో డ్యాన్స్‌ చేస్తున్నట్లు కనిపిస్తోంది. ఈ చిత్రానికి అనూప్‌ రూబెన్స్‌ సంగీతం అందిస్తున్నాడు.

రష్మిక మందన్నా.. అతి కొద్ది కాలంలోనే టాలీవుడ్‌లో తనకంటూ ప్రత్యేకమైన స్థానాన్ని సంపాదించుకున్న హీరోయిన్‌. ‘సరిలేరు నీకెవ్వరు’ తో భారీ హిట్‌ను తన ఖాతాలో వేసుకున్న ఈ ముద్దుగుమ్మ..  ప్రస్తుతం సౌత్ ఇండియన్ సినిమాల్లో వరుస ఆఫర్స్‌ దక్కించుకుంటోంది. తెలుగు,కన్నడ భాషా చిత్రాల్లో సత్తా చాటిన ఈ అమ్మడు ఇటీవల బాలీవుడ్‌లోకి కూడా ప్రవేశించింది. అక్కడ కూడా తన అందచందాలతో ప్రేక్షకుల మనసును దోచుకోవడానికి రెడీ అయింది. ఇదిలా ఉంటే, తాజాగా ఈ ముద్దుగుమ్మ ఓ మ్యూజిక్ ఆల్బమ్ లో కూడా నటించడం విశేషం. ‘టాప్ టక్కర్’ పేరుతో ఈ వీడియో ఆల్బమ్‌ను తెరకెక్కించారు. తాజాగా ఈ ఆల్బమ్‌కు సంబంధించిన టీజర్‌ను విడుదల చేసారు. ఈ పాటను ఉచానా అమిత్ బాద్‌షా, యువన్ శంకర్ రాజా, జోనితా గాంధీ పాడారు. ఈ పాటను ఉచానా అమిత్ బాద్‌షానే రాయడం విశేషం. ఈ పాటలో రష్మిక మందన్న తలపై సిక్కు పాగాతో  కొత్త అవతారంలో కేక పుట్టిస్తోంది. ‘టాప్ టక్కర్’కు సంబంధించిన పూర్తి  పాటను త్వరలో విడుదల చేయనున్నారు.  కాగా, ‘టాప్‌ టక్కర్‌’ ఆల్బమ్‌ సాంగ్‌ గురించి చెబుతూ.. ‘మ్యూజిక్ ఆల్బమ్ లో నేను డ్యాన్స్ చేయడం ఇదే మొదటిసారి. ఈ అనుభవం బాగుంది. చాలా ఇంట్రెస్ట్ అనిపించింది కూడా. ఇది త్వరలో మీ ముందుకు రానుంది. ఇకపై పెళ్లిళ్లు, కాలేజీలు.. వంటి చోట ఈ ఆల్బమ్ వినిపిస్తుందనుకుంటున్నాను.. దీని కోసం ఆత్రుతగా ఎదురుచూస్తున్నను' అంటూ సోషల్ మీడియాలో పేర్కొంది. ఇక సినిమా విషయాకొస్తే.. రష్మిక ప్రస్తుతం అల్లు అర్జున్ సరసన ‘పుష్ప’లో నటిస్తోంది. సిద్ధార్ధ్ మల్హోత్ర హీరోగా నటిస్తోన్న ‘మిషన్ మజ్ను’తో బాలీవుడ్‌లోకి ఎంట్రీ ఇవ్వబోతుంది. Top top top tucker.. 💃🏻 this is so exciting.. 1st time I’ve done something like this.. 💃🏻 and I’ve got to do it with the best in their respective industries.. yaaaaay!! So exciting.. releasing soon you guys!! 🥳 https://t.co/giiEcXlJJy pic.twitter.com/Q8U3cr6cqC — Rashmika Mandanna (@iamRashmika) February 8, 2021

మాధురీ దీక్షిత్‌లోని నటికి, డ్యాన్సర్‌కి ఇండియా మొత్తం ఫిదా అయింది. ఇప్పుడు తనలోని మరో ట్యాలెంట్‌ను ప్రేక్షకులకు పరిచయం చేయడానికి సిద్ధమయ్యారు మాధురి. గాయనిగా తన ప్రతిభను చూపించబోతున్నారు. ‘క్యాండిల్‌’ పేరుతో ఓ పాట పాడారు మాధురి. ఈ పాటను శనివారం విడుదల చేస్తున్నట్టు ప్రకటించారు. ఈ పాట టీజర్‌ను విడుదల చేశారు. ‘‘ఇన్నేళ్లుగా ప్రేక్షకులు చూపిస్తున్న ప్రేమకు నా నుంచి ఓ చిన్న బహుమానం ఇది. అలాగే ప్రస్తుత పరిస్థితుల్లో అందరికీ ఓ చిన్న ఆశలాగా, పాజిటివ్‌ ఎనర్జీలాగా ఈ పాట ఉంటుంది. మనందరం ఈ కష్టాన్ని (కరోనా) కలసి దాటేద్దాం’’ అని ట్వీట్‌ చేశారు మాధురీ దీక్షిత్‌.

శేఖర్‌ కమ్ముల దర్శకత్వంలో నాగచైతన్య, సాయి పల్లవి జంటగా నటిస్తున్న చిత్రం ‘లవ్‌స్టోరీ’. నారాయణ్‌ దాస్, పి. రామ్మోహన్‌ నిర్మిస్తున్నారు. ఇటీవల ఈ సినిమాలోని ‘ఏయ్‌ పిల్లా..’ అనే పాట టీజర్‌ను విడుదల చేశారు. దానికి మంచి స్పందన లభించింది. తాజాగా ‘ఏయ్‌ పిల్లా..’ పూర్తి పాటను, లిరికల్‌ వీడియోను ఈ నెల 11న  విడుదల చేయబోతున్నట్టు చిత్రబృందం ప్రకటింది. చిత్రీకరణ తుది దశలో ఉన్న ఈ సినిమాను వేసవిలో విడుదల చేయాలనుకుంటున్నారు. ఈ చిత్రంతో పవన్‌ సీహెచ్‌ సంగీత దర్శకుడిగా పరిచయం కాబోతున్నారు.

శేఖర్‌ కమ్ముల దర్శకత్వంలో నాగచైతన్య, సాయిపల్లవి జంటగా తెరకెక్కుతున్న చిత్రం ‘లవ్‌స్టోరి​’. ఇప్పటికే విడుదలైన ఈ చిత్రం టైటిల్‌ పోస్టర్‌కు మంచి రెస్పాన్స్‌ వచ్చింది. తాజాగా ప్రేమికుల రోజు సందర్భంగా ఈ సినిమా నుంచి ‘ఏయ్‌ పిల్లా..’ అంటూ సాగే పాట ప్రివ్యూను విడుదల చేశారు. ఇందులో నాగచైతన్యకు ముద్దు పెట్టిన అనంతరం ‘ఏంది ముద్దు పెడితే ఏడుస్తారా అబ్బా..’అని సాయిపల్లవి చెప్పే డైలాగ్‌ హైలెట్‌గా నిలిచింది. అలాగే నాగచైతన్య, సాయిపల్లవిల మధ్య వచ్చే కొన్ని సీన్లను ఈ మ్యూజికల్‌ ప్రివ్యూలో ప్రధానంగా చూపెట్టారు. సంగీత దర్శకుడిగా పరిచయం అవుతున్న పవన్‌ సీహెచ్‌ మంచి పాటను అందించినట్టుగా అర్థమవుతోంది.  కాగా, ఈ చిత్రాన్ని ఎమిగోస్‌ క్రియేషన్స్, సోనాలి నారంగ్‌ సమర్పణలో నారాయణ్‌దాస్‌ కె. నారంగ్, పి. రామ్మోహన్‌రావు నిర్మిస్తున్నారు. ఇంకా ఈ సినిమాలో రాజీవ్‌ కనకాల, ఈశ్వరీ రావు, దేవయాని కీలక పాత్రల్లో నటిస్తున్నారు. ఇప్పటికే చిత్రీకరణ తుది దశకు చేరుకున్న ఈ చిత్రం.. వేసవిలో విడుదల కానుంది.


 దక్షిణాది సూపర్ స్టార్ రజనీకాంత్ తాజా చిత్రం కబాలి విడుదలకు ముందే దుమ్ము రేపుతోంది.   ఆ సినిమాలోని ఓ సాంగ్ టీజర్ను చిత్ర యూనిట్ సోషల్ మీడియాలో విడుదల చేసిన విషయం తెలిసిందే. తమిళంలో 'నిరుప్పుడా' పాట టీజర్ విడుదల చేయటమే ఆలస్యం లక్షల్లో వ్యూస్ కొల్లగొట్టింది. ఒక్కరోజులోనే 3,417,666 వ్యూస్ వచ్చాయి. ఇటీవల ఈ చిత్రం ఆడియో ఎలాంటి అట్టహాసం లేకుండా విడుదల చేశారు. గతంలోనూ ఈ చిత్రం టీజర్‌ అత్యధిక వ్యూస్‌తో రికార్డు సృష్టించింది కూడా.
 
 కబాలి చిత్రం తమిళ, తెలుగు, హిందీ భాషల్లో తెరకెక్కిన విషయం తెలిసిందే. రజనీకాంత్, రాధికా ఆప్టే జంటగా నటించిన ఈ చిత్రానికి పా రంజిత్ దర్శకత్వం వహించారు. సంతోష్ నారాయణన్ సంగీతం అందించిన పాటలు ఇప్పటికే తమిళంలో విడుదల కాగా త్వరలో తెలుగులో విడుదల కానున్నాయి. ఇక సినిమా విడుదల ఎప్పుడెప్పుడా అని రజనీ అభిమానులు ఎదురు చూస్తున్నారు. ఇక టీజర్లో రజనీకాంత్ లుక్ సరికొత్తగా ఉంది. స్టైల్ అంటే రజనీ...రజనీ అంటేనే స్టైల్ అనేట్టుగా ఉంది. కాగా జూలైలో ఈ సినిమా ప్రేక్షకుల ముందుకు రాబోతుంది. ప్రపంచవ్యాప్తంగా ఈ చిత్రాన్ని విడుదల చేయటానికి చిత్ర యూనిట్ సన్నాహాలు చేస్తోంది.