లక్ష్మణ్ సినీ విజన్స్ బ్యానర్ లో శ్రీనివాస్ సాయి, ప్రియాంక జైన్ హీరో హీరోయిన్లు గా నటిస్తున్న చిత్రం ‘వినరా సోదర వీర కుమార’. లక్ష్మణ్ క్యాదారి నిర్మాణంలో సతీష్ చంద్ర నాదెళ్ల దర్శకత్వం  వహిస్తున్న ఈ చిత్రం మార్చి 15న ప్రేక్షకుల ముందుకు రానుంది. ఈ సందర్బంగా చిత్ర యూనిట్ మీడియా సమావేశాన్ని ఏర్పాటు చేశారు. ఈ సమావేశంలో నిర్మాత లక్ష్మణ్ క్యాదారి మాట్లాడుతూ.. ఇటీవలే విడుదలైన ఈ చిత్ర ట్రైలర్ కు మంచి రెస్పాన్స్ వస్తోంది. ఎంతో కష్టపడి ఒక మంచి పాయింట్‌తో తెరకెక్కించిన ఈ చిత్రాన్ని ఈ నెల 15న విడుదల చేయనున్నాము. ఏడాదిన్నర పాటు ఈ ప్రాజెక్ట్ పైనే కష్టపడ్డారు దర్శకుడు సతీష్. అందరినీ మెప్పించాలని చేసిన ఈ మా  ప్రయత్నాన్ని ఆదరిస్తారని ఆశిస్తున్నాం అని అన్నారు. దర్శకుడు సతీష్ మాట్లాడుతూ.. అవకాశం ఇచ్చిన నిర్మాత లక్ష్మణ్ కు నేను జన్మాతం రుణపడి ఉంటాను. ఒక కొత్త పాయింట్‌తో సినిమాను తెరకెక్కించడం జరిగింది. సినిమా చూసిన వారందరూ ఎంతో మెచ్చుకున్నారు. అందరి సపోర్ట్‌తో ఈ 15న సినిమాను విడుదల చేయనున్నాము. అందరికీ తప్పకుండా నచ్చుతుందని ఆశిస్తున్నా అని తెలిపారు. హీరో శ్రీనివాస్ మాట్లాడుతూ.. ఈ  సినిమా ట్రైలర్‌ను నిర్మాత దిల్ రాజు గారు విడుదల చేసారు. చాలా మంచి రెస్పాన్స్ వస్తోంది. కొత్త పాయింట్ తో కొత్త వారితో చేసిన సినిమా అందరి ఆదరణ పొందుతుందని నమ్మకంగా ఉన్నాను. ఇదివరకు నేను చేసిన సినిమాల కంటే బెటర్  సినిమా అవుతుందని భావిస్తున్నా అన్నారు.

శ్రీనివాస సాయి, ప్రియా వడ్లమాని, దిక్ష శర్మ ప్రధాన పాత్రలో శరత్‌ నర్వాడే దర్శకత్వంలతో తెరకెక్కుతున్న సినిమా ‘శుభలేఖ+లు’. పోస్టర్, టీజర్, థియేట్రికల్ ట్రైలర్ చాలా విభిన్నంగా ఉండటంతో ఆడియన్స్‌లో మంచి హైప్‌ క్రియేట్‌ అయ్యింది. దీంతో పుష్యమి ఫిల్మ్ మేక‌ర్స్ అధినేత బెల్లం రామ‌కృష్ణారెడ్డి ఈ చిత్రాన్ని వ‌ర‌ల్డ్ వైడ్ గ్రాండ్‌గా విడుద‌ల చేయ‌డానికి స‌న్నాహాలు చేస్తున్నారు. హ‌నుమ తెలుగు మూవీస్ పతాకం పై రూపుదిద్దకున్న ఈ చిత్రం డిసెంబర్ 7న ప్రేక్షకుల ముందుకు రానుంది.ఈ సంద‌ర్భంగా సినిమా రెండో ట్రైల‌ర్‌ను స్టార్ డైరెక్టర్ త్రిమిక్రమ్ శ్రీ‌నివాస్ ఆవిష్కరించారు. ఈ కార్యక్రమంలో నిర్మాతలు మాట్లాడుతూ... ఇటీవ‌లె విడుద‌లైన మా ట్రైల‌ర్, టీజ‌ర్‌లకి ఇంత అద్భుత‌మైన స్పంద‌న ల‌భించడం చాలా ఆనందంగా ఉంది. ఇండ‌స్ర్టీలో ఉన్న పెద్దలంద‌రూ చూసి అభినందించారు. ఇంత మంది ప్రముఖుల ఆద‌ర‌ణ ఈ సినిమాకి ల‌భించ‌డం చాలా సంతోషంగా ఉంది.ఈ సినిమా ట్రైల‌ర్‌ని మేము అడిగిన వెంట‌నే త్రివిక్రమ్‌గారు విడుద‌ల చేయ‌డం చాలా సంతోషం ఆయ‌న‌కు మా ప్రత్యేక కృత‌జ్ఞత‌లు తెలిపారు. ఈ కార్యక్రమంలో నిర్మాత‌లు విద్యాసాగ‌ర్‌, జ‌నార్ధన్‌, బెల్లం కృష్ణారెడ్డి త‌దిత‌రులు పాల్గొన్నారు.

శ్రీనివాస్ సాయి, ప్రియాంక జైన్ హీరో హీరోయిన్లుగా లక్ష్మణ్ సినీ విజన్స్ పతాకంపై తెరకెక్కుతున్న సినిమా ‘వినరా సోదర వీరకుమారా!’. సతీష్ చంద్ర నాదెళ్ళ దర్శకత్వంలో లక్ష్మణ్ క్యాదరి నిర్మిస్తున్న ఈ చిత్ర ఫస్ట్ ‌లుక్‌ను డేరింగ్ అండ్ డ్యాషింగ్ డైరెక్టర్ పూరి జగన్నాధ్ విడుదల చేశారు. ఈ సందర్భంగా పూరి మాట్లాడుతూ.. ‘వినరా సోదర వీరకుమారా చిత్ర ఫస్ట్ లుక్ పోస్టర్ చాలా బాగుంది. దర్శకుడు సతీష్‌కి మొదటి సినిమా ఇది. కథ మొత్తం నాకు చెప్పాడు. చాలా మంచి మెసేజ్ ఉన్న సినిమా ఇది. ఇప్పుడు యూత్‌కి కావాల్సిన సినిమా. సతీష్ ఈ చిత్రాన్ని ట్రీట్ చేసిన విధానం నాకు ఎంతగానో నచ్చింది. చిత్ర యూనిట్ అందరికీ ఆల్ ది బెస్ట్’ అన్నారు. నిర్మాత లక్ష్మణ్ మాట్లాడుతూ.. ‘మా చిత్ర ఫస్ట్ ‌లుక్‌ని విడుదల చేసిన పూరీగారికి మా యూనిట్ తరుపున కృతజ్ఞతలు. యూత్ ఫుల్ మెసేజ్ ఓరియంటెడ్ చిత్రమిది. మా దర్శకుడు సతీష్ చంద్ర అద్భుతంగా తీర్చిదిద్దాడు. ఫస్ట్ కాపీ రెడీ అయింది. శ్రవణ్ భరద్వాజ్ మంచి పాటలు ఇచ్చారు. అన్నివర్గాల ప్రేక్షకులను అలరించే అంశాలతో ఈ చిత్రం రూపుదిద్దుకుంది. ప్రస్తుతం సెన్సార్ కార్యక్రమాలు జరుగుతున్నాయి. చిత్రాన్ని నవంబర్‌లో ప్రేక్షకుల ముందుకు తీసుకురానున్నాము.’ అన్నారు.

కొత్త టేకింగ్‌ తో ప్రేక్షకుల ముందుకు వస్తున్న చిన్న సినిమాలు ఘనవిజయాలు సాదిస్తున్న నేపథ్యంలో మరో డిఫరెంట్ మూవీ ప్రేక్షకుల ముందుకు వచ్చేందుకు రెడీ అవుతోంది. శ్రీనివాస సాయి, ప్రియ వడ్లమాని, దీక్షా శర్మ ప్రధాన పాత్రల్లో శుభలేఖ+లు పేరుతో తెరకెక్కుతున్న ఈ సినిమాకు శరత్‌ నర్వాడే దర్శకుడు. ఇప్పటికే ఇంట్రస్టింగ్ టీజర్‌లతో ఆకట్టుకున్న చిత్రయూనిట్ మరో డిఫరెంట్ టీజర్‌ను రిలీజ్ చేశారు. ఇప్పటికే ప్రధాన పాత్రదారులను పరిచయం చేస్తూ రిలీజ్ చేసిన టీజర్‌లకు సూపర్బ్‌ రెస్పాన్స్ వచ్చింది. తాజాగా అదే బాటలో మరో టీజర్‌ను రిలీజ్ చేశారు. పెళ్లి గురించి ఓ మోడ్రన్‌ అమ్మాయి అభిప్రాయాన్ని టీజర్‌ రూపంలో రిలీజ్ చేశారు. ఇప్పటికే షూటింగ్ కార్యక్రమాలు పూర్తి చేసుకున్న ఈ సినిమా ప్రస్తుతం నిర్మాణాంతర కార్యక్రమాలు జరుపుకుంటోంది. హనుమ తెలుగు మూవీస్ బ్యానర్‌ పై విద్యా సాగర్‌, ఆర్‌ ఆర్‌ జనార్థన్‌ లు నిర్మిస్తుండగా కే ఎమ్‌ రాథాకృష్ణన్‌ సంగీతమందిస్తున్నారు.

కొత్త తరహా కథా కథనాలతో తెరకెక్కుతున్న సినిమాలకు మంచి ఆదరణ లభిస్తున్న నేపథ్యంలో అదే జానర్‌లో మరో ఇంట్రస్టింగ్ సినిమా ప్రేక్షకుల ముందుకు వచ్చేందుకు రెడీ అవుతోంది. శుభలేఖ+లు పేరుతో తెరకెక్కుతున్న ఈ సినిమా ప్రమోషన్ల వీడియోలను  కూడా డిఫరెంట్‌గా ప్లాన్‌ చేశారు చిత్రయూనిట్‌. ఇప్పటికే షూటింగ్ కార్యక్రమాలు పూర్తి చేసుకున్న ఈ సినిమా ప్రస్తుతం నిర్మాణాంతర కార్యక్రమాలు జరుపుకుంటోంది. ఇప్పటికే లీడ్‌ క్యారెక్టర్స్‌ను పరిచయం చేస్తూ రిలీజ్ చేసిన టీజర్స్‌కు మంచి రెస్పాన్స్‌ వచ్చింది. శ్రీనివాస సాయి, ప్రియా వడ్లమాని, దిక్ష శర్మ ప్రధాన పాత్రలో నటిస్తున్న ఈ సినిమాకు శరత్‌ నర్వాడే దర్శకత్వం వహిస్తున్నారు. హనుమ తెలుగు మూవీస్ బ్యానర్‌ పై విద్యా సాగర్‌, ఆర్‌ ఆర్‌ జనార్థన్‌ లు నిర్మిస్తుండగా కే ఎమ్‌ రాథాకృష్ణన్‌ సంగీతమందిస్తున్నారు.

సినిమా మేకింగ్ విషయంలోనే కాదు ప్రమోషన్‌ విషయంలో కూడా కొత్త ఆలోచిస్తున్నారు కొత్త తరం దర్శకులు. ఇటీవల పెళ్లికూతురిలా ముస్తాబైన ఓ అమ్మాయి సిగరెట్‌ తాగుతూ కనిపించిన ఓ టీజర్‌కు సూపర్బ్‌ రెస్పాన్స్‌ వచ్చింది. శుభలేఖ+లు పేరుతో తెరకెక్కుతున్న ఈ సినిమాకు సంబంధించి రెండో టీజర్‌ను రిలీజ్ చేశారు చిత్రయూనిట్‌. నూతన నటి ప్రియా వడ్లమానిని నిత్య పాత్రలో కనిపించిన ఈ సినిమాలో..  పలు చిత్రాల్లో బాలనటుడిగా ఆకట్టుకున్న శ్రీనివాస సాయి హీరోగా నటిస్తున్నాడు. రెండో టీజర్‌లో శ్రీనివాస సాయిని చందుగా పరిచయం చేశారు. దర్శకుడు రవిబాబు చేతుల మీదకు ఈ టీజర్‌ను రిలీజ్ చేశారు. హనుమ తెలుగు మూవీస్ బ్యానర్‌ పై విద్యా సాగర్‌, ఆర్‌ ఆర్‌ జనార్థన్‌ లు నిర్మిస్తున్న ఈ సినిమాకు కే ఎమ్‌ రాథాకృష్ణన్‌ సంగీతమందిస్తున్నారు.శ్రీనివాస సాయి, దీక్షా శర్మ, వంశీ రాజ్‌లు ఇతర కీలక పాత్రల్లో నటిస్తున్నారు.

విభిన్న ఆలోచనలతో తెరకెక్కుతున్న చిన్న సినిమాలకు మంచి ఆదరణ లభిస్తున్న నేపథ్యంలో మరో డిఫరెంట్‌ మూవీ ప్రేక్షకుల ముందుకు వచ్చేందుకు రెడీ అవుతోంది. ‘శుభలేఖ+లు’ పేరుతో తెరకెక్కుతున్న ఈ సినిమాకు శరత్‌ నర్వాడే దర్శకుడు. నూతన నటి ప్రియా వడ్లమానిని నిత్య పాత్రలో పరిచయం చేస్తూ ఓ ఆసక్తికర టీజర్‌ను రిలీజ్ చేశారు. నిత్య పాత్రను మోడ్రన్ అమ్మాయిగా పరిచయం చేశారు. పెళ్లి వేడుకకు సిద్ధమవుతున్న అమ్మాయి సిగరెట్ తాగుతూ కనిపించటం చూస్తే కథా కథనాలు బోల్డ్‌గా ఉండబోతున్నాయని అర్ధమవుతోంది. హనుమ తెలుగు మూవీస్ బ్యానర్‌ పై విద్యా సాగర్‌, ఆర్‌ ఆర్‌ జనార్థన్‌ లు నిర్మిస్తున్న ఈ సినిమాకు కే ఎమ్‌ రాథాకృష్ణన్‌ సంగీతమందిస్తున్నారు.శ్రీనివాస సాయి, దీక్షా శర్మ, వంశీ రాజ్‌లు ఇతర కీలక పాత్రల్లో నటిస్తున్నారు.