ప్రేమ పేరుతో తనను మోసం చేసి నగలు, డబ్బు తీసుకొని పారిపోయాడని ప్రియుడుపై  పోలీసుల​కు ఫిర్యాదు చేసింది తమిళ బిగ్‌బాస్‌ కంటెస్టెంట్‌, నటి జూలీ అమింజికరై అలియాస్‌ మరియా జులియానా. తనకు న్యాయం చేయాలని తమిళనాడు పోలీసులకు విజ్ఞప్తి చేసింది.  పోలీసులు తెలిపిన వివరాల ప్రకారం.. అన్నానగర్‌కు చెందిన మనీశ్‌, జూలీ నాలుగేళ్లుగా ప్రేమించుకుంటున్నారు. త్వరలో పెళ్లి కూడా చేసుకోవాలనుకున్నారు. ఆమెకు మాయ మాటలు చెప్పి ఇంట్లోని నగలు, విలువైన వస్తువులతో పాటు నగదు తీసుకొని పారిపోయాడు. కొన్ని రోజులుగా అతని జాడ తెలియకపోవడంతో జూలీ అన్నానగర్‌ పోలీసులను అశ్రయించింది. ఆమె ఫిర్యాదు మేరకు కేసు నమోదు చేసుకున్న పోలీసులు.. విచారణ చేపట్టారు.  ఇక జూలీ విషయానికొస్తే.. కమల్‌ హాసన్‌ హోస్ట్‌గా వ్యవహరిస్తున్న బిగ్‌బాస్‌ షో మొదటి సీజన్‌కి సాధారణ వ్యక్తిగా ఎంట్రీ ఇచ్చింది. గతంలో చెన్నైలో జరిగిన  జల్లికట్టు ఉద్యమంలో పాల్గొనడం వల్ల ఆమె ఫేమస్‌ అయింది. ఆ ఉద్యమంలో ఆమె చేసిన నినాదాలు అప్పట్లో వైరల్‌ అయ్యాయి. దీంతో జూలీకి బిగ్‌బాస్‌ ఆఫర్‌ వచ్చింది. అయితే షోలోకి వెళ్లిన కొద్ది రోజులకే తోటి కంటెంస్టెంట్‌తో గొడవపడి మధ్యలోనే బయటకు వచ్చేసింది. ఆ తర్వాత పలు షోలకు హోస్ట్‌గా వ్యవహరిస్తూ లక్షలాది అభిమానులకు సంపాదించుకుంది. సోషల్‌ మీడియాలో కూడా జూలీ చాలా యాక్టీవ్‌గా ఉంటుంది. 

Miheeka Bajaj Supports Tamil Bigg Boss Contestant Akshara Reddy: బిగ్‌బాస్‌ షో గురించి ప్రత్యేకంగా పరిచయం అవసరం లేదు. బుల్లితెర అభిమానులను ఎంతగానో అలరించే ఈ షో ప్రతియేటా కొత్త కంటెస్టెంట్లతో, కొంగొత్త గేమ్స్‌తో సరికొత్తగా ముస్తాబవుతూ మన ముందుకు వస్తుంటుంది. ప్రస్తుతం తెలుగులో కింగ్‌ నాగార్జున వ్యాఖ్యాతగా బిగ్‌బాస్‌ ఐదో సీజన్‌ విజయవంతంగా ప్రసారమవుతోంది. అటు తమిళంలోనూ స్టార్‌ హీరో కమల్‌ హాసన్‌ హోస్ట్‌గా ఐదో సీజన్‌ రన్‌ అవుతోంది. అక్టోబర్‌ 3న ప్రారంభమైన ఈ షోలో 18 కంటెస్టెంట్లు పాల్గొన్నారు. వీరిలో అక్షర రెడ్డి ఒకరు. ఈమె ఒక మోడల్‌, మిస్‌ గ్లోబ్‌ 2019 అవార్డు గ్రహీత కూడా! గతంలో 'విల్లా టు విలేజ్‌' అనే రియాలిటీ షోలోనూ పాల్గొంది. అలాగే 'కసు మెలా కసు' అనే మలేషియన్‌ మూవీలోనూ తొలిసారి నటించింది. తాజాగా ఈ అక్షరకు సపోర్ట్‌గా నిలబడిందో టాలీవుడ్‌ హీరో భార్య. భళ్లాలదేవ రానా దగ్గుబాటి భార్య మిహికా బజాజ్‌ అక్షరకు సపోర్ట్‌ చేయండంటూ వీడియో రిలీజ్‌ చేసింది. 'బిగ్‌బాస్‌ తమిళ ఐదో సీజన్‌లో పాల్గొన్న నా ప్రియ మిత్రురాలు అక్షరకు అభినందనలు.  పాల్గొన్న నా ఓటు అక్షరకే, మీరు కూడా ఆమెకే ఓటేస్తున్నారని భావిస్తున్నాను. ఎలాగైనా బిగ్‌బాస్‌ ట్రోఫీ సంపాదించుకుని వస్తావని ఆశిస్తున్నాను, ఆల్‌ ద బెస్ట్‌' అంటూ ఇన్‌స్టాగ్రామ్‌లో వీడియో పోస్ట్‌ చేసింది. ప్రస్తుతం ఈ వీడియో వైరల్‌గా మారింది. View this post on Instagram A post shared by miheeka (@miheeka)

Tamil Bigg Boss Seanson 5 Namitha Marimuthu Heart Touching Story: బిగ్‌బాస్‌.. ఈ రియాలిటీ షోను జెన్యూన్‌గా ఆదరించే వాళ్ల శాతం తక్కువే కావొచ్చు. చాలామందికి ఈ రియాలిటీ షో మీద సదాభిప్రాయం లేకపోయి ఉండొచ్చు. సెలబ్రిటీలు-నాన్‌ సెలబ్రిటీలను ఓ హౌజ్‌లో టాస్క్‌లు-గేమ్‌ల పేరుతో చేసే గారడీ అని, వాళ్లు పంచేవి ఫేక్‌ ఎమోషన్స్‌ అని ఫీలవుతుంటారు. ఇలా ఎవరి అభిప్రాయలు వాళ్లవి. కానీ, తమిళ్‌ బిగ్‌బాస్‌ సీజన్‌ 5లో గురువారం టెలికాస్ట్‌ అయిన ఎపిసోడ్‌ ఒక్కసారిగా చర్చనీయాంశంగా మారింది.  తమిళ బిగ్‌బాస్‌ సీజన్‌ 5.. 18 మంది కంటెస్టెంట్‌లతో అక్టోబర్‌ 3న ప్రారంభమైంది. సీనియర్‌ హీరో కమల్‌ హాసన్‌ ఈ షో హోస్ట్‌గా వ్యవహరిస్తున్న విషయం తెలిసిందే. ఇక ఈ కంటెస్టెంట్‌లో ట్రాన్స్‌జెండర్‌ నమిత మారిముత్తు పాల్గొంటోంది. మిస్‌ ట్రాన్స్‌ స్టార్‌ ఇంటర్నేషనల్‌ 2020 విన్నర్‌, మోడల్‌ కమ్‌ నటి అయిన నమిత.. ఈసారి బిగ్‌బాస్‌ హౌజ్‌కు ప్రత్యేక ఆకర్షణ కావడం విశేషం.  ఇక ‘ఒరు కథై సొల్లాటుమా’ టాస్క్‌లో భాగంగా హౌజ్‌మేట్స్‌ ఒక్కొక్కరు ఒక్కో కథను చెప్పుకుంటూ వచ్చారు. తన వంతు వచ్చేసరికి భావోద్వేగంగా నమిత చెప్పిన కథ తోటి హౌజ్‌ మేట్స్‌నే కాదు.. షోను తిలకించిన వాళ్లెందరినో కదిలించింది. కొందరి వల్ల సొసైటీలో తనలాంటి వాళ్లు ఎదుర్కొంటున్న ఇబ్బందుల గురించి.. సమాజం తమను అంగీకరించకపోవడం గురించి ఒక ప్రతినిధిగా దాదాపు అర్థగంట సేపు గుక్కతిప్పుకోకుండా మాట్లాడింది నమిత. #NamithaMarimuthu 😟😟 Paavam la 😐 First time... BB la oru life story paarthu tears😪 Life is not easy for them😔 Hope this society atleast give comfortable space for them to live like us 💫❤#BBTamilSeason5 #BiggBossTamil5 — Yuna ᴹᴵ (@Yuna_Chillz) October 7, 2021   ఇది కదా చర్చించాల్సింది! సొసైటీలో తనకు ఎదురైన అనుభవాలు, అవమానాల్నే కథగా అల్లిన నమిత.. ఆ కథను ఆద్యంతం భావోద్వేగాలతో చెబుతూ పోయారు. ‘మన సమాజం గురించి ఎంతో గొప్పగా చెప్పుకుంటాం. కానీ, ఇదే సమాజంలో మా స్థానం ఎక్కడ? మమ్మల్ని ఎందుకు అంగీకరించడం లేదు. ఉద్యోగాలు, అవకాశాలు ఎందుకు ఇవ్వడం లేదు. ప్రభుత్వాలు ఏం చేస్తున్నాయి?. మానసికంగా, శారీరకంగా మమ్మల్ని చంపేస్తున్నారు. అందుకే రోడ్ల మీద అడుక్కుని బతకాల్సి వస్తోంది. Thalaivar Kalaignar Karunanidhi will be Remembered Forever for such Works.. Proud 😍🔥#KalaignarForever #NamithaMarimuthu #BiggBoss5Tamil pic.twitter.com/An4Du5FGXu — நிதன் சிற்றரசு (@Srinileaks) October 8, 2021 మమ్మల్ని మనుషుల్లాగే చూడడం లేదంటూ..  కన్నీళ్లతో మాట్లాడింది నమిత. అంతేకాదు కొందరి వల్ల తనలాంటి వాళ్లకు చెడ్డ పేరు వస్తోందని, అలాంటి ప్రచారం చేసేవాళ్లతో సహా సంఘంలోని అందరిలోనూ తమపట్ల మార్పు రావాలంటూ, తనలా అందరూ రాణిస్తే సంతోషిస్తానని చివర్లో కోరుకుందామె. ఇక స్టార్‌ విజయ్‌ ఛానెల్‌ వాళ్లు కూడా సింగిల్‌ కట్‌ లేకుండా, ఎడిట్‌ చేయకుండా!, బీప్‌ లేకుండా ఆ అరగంట సీక్వెన్స్‌ను టెలికాస్ట్‌ చేయడం విశేషం!. అంతకు ముందు ఇదే హౌజ్‌లో ఇసయ్‌వాణి, చిన్నపొన్నులు సైతం పేదరికంలో తాము పడ్డ కష్టాల్ని పంచుకోగా.. ఆ రియల్‌ ఎమోషన్స్‌ సైతం చాలామందిని కదిలించాయి.   ట్విటర్‌లో నమిత..  బిగ్‌బాస్‌ హౌజ్‌ వేదికగా కోట్ల మందికి తన గా(వ్య)థను పంచిన నమితను అభినందించని వాళ్లంటూ లేరు. అందుకే రాత్రి నుంచే ఆమెకు మద్దతుగా  #NamithaMarimuthu హ్యాష్‌ట్యాగ్‌ను ట్రెండ్‌ చేస్తున్నారు. బిగ్‌బాస్‌లో కడదాకా ఉంటుందో లేదో తెలియదుగానీ నమిత కథ మాత్రం.. ఓ బర్నింగ్‌ ఇష్యూను ఓ బుల్లితెర పాపులర్‌ షో ద్వారా సాధారణ ప్రజల ముందుకు తీసుకురావడం ఆసక్తిని కలిగిస్తోంది. మరోవైపు తెలుగు బిగ్‌బాస్‌ 5 సీజన్‌లోనూ సాయితేజ అలియాస్‌ ప్రియాంక సింగ్‌ ఇదే తరహా ఎమోషన్స్‌ను పంచిన విషయం తెలిసిందే. కంటెంట్‌ తక్కువతో కలర్‌ఫుల్‌గా షోలను నడిపించేవాళ్లు.. తమిళ, తెలుగు బిగ్‌బాస్‌ హౌజ్‌ల నుంచి చాలా నేర్చుకోవాలనే సోషల్‌ మీడియాలో అభిప్రాయం వ్యక్తం అవుతోంది ఇప్పడు. The pain in #NamithaMarimuthu’s story.💔 Not an ordinary struggle mentally and physically. Jus to hear only was so #exhausing. Can’t imagine what she must have gone through. More power to her and many more achievers from #LGBTQ.#BiggBossTamil #BiggBossTamil5 pic.twitter.com/FaZqJpgRrd — Ajay Ashok🅰️🅰️ (@AjayAsho) October 7, 2021 Her story says how we failed as a society 😭😭 #NamithaMarimuthu #BiggBossTamil5 pic.twitter.com/BY8pGKRxkm — Charan (@Charan_Soz) October 7, 2021 #BiggBossTamil5 She won 17❤️ from #BiggBoss house Million ❤️❤️❤️ from outside the house 🏠#NamithaMarimuthu pic.twitter.com/VQ6gcHzndE — Stay Positive37 (@helothamizha) October 7, 2021 Nameetha Marimuththu She is an icon to showcase the world -People Themselves are more beautiful - She spoke louder her inner feelings and respect @vijaytelevision for not editing her speech ♥️ She is the way beautiful - She is #NamithaMarimuthu #transgenderpride pic.twitter.com/M3NPwIaokl — Bigg Boss Tamil Season 5 (@biggbosstamil_5) October 7, 2021 చదవండి: తెలుగు బిగ్‌బాస్‌.. ప్రియాంక సింగ్‌కు బిగ్‌బాస్‌ మర్చిపోలేని బర్త్‌డే గిఫ్ట్‌

చెన్నై : తమిళ హీరోయిన్‌ ఓవియాపై ప్రస్తుతం ఆమె అభిమానులతో పాటు, సినీ విమర్శకులు కూడా తీవ్ర ఆగ్రహం వ్యక్తం చేస్తున్నారు. నీ నుంచి ఇలాంటి సినిమాలు ఊహించలేదు అంటూ విమర్శిస్తున్నారు. ఇంతకీ విషయమేమిటంటే.. ఓవియా నటించిన 90 ఎంఎల్‌ అనే సినిమా ట్రైలర్‌ను శనివారం విడుదల చేసింది చిత్రబృందం. మొదట వుమెన్‌-సెంట్రిక్‌గా తెరకెక్కుతున్న సినిమాగా 90ఎంఎల్‌ను ప్రచారం చేశారు. అయితే ట్రైలర్‌ చూసిన ప్రేక్షకులు మాత్రం.. ‘ఇది చాలా చెండాలంగా ఉంది. మీరు అడల్డ్‌ సినిమా చేయడమేమిటి’ అని ఓవియాపై అసహనం వ్యక్తం చేస్తున్నారు. ‘యువతను పెడదారి పట్టించి డబ్బులు సంపాదించడానికి ఇలాంటి సినిమాలు తీయడం నిజంగా బాధాకరం. ఇలాంటి వాటిని నిషేధించాలి. నువ్వు అందరిలాంటి దానివి కాదు. ఎంతోమంది యువతులు నిన్ను అనుకరిస్తారు. అలాంటి వారికి నువ్విచ్చే సందేశం ఇదేనా. సారీ ఓవియా చాలా అప్‌సెట్‌ అయ్యాం’ అని ట్విటర్‌ వేదికగా ఆమెను విమర్శిస్తున్నారు. కాగా అభిమానుల కామెంట్లకు స్పందించిన ఓవియా.. ‘చూడండి. పండు రుచి చూడబోతూ విత్తనం ఎలా ఉంటుందో నిర్ణయించేయకండి. సినిమా విడులయ్యేదాకా ఆగండి. అప్పటి వరకు ఈ ట్రైలర్‌ ఎంజాయ్‌ చేయండి’ అని విషయాన్ని చాలా లైట్‌ తీసుకుంది. ఇక తమిళ బిగ్‌బాస్‌ షో ద్వారా ప్రాచుర్యం పొందిన ఓవియా నిరంతరం ఏదో ఒక కారణంతో నిరంతరం వార్తల్లో నిలుస్తూనే ఉంది.  ఆ షోలో తనతో పాల్గొన్న ఆరవ్‌తో ఈమె ప్రేమలో పడినట్లుగా వదంతులు ప్రచారమవుతున్నాయి. అయితే అదేమీ లేదని ఓవియా కొట్టిపారేసింది. ప్రస్తుతం 90 ఎంఎల్‌తో పాటుగా కలవాని-2, కాంచన-3 చిత్రాల్లో ఆమె నటిస్తోంది. இந்த மாதிரி படங்கள் தமிழ் சினிமாவின் சாபக்கேடு @itisprashanth ...I feel sad & angry people indulging in making such cinema to make money by titillating the youth. Down down such vulgar & crude films. Sorry to say this but I am so upset seeing these scenes #90MLTrailer ✍️✍️✍️👎👎 https://t.co/rmJylaUsEr — Dhananjayan BOFTA (@Dhananjayang) February 8, 2019 Actress @OviyaaSweetz is not just any other star . So many young girls follow her closely and are getting inspired by her. A movie like this - Only will guide them in the wrong direction. Sorry Oviya - Expected much more from you !! #90MLTrAiler — Prashanth Rangaswamy (@itisprashanth) February 8, 2019

అతగాడితో ప్రేమలో పడితే తనే అందరికి చెబుతానని అంటోంది తమిళ నటి ఓవియ. ‘బిగ్‌బాస్‌ రియాలిటీ గేమ్‌ షో’ ద్వారా బాగా ప్రచారం పొందిన నటి ఈ అమ్మడేనని చెప్పవచ్చు. తొలి చిత్రం ‘కలవాని’ విజయం సాధించినా ఆ తరువాత నటించిన చిత్రాలేవీ ఓవియ కెరీర్‌కు పెద్దగా ఉపయోగపడలేదు.  అలాంటి తరుణంలో ‘బిగ్‌బాస్‌ గేమ్‌ షో’కు పిలుపొచ్చింది. అందులో పాల్గొన్న మరో నటుడు ఆరవ్‌తో ప్రేమ, వివాదం అంటూ వార్తల్లోకెక్కి బాగా ప్రచారం పొందింది ఓవియా. షో నుంచి బయటకు వచ్చిన తరువాత నటిగా అవకాశాలు రావడం మొదలెట్టాయి. నటుడు, దర్శకుడు రాఘవలారెన్స్‌ తెరకెక్కిస్తున్న ‘కాంచన–3’లో ఓవియా, ఆయనతో జతకట్టింది. ఈ చిత్రం సమ్మర్‌ స్పెషల్‌గా మార్చిలో తెరపైకి రావడానికి ముస్తాబవుతోంది. ‘90 ఎంఎల్‌’ అనే మరో చిత్రంలోనూ ఓవియ హీరోయిన్‌గా నటిస్తోంది. ప్రస్తుతం ఓవియా నటుడు ఆరవ్‌తో చెట్టాపట్టాలేసుకుని తిరుగుతోందనే ప్రచారం జోరందుకుంది. ఈ సందర్భంగా ఓవియ ఒక ఆంగ్లపత్రికకు ఇంటర్వ్యూ ఇచ్చింది. ఓవియా మాట్లాడుతూ.. ‘‘బిగ్‌బాస్‌ గేమ్‌ షో’లో పాల్గొనడం సంతోషకరం. ఆ తరువాత పలు సినీ అవకాశాలు వస్తున్నాయి. అందులో నచ్చిన కథలనే అంగీకరిస్తున్నాను. నా సినీ పయనాన్ని ఇతరులతో పోల్చడం నాకిష్టం లేదు. నేను తీసుకున్న నిర్ణయాలు నాకు సంతృప్తినిస్తున్నాయి. నటుడు ఆరవ్‌తో నన్ను కలిపి చాలా వదంతులు ప్రచారం అవుతున్న విషయం తెలుసు. అయితే మా ఇద్దరి మధ్య సత్సంబంధాలు ఉన్నాయి’ అన్నారు. అంతేకాక ‘మా ఇద్దరికి ఒకరి మీద ఒకరికి చాలా అభిమానం ఉంది. దీన్ని స్నేహం అని చెప్పలేను. అందరూ అనుకున్నట్లు మా మధ్య ప్రేమ లాంటిది ఏమైనా పుడితే నేనే ఆ విషయం స్వయంగా అందరికీ చెబుతాను. ప్రస్తుతం మేం సినిమాల మీద దృష్టిపెడుతున్నాం. నేను ప్రస్తుతం ‘కలవాని–2’, ‘కాంచన–3’, ‘90 ఎంఎల్‌’ చిత్రాల్లో నటిస్తున్నాను’ అంటూ చెప్పుకొచ్చారు ఓవియా.

చెన్నై, పెరంబూరు: బిగ్‌బాస్‌–2 రియాలిటీ గేమ్‌ షో ద్వారా పాపులర్‌ అయిన యువతి నిత్య. ఈమె హాస్యనటుడు, టీవీ యాంకర్‌ దాడి బాలాజి భార్య అన్నది గమనార్హం. ఈ ఇద్దరూ మనస్పర్థల కారణంగా విడిపోయి కేసులు, కోర్టులు చుట్టూ తిరిగారు. దాడి బాలాజి, నిత్యలకు పోషక అనే ఒక కూతురు ఉంది. కాగా బిగ్‌బాస్‌–2 రియాలిటీ గేమ్‌ షోలోనూ వీరిద్దరూ పాల్గొని అక్కడా గొడవలు పడి మరింత సంచలన వ్యక్తులుగా ముద్రవేసుకున్నారు. బిగ్‌బాస్‌ గేమ్‌ షో నుంచి బయటకు వచ్చిన తరువాత నిత్య సామాజిక సేవా కార్యక్రమాల్లో పాల్గొంటోంది.ఇటీవల ముంబైలో ప్రారంభించిన నేషనల్‌ ఉమెన్స్‌ పార్టీకి నిత్య రాష్ట్ర అధ్యక్షురాలుగా నియమితులైంది. బుధవారం చెన్నైలో నిర్వహించిన విలేకరుల సమావేశంలో రాష్ట్ర నేషనల్‌ ఉమెన్స్‌ పార్టీ అధ్యక్షురాలిగా నిత్య పేరును అధికారికపూర్వకంగా ప్రటించారు.

కొందరు హీరోయిన్లు కావాలనే సమస్యలను కొని తెచ్చుకుంటారు. వివాదాస్పద వ్యాఖ్యలతో ఫ్రీ ప్రచారం పొందాలని ప్రయత్నించి ఇరకాటంలో పడుతుంటారు. వర్ధమాన నటి యాషికా పరిస్థితీ ఇదే. ‘ఇరుట్టు అరైయిల్‌ మురట్టు కుత్తు’ చిత్రంలో అశ్లీల సన్నివేశాల్లో నటించి పాపులర్‌ అయిన ఈ అమ్మడు ఇటీవల బిగ్‌బాస్‌–2 గేమ్‌ షోలో పాల్గొని అక్కడ జుగుప్సాకరమైన దుస్తులు ధరించి విమర్శలకు గురైంది. నటుడు మహత్‌తో ప్రేమ కలాపాలు అంటూ మరోసారి రచ్చకు దారి తీసింది. మొత్తం మీద అలా పాపులారిటీ సంపాదించుకున్న యాషికా ఇప్పుడు పలు సినీ అవకాశాలను అందుకుంటోంది. ఇటీవల ఒక కార్యక్రమంలో పాల్గొన్న ఈ అమ్మడు రూపాయి నోటుపై ఆటోగ్రాఫ్‌ చేసి వివాదాల్లో చిక్కుకుంది. అది సద్దుమణగక ముందే తాజాగా నటుడు సూర్య అభిమానుల ఆగ్రహానికి గురవుతోంది. ఈ సంచలన నటి అభిమానుల ప్రశ్నలకు తన ట్విట్టర్‌ ద్వారా బదులిచ్చింది. అందులో ఒక అభిమాని మీకు నటుడు సూర్య అంటే ఇష్టమా అని అడగ్గా అందుకు సూర్య ఫొటోను పోస్ట్‌ చేసి, ఆయన్ని పెళ్లాడాలని ఆశపడుతున్నట్లు పేర్కొని మరోసారి వివాదాల్లో చిక్కుకుంది. యాషికా వ్యాఖ్యలపై సూర్య అభిమానులు మండిపడుతున్నారు. అటు నటి జ్యోతిక అభిమానులు కూడా ఆగ్రహంతో రగిలిపోతున్నారు. ‘నటుడు సూర్యకు పెళ్లి అయిన విషయం యాషికాకు తెలియదా’, ‘సూర్య, జ్యోతిక దంపతులకు ఇద్దరు పిల్లలు కూడా ఉన్న విషయం తెలిసి సూర్యను పెళ్లాడాలని ఎలా అంటుంది’ అంటూ యాషికాపై మాటల దాడి చేస్తున్నారు. ఏదో ఆశిస్తే, ఇంకేదో జరిగిందంటే ఇదేనేమో.  

తమిళసినిమా: నటి జూలి ఉత్తమిగా మారుతోందట. అదేంటి  ఉత్తమిగా మారడం ఏమిటి? అనే ప్రశ్న తలెత్తుతోందా? అయితే ఆ కథేంటో చూద్దాం రండి. ఏ రంగంలోనైనా, ఏ విషయానికైనా ప్రచారం చాలా ముఖ్యం. అలాంటి ప్రచారాన్ని కొందరు సొంతంగా ఖర్చు చేసి పొందుతుంటారు. మరికొందరికి అదే వెతుక్కుంటూ వస్తుంది. అలా మంచి పాపులారిటీని బిగ్‌బాస్‌ రియాలిటీ గేమ్‌ షో తెచ్చిపెట్టింది. అందులో ఒకరు నటి జూలి. అందులో పాల్గొన్న వారిలో ఒక ప్రత్యేకతను సంతరించుకున్న ఈ బ్యూటీ అంతకు ముందే జల్లికట్టు పోరాటంలో పాల్గొని వెలుగులోకి వచ్చింది. ఆపై ఒక టీవీ చానల్‌లో యాంకర్‌గా పనిచేశారు. ఇవన్నీ కలిపి జూలీని సినిమా హీరోయిన్‌ను చేసేశాయి. అలా బిగ్‌బాస్‌ షో తరువాత హీరోయిన్‌గా అవకాశం అందుకున్న ఓవియ తరువాత ఆ లిస్ట్‌లో నటి జూలి చేరింది. త్వరలో ఈ అమ్మడు నటించనున్న చిత్రం ప్రారంభం కానుంది. ఆమెతో పాటు ప్రధాన పాత్రలో పబ్లిక్‌స్టార్‌ దురై సుధాకర్‌ నటిస్తున్నారు. ఈయన ఇంతకు ముందు జూలీయుమ్‌ 4 పేరుమ్‌ చిత్రాల్లో నటించారన్నది గమనార్హం. ఈ చిత్రానికి ఉత్తమి అనే టైటిల్‌ను నిర్ణయించారట. ఈ చిత్ర కథ జూలీ పాత్ర చుట్టూ తిరుగుతుందట. తొలి చిత్రంతోనే శక్తివంతమైన పాత్రలో నటించే అవకాశం రావడం సంతోషంగా ఉందంటోంది నటి జూలి. కాగా కే 7 ప్రొడక్షన్‌ సంస్థ నిర్మిస్తున్న ఈ చిత్రం త్వరలో ప్రారంభం కానుంది. ఇవి ప్రస్తుతానికి ఉత్తమి చిత్ర వివరాలు. త్వరలో పూర్తి వివరాలు వెలువడే అవకాశం ఉంది.

చెన్నై : ఆయనకు నేను, నాకు ఆయన అంటోంది నటి ఓవియ. బిగ్‌బాస్‌ రియాలిటీ గేమ్‌ షోలో పాల్గొన్న తరవాత ఈ అమ్మడి క్రేజే వేరు. అంతకు ముందు కొన్ని చిత్రాల్లో హీరోయిన్‌గా నటించినా రాని పాపులారిటీ బిగ్‌బాస్‌ గేమ్‌ షోతో వచ్చిపడింది. దీంతో అవకాశాలు తలుపు తడుతున్నాయి. ప్రస్తుతం లారెన్స్‌తో ఆయన తాజా చిత్రంలో నటించడానికి రెడీ అవుతోంది. అయితే ఈ బ్యూటీ గురించి చాలా గ్యాసిప్స్‌ ప్రచారం అవుతున్నాయి. ఆమెతో పాటు బిగ్‌బాస్‌ గేమ్‌షోలో పాల్గొన్న నటుడు ఆరవ్‌తో కలిపి వదంతులు హోరెత్తుతున్నాయి. వీటి గురించి ఇటీవల ఒక టీవీకి ఇచ్చిన భేటీలో ఓవియ వివరణ ఇచ్చింది. తనకు పలు అకాశాలు వస్తున్న మాట నిజమేనని, అయితే ఒకే సమయంలో పలు చిత్రాలు చేయడం సాధ్యం కాదని పేర్కొంది. తాను ఆదాయం కోసం ప్రయత్నించి మోడలింగ్‌ రంగంలోకి వెళ్లానని చెప్పింది. ఆ తరువాత కళవాణి చిత్రంలో నటించే అవకాశం రావడంతో సినీరంగానికి పరిచయం అయ్యానని తెలిపింది. ప్రస్తుతం తాను లారెన్స్‌తో చేస్తున్న ఒక్క చిత్రాన్నే అంగీకరించానని చెప్పింది. ఇక నటుడు ఆరమ్‌తో ప్రేమ వ్యవహారం గురించి జరుగుతున్న ప్రచారం గురించి స్పందిస్తూ తనకు ఒక పార్ట్‌నర్‌ ఉన్నాడని, ఆయనకు తాను, తనకు ఆయన అంటూ తెలివిగా బదులిచ్చి ఆ ఆయన ఎవరన్నది చెప్పకుండానే మాట దాటవేసింది.


 చెన్నై: మలయాళ హీరోయిన్‌ ఓవియ ఆత్మహత్యాయత్నం విచారణకు సంబంధించి పోలీసులు ఆమెకు శనివారం సమన్లు పంపారు. తమిళంలో ప్రసారం అవుతున్న బిగ్‌బాస్‌ కార్యక్రమంలో పాల్గొన్న నటి ఓవియ ఆత్మహత్యాయత్నం చేసిన విషయం తెలిసిందే. ఈ ఘటనపై పూందమల్లి నజరత్‌పేట పోలీసులకు ఓ సామాజిక కార్యకర్త ఫిర్యాదు చేశారు. 'బిగ్‌బాస్‌'లో పాల్గొన్న ఇతర సభ్యుల కారణంగా నటి ఓవియ ఈత కొలనులో దూకి ఆత్మహత్యాయత్నం చేశారని, దీనిపై తగిన విచారణ జరపాలని కోరారు.
 
 ఇదివరకే ఈ విషయంపై ఫిర్యాదులు రావడంతో నజరత్‌ పేట పోలీసు ఇన్‌స్పెక్టర్‌ జయచంద్రన్ బిగ్‌బాస్‌ ఇంటిలోకి వెళ్లి విచారణ జరిపారు. ఓవియ నేరుగా విచారణకు హాజరు కావాలంటూ సమన్లు పంపినట్లు ఇన్‌స్పెక్టర్‌ తెలిపారు. తాను ఆత్మహత్యాయత్నం లాంటివి చేయలేదన్నట్లు ఇతర కంటెస్టెంట్లు పోలీసుల ప్రాథమిక విచారణలో వెల్లడైంది. మరోవైపు ఓవియ తీవ్ర అస్వస్థతకు గురి అవడంతో అర్థాంతరంగా షో నుంచి వెళ్లిపోయారు. నటి తన సొంత ఊరైన కొచ్చిన్‌ లో ఉంటున్నారు. అక్కడ మానసిక చికిత్స చేయించుకుంటున్నట్లు సామాజిక మాధ్యమాలలో ఫొటోలు వైరల్‌ అయ్యాయి.
 
 కాగా తమిళ బిగ్‌బాస్‌కు ప్రముఖ నటుడు కమల్ హాసన్‌ హోస్ట్‌గా వ్యవహరిస్తున్నారు. షోలో పాల్గొన్న వారి చర్యలు తమిళనాట చర్చనీయాంశంగా మారాయి. గాయత్రి రఘురాం స్లమ్‌ కల్చర్‌ వంటి పదాలను వాడటం వివాదాస్పదంగా మారింది. మరోవైపు స్టార్ హీరో ఎన్టీఆర్ హోస్ట్‌గా చేస్తున్న తెలుగు బిగ్‌బాస్ విజయవంతంగా కొనసాగుతోంది.