కోలీవుడ్ స్టార్ హీరో విజయ్ రాజకీయాల్లోకి అడుగుపెట్టిన సంగతి తెలిసిందే. ఇప్పటికే తమిళగ వెట్రి కళగం(టీవీకే) పేరుతో పార్టీని స్థాపించిన ఆయన తమిళనాడు అసెంబ్లీ ఎన్నికల బరిలో నిలవనున్నారు. అందులో భాగంగానే ఇవాళ భారీ బహిరంగ సభ నిర్వహించారు. విల్లుపురంలో నిర్వహించిన సభలో తమిళనాడు రాజకీయాలపై విజయ్ ఆసక్తికర వ్యాఖ్యలు చేశారు.సినీరంగంతో పోలిస్తే రాజకీయాలు చాలా సీరియస్ అని విజయ్ కామెంట్స్ చేశారు. అయినా సరే పాలిటిక్స్‌లో భయపడేది లేదని స్పష్టం చేశారు. నా కెరీర్ పీక్స్‌ దశలో ఉన్నప్పుడే సినిమాలు వదిలేసి వచ్చానని తెలిపారు. తాను ఎవరికీ కూడా ఏ టీమ్.. బీ టీమ్ కాదని అన్నారు. ఈ సందర్భంగా టీవీకే పార్టీ సిద్ధాంతాలు, భవిష్యత్ కార్యాచరణను ఆయన ప్రకటించారు. ఈ భారీ బహిరంగ సభకు లక్షల సంఖ్యలో విజయ్‌ అభిమానులు హాజరయ్యారు.ద్రవిడ, తమిళ జాతీయవాద సిద్ధాంతాలను అనుసరిస్తామని విజయ్ ప్రకటించారు. తమిళనాడు గడ్డకు అవీ రెండు కళ్ల లాంటివన్నారు. లౌకిక, సామాజిక న్యాయ సిద్ధాంతాలే మా పార్టీ భావజాలమని ఆయన స్పష్టం చేశారు. పెరియార్‌ ఈవీ రామస్వామి, కె.కామరాజ్‌, బాబాసాహెబ్‌ అంబేడ్కర్‌, వేలు నాచియార్‌, అంజలి అమ్మాళ్‌ ఆశయాలతో పార్టీని ముందుకు తీసుకెళ్తామని విజయ్ వెల్లడించారు. నాకు రాజకీయ అనుభవం లేకపోయినా భయపడే ప్రసక్తే లేదని తేల్చి చెప్పారు. తొలి సభలోనే డీఎంకే, బీజేపీపై విమర్శలు చేశారు. గతంలో ఎన్టీఆర్, ఎంజీఆర్‌ సైతం విమర్శలు ఎదుర్కొన్నారని గుర్తు చేశారు. తనను ఆర్టిస్ట్‌ అంటూ విమర్శలు చేస్తున్న వారికి గట్టి కౌంటర్ ఇచ్చారు. తొలి బహిరంగ సభలోనే తన స్పీచ్‌తో అదరగొట్టారు హీరో, టీవీకే అధినేత విజయ్. వచ్చే అసెంబ్లీ ఎన్నికల్లో అన్ని స్థానాల్లో పోటీ చేస్తామని సభ వేదికగా విజయ్ ప్రకటించారు. Tamil Nadu | Actor and TVK President Vijay says "In terms of ideology, we are not going to separate Dravidian Nationalism and Tamil Nationalism. They are two eyes of this soil. We shouldn't shrink ourselves to any specific identity. Secular Social Justice ideologies are our… pic.twitter.com/tclhef2BUk— ANI (@ANI) October 27, 2024


 జయలలిత నిర్దోషిగా బయటపడిన నేపథ్యంలో తమిళ రాజకీయాలు ఒక్కసారిగా వేడెక్కాయి. పార్టీలు వ్యూహరచనల్లో మునిగిపోయాయి. అంసెబ్లీని రద్దుకు సిఫారసు చేసి జయలలిత ముందస్తు ఎన్నికలకు వెళ్లే అవకాశాలు కనిపిస్తున్నాయి. ప్రధాన ప్రత్యర్థి డీఎంకే ఇన్నాళ్లూ జయలలిత అవినీతిపైనే విమర్శలు సంధిస్తూ వస్తోంది. ఇప్పుడు కోర్టు క్లీన్‌చిట్ ఇచ్చినందున దీన్ని సొమ్ము చేసుకోవడానికి, ఈ వాతావరణాన్ని అనుకూలంగా మలచుకోవడానికి జయలలిత ముందస్తు ఎన్నికలకు వెళ్లొచ్చని రాజకీయ విశ్లేషకుల అంచనా. గత ఏడాది జరిగిన లోక్‌సభ ఎన్నికల్లో జయ పార్టీ ఏఐడీఎంకే 39 స్థానాలకుగాను 37 చోట్ల నెగ్గింది. 44 శాతం ఓట్లు సాధించింది. ప్రత్యర్థి డీఎంకేకు వ్యూహరచనకు అవకాశమివ్వకుండా... కోర్టు తీర్పుతో వచ్చిన సానుకూలతను సొమ్ము చేసుకునేందుకు జయ ఎన్నికలకు వెళతారనేది విశ్లేషకుల వాదన. తమిళనాడు అసెంబ్లీకి 2016 మే నెలలో ఎన్నికలు జరగాల్సి ఉంది. ఇంకా ఏడాది సమయం ఉంది. గత ఏడాది సెప్టెంబర్‌లో పన్నీరు సెల్వం ముఖ్యమంత్రిగా బాధ్యతలు చేపట్టాక పాలన కుంటుపడింది. అధికార యంత్రాంగంలో స్తబ్ధత నెలకొంది. మంత్రులపైనా ఆరోపణలు వచ్చాయి. సీఎంగా పగ్గాలు చేపట్టి మొదలు ఈ పరిస్థితిని చక్కదిద్దడానికి ఆమె ప్రయత్నించవచ్చని మరికొందరి అభిప్రాయం. పాలనను గాడిలోపెట్టి, కొన్ని జనాకర్షక పథకాలను ప్రకటించి... అటుపై ముందస్తు ఎన్నికలకు వెళుతుందనేది వారి అంచనా. జయ సీఎంగా బాధ్యతలు చేపడితే ఆరు నెలల్లోపు మళ్లీ ఎమ్మెల్యేగా ఎన్నిక కావాల్సి ఉంటుంది. ఉప ఎన్నికకు వెళ్లకుండా... ఈలోపే ముందస్తుకు సిద్ధమవొచ్చు. మరోవైపు ఇలాంటి తీర్పును ఊహించని డీఎంకే దిగ్భ్రాంతిలో కూరుకుపోయింది. వయోభారంతో వీల్‌చైయిర్‌కు పరిమితమైన కరుణానిధి వచ్చే ఎన్నికల్లో ప్రచారంలో చురుకుగా ఉండే అవకాశాల్లేవు. ఆయన వ్యూహరచనకే పరిమితమవ్వొచ్చు. డీఎంకేకు స్టాలిన్ ప్రధాన ప్రచారకర్తగా ఉంటారు.
  - సెంట్రల్ డెస్క్, సాక్షి