ప్రస్తుతం సినీ ఇండస్ట్రీలో పెళ్లిళ్ల సీజన్ నడుస్తోంది. ఈ ఏడాదిలో ఇప్పటికే పలువురు తారలు వివాహాబంధంలోకి అడుగుపెట్టారు. తాజాగా మరో నటుడు పెళ్లిబంధంలోకి అడుగుపెట్టారు.  ప్రముఖ సినీయర్ నటి, హీరోయిన్ రతీ అగ్నిహోత్రి కుమారుడు తనూజ్ విర్వాన తన ప్రియురాలు తాన్యా జాకబ్‌ను పెళ్లాడారు. మహారాష్ట్రలోని లోనావాలాలో జరిగిన వివాహా వేడుకకు బంధువులు, సన్నిహితులు హాజరయ్యారు.  కాగా.. తనూజ్ అమెజాన్ వెబ్ సిరీస్ ఇన్‌సైడ్ ఎడ్జ్‌లో వాయు రాఘవన్ పాత్రకు మంచి గుర్తింపు తెచ్చుకున్నారు. జీ5లో స్ట్రీమింగ్ అవుతోన్న పాయిజన్ వెబ్‌ సిరీస్‌లోనూ కీలక పాత్ర పోషించారు. కాగా.. తనూజ్ మదర్ రతి అగ్నిహోత్రి తెలుగు, తమిళంతో పాటు హిందీ, మలయాళం చిత్రాల్లోనూ నటించారు. ఆమె చివరిసారిగా బాలకృష్ణ నటించిన డిక్టేటర్‌ చిత్రంలో కనిపించారు.  View this post on Instagram A post shared by Tanuj Virwani (@tanujvirwani)

మరో యంగ్ హీరో పెళ్లికి రెడీ అయిపోయాడు. తనకు నిశ్చితార్థం జరిగిపోయిందని చెబుతూ జీవిత భాగస్వామిని పరిచయం చేశాడు. అయితే ఈ కుర్రాడు ఓటీటీల్లో స్టార్ అని చాలామందికి తెలుసు. కానీ ఇతడు తెలుగు హీరోయిన్ కొడుకని మనోళ్లకు పెద్దగా తెలియదు. ఇంతకీ ఈ కుర్రాడెవరు? ఎంగేజ్‌మెంట్ సంగతేంటి? నటుడు, మోడల్‪‌గా గుర్తింపు తెచ్చుకున్న తనూజ్ విర్వాని.. 2013లో బాలీవుడ్‌లోకి ఎంట్రీ ఇచ్చాడు. ఓ మూడు సినిమాలు చేశాడు గానీ పెద్దగా పేరు రాలేదు. కానీ ఓటీటీల్లో చేసిన 'ఇన్ సైడ్ ఎడ్జ్' సిరీస్ వల్ల ఇతడికి బోలెడంత ఫేమ్ వచ్చింది. ఆ తర్వాత కోడ్ M, పాయిజన్, మసాబా మసాబా తదితర సిరీసుల్లో యాక్ట్ చేసి ఆకట్టుకున్నాడు.  (ఇదీ చదవండి: ఈ వారం ఓటీటీల్లో రిలీజ్ కానున్న 24 సినిమాలు) తనూజ్ ఇప్పుడు తాన్య జాకబ్ అనే అమ్మాయితో నిశ్చితార్థం చేసుకున్నట్లు సోషల్ మీడియాలో ఫొటోలు పోస్ట్ చేశాడు. తనూజ్ తల్లి రతి అగ్నిహోత్రి అప్పట్లో తెలుగు సినిమాలు చేసింది. 1980-82 మధ్యలో దాదాపు 10 వరకు తెలుగు చిత్రాల్లో నటించింది. ఈ లిస్టులో చిరంజీవి 'పున్నమినాగు' కూడా ఉంది. చివరగా తెలుగులో 2016లో వచ్చిన బాలకృష్ణ 'డిక్టేటర్'లో కనిపించింది. ఇక తనూజ్ విషయానికొస్తే.. కమల్ హాసన్ కూతురు అక్షర హాసన్ తో దాదాపు నాలుగేళ్లు (2013-17) డేటింగ్ చేశాడు. ఆ తర్వాత 'వరల్డ్ ఫేమస్ లవర్' ఫేమ్ నటి ఇజ్బెల్లాలో రిలేషన్‌లో ఉన్నట్లు రూమర్స్ వచ్చాయి. ఇప్పుడు డేటింగ్, రిలేషన్ లాంటి వాటిని పక్కనబెడుతూ తన కాబోయే భార్యని అందరికీ పరిచయం చేసి షాకిచ్చాడు. ప్రస్తుతం అందుకు సంబంధించిన ఫొటోలు వైరల్ అయిపోయాయి. (ఇదీ చదవండి: రెండు నెలల తర్వాత ఓటీటీలోకి ఆ తెలుగు సినిమా!) View this post on Instagram A post shared by Tanuj Virwani (@tanujvirwani)


 బాలు-స్వప్న... ఈ పేర్లు సుపరిచితమే. తమిళబ్బాయి.. తెలుగుమ్మాయ్. భాష తెలియదు. తెలిసిందల్లా మనసు భాష మాత్రమే. మనసుతో మాట్లాడుకుని ప్రేమించేసుకున్నారు. ప్రేమతో ‘స్వప్న... నల్ల పిల్ల’ అంటాడు బాలు. స్వప్న నల్లగా ఉంటుంది కదా... అందుకే అలా అన్నాడా? కాదు. ‘నల్ల’ అంటే తమిళంలో ‘మంచి’ అని అర్థం. ఇక పెద్దగా చెప్పకుండానే కె. బాలచందర్ తీసిన ‘మరోచరిత్ర’లో బాలూగా కమల్‌హాసన్, స్వప్నగా సరితల లవ్‌స్టోరీ గుర్తొచ్చేస్తుంది.
  
  ఈ వెండితెర ప్రేమకావ్యం హిందీలో ‘ఏక్ దూజే కేలియే’గా రీమేక్ అయ్యి, అక్కడా ఘనవిజయం సాధించింది. హిందీలో కమల్‌హాసన్, రతి అగ్నిహోత్రీ జంటగా నటించారు. 1981లో వచ్చిన ఈ హిందీ చిత్రం రీమేక్ హక్కులను నాటి కథానాయిక రతి అగ్నిహోత్రీ సొంతం చేసుకున్నారు. తనయుడు తనూజ్ వీర్వానీ హీరోగా ఆమె ఈ చిత్రాన్ని నిర్మించే పనిలో ఉన్నారు. స్క్రిప్ట్‌ను కూడా ఇప్పటి తరానికి సెట్ అయ్యేలా తీర్చిదిద్దుతున్నారు. ఇది ఇలా ఉంటే... పాత చిత్రంలో నటించిన రతి ఇప్పుడు తన తనయుడితో ఈ విషాద ప్రేమకథను తీయాలనుకుంటున్నారు. ఈ సినిమాలో కమల్ కూతురు శ్రుతీహాసన్ నటిస్తే బాగుంటుంది కదూ.
  


 కమల్ హాసన్ తనయ అక్షర హాసన్, తనుజ్ విర్వానిల రిలేషన్షిప్ ముగిసిందని, ఇక మీదట స్నేహితులుగా ఉండాలని వీరిద్దరూ నిర్ణయించుకున్నట్టు పుకార్లు షికార్లు చేస్తున్నాయి. కాగా అక్షర, తాను డేటింగే చేయలేదని తనుజ్ చెబుతున్నాడు. తామిద్దరం డేటింగ్ చేస్తున్నట్టు ఎప్పుడూ చెప్పలేదన్నాడు.
 
 తమ అనుబంధం పట్ల అక్షర తల్లి సారిక, తన తల్లి రతి అగ్నిహోత్రి అభ్యంతరం వ్యక్తం చేసినట్టు వచ్చిన వార్తలను తనుజ్ తోసిపుచ్చాడు. తమ గురించి అక్షర, తన కుటుంబ సభ్యులకు తెలుసునని వెల్లడించాడు. గతంలో ముంబై శివారు ప్రాంతాల్లో పలుమార్లు అక్షర, తనుజ్ ఇద్దరూ చెట్టాపట్టాలేసుకుని తిరుగుతూ మీడియా కంటపడ్డారు.