బాసర: ఆదిలాబాద్ జిల్లాలో శనివారం రెండు ఆర్టీసీ బస్సులు ఢీ కొన్నాయి. ఈ ప్రమాదంలో 15 మంది ప్రయాణికులకు గాయాలయ్యాయి. 
 బాసరలోని శాంకారి పాఠశాల సమీపంలో భైంసా నుంచి నిజామాబాద్ వెళ్తున్న ఆర్టీసీ ఎక్స్‌ప్రెస్ బస్సు అదే మార్గంలో వెళ్తున్న పల్లెవెలుగు బస్సును ఓవర్ టేక్ చేసే ప్రయత్నంలో ఢీకొట్టింది. ఈ ఘటనలో బస్సు డ్రైవర్‌కు తీవ్ర గాయాలు కాగా.. 15 మంది ప్రయాణికులకు స్వల్ప గాయాలయ్యాయి. ఇది గుర్తించిన స్థానికులు క్షతగాత్రులను ఆస్పత్రికి తరలించారు.


  హైదరాబాద్: ఖైరతాబాద్ రైల్వే గేట్ సమీపంలో మంగళవారం అర్ధరాత్రి 1.30కి రెండు ఆర్టీసీ బస్సులు ఢీకొన్నాయి. మెట్రో పనుల కారణంగా ఒకేవైపు రాకపోకలు జరుగుతున్నందున ఎదురెదురుగా వచ్చిన బస్సులు ఢీకొన్నాయి. ఈ ఘటనలో డ్రైవర్లకు గాయాలయ్యాయి. రెండు బస్సులు ధ్వంసమయ్యాయి.
  


 కొండపల్లి : కృష్ణాజిల్లా విజయవాడ సమీపంలోని కొండపల్లి వద్ద శనివారం సాయంత్రం రెండు ఆర్టీసీ బస్సులు ఎదురెదురుగా ఢీకొనడంతో 15 మంది ప్రయాణీకులకు గాయాలయ్యాయి. వారిలో ఇద్దరి పరిస్థితి విషమంగా ఉందని సమాచారం. విజయవాడ నుంచి తిరువూరు వెళుతున్న తిరువూరు డిపో బస్సు, మైలవరం నుంచి విజయవాడకు వస్తున్న మరో ఆర్టీసీ బస్సు (350వ నెంబర్ సిటీ బస్సు) ఢీకొన్నాయి. క్షతగాత్రులను సమీపంలోని ఓ ఆస్పత్రికి తరలించారు.