కోలీవుడ్ స్టార్‌ హీరో, దళపతి విజయ్ నటిస్తోన్న తాజా చిత్రం ది గోట్‌(ది గ్రేటెస్ట్‌ ఆఫ్‌ ఆల్‌టైమ్‌). సైన్స్‌ ఫిక్షన్‌ యాక్షన్‌ ఫిల్మ్‌గా రూపొందిస్తున్న ఈ చిత్రానికి వెంకట్‌ ప్రభు దర్శకత్వం వహించారు. తాజాగా ఈ మూవీకి సంబంధించి సెన్సార్ పూర్తయింది. ఈ విషయాన్ని డైరెక్టర్‌ వెంకట్‌ ప్రభు సోషల్ మీడియా ద్వారా పంచుకున్నారు. గోట్‌ సినిమాకు యూ/ఏ సర్టిఫికెట్‌ జారీ చేసినట్లు వెల్లడించారు. కాగా.. ఈ మూవీని ఏజీఎస్‌ ఎంటర్‌టైన్‌మెంట్ పతాకంపై నిర్మించారు.ఇప్పటికే రిలీజైన ది గోట్‌ ట్రైలర్‌కు ప్రేక్షకుల నుంచి విపరీతమైన రెస్పాన్స్‌ వస్తోంది. ఈ సినిమాలో విజయ్‌ని పాతికేళ్ల కుర్రాడిగా చూపించనున్నారు. ఈ మూవీలో విజయ్‌ తండ్రీ కొడుకులుగా ద్విపాత్రాభినయం చేయనున్నారు. ఇందులో మీనాక్షీ చౌదరి హీరోయిన్‌గా కనిపించనుంది. స్నేహ, లైలా, ప్రశాంత్‌, ప్రభుదేవా కీలక పాత్రల్లో పోషించారు. ది గోట్‌.. తెలుగు, తమిళం, హిందీతో పాటు పలు భారతీయ భాషల్లో విడుదల కానుంది. ఈ చిత్రానికి యువన్‌ శంకర్‌ రాజా సంగీతమందిస్తున్నారు.And it’s a U/A for #TheGreatestOfAllTime pic.twitter.com/TG8y3Retxy— venkat prabhu (@vp_offl) August 21, 2024


 నేచురల్ స్టార్ నాని తాజా చిత్రం 'మజ్ను'  సోమవారం సెన్సార్ కార్యక్రమాలు పూర్తిచేసుకుంది. ఈ చిత్రం యు/ఎ సర్టిఫికెట్‌ పొందినట్లు సమాచారం. యూత్ఫుల్ ఎంటర్టెయినర్గా తెరకెక్కిన ఈ సినిమాలో నాని సరసన అను ఇమ్మానుయేల్, ప్రియాశ్రీలు కథానాయికలుగా నటించారు.
 
 సెప్టెంబరు 23 వ తేదీన మజ్ను ప్రేక్షకుల ముందుకు రానున్నాడు.  ఈ చిత్రానికి విరించి వర్మ దర్శకత్వం వహించగా గోపీసుందర్ సంగీతం అందించారు. వెన్నెల కిషోర్‌, సత్యకృష్ణ, పోసాని కృష్ణమురళి, సప్తగిరి, సత్య తదితరులు ముఖ్య పాత్రల్లో అలరించనున్నారు.


 యంగ్ టైగర్ ఎన్టీఆర్ హీరోగా నటించిన 'జనతా గ్యారేజ్'  సెప్టెంబరు 1 వ తేదీన ప్రపంచవ్యాప్తంగా భారీ ఎత్తున విడుదల కానున్న విషయం తెలిసిందే. విడుదల తేదీ దగ్గర పడుతుండటంతో చిత్ర యూనిట్.. రిలీజ్ సంబంధిత పనులను వేగవంతం చేసింది. ఇప్పటికే పోస్ట్ ప్రొడక్షన్ కార్యక్రమాలను పూర్తి చేసుకున్న ఈ సినిమా శుక్రవారం సెన్సార్‌కు వెళ్లింది. సెన్సార్ బోర్డు ఈ చిత్రానికి U/A సర్టిఫికేట్ అందించింది. సినిమా రన్ టైమ్ మొత్తం 2 గంటల 40 నిముషాలు ఉన్నట్లు సమాచారం.
 
 కొరటాల శివ, తారక్ల క్రేజీ కాంబినేషన్పై అభిమానుల్లో భారీ అంచనాలు నెలకొన్నాయి. కథను అద్భుతంగా తెరకెక్కించిన కొరటాల శివ.. తారక్ అభిమానులకు ఐ ఫీస్ట్ ఇవ్వనున్నారని టాక్. మలయాళ సూపర్ స్టార్ మోహన్ లాల్ ఓ కీలక పాత్రలో నటించారు. సమంత, నిత్యా మీనన్‌లు తారక్ సరసన హీరోయిన్లుగా నటించారు. దేవీశ్రీప్రసాద్ ఇచ్చిన సంగీతం ఇప్పటికే హల్ చల్ చేస్తుంది.


 హైదరాబాద్: ఎస్ ఎస్ రాజమౌళి ప్రతిష్టాత్మకంగా తెరకెక్కించిన 'బాహుబలి' సినిమాకు సెన్సార్ బోర్డు 'యూ/ఏ' సర్టిఫికెట్ ఇచ్చినట్టు చిత్రపురి సమాచారం. రాజమౌళి క్లీన్ యూ సర్టిఫికెట్ కోరుకున్నా డు. అయితే కొన్ని సీన్లు తొలగిస్తే యూ సర్టిఫికెట్ ఇస్తామని చెప్పగా, అందుకు దర్శకుడు అంగీకరించకపోవడంతో యూ/ఏ ఇచ్చారని సమాచారం. 'బాహూబలి' మొదటి భాగం 2 గంటల 39 నిమిషాల నిడివివున్నట్టు తెలుస్తోంది.
 
 విజువల్ వండర్ గా తెరకెక్కిన ఈ సినిమా జూలై 10న ప్రేక్షకుల ముందుకు రానుంది. ప్రభాస్, దగ్గుబాటి రానా, అనుష్క, తమన్నా, రమ్యకృష్ణ, సత్యరాజ్, నాజర్ ముఖ్యపాత్రల్లో నటించారు.