బాలీవుడ్ బుల్లితెర నటి వైశాలి టక్కర్ ఆత్మహత్య చేసుకున్న విషయం తెలిసిందే. ఈ కేసులో ప్రధాన నిందితుడైన ఆమె మాజీ బాయ్‌ఫ్రెండ్ రాహుల్‌ నవ్‌లానీతో పాటు అతని భార్య దిశను పోలీసులు అరెస్ట్ చేశారు. ఆమె ఆత్మహత్యపైసహనటుడు నిశాంత్ సంచలన విషయాలు బయటపెట్టాడు. వైశాలి సూసైడ్ చేసుకునేలా రాహుల్‌ చిత్రహింసలకు గురిచేశాడని నిశాంత్ మల్ఖానీ ఆరోపించారు. రాహుల్‌తో వైశాలి సన్నిహితంగా ఉన్న ఫోటోలు బహిర్గతం చేస్తానని పలుసార్లు బెదిరింపులకు పాల్పడ్డారని తెలిపారు. వైశాలి ఆత్మహత్య తనను తీవ్ర దిగ్భ్రాంతికి గురి చేసిందని నిశాంత్ అన్నారు. ఆమె తనతో వ్యక్తిగత విషయాలను పంచుకునేదని వెల్లడించారు. నిశాంత్ మల్ఖానీ కథానాయకుడిగా నటించిన రక్షాబంధన్ - రసల్ అప్నే భాయ్ కి ధాల్ షోలో వైశాలి కూడా భాగమైంది. ('చదవండి: నటి వైశాలి సూసైడ్‌ కేసులో నిందితుడు రాహుల్‌ అరెస్ట్‌)  రాహుల్ పెళ్లి చేసుకున్నా కూడా ఆమెను వేధిస్తూనే ఉన్నాడని ఇటీవల ఓ ఇంటర్వ్యూలో నిశాంత్ మల్ఖానీ తెలిపారు. వైశాలి నిశ్చితార్థం జరిగిన తర్వాత వేధింపులు మరింత ఎక్కువయ్యాయని పేర్కొన్నారు. వైశాలికి కాబోయే భర్తకు మెసేజ్‌లు పంపి ఆమెను మానసికంగా హింసించేవాడని వెల్లడించారు. రాహుల్ వేధింపులకు తట్టుకోలేక డిప్రెషన్‌లో ఉన్న వైశాలి మానసిక వైద్యుడిని కూడా సంప్రదించిందని అన్నారు. రాహుల్ వైశాలితో ఉన్న సన్నిహిత చిత్రాలను కాబోయే భర్తకు చూపిస్తానని బెదిరించడంతోనే ఆత్మహత్య చేసుకుందని నిశాంత్ వెల్లడించారు.

బుల్లితెర నటి వైశాలి టక్కర్‌ ఆత్మహత్య కేసులో కీలక పరిణామం చోటుచేసుకుంది.వైశాలి ఆత్మహత్యకు కారణమైన నిందితుడు రాహుల్‌ నవ్లానీని పోలీసులు బుధవారం అరెస్ట్‌ చేశారు. ఇప్పటికే రాహుల్ నవ్లానీతో పాటు అతని భార్య దిశపై లుక్‌ అవుట్‌ నోటీసులు జారీ చేసి పోలీసులు నిందితుల సమాచారం ఇచ్చిన వారికి ఒక్కొక్కరిపై రూ.5 వేల రివార్డును సైతం ప్రకటించిన సంగతి తెలిసిందే. కాగా సూసైడ్‌ నోట్‌ ఆధారంగా దర్యాప్తు చేపట్టిన పోలీసులు రాహుల్ వేధింపులు భరించలేకే ఆత్మహత్యకు పాల్పడినట్లు తేల్చారు. ఈ దారుణానికి రాహుల్ నవ్‌లాని భార్య దిశ కూడా సహకరించినట్లు గుర్తించారు.వైశాలి పెళ్లి జరుగకుండా రాహుల్‌ నవ్లానీ తప్పుడు ప్రచారం చేస్తున్నాడని కుటుంబ సభ్యులు పోలీసులకు ఇచ్చిన ఫిర్యాదులో పేర్కొన్నారు.అంతే కాకుండా ఆమెకు కాబోయే భర్తకు వైశాలి ఫోటోలు, వీడియోలు పంపాడని, దీనివల్ల నిశ్చితార్థం కూడా రద్దయిందని పేర్కొన్నారు. ఇప్పుడు ఇంకొకరితో వివాహం చేసేందుకు ప్రయత్నం చేయగా మళ్లీ అవే ట్రిక్స్‌ ప్లే చేశాడని కుటుంబీకులు పేర్కొన్నారు. 2016లో రాజన్ షాహి నిర్మించిన లాంగ్-రన్ షో ‘యే రిష్తా క్యా కెహ్లతా హై’తో  టీవీలో అరంగేట్రం చేసిన వైశాలి ‘ససురల్ సిమర్ కా’, ‘సూపర్ సిస్టర్స్‌’,‘మన్మోహిని 2’ లాంటి సీరియల్స్‌లో నటించి మెప్పించారు.

బాలీవుడ్ సీరియల్ నటి వైశాలి టక్కర్ ఆత్మహత్య కేసులో పోలీసులు దర్యాప్తు ముమ్మరం చేశారు. ఆమెను సూసైడ్ చేసుకునేలా ప్రేరేపించినందుకు ఇప్పటికే కేసు నమోదు చేసిన పోలీసులు నిందితులపై లుక్‌ అవుట్ నోటీసులు జారీ చేశారు. ప్రధాన నిందితుడు రాహుల్ నవ్లానీతో పాటు అతని భార్య దిశపై నోటీసులు జారీ అయినట్లు మధ్యప్రదేశ్ హోంమంత్రి నరోత్తమ్ మిశ్రా వెల్లడించారు. నిందితుల సమాచారం ఇచ్చిన వారికి ఒక్కొక్కరిపై రూ.5 వేల రివార్డును సైతం ప్రకటించారు. (చదవండి: సుశాంత్‌ సూసైడ్‌ను తట్టుకోలేకపోయింది, కానీ ఇప్పుడు..) ఇండోర్‌లో నివసించే వైశాలి టక్కర్(29) పొరుగున ఉండే రాహుల్ నవ్లానీ వేధింపులకు గురి చేయడంతో ఫ్యాన్‌కు ఉరి వేసుకుని నటి సూసైడ్ చేసుకున్న విషయం తెలిసిందే. ఘటనా స్థలంలో ఐదు పేజీల సూసైడ్ నోట్‌ను పోలీసులు స్వాధీనం చేసుకున్నారు. వైశాలి పెళ్లి చేసుకోబోతోందని తెలిసినప్పటి నుంచి ఆమెను మానసికంగా ఇబ్బందులకు గురి చేశాడని ఆమె కుటుంబ సభ్యులు ఆరోపించారు. ప్రస్తుతం అమెరికాలో ఉన్న నటికి కాబోయే భర్తను కూడా సంప్రదించేందుకు పోలీసులు ప్రయత్నిస్తున్నట్లు తెలిపారు. లుక్ అవుట్ నోటీసులు అంటే:  తీవ్రమైన నేరాల్లో నిందితులు దేశం విడిచి పారిపోకుండా జారీ చేసే వాటిని లుక్ అవుట్ నోటీసులు అంటారు. 

బుల్లితెర నటి వైశాలి టక్కర్‌ ఆత్మహత్య కేసులో పోలీసులు దూకుడు పెంచారు. ఇప్పటికే  నిందితున్ని గుర్తించిన పోలీసులు అతనితో పాటు భార్యపై కూడా కేసు నమోదు చేశారు. ఆమె నివాసంలో దొరికిన సూసైడ్‌ నోట్‌ ఆధారంగా దర్యాప్తు చేపట్టిన పోలీసులు రాహుల్ వేధింపులు భరించలేకే ఆత్మహత్యకు పాల్పడినట్లు తేల‍్చారు. ఈ దారుణానికి రాహుల్ నవ్‌లాని భార్య దిశ కూడా సహకరించినట్లు పోలీసులు గుర్తించారు. ప్రస్తుతం రాహుల్ పరారీలో ఉన్నట్లు తెలుస్తోంది.  (చదవండి: విషాదం.. ప్రముఖ టీవీ నటి ఆత్మహత్య) రాహుల్ నవ్‌లాని గురించి వైశాలి కుటుంబానికి కూడా తెలుసని పోలీసులు గుర్తించారు. వైశాలి టక్కర్‌తో అతనికి సంబంధమున్నట్లు రూమర్లు సృష్టించి ఆమెకు కాబోయే వరుడితో చెప్పేవాడని నటి కుటుంబం పోలీసులకిచ్చిన వాంగ్మూలంలో వెల్లడించింది. అంతే కాకుండా ఆమెకు కాబోయే భర్తకు వైశాలి ఫోటోలు, వీడియోలు పంపినట్లు కుటుంబసభ్యులు పోలీసులకు తెలిపారు.  అతని వల్లే వైశాలి నిశ్చితార్థం రద్దైయినట్లు వెల్లడించారు.   ఆమె 2016లో రాజన్ షాహి నిర్మించిన లాంగ్-రన్ షో ‘యే రిష్తా క్యా కెహ్లతా హై’తో  టీవీలో అరంగేట్రం చేసింది వైశాలి.  అందులో సంజనా సింగ్ పాత్రను పోషించింది. ‘ససురల్ సిమర్ కా’, ‘సూపర్ సిస్టర్స్‌’,‘మన్మోహిని 2’ లాంటి సీరియల్స్‌లో నటించి మెప్పించారు.  చివరిసారిగా బిగ్ బాస్ 14 ఫేమ్ నిశాంత్ మల్కాని ‘రక్షాబంధన్ ’షోలో కనిపించింది. 

నటి వైశాలి టక్కర్‌ ఆత్మహత్య కేసులో కీలక విషయాలు ఒక్కొక్కటిగా బయటకు వస్తున్నాయి. మధ్యప్రదేశ్ ఇండోర్‌లోని తన నివాసంలో ఇవాళ ఉరేసుకుని చనిపోగా పోలీసులు దర్యాప్తు ముమ్మరం చేశారు. ఇవాళ నటి నివాసంలో దొరికిన సూసైడ్‌ నోట్‌ కూడా పోలీసులు స్వాధీనం చేసుకున్నారు. ఆమెకు పొరుగున ఉండే రాహుల్ వేధింపులు తట్టుకోలేకే నటి ఆత్మహత్యకు పాల్పడినట్లు ఇండోర్ ఏసీపీ ఎం. రెహమాన్ తెలిపారు.  వైశాలి టక్కర్ ఈ-గాడ్జెట్‌ల ఆధారంగా దర్యాప్తు చేస్తున్నట్లు ఇండోర్ ఏసీపీ ఎం. రెహమాన్ వెల్లడించారు. రాహుల్ ఆమెను వేధింపులకు గురి చేసినట్లు దర్యాప్తులో తేలిందని తెలిపారు. ఆమె మరో ‍వ్యక్తిని పెళ్లి చేసుకోబోతోందని రాహుల్‌కు తెలియడంతో ఆటంకాలు కలిగించినట్లు దర్యాప్తులో తేలిందన్నారు. ప్రస్తుతం రాహుల్ పరారీలో ఉన్నాడని ఏసీపీ రెహమాన్ పేర్కొన్నారు. (చదవండి: ఉరేసుకుంటానని అప్పుడే హింటిచ్చిన నటి! వీడియో వైరల్‌) కెన్యాలో పనిచేసే అభినందన్ సింగ్ అనే సర్జన్‌తో వైశాలి నిశ్చితార్థం జరిగినట్లు తెలుస్తోంది. ఆమె స్వస్థలం ఉజ్జయిని జిల్లాలోని మహిద్‌పూర్ పట్టణం. గత రెండేళ్లుగా వైశాలి టక్కర్ ఇండోర్‌లో నివసిస్తున్నారు. 2015లో 'యే రిష్తా క్యా కెహ్లతా హై'తో టెలివిజన్‌లోకి అడుగుపెట్టింది. ఆమె 'సూపర్ సిస్టర్స్', 'మన్మోహిని 2' వంటి షోలలో కూడా పనిచేసింది. ఆమె చివరిగా 'రక్షాబంధన్' సీరియల్‌లో కనిపించింది. అంతేకాకుండా, ఆమె 'యే హై ఆషికి'లోని  కొన్ని ఎపిసోడ్‌లలో కూడా భాగమైంది. #UPDATE | Her (TV actor Vaishali Takkar) e-gadgets will be probed. Her neighbour Rahul harassed her, because of whom she took this extreme step. She was about to get married to another man, but he hindered that too. Rahul is absconding; search on to nab him: Indore ACP M Rahman pic.twitter.com/ttGMak8WJm — ANI MP/CG/Rajasthan (@ANI_MP_CG_RJ) October 16, 2022

నటి వైశాలి టక్కర్‌ ఆత్మహత్యతో హిందీ బుల్లితెర ఇండస్ట్రీ ఒక్కసారిగా ఉలిక్కిపడింది. నటిగా మంచి గుర్తింపు తెచ్చుకున్న వైశాలి.. ఇండోర్‌లోని తన నివాసంలో ఆదివారం ఉరేసుకుని మరణించింది. ఆమె నివాసంలో దొరికిన సూసైడ్‌ నోట్‌లో.. మాజీ బాయ్‌ఫ్రెండ్‌ వేధింపులకు పాల్పడినట్లు ఉందని ఇండోర్‌ అసిస్టెంట్‌ పోలీస్‌ కమిషనర్‌ ఎమ్‌ రెహమాన్‌ తెలిపాడు. కాగా వైశాలి బలవన్మరణానికి పాల్పడిన క్రమంలో ఇన్‌స్టాగ్రామ్‌లో ఆమె చివరి పోస్ట్‌ వైరల్‌గా మారింది. ఇందులో ఆమె ద్విపాత్రాభినయం చేస్తూ తన బాయ్‌ఫ్రెండ్‌ను పరీక్షించింది. ఈ టెస్ట్‌లో అతడు తనను మోసం చేయడంతో వైశాలి బండబూతులు తిట్టింది. అయితే ఈ వీడియోకు కామెడీ, ఫన్నీ వీడియోస్‌ అన్న ట్యాగులను జత చేసింది. కానీ ఇది చూస్తుంటే అది స్కిట్‌లా లేదని, రియల్‌ లైఫ్‌లో జరిగినదాన్నే ఇలా పరోక్షంగా చెప్పినట్లుంది అంటున్నారు ఫ్యాన్స్‌. అలాగే సరిగ్గా వారం కిందట ఆమె పోస్ట్‌ చేసిన మరో వీడియో సైతం వైరల్‌ అవుతోంది. ఆదివారం మీరేం చేస్తారు? నేనైతే ఇదిగో ఇలా ఖాళీగా ఉండి ఫ్యాన్‌ తిప్పుతూ ఉంటానని చూపించింది. ఇది చూసిన నెటిజన్లు మరింత ఎమోషనలవుతున్నారు. ఫ్యాన్‌ చూపిస్తూ మీరు అప్పుడే హింటిచ్చారు.. కానీ మేమే అర్థం చేసుకోలేదు అంటూ బాధపడుతూ కామెంట్లు చేస్తున్నారు. కాగా యే రిష్తా క్యా కెహ్లాతా హై సీరియల్‌లో సంజన పాత్రతో ఇండస్ట్రీలో ఎంట్రీ ఇచ్చింది వైశాలి. పలు సీరియల్స్‌తో అలరిస్తూ వచ్చిన ఆమె గతేడాది ఏప్రిల్‌లో డాక్టర్‌ అభినందన్‌ సింగ్‌ హుండాల్‌తో నిశ్చితార్థం జరుపుకుంది. కోవిడ్‌ వల్ల పెళ్లి వాయిదా వేసుకుంటున్నట్లు వెల్లడించింది. కానీ అంతలోనే వీరు బ్రేకప్‌ చెప్పుకుని ఎవరి దారి వారు చూసుకున్నారు. View this post on Instagram A post shared by Vaishali Takkar (@misstakkar_15) View this post on Instagram A post shared by Vaishali Takkar (@misstakkar_15) చదవండి: విషాదం.. సుశాంత్‌ సింగ్‌ బాటలోనే అతడి క్లోజ్‌ ఫ్రెండ్‌ ప్రముఖ టీవీ నటి ఆత్మహత్య

ప్రముఖ సీరియల్‌ 'యే రిష్తా క్యా కెహ్లాతా హై' నటి వైశాలి టక్కర్‌(30) ఆత్మహత్య చేసుకుంది. మధ్యప్రదేశ్‌ ఇండోర్‌లోని తన నివాసంలో ఆదివారం ఉరేసుకుని ప్రాణాలు తీసుకుంది. ఘటనా స్థలంలో సూసైడ్‌ నోట్‌ లభ్యమైందని పోలీసులు తెలిపారు. కాగా వైశాలి.. దివంగత నటుడు సుశాంత్‌ సింగ్‌ రాజ్‌పుత్‌కు అత్యంత ఆప్త మిత్రురాలు. 2020లో జూన్‌ 14న సుశాంత్‌ సూసైడ్‌ చేసుకున్నప్పుడు వైశాలి అతడి మరణాన్ని జీర్ణించుకోలేక రెండు మూడురోజులపాటు ఏకధాటిగా ఏడ్చింది. ఆ సమయంలో స్పాట్‌బైకి ఇచ్చిన ఇంటర్వ్యూలో ఆమె మాట్లాడుతూ.. 'సుశాంత్‌ది ఆత్మహత్య కాదు, హత్యేనని అందరూ అంటున్నారు. అతడి మృతదేహం మీద ఉన్న కొన్ని గుర్తులను చూస్తుంటే ఎక్కడో ఏదో జరిగిందనిపిస్తోంది. ఏ ఒక్కరో ఈ పనికి పూనుకోలేదు. మూవీ మాఫియానే అతడిని చంపేసింది. అసలు నిందితులు నటి రియా చక్రవర్తి వెనకాల దాక్కునేందుకు ప్రత్నిస్తున్నారు. అలా అని రియా తప్పు లేదనట్లేదు. సుశాంత్‌ అలాంటి దుస్థితికి రావడానికి ఆమె కూడా ఓ కారకురాలే'నని మండిపడింది. తన స్నేహితుడు అన్యాయంగా ఈ లోకాన్ని వదిలి వెళ్లిపోయాడని బాధపడిన వైశాలి.. చివరకు సుశాంత్‌ బాటలోనే నడిచి సూసైడ్‌ చేసుకోవడం గమనార్హం. చదవండి: బుల్లితెర నటి ఆత్మహత్య ఉత్కంఠ రేపుతున్న మిలి ట్రైలర్‌

చిత్ర పరిశ్రమలో విషాదం నెలకొంది. ప్రముఖ టీవీ నటి, సుశాంత్‌ సింగ్‌ రాజ్‌పుత్‌ స్నేహితురాలు వైశాలి ఠక్కర్‌(30) ఆత్మహత్యకు పాల్పడింది. పలు సీరియళ్లలో నటించి బాలీవుడ్‌లో తనకంటూ మంచి గుర్తింపు తెచ్చుకున్న వైశాలి.. మధ్యప్రదేశ్‌లోని ఇండోర్‌లో ఉన్న తన నివాసంలో ఆదివారం ఉరివేసుకొని చనిపోయింది. స్థానికుల సమాచారం మేరకు సంఘటన స్థలానికి వెళ్లిన పోలీసులు.. వైశాలి నివాసం నుంచి సూసైడ్‌ నోట్‌ని స్వాధీనం చేసుకున్నారు. ప్రేమ వ్యవహారం కారణంగానే వైశాలి ఆత్మహత్యకు పాల్పడినట్లు పోలీసులు అనుమానిస్తున్నారు. దివంగత నటుడు సుశాంత్‌ సింగ్‌కు వైశాలి మంచి స్నేహితురాలు. అతని మరణంపై అప్పట్లో ఆమె చాలా అనుమానాలు వ్యక్తం చేసింది. సుశాంత్‌ ఆత్మహత్య చేసుకునేంత పిరికివాడు కాదని, అతని మరణం వెనుక చాలా మంది ప్రమేయం  ఉందని ఆరోపించింది. ఆమె 2016లో రాజన్ షాహి నిర్మించిన లాంగ్-రన్ షో ‘యే రిష్తా క్యా కెహ్లతా హై’తో  టీవీలో అరంగేట్రం చేసింది వైశాలి.  అందులో సంజనా సింగ్ పాత్రను పోషించింది. ‘ససురల్ సిమర్ కా’, ‘సూపర్ సిస్టర్స్‌’,‘మన్మోహిని 2’ లాంటి సీరియల్స్‌లో నటించి మెప్పించారు.  చివరిసారిగా బిగ్ బాస్ 14 ఫేమ్ నిశాంత్ మల్కాని ‘రక్షాబంధన్ ’షోలో కనిపించింది.