బాలీవుడ్ హీరోయిన్ సారా అలీ ఖాన్ గురించి పరిచయం అక్కర్లేదు. సైఫ్‌ అలీఖాన్‌ ముద్దుల కూతురిగా ఇండస్ట్రీలోకి ఎంట్రీ ఇ‍చ్చింది. 2018లో కేదార్‌నాథ్ అనే సినిమాతో బాలీవుడ్‌లో అడుగుపెట్టింది. ఆ తర్వాత పలు చిత్రాల్లో కనిపించింది. గతేడాది ఏ వతన్ మేరే వతన్‌ మూవీతో మెప్పించిన సారా.. ప్రస్తుతం అక్షయ్ కుమార్ హీరోగా నటిస్తోన్న స్కై ఫోర్స్ సినిమాలో నటిస్తోంది. తాజాగా ఈ మూవీ ట్రైలర్‌ను మేకర్స్ విడుదల చేశారు.ముంబయిలో జరిగిన ఈవెంట్‌లో స్కై ఫోర్స్ ట్రైలర్‌ను విడుదల చేశారు. అయితే ఈ మూవీలో సారా మాజీ ప్రియుడు వీర్ పహరియా కూడా నటిస్తున్నారు. ఈ సందర్భంగా ట్రైలర్‌ లాంఛ్‌ ఈవెంట్‌కు హాజరైన వీర్ పహారియా.. మాజీ ప్రియురాలు సారా అలీఖాన్‌పై ఆసక్తికర కామెంట్స్ చేశారు. సారా అలీ ఖాన్‌తో పని చేయడం చాలా ఆనందంగా ఉందని అన్నారు. షూటింగ్‌లో తనకు మద్దతు అందించినందుకు సారాకు కృతజ్ఞతలు తెలిపాడు.వీర్ పహారియా మాట్లాడుతూ.. "ఆమె చాలా మంచి వ్యక్తి. సారాకు సహాయం చేసే గుణం చాలా ఎక్కువ. తనకు ఇప్పటికే సినీ పరిశ్రమలో చాలా అనుభవం ఉంది. అందువల్లే నాకు చాలా సహాయం చేసింది. ఈ విషయంలో సారాకు రుణపడి ఉన్నా. తన మొదటి సినిమాలో మద్దతుగా నిలిచినందుకు సారాకు ధన్యవాదాలు" అని అన్నారు.కాగా.. 2018లో కేదార్‌నాథ్‌ మూవీ ఎంట్రీ ఇచ్చిన సారా అలీ ఖాన్‌ చిత్ర పరిశ్రమలోకి రాకముందు వీర్ పహారియా‌తో డేటింగ్ చేసింది. గతేడాది కాఫీ విత్ కరణ్ సీజన్- 7 లో పాల్గొన్న సారా ఈ విషయం బయటకొచ్చింది. ఈ షోలో జాన్వీ కపూర్ వీర్ సోదరుడు శిఖర్ పహారియాతో ప్రేమలో ఉన్న సమయంలోనే వీర్‌తో సారా డేటింగ్ చేస్తున్నారని హోస్ట్ కరణ్ జోహార్ ఆమెను ఆటపట్టించాడు. అయితే ప్రస్తుతం వీరిద్దరు ఎలాంటి రిలేషన్‌లో లేరు. వీర్ పహారియా, సారా అలీ ఖాన్ స్కై ఫోర్స్‌లో కీలక పాత్రల్లో కనిపించనున్నారు. సందీప్ కెవ్లానీ, అభిషేక్ కపూర్ దర్శకత్వం వహించిన ఈ చిత్రం జనవరి 24, 2025న విడుదల కానుంది.పొలిటీషియన్‌ కుమారుడితో డేటింగ్ రూమర్స్..మరోవైపు సైఫ్‌ అలీఖాన్‌ ముద్దుల కూతురు, హీరోయిన్‌ సారా అలీఖాన్‌పై గతంలో మరోసారి డేటింగ్‌ రూమర్స్‌ వచ్చాయి. ప్రముఖ మోడల్‌ అర్జున్‌ ప్రతాప్‌ బజ్వాతో సారా గత కొన్నాళ్లుగా సన్నిహితంగా ఉన్నట్లు పుకార్లు వచ్చాయి. అర్జున్‌కి రాజకీయ నేపథ్యం కూడా ఉంది. పంజాబ్‌కి చెందిన బీజేపీ నేత ఫతే జంగ్ సింగ్ బజ్వా కొడుకు ఈయన. అర్జున్‌ మినహా ఫ్యామిలీ మొత్తం రాజకీయాల్లోనే ఉన్నట్లు తెలుస్తోంది.కేదార్‌నాథ్ పర్యటన వల్లే..ఇటీవల సారా కేదార్‌నాథ్ పర్యటనకు వెళ్లింది.ఈ పర్యటననే డేటింగ్‌ రూమర్లకి కారణమైంది. సారాతో పాటు అర్జున్‌ కూడా కేదార్‌నాథ్‌ పర్యటనకు వెళ్లినట్లు తెలుస్తుంది. ఈ పర్యటనలోనే వీరిద్దరు మరింత క్లోజ్‌ అయినట్లు తెలుస్తోంది.వీరిద్దరు కలిసి దర్శనం చేసుకుంటున్న ఫోటో ఒకటి నెట్టింట వైరల్‌గా మారింది. అప్పటి నుంచి అర్జున్‌-సారా డేటింగ్‌లో ఉన్నారనే రూమర్స్‌ మొదలైయ్యాయి. అయితే ఈ డేటింగ్‌ రూమర్స్‌పై అటు సారా కానీ, ఇటు అర్జున్‌ కానీ స్పందించలేదు.

వరుణ్‌ తేజ్‌ హీరోగా నటించిన ‘ఆపరేషన్‌ వాలెంటైన్‌’ మూవీతో తెలుగు తెరకు పరిచయం అయింది మానుషి చిల్లర్‌. ఈ సినిమాలో రాడార్ ఆఫీస‌ర్‌ పాత్ర పోషించి..తనదైన నటనతో ఆకట్టుకుంది. అయితే ఈ సినిమా బాక్సాఫీస్‌ వద్ద బోల్తా పడడంతో టాలీవుడ్‌లో ఈ మాజీ విశ్వసుందరి ఆఫర్లు లభించలేదు. దీంతో మళ్లీ తన మకాంను బాలీవుడ్‌కి మార్చింది. అక్కడ వరుస సినిమాలతో దూసుకెళ్తోంది. ప్రస్తుతం ఈ బ్యూటీ చేతిలో రెండు సినిమాలు ఉన్నాయి. ఇలా సినిమాల్లో ఎంత బిజీగా ఉన్నా.. సోషల్‌ మీడియాలో మాత్రం యాక్టివ్‌గా ఉంటుంది మానుషి. ప్పటికప్పుడు లేటెస్ట్ ఫొటోస్ షేర్ చేస్తూ ఫ్యాన్స్ కి టచ్ లో ఉంటుంది. అయితే ఇన్నాళ్లు ఆమె ఫోటోలు మాత్రమే వైరల్‌ అయ్యేవి. కానీ ఇప్పుడు మానుషి పర్సనల్‌ లైఫ్‌కి సంబంధించిన ఓ గాసిప్‌ నెట్టింట చక్కర్లు కొడుతోంది. ఈ మాజీ విశ్వసుందరీ ప్రేమలో పడినట్లు తెలుస్తోంది. మహారాష్ట్ర మాజీ ముఖ్యమంత్రి సుశీల్‌కుమార్‌ షిండే మనవడు, నటుడు వీర్‌ పహారియాతో మానుషి డేటింగ్‌ ఉందని బాలీవుడ్‌ మీడియాలో కథనాలు వస్తున్నాయి. దానికి ఓ కారణం ఉంది. ఇటీవల జాన్వీ కపూర్‌, ఆమె ప్రియుడు శిఖర్‌ పహారియా, స్నేహితులతో కలిసి టూర్‌కి వెళ్లింది. దానికి సంబంధించిన వీడియో ఒకటి సోషల్‌ మీడియాలో వైరల్‌ అయింది. అందులో మానుషి, శిఖర్‌ సోదరుడు వీర్‌ పహారియా భుజంపై సేదతీరుతూ కనిపించింది. దీంతో మానుషి, వీర్‌లు ప్రేమలో ఉన్నారని, అందుకే కలిసి టూర్‌కి వెళ్లారనే వార్త నెట్టింట చక్కర్లు కొడుతోంది.అయితే దీనిపై అటు మానుషి కానీ, ఇటు వీర్‌ కానీ స్పందించలేదు.(చదవండి: ఈ వారం థియేటర్స్‌లో 11 సినిమాలు..కానీ ఒక్కటి కూడా!)ఇక మానుషీ విషయానికొస్తే.. హరియాణాకు చెందిన ఈ బ్యూటీ 2017లో విశ్వ సుందరిగా నిలిచింది. ఆ తర్వాత సినిమాల్లోకి ఎంట్రీ ఇచ్చింది. తొలి సినిమానే బాలీవుడ్‌ స్టార్‌ హీరో అక్షయ్‌ కుమార్‌ సరసన నటించే అవకాశం కొట్టేసింది. బాలీవుడ్‌ మూవీ సామ్రాట్‌ పృథ్వీరాజ్‌లో అక్షయ్‌కు జోడీగా నటించింది మానుషీ. ఆ చిత్రం బాక్సాఫీస్‌ వద్ద దారుణంగా బోల్తా పడింది. రెండో మూవీ ‘ది గ్రేట్‌ ఇండియన్‌ ఫ్యామిలీ’ కూడా ఫ్లాప్‌ అయింది. బాలీవుడ్‌ అచ్చిరాకపోవడంతో టాలీవుడ్‌ మూవీతోనైనా హిట్‌ కొడదామని ‘ఆపరేషన్‌ వాలెంటైన్‌’తో ప్రేక్షకుల ముందుకు వచ్చింది. అది కూడా ప్లాప్‌గా నిలిచింది. ప్రస్తుతం ఈ బ్యూటీ జాన్‌ అబ్రహం హీరోగా తెరకెక్కుతోన్న ‘టెహ్రాన్’లో నటిస్తోంది. View this post on Instagram A post shared by Filmymantra Media (@filmymantramedia)


 న్యూఢిల్లీ: బాలీవుడ్ హీరో సైఫ్ అలీ ఖాన్ ముద్దుల తనయ సారా అలీ ఖాన్కు తెరంగేట్రం చేయకముందే మరోసారి వార్తల్లో వ్యక్తిగా నిలిచింది. సారాకు సంబంధించిన ఓ వార్త బాలీవుడ్లో ఇటీవల చక్కర్లు కొడుతోంది. సారా తన బాయ్ ఫ్రెండ్ వీర్ పహారియాతో రిలేషన్ షిప్ కొనసాగిస్తోంది. ముంబైలోని ఓ నైట్ క్లబ్ కు బాయ్ ఫ్రెండ్ వీర్తో కలిసి సారా వచ్చిందని మీడియాలో కథనాలు వచ్చాయి. వీరిద్దరూ కొన్ని నెలలుగా చెట్టాపట్టాలేసుకుని తిరుగుతున్నారని భిన్న కథనాలు ఉన్నాయి. రెండేళ్ల కిందట తన కూతురు సినిమాల్లోకి రాదని చెప్పిన సైఫ్.. కూతురు బాలీవుడ్ లో ఎంట్రీ ఇవ్వనుందని ఇటీవల వెల్లడించారు.
 
 పాప్ సింగర్గా కెరీర్ ప్రారంభించాలని భావిస్తోన్న వీర్ తో కలిసి ఆమె డేటింగ్ చేస్తున్నట్లు కొన్ని రోజుల కిందట వార్తలు వచ్చాయి. కేంద్ర మాజీ మంత్రి సుశీల్ కుమార్ షిండే మనవడు వీర్ పహారియాతో ఈ అమ్మడు సన్నిహితంగా ఉంటోంది. అయితే వీరిద్దరూ ఒకే స్కూలులో చదువుకున్నారని వార్తలు ప్రచారంలో ఉన్నాయి. 'స్టూడెంట్ ఆఫ్ ది ఇయర్‌'కు సీక్వెల్ మూవీ త్వరలో తీయనున్నారని, ఆ మూవీతోనే సారా ఎంట్రీ ఖాయమని బాలీవుడ్ వర్గాలు చెబుతున్నాయి. సైఫ్, మొదటి భార్య అమృతా సింగ్కు కుమార్తె సారాతో పాటు కొడుకు ఇబ్రహీమ్ అలీఖాన్ సంతానం. అయితే అమృతతో విడిపోయిన సైఫ్, బాలీవుడ్ హీరోయిన్ కరీనా కపూర్ను రెండో పెళ్లి చేసుకున్న సంగతి తెలిసిందే.


 బాలీవుడ్ హీరో సైఫ్ అలీ ఖాన్ ముద్దుల తనయ సారా అలీ ఖాన్కు తెరంగేట్రం చేయకముందే పెద్ద ఫ్యాన్‌ ఫాలోయింగ్ ఉంది. సారా తన తండ్రి సైఫ్ బాటలో సినిమాల్లో నటించేందుకు ఆసక్తిగా ఉన్నట్టు సమాచారం.
 
 సారాకు సంబంధించిన ఓ వార్త బాలీవుడ్లో ఇటీవల చక్కర్లు కొడుతోంది. ఓ రాజకీయ నేత మనవడితో సారా డేటింగ్ చేస్తున్నట్టు పుకార్లు షికార్లు చేస్తున్నాయి. కేంద్ర మాజీ మంత్రి సుశీల్ కుమార్ షిండే మనవడు వీర్ పహారియాతో ఈ బ్యూటీకి రిలేషన్ ఉన్నట్టు వార్తలు వెలువడ్డాయి. వీర్ దుబాయ్లో చదువుకున్నాడు. పాప్ సింగర్గా కెరీర్ ప్రారంభించాలని అతను భావిస్తున్నట్టు సమాచారం.
 
 సైఫ్, అతడి మొదటి భార్య అమృతా సింగ్కు కుమార్తె సారాతో పాటు కొడుకు ఇబ్రహీమ్ అలీఖాన్ సంతానం. అమృతతో విడిపోయిన సైఫ్.. బాలీవుడ్ హీరోయిన్ కరీనా కపూర్ను రెండో పెళ్లి చేసుకున్న సంగతి తెలిసిందే.