ప్రముఖ తమిళ నటి వెన్నిర ఆడై నిర్మల షాకింగ్ కామెంట్స్ చేసింది. తనపై టాలీవుడ్‌కు చెందిన ప్రముఖ నటుడు లైంగిక వేధింపులకు పాల్పడినట్లు సంచలన ఆరోపణలు చేసింది. ఆమె గతంలో ఓ యూట్యూబ్ ఛానెల్‌కు ఇచ్చిన ఇంటర్వ్యూలో టాలీవుడ్ స్టార్‌ హీరోపై నటుడిపై షాకింగ్ కామెంట్స్‌ చేసింది. దీనికి సంబంధించిన ఓ వీడియో ప్రస్తుతం సోషల్ మీడియాలో తెగ వైరలవుతోంది.  గత ఇంటర్వ్యూలో నిర్మల మాట్లాడుతూ.. 'నేను తెలుగులో చాలా సినిమాల్లో నటించా. దాదాపు కొన్నేళ్ల క్రితం ఓ తెలుగు సినిమాలో నటించా. షూటింగ్ తర్వాత నేను నా రూమ్‌లో నిద్రపోతున్నా. రాత్రి సమయంలో వచ్చి హీరో తలుపు కొట్టాడు. మీరు తలుపు తీయండి. నేనేం చేయను. మీ దగ్గరికి వచ్చి వెళ్లిపోతా అన్నాడు. ఫుల్‌గా మందు తాగి వచ్చి అలా మాట్లాడారు. ఈ ఘటనతో తాను షాక్ అయ్యా. ఆ తర్వాత నేను ఆ సినిమా నుంచి తప్పుకున్నా. దర్శకనిర్మాతలు నన్ను కన్విన్స్‌ చేసినప్పటికీ ఒప్పుకోలేదు. ఇలాంటివాటిని నేనస్సలు సహించను' అంటూ వెల్లడించింది. అయితే ఆ నటుడి పేరు చెప్పడానికి కూడా తనకు ఇష్టం లేదని చెప్పుకొచ్చింది. దీనికి సంబంధించిన వీడియో ప్రస్తుతం నెట్టింట తెగ వైరలవుతోంది. తనకంటే 13 ఏళ్లు చిన్నవాడైన తెలుగు నటుడి నుంచి ఇలాంటి ప్రవర్తన తాను ఊహించలేదని అలనాటి నటి చెప్పింది. కాగా.. తనదైన నటనతో గుర్తింపు తెచ్చుకున్న హీరోయిన్‌ వెన్నిరాడై నిర్మల తెలుగు, తమిళ, కన్నడ, మలయాళంలో నటించారు. వందలాది చిత్రాలు చేసిన ఆమె తన సహజ నటనతో విమర్శకుల ప్రశంసలు అందుకున్నారు. వెన్నెలాడె చిత్రంతో వెండితెరపై ఎంట్రీ ఇచ్చిన ఆమె హీరోయిన్‌గా, క్యారెక్టర్‌ ఆర్టిస్టుగా నాలుగు వందలకు పైగా చిత్రాలు చేసింది. తెలుగులో  మా ఇంటి వెలుగు, దత్తపుత్రుడు, పిచ్చిపిల్ల, బొమ్మ బొరుసు, మదర్‌ ఇండియా, భక్త ప్రహ్లాద, కరుణామయుడు, శ్రీ సీతారాముల కల్యాణం చూద్దము రారండి, కలిసుందాం రా, జయం మనదేరా, నిన్నే ప్రేమిస్తా వంటి అనేక తెలుగు చిత్రాలు చేసింది. అంతేకాదు.. ఆమె తెలుగులో స్టార్ హీరో బాలకృష్ణ సినిమాల్లో కూడా నటించింది. కాగా.. 2001లో ఒక తెలుగు సినిమా షూటింగ్‌లో  స్టార్ నటుడు తనపై లైంగిక వేధింపులకు పాల్పడ్డాడని.. ఆ సినిమా ఫైట్ మాస్టర్ తనను అవమానించాడని బిగ్ బాస్ తమిళ 7 కంటెస్టెంట్, సీనియర్ నటి విచిత్ర కూడా ఆరోపించిన సంగతి తెలిసిందే. 

ఒకప్పుడు తనదైన నటనతో గుర్తింపు తెచ్చుకున్న హీరోయిన్‌ వెన్నిరాడై నిర్మల. తెలుగు, తమిళ, కన్నడ, మలయాళం అనే బేధాలు లేకుండా దక్షిణాదిన అన్ని భాషల్లో నటించిందామె. వందలాది చిత్రాలు చేసిన ఆమె తన సహజ నటనతో విమర్శకుల ప్రశంసలు సైతం అందుకుంది. వెన్నెలాడె చిత్రంతో వెండితెరపై ఎంట్రీ ఇచ్చిన ఆమె హీరోయిన్‌గా, క్యారెక్టర్‌ ఆర్టిస్టుగా నాలుగు వందలకు పైగా చిత్రాలు చేసింది. తెలుగులో భక్త ప్రహ్లాద, కరుణామయుడు, శ్రీ సీతారాముల కల్యాణం చూద్దము రారండి, కలిసుందాం రా, జయం మనదేరా, నిన్నే ప్రేమిస్తా వంటి అనేక తెలుగు చిత్రాలు చేసింది. తాజాగా ఆమె ఓ ఇంటర్వ్యూలో తన కెరీర్‌ ఎదురైన చేదు అనుభవాన్ని చెప్పుకొచ్చింది. 'ఒక రోజు ఏమైందంటే.. సినిమా షూటింగ్‌ అయిపోయాక ఇంటికి వచ్చేశా. ఆ సినిమాలోని హీరో నా ఇంటికి అర్ధరాత్రి తాగి వచ్చి తలుపు తట్టాడు. నేను డోర్‌ ఓపెన్‌ చేయలేదు. అతడేమో అలాగే తలుపు తడుతూనే ప్లీజ్‌, డోర్‌ ఓపెన్‌ చేయండి, నేనేం చేయను.. జస్ట్‌ లోపలకు వచ్చి నీ పక్కనే నిద్రించి వెళ్లిపోతా అన్నాడు. తర్వాతి రోజు నుంచి నేను షూటింగ్‌కే వెళ్లలేదు సరికదా సినిమా కూడా చేయనని చెప్పేశాను. దర్శకనిర్మాతలు నన్ను ఒప్పించే ప్రయత్నం చేశారు. కానీ నా వల్ల కాదంటూ సినిమా నుంచి వైదొలిగాను. ఇలాంటివాటిని నేనస్సలు సహించను' అని చెప్పుకొచ్చింది నిర్మల.


 తమిళనాడు ముఖ్యమంత్రి జయలలితతో కలిసి ఒకేసారి తమిళ సినిమాల్లో ప్రవేశించిన వెన్నిరాడై నిర్మల.. ఇప్పుడు అన్నా డీఎంకే తరఫున ప్రచారం చేయబోతున్నారు. సార్వత్రిక ఎన్నికల్లో అన్నాడీఎంకే తరఫున స్టార్ ప్రచారకర్తల్లో ఆమె కూడా ఒకరు కాబోతున్నారు. మొత్తం 19 మందితో కూడిన స్టార్ ప్రచారకుల జాబితాను అన్నాడీఎంకే విడుదల చేసింది. అందులో పలువురు సినిమా, టీవీ నటులు, దర్శకులు ఉన్నారు. దర్శకుడు, నటుడు రామరాజన్, వింధ్య, కమెడియన్లు సెంథిల్, గుండు కళ్యాణం, సింగముత్తు, కుయిలీ, టీవీ న్యూస్ రీడర్, నటి ఫాతిమా బాబు, విలన్లు ఆనందరాజ్, పొన్నాంబళం తదితరులున్నారు.
 
 ఇంకా ఈ జాబితాలో అన్నా డీఎంకే ప్రచార కార్యదర్శి నంజిల్ సంపత్, శశికళా పుష్ప, పరితి ఇళంవళుతి, విజిలా సత్యానంద్ కూడా ఉన్నారు. 1986లో, వెన్నిరాడై నిర్మలను తమిళనాడు శాసనమండలికి పంపాలని అన్నాడీఎంకే వ్యవస్థాపకుడు ఎంజీ రామచంద్రన్ భావించారు. కానీ అంతకుముందు ఓ కోర్టు ఆమె దివాలా తీసినట్లు ప్రకటించడంతో సాంకేతికంగా అది సాధ్యం కాలేదు. ఆమె ఈనెల 11వ తేదీ నుంచి ప్రచారం చేస్తారని అన్నాడీఎంకే తెలిపింది.