స్టార్ వారసురాలిగా వెండితెరకు పరిచయం అయిన మంచు లక్ష్మీ నటిగా, నిర్మాతగా దూసుకుపోతున్నారు. విలక్షణ పాత్రలతో ఆకట్టుకుంటున్న లక్ష్మీ త్వరలో ఓ థ్రిల్లర్ సినిమాతో ప్రేక్షకుల ముందుకు రానుంది. రాజమౌళి దగ్గర దర్శకత‍్వ శాఖలో పనిచేసిన విజయ్‌ని డైరెక్టర్ గా పరిచయం చేస్తూ తెరకెక్కిస్తున్న ఈ సినిమాకు ‘వేట’ అనే టైటిల్ ను పరిశీలిస్తున్నారు. మెగాస్టార్ చిరంజీవి హీరోగా తెరకెక్కిన సూపర్ హిట్ సినిమా టైటిల్ వేట. ఇప్పుడే అదే టైటిల్‌, రేసీ స్క్రీన్‌ ప్లేతో థ్రిల్లర్‌ జానర్ లో తెరకెక్కతున్న ఈ సినిమాను మంచు లక్ష్మీ స్వయంగా నిర్మిస్తున్నారు.


 ‘‘శ్రీకాంత్, తరుణ్ కలిసి నటించిన ‘వేట’ చాలా ఆసక్తికరమైన సినిమాలా అనిపిస్తోంది. ‘వేట’ అనే పేరులోనే ఓ పవర్ ఉంది’’ అని నాని చెప్పారు. శ్రీకాంత్, తరుణ్ కాంబినేషన్‌లో అశోక్ అల్లె దర్శకత్వంలో సి.కల్యాణ్ సమర్పణలో సీవీరావు, శ్వేతాలానా, సి.వరుణ్‌కుమార్ నిర్మించిన ‘వేట’ చిత్రం ప్లాటినమ్ డిస్క్ వేడుక హైదరాబాద్‌లో జరిగింది. యూనిట్ సభ్యులకు హీరో నాని డిస్క్‌లు అందజేశారు. తరుణ్ మాట్లాడుతూ- ‘‘శ్రీకాంత్‌తో కలిసి పనిచేయడం చాలా ఆనంతంగా ఉంది. 
  
  తెలుగు పరిశ్రమకు దొరికిన మరో మంచి కమర్షియల్ దర్శకుడు అశోక్’’ అని తెలిపారు. సంగీత దర్శకుడు చక్రి మాట్లాడుతూ- ‘‘నేను స్వరాలందించిన వంద సినిమాల్లో పదికి పైగా శ్రీకాంత్‌వే ఉన్నాయి. ఈ పాటలు విజయం సాధించినందుకు చాలా ఆనందంగా ఉంది’’ అని చెప్పారు. ఈ నెల 21న చిత్రాన్ని విడుదల చేస్తున్నామని నిర్మాతలు తెలిపారు. ఈ కార్యక్రమంలో జాస్మిన్, మధురిమ, సింహ, తుమ్మలపల్లి రామసత్యనారాయణ మాట్లాడారు.
  


  శ్రీకాంత్, తరుణ్, మధురిమ, జాస్మిన్ ముఖ్య తారలుగా రూపొందిన చిత్రం ‘వేట’. అశోక్ పల్లె దర్శకుడు. పి.శ్వేతాలానా, సి.వరుణ్‌కుమార్ నిర్మాతలు. ఈ నెల 21న సినిమా విడుదల కానుంది.
 ఈ సంద ర్భంగా హైదరాబాద్‌లో ఈ చిత్రం ప్రచార చిత్రాలను విడుదల చేశారు. ‘‘ప్రేమ, భావోద్వేగాల సమ్మేళనంగా దర్శకుడు ఈ చిత్రాన్ని మలిచాడు. శ్రీకాంత్, తరుణ్ కాంబినేషన్‌లో వచ్చే మాస్ సన్నివేశాలు అలరిస్తాయి. చక్రి సంగీతం ఈ చిత్రానికి అదనపు ఆకర్షణ’’ అని సమర్పకుడు సి.కల్యాణ్ చెప్పారు.
 నిజజీవితంలో స్నేహానికి విలువిచ్చే తాను ఇప్పటివరకూ స్నేహంపై ఒక్క పాటను కూడా స్వరపరచలేదని, ఆ అవకాశం ఈ సినిమా ద్వారా లభించిందని చక్రి ఆనందం వెలిబుచ్చారు. వాణిజ్యవిలువల సమ్మిళితం ఈ సినిమా అని, సాంకేతికంగా ఉన్నతంగా ఉంటుందని తరుణ్ చెప్పారు.
  
  


  శ్రీకాంత్, తరుణ్ కాంబినేషన్‌లో అశోక్ అల్లె దర్శకత్వంలో సి.కల్యాణ్ సమర్పణలో సీవీరావు, శ్వేతలానా, వరుణ్‌కుమార్ నిర్మిస్తున్న చిత్రం ‘వేట’. ఈ సినిమా పాటల సీడీని హైదరాబాద్‌లో వెంకటేష్ ఆవిష్కరించి, తొలి ప్రతిని వీవీ వినాయక్‌కి అందించారు. ఈ సందర్భంగా వెంకటేష్ ఈ టీమ్‌కి ఆల్ ది బెస్ట్ చెప్పారు. శ్రీకాంత్ మాట్లాడుతూ -‘‘నాకు, తరుణ్‌కి ఈ సినిమా పెద్ద పేరు తేవాలి’’ అన్నారు. శ్రీకాంత్‌తో కలిసి పనిచేయడం ఆనందంగా ఉందని తరుణ్ పేర్కొన్నారు. ఈ సినిమా పెద్ద హిట్ కావాలని డి.రామానాయుడు ఆకాంక్షించారు. ఈ వేడుకలో ఎన్.శంకర్, చక్రి, పోకూరి బాబూరావు, తారకరత్న, తనీష్, సురేష్ కొండేటి, శివాజీరాజా తదితరులు మాట్లాడారు.
  


  నమ్మిన వ్యక్తి కోసం ఎంతటి త్యాగానికైనా వెనుకాడని ఓ అనుచరుడికీ, ఓ కాలేజీ విద్యార్థికి మధ్య జరిగిన సంఘటనల సమాహారంగా తెరకెక్కుతోన్న చిత్రం ‘వేట’. శ్రీకాంత్, తరుణ్ ముఖ్య పాత్రధారులు. జాస్మిన్, అజాజ్‌ఖాన్, మధురిమ కథానాయికలు. అశోక్ అల్లె దర్శకుడు. సి.వి.రావు, పి.శ్వేతలానా, సి.వరుణ్‌కుమార్ నిర్మాతలు. చిత్రీకరణ పూర్తి చేసుకున్న ఈ చిత్రం వచ్చే నెలలో విడుదల కానుంది. దర్శకుడు మాట్లాడుతూ -‘‘యాక్షన్ నేపథ్యంలో సాగే కథ ఇది. దేనికోసం ఈ ‘వేట’ అనేది ఇందులో ఆసక్తికరమైన అంశం. ఇటీవలే తరుణ్, జాస్మిన్‌లపై దుబాయ్‌లో రెండు పాటల్ని చిత్రీకరించాం’’ అని తెలిపారు. కృష్ణభగవాన్, డా.శివప్రసాద్, దీప్తి వాజ్‌పేయ్, శివారెడ్డి, వేణు తదితరులు ఇతర పాత్రలు పోషించిన ఈ చిత్రానికి సంగీతం: చక్రి, సమర్పణ: సి.కల్యాణ్.