బాలీవుడ్‌ సీనియర్‌ హీరోయిన్లు లేడీ ఓరియంటెడ్‌ చిత్రాల మీద దృష్టి పెడుతున్నారు. ఇప్పటికే రాణీ ముఖర్జీ, ఐశ్వర్యా రాయ్‌, శ్రీదేవి లాంటివారు  ఈ తరహా చిత్రాల్లో అలరించే ప్రయత్నం చేయగా తాజాగా మరో సీనియర్‌ హీరోయిన్‌ కాజోల్‌ కూడా ఈ లిస్ట్‌లో చేరేందుకు  రెడీ అవుతోంది. పెళ్లి తరువాత కొంత కాలం వెండితెరకు దూరంగా ఉన్న కాజోల్‌ లాంగ్‌గ్యాప్‌ తరువాత రీ ఎంట్రీ ఇచ్చి సెలెక్టివ్‌ గా సినిమాలు చేస్తోంది. ఇటీవల తమిళ సినిమా వీఐపీ 2లో కీలక పాత్రలో నటించిన ఈ బ్యూటీ బాలీవుడ్‌ సినిమాలో ఛాలెంజింగ్‌ రోల్‌లో నటించనుంది. ఎలాంటి ఆధారం లేని తల్లి పాత్రలో నటించేందుకు కాజోల్‌ అంగీకరించింది. ప్రదీప్‌ సర్కార్‌ దర్శకత్వంలో తెరకెక్కుతున్న ఈ సినిమాకు కాజోల్‌ భర్త, బాలీవుడ్‌ హీరో అజయ్‌ దేవగన్‌ సహా నిర్మాతగా వ్యవహరించనున్నాడు. ప్రస్తుతం కాజోల్‌ కొడుకు పాత్ర కోసం బాలనటుడ్ని వెతికే పనిలో ఉన్నారు చిత్రయూనిట్‌.


 చెన్నై: ఎంతో కాలంగాఎదురు చూస్తున్న వీఐపీ-2 చిత్రం విడుదలకు  ఎట్టకేలకు ముహూర్తం ఖరారైంది.  అదిగో ఇదిగో అంటూ ఊరిస్తున్న ఈ మూవీ విడుదలను   హీరో  ధనుష్‌ ధృవీకరించారు.  సౌందర్యరజనీకాంత్‌ దర్శకత్వంలో రూపొందిన ఈ మూవీ ఆగస్టు 11న ఈ సినిమా థియేటర్లను పలకరించనుంది.    మూవీ విడుదలపై అంచనాలు వద్దంటూ ఇటీవల  వేడుకున్న  ధనుష్‌  ఈ విషయాన్ని  మంగళవారం ట్విట్టర్‌లో ధృవీకరించారు.  అయితే తమిళ వెర్షన్‌ రిలీజ్‌పై  ట్వీట్‌ ద్వారా  కబురు అందించిన ధనుష్‌ తెలుగు, హిందీ  భాషల్లో కూడా ఆగస్టు 11న విడుదల కానుందా లేదా అనే దానిపైమాత్రం క్లారిటీ ఇవ్వలేదు.  
 
 ధనుష్‌ కథానాయకుడిగా  2014నాటి తమిళ బ్లాక్ బస్టర్ "వేల ఇల్ల పత్తతారి’’  చిత్రానికి  సీక్వెల్‌గా తెరకెక్కిన చిత్రం వీఐపీ-2.  వీఐపీ మంచి విజయాన్ని సాధించిన విషయం తెలిసిందే. ఆ చిత్రానికినిర్మాత కలైపులి ఎస్‌.థాను, ధనుష్‌ వండర్‌బార్‌ ఫిలింస్‌ సంస్థలు కలిసి నిర్మిస్తున్న ఈ చిత్రాన్ని  నిర్మించగా,  అమలాపాల్‌ కథానాయకిగా నటించింది. మరోముఖ్య పాత్రలో బాలీవుడ్‌ భామ కాజోల్‌,  సముతిరాకణి, వివేఖ్ నటించారు.   సాన్‌ రోల్డన్‌ సంగీతాన్ని అందించారు.  అటు ధనుష్‌ వరుస విజయాలు, ఇటు కాజోల్‌ రెండు దశాబ్దాల దర్వాత మళ్లీ ఈ చిత్రంలో నటించడంతో  ఈ వీఐపి -2 చిత్రంపై భారీ అంచనాలే నెలకొన్నాయి.
 
  
 
 #vip2 release date #raghuvarancoming https://t.co/gFGKxSDR36
 — Dhanush (@dhanushkraja) August 1, 2017


 – ధనుష్‌
 ధనుష్‌ హీరోగా రజనీకాంత్‌ రెండో కుమార్తె సౌందర్యా రజనీకాంత్‌ దర్శకత్వంలో రూపొందిన చిత్రం ‘వీఐపీ 2’. ధనుష్, కలైపులి ఎస్‌. థాను నిర్మాతలు. ఈ సినిమాను ఆగస్టులో విడుదల చేయాలనుకుంటున్నారు. హైదరాబాద్‌లో జరిగిన ఈ చిత్రం పాత్రికేయుల సమావేశంలో ధనుష్‌ మాట్లాడుతూ– ‘‘తెలుగులో రిలీజైన ‘రఘువరన్‌ బీటెక్‌’ సినిమాకు సీక్వెల్‌గా ‘వీఐపీ 2’ తీశాం.
 
 టాలీవుడ్‌లో నేను స్ట్రైట్‌గా వేసిన తొలి అడుగు ఇది. తెలుగులో చేయడం వల్ల భాష తెలిసింది. ఈ సినిమా ప్రేక్షకులకు నచ్చుతుందన్న నమ్మకం ఉంది’’ అన్నారు. ‘‘ఇది నాకు స్పెషల్‌ మూవీ. నాపై నమ్మకం ఉంచి అవకాశం ఇచ్చినందుకు ధనుష్‌కు థ్యాంక్స్‌’’ అన్నారు సౌందర్యా రజనీకాంత్‌. ‘‘నాకు హైదరాబాద్‌ అంటే ఇష్టం. ఇక్కడికి చాలాసార్లు వచ్చాను. నేను హిందీలో కాకుండా ఇతర భాషల్లో నటించి చాలా రోజులైంది. సౌందర్య, ధనుష్‌ కారణంగానే ఈ సినిమాలో నటించాను’’ అన్నారు కాజోల్‌. ఈ కార్యక్రమంలో కలైపులి ఎస్‌. థాను కుమారుడు పరంధామన్‌ ఎస్‌. థాను పాల్గొన్నారు.


 చెన్నై: హీరో ధనుష్‌కు మంచి భార్యగా ఉంటానని చెప్పింది నటి అమలాపాల్‌. దర్శకుడు విజయ్‌ను ప్రేమించి పెళ్లి చేసుకున్న ఈ అమ్మడు రెండేళ్లు గడవక ముందే తెగతెంపులు చేసుకుని మళ్లీ యాక్టింగ్‌ బాటపట్టిన విషయం తెలిసిందే. ప్రస్తుతం చేతి నిండా చిత్రాలతో బిజీగా ఉన్న అమలాపాల్‌.. ధనుష్‌తో వీఐపీ-2లోనూ జతకట్టింది. గతంలో వచ్చిన వేలై ఇల్లా పట్టాదారి(వీఐపీ- తెలుగులో రఘువరన్‌.బీటెక్‌) సినిమాలో వీళ్లిద్దరి కెమెస్ట్రీ అద్భుతంగా పండటంతో రెండో భాగానికి కూడా అమలానే ఎంపికచేసుకున్నారు.
 
 అయితే వీఐపీ-1లో హీరో ధనుష్‌ని ఆటపట్టించి, ఏడిపించే ప్రియురాలిగా నటించిన అమలా.. వీఐపీ-2లో హీరో భార్యగా చేస్తోంది. సినిమా ప్రయోషన్‌లో భాగంగా ఆమె ఇటీవల మీడియాతో మాట్లాడింది. ‘వీఐపీ-1లో నా పాత్రను చంపేయనందుకు థ్యాంక్స్‌. వీఐపీ-2లో సతాయించే భార్యగా నటిస్తున్నా. ఫస్ట్‌ పార్ట్‌లో ప్రియురాలిగా, సెకండ్‌ పార్ట్‌లో హింసించే అర్ధాంగిగా చేసిన నాకు వీఐపీ-3లోనూ ఛాన్స్‌ ఇస్తే మంచి భార్యగా ఉంటా’ అని చమత్కరించింది అమలాపాల్‌. తద్వారా ఇంకా వస్తుందోరాదో తెలియని సినిమాలో తన పాత్రను కన్ఫార్మ్‌చేసుకుంది!


 ఆ ఒక్కటీ అడగొద్దు అంటోంది బాలీవుడ్‌ భామ కాజోల్‌. ఒకప్పుడు బాలీవుడ్‌లో కలలరాణిగా యువతను గలిగింతలు పెట్టిన కాజోల్‌ మిన్సారకణవు చిత్రం ద్వారా కోలీవుడ్‌కు పరిచయం అయ్యింది. 1997లో విడుదలైన ఈ చిత్రం మంచి విజయాన్నే సాధించి కాజోల్‌ను కోలీవుడ్‌ గుర్తుంచుకునేలా చేసింది. కాగా 30ఏళ్ల తరువాత తాజాగా నటుడు ధనుష్‌ కథానాయకుడిగా నటిస్తున్న వీఐపీ-2 చిత్రంలో మెరవనుంది. ఈ చిత్రం షూటింగ్‌ కార్యక్రమాలను పూర్తి చేసుకుని త్వరలో విడుదలకు రెడీ అవుతోంది.
 
 ఈ చిత్రానికి రజనీకాంత్‌ రెండో కూతురు సౌందర్య దర్శకురాలు. కాగా వీఐపీ-2లో నటించి భర్తతో కలిసి మాల్‌దీవులకు వెళ్లి ఎంజాయ్‌ చేస్తున్న కాజోల్‌ వీఐపీ-2 చిత్రంలో మీ పాత్ర ఏమిటనే ప్రశ్నకు టక్కున ఆ ఒక్కటీ అడగొద్దు అని అంది. ఏం అంత గోప్యంగా ఉంచుతున్నారు? అని అడగ్గా వీఐపీ-2 చిత్రం గురించి గాని, అందులో తన పాత్ర గురించి గాని ఎట్టి పరిస్థితుల్లోనూ బయట పెట్టొద్దని ఆ చిత్ర దర్శకురాలు సౌందర్య రజనీకాంత్‌ షరతులు విధించారని చెప్పింది. అయితే ఇందులో ఈ భామ ప్రతినాయకురాలిగా నటించిందనే ప్రచారం మాత్రం సోషల్‌ మీడియాలో హల్‌చల్‌ చేస్తోంది.


 
 కోలీవుడ్ స్టార్ హీరో ధనుష్ హీరోగా తెరకెక్కుతున్న తాజా చిత్రం విఐపి 2. 2014లో ఘనవిజయం సాధించిన విఐపి సినిమాకు సీక్వల్ గా ఈ సినిమానూ రూపొందిస్తున్నారు. సౌందర్య రజనీకాంత్ దర్శకత్వంలో తెరకెక్కుతున్న ఈ సినిమాకు కథ మాటలు అందించటంతో పాటు తానే స్వయంగా నిర్మిస్తున్నాడు ధనుష్.
 
 ప్రస్తుతం నిర్మాణాంతర కార్యక్రమాలు జరుపుకుంటున్న ఈ సినిమా టీజర్ ను బాలీవుడ్ మెగాస్టార్ అమితాబ్ బచ్చన్ తన సోషల్ మీడియాలో రిలీజ్ చేశారు.ధనుష్ యాక్షన్ సీన్స్తో పాటు, సముద్రఖని చెప్పిన డైలాగ్ తో సింపుల్ గా టీజర్ ను డిజైన్ చేశారు. రొమాంటిక్ కామెడీ ఎంటర్టైనర్ గా తెరకెక్కుతున్న ఈ సినిమాలో మరోసారి ధనుష్ సరసన అమలాపాల్ హీరోయిన్ గా నటిస్తుండగా, బాలీవుడ్ సీనియర్ హీరోయిన్ కాజోల్ కీలక పాత్రలో నటిస్తోంది.
  
 
 T 2448 - DHANUSH my co star friend my friend Rajnikanth Son in law his film .. all the best ..
 http//:https://t.co/QE29CvDkWG
 — Amitabh Bachchan (@SrBachchan) 7 June 2017


 కోలీవుడ్ స్టార్ హీరో ధనుష్ హీరోగా తెరకెక్కుతున్న తాజా చిత్రం విఐపి 2. 2014లో ఘనవిజయం సాధించిన విఐపి సినిమాకు సీక్వల్ గా ఈ సినిమానూ రూపొందిస్తున్నారు. సౌందర్య రజనీకాంత్ దర్శకత్వంలో తెరకెక్కుతున్న ఈ సినిమాకు కథ మాటలు అందించటంతో పాటు తానే స్వయంగా నిర్మిస్తున్నాడు ధనుష్. ప్రస్తుతం నిర్మాణాంతర కార్యక్రమాలు జరుపుకుంటున్న ఈ సినిమా టీజర్ ను జూన్ 7న రిలీజ్ చేస్తున్నారు. కామెడీ, యాక్షన్, సెంటిమెంట్ ఇలా అన్ని ఎలిమెంట్స్ ఉండేలా ట్రైలర్ ను రూపొందిస్తున్నారు.
 
 తొలి భాగం టీజర్ కారణంగానే అంతటి ఘనవిజయం సాధించిందన్న నమ్మకంతో ఈ సారి కూడా టీజర్ విషయంలో ఎక్కువ కేర్ తీసుకుంటున్నారు. రొమాంటిక్ కామెడీ ఎంటర్టైనర్ గా తెరకెక్కుతున్న ఈ సినిమాలో మరోసారి ధనుష్ సరసన అమలాపాల్ హీరోయిన్ గా నటిస్తుండగా, బాలీవుడ్ సీనియర్ హీరోయిన్ కాజోల్ కీలక పాత్రలో నటిస్తోంది.


 కోలీవుడ్ స్టార్ హీరో ధనుష్ జెట్ స్పీడుతో దూసుకుపోతున్నాడు. నటుడిగానే కాక నిర్మాతగా, దర్శకుడిగానూ విజయాలు సాధిస్తున్నాడు. తాజాగా తన నిర్మాతగా కథ మాటలు అందిస్తూ తెరకెక్కించిన సినిమా విఐపి 2. ఘనవిజయం సాధించిన విఐపి సినిమాకు సీక్వల్గా ఈ సినిమాను రూపొందిస్తున్నారు. విఐపి 2 కోసం అమలాపాల్ మరోసారి ధనుష్ తో జోడీ కడుతుండగా బాలీవుడ్ సీనియర్ స్టార్ కాజోల్ కీలక పాత్రలో నటిస్తోంది.
 
 రజనీకాంత్ కూతురు సౌందర్య రజనీకాంత్ దర్శకత్వంలో తెరకెక్కుతున్న ఈ సినిమా ప్రస్తుతం నిర్మాణాంతర కార్యక్రమాలు జరుపుకుంటోంది. ఈ సినిమాను జూలై 28న రిలీజ్ చేస్తున్నట్టుగా ప్రకటించాడు హీరో, నిర్మాత ధనుష్. తమిళ్తో పాటు అదే రోజు తెలుగులోనూ రఘువరన్ బీటెక్ 2 పేరుతో రిలీజ్ చేసేందుకు ప్లాన్ చేస్తున్నారు.
 
 Here we go :) #vip2 release date :) #birthdayspecial #raghuvaranisback #anotherjulyrelease @soundaryaarajni @KajolAtUN @theVcreations pic.twitter.com/gS1A1AxHqg
 — Dhanush (@dhanushkraja) 9 May 2017


 కోలీవుడ్ స్టార్ ధనుష్ హీరోగా తెరకెక్కుతున్న సినిమా విఐపి 2. 2014 లో రిలీజ్ అయిన విఐపి సినిమాకు సీక్వల్గా ఈ సినిమాను తెరకెక్కిస్తున్నారు. తొలి భాగానికి వేల్రాజ్ దర్శకత్వం వహించగా సీక్వల్ను మాత్రం సౌందర్య రజనీకాంత్ డైరెక్ట్ చేస్తోంది. అంతేకాదు ఈ సినిమాకు హీరో ధనుష్ స్వయంగా కథలు మాటలు అందిస్తున్నాడు. ఇటీవల షూటింగ్ ప్రారంభమైన ఈ సినిమాను తమిళ్తో పాటు తెలుగులోనూ ఒకేసారి తెరకెక్కిస్తున్నారు.
 
 తెలుగులో రఘువరన్ బీటెక్ పేరుతో రిలీజ్ అయిన విఐపి ఘనవిజయం సాధించింది. అందుకే సీక్వల్ను తెలుగు తమిళ భాషల్లో ఒకేసారి రూపొందిస్తున్నారు. ధనుష్ సరసన అమలాపాల్తో పాటు బాలీవుడ్ బ్యూటి కాజోల్ మరో హీరోయిన్గా నటిస్తోంది. ప్రస్తుతం షూటింగ్ జరుపుకుంటున్న ఈ సినిమా తెలుగు వర్షన్ ఫస్ట్ లుక్ పోస్టర్ను రిలీజ్ చేశారు. తొలి భాగంలో కనిపించినట్టుగానే లుంగీతో చిన్న లూనా మోపెడ్ మీద కూర్చున ధనుష్ లుక్కు మంచి రెస్పాన్స్ వస్తోంది. కబాలి నిర్మాత కలైపులి ఎస్ థాను నిర్మిస్తున్న విఐపి 2 సమ్మర్లో రిలీజ్ కానుంది.


 ధనుష్, అమలాపాల్ జంటగా నటించిన 'రఘువరన్ బీటెక్' సినిమా అటు తమిళంతో పాటు తెలుగులో కూడా మంచి హిట్టయింది. ఆ సినిమా సీక్వెల్ షూటింగ్ గురువారం చెన్నైలో ప్రారంభమైంది. ధనుష్ మరదలు, రజనీకాంత్ కూతురు సౌందర్య దర్శకత్వం వహిస్తున్న ఈ సినిమాకు.. రజనీకాంత్ స్వయంగా క్లాప్ కొట్టారు. తన కూతురిని, అల్లుడిని ఆయన ఆశీర్వదించారు. 
  
 'వేలై ఇల్లా పట్టదారి' (వీఐపీ) అనే తమిళ సినిమాకు తెలుగులో అనువాద చిత్రంగా వచ్చిన రఘువరన్ బీటెక్ సినిమా ఘన విజయం సాధించింది. ఇప్పుడు తెలుగు, తమిళ భాషల్లో ‘విఐపి 2’ పేరుతో రూపొందుతున్న ఈ చిత్రానికి  ‘రఘువరన్ ఈజ్ బ్యాక్’ అన్నది ట్యాగ్‌లైన్. ఈ చిత్రానికి స్టోరీ, డైలాగ్స్ ధనుష్ రాయడం ఓ విశేషం. ‘కబాలి’ చిత్ర నిర్మాత కలైపులి ఎస్. థాను ఈ చిత్రాన్ని నిర్మిస్తున్నారు. ఈ చిత్రానికి యువ సంగీత దర్శకుడు అనిరుధ్ స్వరాలు అందిస్తున్నారు.
  
 
  
 
  


 బాలీవుడ్ ఇండస్ట్రీలో స్టార్ హీరోయిన్గా ఓ వెలుగు వెలిగిన భామ కాజోల్. ఒకప్పుడు సినీ అభిమానుల కలల రారాణిగా ఉన్న ఈ భామ.. దక్షిణాదిలో ఒకే ఒక్క సినిమాలో నటించింది. 'ఓ వాన పడితే ఆ కొండ కోన హాయే' అంటూ మెరుపు కలలు సినిమాలో ఆడిపాడిన కాజోల్ తరువాత ఒక్క సౌత్ సినిమాకు కూడా అంగీకరించలేదు. డబ్బింగ్ వర్షన్గా రిలీజ్ అయిన దిల్వాలే దుల్హానియా లేజాయింగే సినిమా కూడా కాజోల్కు ఇక్కడ మంచి ఫాలోయింగ్ తెచ్చిపెట్టింది.
 
 మెరుపు కలలు సినిమా రిలీజ్ అయిన ఇరవైయ్యేల తరువాత ఇప్పుడు మరోసారి దక్షిణాది వెండితెర మీద మెరిసేందుకు అంగీకరించింది కాజోల్. ధనుష్ హీరోగా సౌందర్య రజనీకాంత్ దర్శకత్వంలో తెరకెక్కుతున్న వీఐపీ 2 సినిమాలో కాజోల్ ఓ కీలక పాత్రలో నటించనుందట. ఇప్పటికే కథ విన్న కాజోల్ ఈ సినిమాలో నటించేందుకు ఓకె చెప్పింది. ధనుష్ సరసన అమలాపాల్, మంజిమా మోహన్లతో పాటు మరో భామ హీరోయిన్గా నటిస్తుండగా కాజోల్ ప్రత్యేక పాత్రలో కనిపించేందుకు రెడీ అవుతోంది.


 మాస్‌లో మంచి ఫాలోయింగ్ తెచ్చుకున్న తమిళ హీరో ధనుష్ ‘రఘువరన్ బీటెక్’తో తెలుగువారిని కూడా ఆకట్టుకోగలిగారు. ‘వేలై ఇల్లా పట్టదారి’ (వీఐపి)కి అనువాద చిత్రం ఇది. అటు తమిళంలో, ఇటు తెలుగులోనూ ఘనవిజయం సాధించిన ఈ చిత్రానికి సీక్వెల్ మొదలైంది. విశేషం ఏంటంటే... రజనీకాంత్ రెండో కుమార్తె, ధనుష్ మరదలు సౌందర్య ఈ చిత్రానికి దర్శకత్వం వహిస్తున్నారు.
 
 తెలుగు, తమిళ భాషల్లో ‘విఐపి 2’ పేరుతో రూపొందుతున్న ఈ చిత్రానికి  ‘రఘువరన్ ఈజ్ బ్యాక్’ అన్నది ట్యాగ్‌లైన్. గురువారం ఈ చిత్రం ప్రారంభమైంది. ఈ చిత్రానికి స్టోరీ, డైలాగ్స్ ధనుష్ రాయడం ఓ విశేషం. ‘కబాలి’ చిత్ర నిర్మాత కలైపులి ఎస్. థాను ఈ చిత్రాన్ని నిర్మిస్తున్నారు. ఈ చిత్రానికి యువ సంగీత దర్శకుడు అనిరుధ్ స్వరాలు అందిస్తున్నారు.