పుణే: మగ బిడ్డ కోసం, డబ్బుపై ఆశతో ఆ భర్త చేసిన పని దిగ్భ్రాంతిని గురి చేస్తోంది. వ్యాపారంలో లాభాలు రావాలన్నా.. ఇంట్లో శాంతి నెలకొనాలన్నా.. అన్నింటికి మించి మగ సంతానం కలగాలన్నా తాను చెప్పినట్లు చేయాలని ఓ ఫేక్‌ బాబా సలహా ఇవ్వడంతో..  భార్యను అందరి ముందు దుస్తులు లేకుండా స్నానం చేయించాడు సదరు భర్త.   మహారాష్ట్ర పుణేలో ఈ షాకింగ్‌ ఘటన జరిగింది. బాధితురాలి ఫిర్యాదు ప్రకారం.. పుణేకి చెందిన ఆమె భర్త కుటుంబం 2013 నుంచి అదనపు కట్నం, మగ బిడ్డ కోసం వేధిస్తూ వస్తోంది. ఈ క్రమంలో ఆమె చేత క్షుద్ర పూజలు కూడా చేయించింది. ఈ మధ్య మౌలానా బాబా జామదార్‌ అనే వ్యక్తి ఆమె భర్తతో జలపాతం కింద అంతా చూస్తుండగా ఒంటిపై బట్టలు లేకుండా స్నానం చేయిస్తే.. మగ సంతానం కలుగుతుందని, అప్పులు సైతం తీరతాయని సలహా ఇచ్చాడు.  దీంతో ఆ మూర్ఖపు భర్త, అతని కుటుంబం బాధితురాలని రాయ్‌ఘడ్‌కి తీసుకెళ్లి.. అక్కడి జలపాతం కింద ఆమె చేత బలవంతంగా ఫేక్‌ బాబా చెప్పినట్టు స్నానం చేయించింది. అక్కడ చాలామందే ఉన్నా.. ఎవరూ అడ్డుకునే యత్నం చేయలేదు. చివరికి.. బాధితురాలే ధైర్యం చేసి భారతీ విద్యాపీఠ్‌ పోలీసులను ఆశ్రయించింది. ఆమె ఫిర్యాదు మేరకు భర్త, అతని కుటుంబ సభ్యులను పోలీసులు అరెస్ట్‌ చేసి.. పరారీలో ఉన్న ఫేక్‌ బాబా కోసం గాలింపు చేపట్టారు. ఇదీ చదవండి: రూపాయి తెచ్చిన పంచాయితీ !


 పుణె: మహారాష్ట్రలోని పుణె జిల్లా హదాప్సర్కు చెందిన ఓ వ్యక్తి భార్య పట్ల దారుణంగా ప్రవర్తించాడు. బాధితురాలు (40) పోలీసులకు ఇచ్చిన ఫిర్యాదు మేరకు భర్త ఆమె పట్ల బలవంతంగా మద్యం తాగించేవాడు. ఆ తర్వాత తన స్నేహితులతో గడపాల్సిందిగా ఆమెను బలవంతం చేసేవాడు. అతని డిమాండ్లకు ఒప్పుకోకపోతే భార్యను సిగరెట్ పీకలతో కాల్చి చిత్రహింసలు పెట్టేవాడు. కుటుంబ సభ్యులు అతన్ని మందలించకుండా వంతపాడేవారు. ఆమెను దూషిస్తూ వేధించేవారు.
 
 భర్త ఆగడాలతో విసిగిపోయిన భార్య చివరకు పోలీసులను ఆశ్రయించింది. వనోవ్రీ పోలీస్ స్టేషన్లో ఫిర్యాదు చేసింది. బాధితురాలి భర్త, అతని తల్లి, తమ్ముడు, సోదరిపై పోలీసులు కేసు నమోదు చేశారు. కాగా నిందితులను ఇంకా అరెస్ట్ చేయాల్సివుంది.