న్యూఢిల్లీ: ఆసియా జూనియర్, క్యాడెట్‌ టేబుల్‌ టెన్నిస్‌ (టీటీ) చాంపియన్‌షిప్‌లో భారత్‌కు తొలి సారి స్వర్ణ పతకం లభించింది. లావోస్‌లో మంగళవారం ముగిసిన ఈ టోర్నీలో జూనియర్‌ మిక్స్‌డ్‌ డబుల్స్‌లో పాయస్‌ జైన్‌–యశస్విని జోడీ విజేతగా నిలిచింది. ఫైనల్లో పాయస్‌–యశస్విని ద్వయం 11–9, 11–1, 10–12, 7–11, 11–8తో హాన్‌ జిన్‌యువాన్‌–కిన్‌ యుజువాన్‌ (చైనా) జోడీపై విజయం సాధించింది. అండర్‌–19 బాలుర డబుల్స్‌లో, అండర్‌–19 బాలికల సింగిల్స్‌లో, అండర్‌–19 బాలుర టీమ్‌ ఈవెంట్‌లో భారత్‌కు కాంస్య పతకాలు లభించాయి.      

లింగయ్యకు హఠాత్తుగా తీవ్రమైన కడుపునొప్పి మొదలైంది. ప్రభుత్వ ఆరోగ్య పథకం ఉంది కదా అనే ధీమాతో కార్పొరేట్‌ ఆస్పత్రికి వెళ్తే, పథకం వర్తించదు అని చల్లగా చెప్పారు. భార్యాపిల్లలు రోగిని గబగబా ప్రభుత్వ ఆస్పత్రికి తీసుకెళ్తే నర్సులు గ్లూకోజ్‌ ఎక్కించారు. పెద్ద డాక్టర్లు వచ్చేదాకా నిరీక్షించాలని చెప్పారు. ఈలోగా రోగి పరిస్థితి విషమించింది.... ఇలాంటి సంఘటనలు రాష్ట్రంలోఅక్కడడక్కడా జరుగుతున్నాయి.   బనశంకరి: రాష్ట్ర ప్రభుత్వం అన్ని ఆరోగ్య చికిత్సల పథకాలను విలీనం చేసి అమలు చేసిన ఆరోగ్య కర్ణాటక పథకం గందరగోళంగా మారిందనే విమర్శలు వినిపిస్తున్నాయి. ఈ పథకం అమల్లోకి వచ్చి వారాలు గడిచినప్పటికీ అనేక లోటుపాట్లు ఎదురవుతున్నాయి. యశస్వినితో పాటు పాత పథకాల లబ్ధిదారులు చికిత్సకోసం ఆసుపత్రుల చుట్టూ ప్రదక్షిణలు కొడుతున్నారు. సమాచార లోపంతో లబ్ధిదారులు ఇక్కట్లు ఎదుర్కొంటున్నారు. యశస్విని పథకం కింద వైద్య సౌలభ్యాలు ప్రజలకు సులభంగా అందేవి. కానీ దానిని కొత్త పథకంలోకి కలిపేశాక అనేకమంది రోగులకు సకాలంలోచికిత్సలు అందడం లేదు. కొత్త పథకం కింద సేవలు పొందడానికి రోగులు ప్రైవేటు ఆసుపత్రుల్లో తక్షణమే అత్యవసర చికిత్సలు చేయించుకునే వెసులుబాటు లేదు. ఆరోగ్య సమస్యలు ఉంటే మొదట ప్రభుత్వ ఆసుపత్రికి వెళ్లాలి, అక్కడ ఆరోగ్య సేవలు అందుబాటులేని తరువాతనే వైద్యులు  రిఫర్‌ చేస్తే చేస్తే మాత్రమే ప్రైవేటు ఆసుపత్రిలో చికిత్స పొందవచ్చు. కానీ ప్రైవేటు ఆసుపత్రి కూడా ఆరోగ్య కర్ణాటక పథకం కింద సేవలు అందించడానికి నమోదు చేసుకుని ఉండాలి. కానీ ఈ సమాచారం తెలియని యశస్విని పథకం కార్డులు పొందిన గ్రామీణ, నగర ప్రదేశ ప్రజలు కార్డుపట్టుకుని ప్రైవేటు ఆసుపత్రులకు చికిత్సకోసం వెళుతున్నారు.  ప్రైవేటు ఆస్పత్రుల్లో గొడవలు   యశస్విని కార్డు చెల్లదని చెప్పడంతో గొడవలకు ది గుతున్న సంఘటనలు చాలా ప్రైవేటు ఆసుపత్రుల్లో చోటుచేసుకుంటున్నాయి. ఒక్కో ఆసుపత్రిలో నిత్యం 10 నుంచి 20 రోగులు యశస్విని కార్డులు పట్టుకుని వెళుతున్న దృశ్యాలు సర్వ సాధారణంగా మారింది. కానీ ప్రభుత్వ ఆసుపత్రి రెఫర్‌ చేయనిదే ప్రైవేటు ఆ సుపత్రుల్లో ఉచితంగా సేవలు అందించడం సాద్యంకాదని ప్రైవేటు ఆసుపత్రుల సిబ్బంది అంటున్నారు.  యశస్విని ఎంతో బాగుండేది యశస్విని పథకంలో ఏపీఎల్, బీపీఎల్‌ కార్డుదారులకు ఒకేవిధంగా వైద్యసేవలు అందుబాటులో ఉండేవి. ఈ పథకం కింద ప్రతిరోగికి  రూ.2 లక్షల వరకు చికిత్స అయ్యే వ్యయాన్ని  ప్రభుత్వం భరించేది. కానీ ఆరోగ్యకర్ణాటక లో బీపీఎల్‌ కార్డుదారులకు మాత్రమే ఉచిత చికిత్స పొందవచ్చు. ఏపీఎల్‌ కార్డుదారులు (5 మంది ఉన్న కుటుంబం) ఏడాదికి రూ.1.5 లక్షల వరకు చికిత్స పొందే అవకాశం ఉంది. అంటే ఒక్కొక్కరికి చికిత్స వ్యయం 30 శాతం మాత్రమే ప్రభుత్వం భరిస్తుంది. దీంతో మిగతా ఖర్చును రోగులే నెత్తినేసుకోవాలి.  అందరికీ చికిత్స లభిస్తోంది   ‘అందరికీ చికిత్స అందిస్తున్నాం. ఎవరినీ వెనక్కి పంపించడం లేదు. కేంద్ర ప్రభుత్వ ఆయుష్మాన్‌ భారత్‌ అమల్లోకి వచ్చిన తరువాత చికిత్స అందించడం గురించి పూర్తి సమాచారం లభ్యమయ్యే అవకాశం ఉంది’అని పీఎంఎస్‌ఎస్‌వై డైరెక్టర్‌ డాక్టర్‌ గిరిష్‌ తెలిపారు.  ‘ఆరోగ్య కర్ణాటక పథకంలో చాలా గందరగోళం ఉంది. దీని పట్ల ప్రైవేటు ఆసుపత్రులకు ఇంకా స్పష్టత లేదు’ అని ఫనా మాజీ అధ్యక్షుడు డాక్టర్‌ నాగేంద్రస్వామి అన్నారు.


 రంగారెడ్డి: జిల్లాలో శుక్రవారం విషాదం చోటు చేసుకుంది. అనారోగ్య సమస్యలతో బాధపడుతున్న ఓ మహిళ పురుగుల మందు తాగి ఆత్మహత్యాయత్నం చేసిన ఘటన మైలార్‌దేవ్‌పల్లి పోలీస్‌స్టేషన్‌ పరిధిలోని వినాయక నగర్‌లో శుక్రవారం వెలుగుచూసింది. పాలలో పురుగుల మందు కలుపుకొని తాగి స్పృహ కోల్పోయింది. ఇది గమనించని ఆమె ఇద్దరు పిల్లలు బాదంపాలు అనుకొని విషం కలిపిన పాలను తాగారు. దీంతో ఓ చిన్నారి మృతి చెందగా.. తల్లితో పాటు కొడుకు ఆసుపత్రిలో చికిత్స పొందుతున్నారు.
  
 కాలనీకి చెందిన విజయలక్ష్మి(38) గత కొన్ని రోజులుగా అనారోగ్యంతో బాధపడుతోంది. ఈ క్రమంలో శుక్రవారం కడుపునొప్పి భరించలేక పురుగుల మందు కలిపిన పాలను తాగి ఆత్మహత్యాయత్నం చేసింది. ఇది గుర్తించని ఆమె పిల్లలు యశస్విని(6), యశ్వంత్‌(4) పురుగుల మందు కలిపిన పాలు తాగి అస్వస్థతకు గురయ్యారు. ముగ్గుర్ని ఆసుపత్రికి తరలించగా.. చికిత్స పొందుతూ యశస్విని మృతి చెందింది. యశ్వంత్‌తో పాటు తల్లి విజయలక్ష్మి పరిస్థితి విషమంగా ఉన్నట్లు వైద్యులు తెలిపారు.


 ‘‘దర్శకుడు కావాలన్న నా 18 ఏళ్ల కల ఈ సినిమాతో నెరవేరుతోంది. ఛాయాగ్రహణం, అగస్త్య సంగీతం ఈ చిత్రానికి మెయిన్ హైలైట్స్’’ అని దర్శకుడు సుబ్రహ్మణ్యం పచ్చా చెప్పారు. దిలీప్, సాయికుమార్, శ్రీతేజ్, ప్రియాంక, యశస్విని ముఖ్యతారలుగా సీహెచ్ కిరణ్‌కుమార్‌రెడ్డి, జె.కృష్ణారెడ్డి, జీపీరెడ్డి నిర్మిస్తున్న ‘నా సామిరంగ’ పాటల ఆవిష్కరణ హైదరాబాద్‌లో జరిగింది.
  
  పాటల సీడీని ఆవిష్కరించిన అశోక్‌కుమార్ మాట్లాడుతూ -‘‘నా సామిరంగ’ అనే ఊతపదాన్ని టైటిల్‌గా పెట్టడం చాలా బావుంది’’ అన్నారు. ఇందులో పాటలన్నీ బావుంటాయని అగస్త్య తెలిపారు. ఈ సినిమా అందరికీ నచ్చుతుందని నిర్మాతలు చెప్పారు. ఈ కార్యక్రమంలో ఇంకా చిర్రావూరి విజయ్‌కుమార్, కృష్ణచైతన్య, సాయి పంపన తదితరులు మాట్లాడారు.