పాముకాటుకు చిన్నారి మృతి!

ఆదిలాబాద్‌: పాము కాటుకు చిన్నారి మృతి చెందింది. మండలంలోని హంపోలి గ్రామంలో సోమవారం వేకువజాము ఈ ఘటన చోటుచేసుకుంది. కుటుంబీకులు, స్థానికులు తెలిపిన వివరాలు.. బాసిండ్ల రజిత–సాయినాథ్‌ దంపతులకు కూతురు నిత్య(7), రెండేళ్ల వయస్సు గల కుమారుడు ఉన్నారు. రోజు మాదిరిగానే ఆదివారం రాత్రి కుటుంబీకులు భోజనం చేసి నిద్రకు ఉపక్రమించారు.

రాత్రి 2 గంటల ప్రాంతంలో నిత్య కాలికి ఏదో కరిచిందని ఏడ్చింది. వెంటనే తండ్రి ఆమె కాలిని పరిశీలించగా రక్తం రావడాన్ని గమనించాడు. వెంటనే దుప్పటి తీయగా బయటకువచ్చిన పామును చంపేశాడు. నిత్యను భైంసాలోని ప్రైవేటు ఆసుపత్రికి తరలించారు. చికిత్స పొందుతూ మృతిచెందింది.