పోలీసుల పేరుతో అర్ధరాత్రి అరెస్ట్‌.. వైఎస్సార్‌సీపీ ప్రేమ్‌ కుమార్‌ ఎక్కడ?

సాక్షి, గుంటూరు: ఏపీలో కూటమి సర్కార్‌ పాలనలో అక్రమ కేసుల్లో అరెస్ట్‌ల పర్వం కొనసాగుతోంది. ఇప్పటికే పలువురు వైఎస్సార్‌సీపీ కార్యకర్తలను, సోషల్‌ మీడియా యాక్టివిస్టులను పోలీసులు అరెస్ట్‌ చేశారు. తాజాగా గుంటూరులో సోషల్‌ మీడియా కార్యకర్తను అర్ధరాత్రి తీసుకువెళ్లడం తీవ్ర కలకలం సృష్టించింది. దీనిపై పోలీసులు సమాచారం ఇవ్వాలని మాజీ మంత్రి అంబటి రాంబాబును డిమాండ్‌ చేశారు.

మాజీ మంత్రి అంబటి రాంబాబు తాజాగా ట్విట్టర్‌ వేదికగా అరెస్ట్‌ వీడియోను షేర్‌ చేశారు. ఈ సందర్భంగా అంబటి..‘గుంటూరుకి చెందిన వైఎస్సార్‌సీపీ సోషల్ మీడియా కార్యకర్త కొరిటిపాటి ప్రేమ్ కుమార్‌ను ఎవరో తీసుకెళ్లారు. అర్ధరాత్రి మూడు గంటలకు వచ్చి పోలీసులు అని చెప్పి.. ప్రేమ్‌ కుమార్‌ను తమ వెంట లాక్కెళ్లారు. ఈ ఘటనపై తక్షణమే పోలీసు డిపార్ట్‌మెంట్‌ ప్రేమ్‌ కుటుంబానికి సమాచారం ఇవ్వాలి’ అని డిమాండ్‌ చేశారు.

ఇక, ఈ వీడియోలో కొందరు వ్యక్తులు ప్రేమ్‌ కుమార్‌కు తీసుకువెళ్తున్నారు. వారిలో ఏ ఒక్కరూ పోలీస్‌ యూనిఫామ్‌ ధరించకపోవడం గమనార్హం. మరోవైపు.. ప్రేమ్‌ కుమార్‌ను తీసుకున్న సమయంలో ఆయన కుటుంబ సభ్యులు వారిని అడ్డుకున్నప్పటికీ వారు పట్టించుకోలేదు.

గుంటూరుకి చెందిన వైసిపి 
సోషల్ మీడియా కార్యకర్త 
కొరిటిపాటి ప్రేమ్ కుమార్ ని 
రాత్రి 3 గంటలకి పోలీసులని చెప్పి తీసుకువెళ్ళారు తక్షణమే పోలీసు డిపార్ట్మెంట్ ఆ కుటుంబానికి 
సమాచారం ఇవ్వాలి@Anitha_TDP @APPOLICE100 @dgpapofficial @police_guntur pic.twitter.com/k6kxGtOLqJ

— Ambati Rambabu (@AmbatiRambabu) December 12, 2024

ఇది  కూడా చదవండి:  మేడం చెప్పారు.. స్టేషన్‌కు రండి