Weekly Horoscope: ఈ వారం మీ రాశి ఫలాలు ఎలా ఉన్నాయంటే..

మేషం...
దూరపు బంధువుల నుంచి శుభవార్తలు. ఆర్థిక పరిస్థితి మెరుగ్గా  ఉంటుంది. సమస్యల నుంచి బయటపడి ఊరట చెందుతారు. నిరుద్యోగులకు కొత్త అవకాశాలు. సభలు, సమావేశాలలో పాల్గొంటారు. వాహనాలు, ఇళ్లు కొనుగోలు చేస్తారు. వివాహయత్నాలు సానుకూలం. ఒక సంఘటన ఆకట్టుకుంటుంది. వ్యాపారాలలో పురోగతి సాధిస్తారు. ఉద్యోగులకు కొత్త హోదాలు దక్కుతాయి. పారిశ్రామికరంగం వారికి ఉత్సాహవంతమైన కాలం. విదేశీ పర్యటనలు ఉంటాయి. వారం ప్రారంభంలో వ్యయప్రయాసలు. ధనవ్యయం.మానసిక అశాంతి. ఎరుపు, ఆకుపచ్చ రంగులు. దత్తాత్రేయస్వామిని స్మరించండి.

వృషభం...
పనులు సజావుగా పూర్తికాగలవు. ఆర్థిక లావాదేవీలు సంతృప్తికరంగా ఉంటాయి. రుణాలు తీరి ఊపిరిపీల్చుకుంటారు. అందరిలోనూ మీ ప్రతిభాపాటవాలను చాటుకుంటారు. ఆధ్యాత్మిక కార్యక్రమాలలో పాల్గొంటారు. కొన్ని వివాదాలు సునాయాసంగా పరిష్కారమవుతాయి. బంధువుల నుంచి ఆహ్వానాలు సంతోషం కలిగిస్తాయి. వ్యాపార లావాదేవీలు ఆశాజనకంగా ఉంటాయి. ఉద్యోగులకు పదోన్నతులు దక్కవచ్చు. రాజకీయవర్గాలకు సన్మానయోగం. విద్యార్థులు అనుకున్న లక్ష్యాలు సాధిస్తారు. వారం మధ్యలో అనుకోని ప్రయాణాలు. అనారోగ్యం. బంధువర్గం నుండి ఒత్తిడులు. గులాబీ, పసుపు రంగులు, నవగ్రహస్తోత్రాలు పఠించండి.

మిథునం...
కొత్త పనులకు శ్రీకారం చుడతారు. ఆర్థిక పరిస్థితి గతం కంటే మెరుగ్గా ఉంటుంది. సన్నిహితుల సాయంతో విజయాలు సాధిస్తారు. విలువైన వస్తువులు సేకరిస్తారు. ఆస్తి విషయాలలో ఒప్పందాలు చేసుకుంటారు. ఇంటి నిర్మాణయత్నాలు సానుకూలమవుతాయి. సోదరులు, సోదరీలతో వివాదాలు సర్దుబాటు కాగలవు. వ్యాపారాలు పుంజుకుంటాయి. ఉద్యోగాలలో మీ సత్తా చాటుకుని గుర్తింపు పొందుతారు. కళాకారులకు అవార్డులు దక్కవచ్చు. వారం చివరిలో దూరప్రయాణాలు. ఇంటాబయటా ఒత్తిడులు. పసుపు, నేరేడు రంగులు, విష్ణుద్యానం చేయండి.

కర్కాటకం....
నూతన వ్యక్తుల పరిచయం. చిన్ననాటి మిత్రుల నుంచి ఆహ్వానాలు. ఇంటిలో శుభకార్యాల నిర్వహణపై దృష్టి సారిస్తారు. భూవివాదాలు పరిష్కారమవుతాయి. ఆధ్యాత్మిక కార్యక్రమాలలో పాల్గొంటారు. బంధువులతో విభేదాలు తొలగుతాయి. వాహనాలు, ఆభరణాలు కొంటారు. వ్యాపార విస్తరణలో ముందడుగు వేస్తారు. ఉద్యోగులకు నూతనోత్సాహం. పారిశ్రామికవర్గాలకు సన్మానాలు. విద్యార్థులకు అరుదైన అవకాశాలు దక్కుతాయి. వారం ప్రారంభంలో రుణయత్నాలు. దూరప్రయాణాలు. ఆరోగ్య సమస్యలు. పసుపు, గోధుమ రంగులు, నృసింహస్తోత్రాలు పఠించండి.

సింహం...
దూరప్రాంతాల నుంచి శుభవార్తలు. రావలసిన సొమ్ము అందుతుంది. దీర్ఘకాలిక సమస్యల నుంచి బయటపడతారు. ఆరోగ్యం కుదుటపడుతుంది. మిత్రులు, బంధువులతో ఉత్తరప్రత్యుత్తరాలు సాగిస్తారు. వాహనాలు, గృహం కొనుగోలు యత్నాలు సఫలం. ఇంటిలో శుభకార్యాలు నిర్వహిస్తారు. నిరుద్యోగులకు ఊరట కలిగించే ప్రకటన రావచ్చు. వ్యాపారాలు పుంజుకుంటాయి. ఉద్యోగాలలో గందరగోళం తొలగుతుంది. కళారంగం వారికి నూతనోత్సాహం, సన్మానయోగం. వారం ప్రారంభంలో వ్యయప్రయాసలు. అనారోగ్యం. కుటుంబంలో చికాకులు. గులాబీ, ఆకుపచ్చ రంగులు, శ్రీరామస్తోత్రాలు పఠించండి.

కన్య...
ముఖ్యమైన పనులు సాఫీగా పూర్తి చేస్తారు. ఆత్మీయుల నుంచి ముఖ్య సమాచారం అందుతుంది. కార్యదీక్షాపరులై విజయాలు సాధిస్తారు. సంఘంలో ఎనలేని గౌరవం పొందుతారు. శుభకార్యాలకు డబ్బు వెచ్చిస్తారు. ధనలాభం. ఆస్తి వివాదాలు తీరి లాభం చేకూరుతుంది. వాహనయోగం. వ్యాపారాలలో ఒడిదుడుకులు తొలగుతాయి. ఉద్యోగాలలో పనిభారం తగ్గుతుంది. కొందరికి ప్రమోషన్లు సైతం లభిస్తాయి. కళాకారులకు పురస్కారాలు. వారం చివరిలో దూరప్రయాణాలు. అనారోగ్యం. గులాబీ, నేరేడు రంగులు, ఆంజనేయ దండకం పఠించండి.

తుల...
పనుల్లో జాప్యం. ఆర్థిక పరిస్థితి కొంత నిరాశ కలిగిస్తుంది. వ్యయప్రయాసలు తప్పవు. ఆరోగ్యపరంగా కొద్దిపాటి చికాకులు. సోదరులు, మిత్రులతో లేనిపోని వివాదాలు. అనుకోని ప్రయాణాలు ఉంటాయి. బాధ్యతలు మరింతగా పెరుగుతాయి. ఆలయాలు సందర్శిస్తారు. వ్యాపారాలలో కొద్దిపాటి చికాకులు. ఉద్యోగులకు ఆకస్మిక మార్పులు. రాజకీయవర్గాలకు నిరుత్సాహమే. నిరుద్యోగుల యత్నాలు కొంతవరకూ సఫలం. వారం మధ్యలో  శుభవార్తలు. ధన,వస్తులాభాలు. కొత్త పరిచయాలు. నీలం,ఆకుపచ్చ రంగులు,ఆదిత్య హృదయం పఠించండి.

వృశ్చికం..
ఆర్థిక వ్యవహారాలలో చికాకులు తొలగుతాయి. సంఘంలో పేరుప్రతిష్ఠలు మరింతగా పెరుగుతాయి. చిన్ననాటి మిత్రుల నుంచి శుభవార్తలు. వాహన, కుటుంబసౌఖ్యం. జీవితాశయం నెరవేరుతుంది. సోదరులతో వివాదాలు తీరతాయి. వివాహ, ఉద్యోగయత్నాలు ఫలిస్తాయి. వ్యాపారాలలో కొత్త పెట్టుబడులు సమకూరతాయి. ఉద్యోగులకు పదోన్నతులు. రాజకీయవర్గాలకు పదవులు లభించవచ్చు. వారం చివరిలో అనుకోని ప్రయాణాలు. ఆరోగ్యభంగం. శ్రమ తప్పదు. గులాబీ, పసుపు రంగులు, సుబ్రహ్మణ్యాష్టకం పఠించండి.

ధనుస్సు...
దూరమైన ఆప్తులు తిరిగి దగ్గరవుతారు. సేవాకార్యక్రమాలలో  పాల్గొంటారు. పాతబాకీలు సైతం వసూలై అవసరాలు తీరతాయి. వాహనాలు కొనుగోలు చేస్తారు. చిరకాల ప్రత్యర్థులు మిత్రులుగా మారవచ్చు. స్థిరాస్తి వివాదాలు పరిష్కారమవుతాయి. నిరుద్యోగులకు ఉద్యోగలాభం. వ్యాపారాలలో అనుకున్న లాభాలు అందుతాయి. ఉద్యోగులకు సంతోషకరమైన వార్తలు. పారిశ్రామికరంగం వారు ఆశించిన ప్రగతి సాధిస్తారు. వారం ప్రారంభంలో అనారోగ్యం. ప్రయాణాలలో ఆటంకాలు. ఆకుపచ్చ, గోధుమ రంగులు, గణేశాష్టకం పఠించండి.

మకరం...
అనుకున్న పనులు సకాలంలో పూర్తి కాగలవు. ఆర్థిక విషయాలు సంతృప్తినిస్తాయి. ఒక సమస్య తీరి ఊరట చెందుతారు. ఆరోగ్యపరంగా చికాకులు తొలగుతాయి. బంధువులు, మిత్రుల సలహాలు పొందుతారు. భూములు, వాహనాలు కొంటారు. ఇంతకాలం పడిన శ్రమ కొలిక్కి వస్తుంది. వ్యాపారాలలో అనుకూల పరిస్థితులు. ఉద్యోగులకు కొత్త హోదాలు. కళారంగం వారికి సన్మానాలు, విశేష గౌరవం. వారం చివరిలో ధనవ్యయం. కుటుంబసభ్యులతో వివాదాలు. స్వల్ప అనారోగ్యం. కాఫీ, నేరేడు రంగులు, విష్ణుసహస్రనామ పారాయణ చేయండి.

కుంభం...
ఆర్థిక ఇబ్బందులు తొలగుతాయి. ఆసక్తికరమైన సమాచారం. శుభకార్యాలలో పాల్గొంటారు. పాతమిత్రులను కలుసుకుని కష్టసుఖాలు విచారిస్తారు. ఒక ముఖ్య నిర్ణయం తీసుకుంటారు. భూవివాదాలు తీరతాయి. ఆధ్యాత్మిక చింతన. వాహనాలు, ఆభరణాలు కొంటారు. వ్యాపారులకు అనుకున్న లాభాలు తథ్యం. ఉద్యోగులకు కొత్త ఆశలు చిగురిస్తాయి. పారిశ్రామికవర్గాలకు నూతనోత్సాహం. విద్యార్థులకు మంచి ర్యాంకులు. వారం చివరిలో దూరప్రయాణాలు. రుణాలు చేస్తారు. బాధ్యతలు పెరుగుతాయి. నీలం, తెలుపు రంగులు, హనుమాన్‌ చాలీసా పఠించండి.

మీనం....
వ్యవహారాలు సకాలంలో పూర్తి చేస్తారు. ఆహ్వానాలు అందుతాయి. ఆస్తి విషయాలలో ఒప్పందాలు చేసుకుంటారు. సోదరుల నుంచి ధనలాభం. పుణ్యక్షేత్రాలు సందర్శిస్తారు. ఆర్థిక విషయాలలో పురోగతి ఉంటుంది. వాహనాలు, భూములు కొంటారు. విద్యార్థులకు నూతన విద్యావకాశాలు. వ్యాపారాలు ఊపందుకుంటాయి. ఉద్యోగులకు పదోన్నతి అవకాశాలు. రాజకీయవర్గాలకు పదవీయోగం. వారం ప్రారంభంలో అనుకోని ప్రయాణాలు. అనారోగ్య సూచనలు. మానసిక అశాంతి. తెలుపు, గులాబీ రంగులు, దత్తాత్రేయ స్తోత్రాలు పఠించండి.