Tamalapaku Laddu Recipes: తమలపాకు లడ్డూ ఎప్పుడైనా తిన్నారా? తయారీ ఇలా..

తమలపాకు లడ్డూ తయారు చేసుకోండిలా!
కావలసినవి:
►తమలపాకులు – 20 (శుభ్రంగా కడిగి, కాడలు తుంచి పెట్టుకోవాలి)
►శనగపిండి –250 గ్రాములు
►బేకింగ్‌ సోడా – కొద్దిగా

►జీడిపప్పు, కిస్మిస్‌ – కొన్ని (నేతిలో వేయించుకోవాలి)
►పంచదార – 400 గ్రాములు
►నూనె – డీప్‌ఫ్రైకి సరిపడా
►ఫుడ్‌ కలర్‌ – కొద్దిగా (గ్రీన్‌)

తయారీ:
►ముందుగా తమలపాకుల్లో నీళ్లు పోసుకుని.. మిక్సీ పట్టుకుని.. పలుచటి క్లాత్‌లో వేసుకుని.. రసం మాత్రమే ఒక బౌల్లోకి తీసుకోవాలి.
►అనంతరం శనగపిండిలో బేకింగ్‌ సోడా, తమలపాకుల రసం వేసుకుని.. హ్యాండ్‌ బ్లండర్‌తో బాగా కలుపుకోవాలి.
►కొద్దిగా గ్రీన్‌ ఫుడ్‌ కలర్‌ వేసుకుని.. మరికాస్త నీళ్లు పోసుకుని.. పలుచగా చేసుకోవాలి.
►తర్వాత కళాయిలో నూనె వేడి చేసుకుని.. అందులో జల్లెడ సాయంతో తమలపాకు మిశ్రమాన్ని వేసుకుంటూ.. చిన్న బూందీలా వేయించుకోవాలి.
►ఆ తర్వాత పంచదార పాకం పెట్టుకుని.. అందులో కూడా కొద్దిగా ఫుడ్‌ కలర్‌ కలుపుకుని.. తీగపాకం మొదలయ్యే సమయంలో తమలపాకు బూందీని వేసుకుంటూ బాగా కలపాలి.
►జీడిపప్పు, కిస్మిస్‌లను అందులో వేసుకుని దగ్గర పడేదాకా చిన్న మంట మీద ఉడకనిచ్చి స్టవ్‌ ఆఫ్‌ చేసుకోవాలి. కాస్త చల్లారాక లడ్డూల్లా చేసుకోవాలి.

ఇవి కూడా ట్రై చేయండి: Venna Murukulu: వెన్న మురుకులు, నువ్వుల ఉండలు.. ఇంట్లోనే ఇలా ఈజీగా! 
ఎప్పుడూ సేమ్యా పాయసమేనా? ఈసారి... శనగపప్పు పాయసంతో