ల్యాండ్‌ టైట్లింగ్‌ యాక్ట్‌.. ఏపీ రాజకీయాల్లో ప్రస్తుతం ఈ అంశం హాట్‌టాపిక్‌గా మారింది. భూ యజమానులకు శాశ్వత భూ హక్కులు కల్పించే లక్ష్యంతో ముఖ్యమంత్రి వైఎస్‌ జగన్‌మోహన్‌రెడ్డి తీసుకొచ్చిన ఈ చట్టంపై చంద్రబాబు, ఆయన గ్యాంగ్ నానాయాగీ చేస్తోంది. ఇంకా అమల్లోకే రాని చట్టంపై‌ ప్రజల్లో లేనిపోని అనుమానాలు సృష్టించే ప్రయత్నం చేస్తోంది. ప్రతిపక్ష కూటమికి ఎన్నికల్లో ఓటమి కళ్ల ముందు కనిపిస్తుండంతో ఏం చేయాలో తోచక సీఎం జగన్‌పై, ఆయన ప్రభుత్వంపైన దుష్ప్రచారం చేస్తోంది. ఇందులో భాగంగానే ప్రజల భూములపై వారికే హక్కులు కల్పించేలా వైఎస్‌ జగన్‌ ప్రభుత్వం తెస్తున్న ల్యాండ్‌ టైట్లింగ్‌ యాక్ట్‌పై నీచమైన ప్రచారం చేస్తూ.. ప్రజలను పక్కదోవ పట్టించే ప్రయత్నం చేస్తోంది. భూముల వ్యవస్థను సమూలంగా మార్చడం ద్వారా ప్రజలకు.. తద్వారా సమాజానికి, రాష్ట్రానికి ఎంతో మేలు చేసే ఈ చట్టాన్ని స్వలాభం కోసం వివాదాస్పదంగా మారుస్తోంది.తాజాగా ల్యాండ్‌ టైట్లింగ్‌ యాక్ట్‌ వివాదంపై ఏపీ మాజీ చీఫ్‌ సెక్రటరీ, బీజేపీ నాయకుడు ఐవైఆర్‌ కృష్ణారావు స్పందించారు. ఈ చట్టంపై చంద్రబాబు, ఎల్లోమీడియా చేస్తున్న దుష్ప్రచారాన్ని ఎక్స్‌ వేదికగా ఆయన తిప్పికొట్టారు."ఈ ప్రకటనను ఇచ్చినది టీడీపీ తరఫున లేక కూటమి తరఫున? కూటమిలో ‌ఏపీ బీజేపీ భాగస్వామి. ల్యాండ్ టైటిలింగ్ చట్టం కర్త కర్మ జాతీయ‌ బీజేపీ. క్రియ మాత్రమే రాష్ట్ర ప్రభుత్వాలు. మరి ఇటువంటి ప్రకటనలకు ఏపీ బీజేపీ భాగస్వామ్యం ఎలా తీసుకుంటుంది? ఏపీ బీజేపీ నిద్రావస్థలో ఉందా? మరింకేమైనా కారణమా?’ అని ట్వీట్‌ చేశారు..కాగా శుక్రవారం నాటి ఆంధ్రజ్యోతి ప్రతికలో ‘మీ భూమి మీది కాదు’ అనే నినాదంతో ఫస్ట​ పేజ్‌లో  భారీగా వాణిజ్య ప్ర‌క‌ట‌న‌లు ఇచ్చారు.దీనిని  కృష్ణారావు షేర్‌ చేస్తూ..  ల్యాండ్ టైటిలింగ్ చ‌ట్టానికి క‌ర్త‌, క‌ర్మ కేంద్రంలోని బీజేపీదేనని తెలిపారు. కేవ‌లం అమ‌లు చేసేది మాత్రమే రాష్ట్ర ప్ర‌భుత్వాల‌ని ఆయ‌న పేర్కొన్నారు. అయితే ఇలాంటి ప్ర‌క‌ట‌న‌లో ఏపీ బీజేపీని భాగ‌స్వామ్యం చేయ‌డాన్ని ఆయ‌న ప్ర‌శ్నించారు.ఏపీ బీజేపీ అధ్య‌క్షురాలు ద‌గ్గుబాటి పురందేశ్వ‌రి నిద్ర‌పోతున్నారా? అని ఆయ‌న ప‌రోక్షంగా ప్ర‌శ్నించారు. లేదంటే ఇంకేమైనా కార‌ణం వుందా? అని కూడా ఆయ‌న నిల‌దీయ‌డం గ‌మ‌నార్హం. ఈ ప్రకటనను ఇచ్చినది @JaiTDP తరఫున లేక కూటమి తరఫున? కూటమిలో ‌@bjp4andhra భాగస్వామి. ల్యాండ్ టైటిలింగ్ చట్టం కర్త కర్మ @BJP4India . క్రియ మాత్రమే రాష్ట్ర ప్రభుత్వాలు. మరి ఇటువంటి ప్రకటనలకు @BJP4Andhra భాగస్వామ్యం ఎలా తీసుకుంటుంది? @BJP4Andhra నిద్రావస్థలో ఉందా? మరింకేమైనా కారణమా? pic.twitter.com/rxbli0ZqFm— IYRKRao , Retd IAS (@IYRKRao) May 10, 2024

వల్లూరు : పుష్పగిరిలోని కొండపై వెలసిన లక్ష్మీ చెన్నకేశవస్వామి ఆలయంలో మూల విరాట్‌కు గురువారం చందనోత్సవం వైభవంగా నిర్వహించారు. ఆలయ ప్రధాన అర్చకులు అఖిల్‌ దీక్షితులు స్వామికి ప్రత్యేక పూజలు చేసిన అనంతరం చందనంతో ప్రత్యేకంగా అలంకరించారు. చందన భూషితుడై తేజోవంతంగా కనిపిస్తున్న స్వామిని దర్శించుకుని భక్తులు తరించారు. కామాక్షీ వైధ్యనాథేశ్వర ఆలయంలో అర్చకులు శ్రీనివాసమూర్తి స్వామిని అభిషేకించి, కామాక్షీదేవి అమ్మ వారికి చందనోత్సవం నిర్వహించారు. రాత్రి పుష్పగిరి పీఠాధిపతి విద్యాశంకర భారతీ స్వామి ఆధ్వర్యంలో నెమలి వాహనంపై స్వామిని కొలువుదీర్చి వైద్యనాథ స్వామికి ప్రత్యేక పూజలు నిర్వహించారు. అనంతరం మంగళ వాయిద్యాలతో స్వామి గ్రామోత్సవాన్ని ఘనంగా నిర్వహించారు. అనంతరం చెన్నకేశవస్వామి హనుమద్వాహనంపై కొలువుదీరి భక్తులకు దర్శనమిచ్చారు. కొండపై నుంచి స్వామిని పల్లకిలో మోస్తూ మంగళ వాయిద్యాలు, దివిటీల వెలుగుల మధ్య పుష్పగిరి మాడ వీధులలో ఘనంగా ఊరేగించారు. ఈ సందర్బంగా భక్తులు కాయ కర్పూరాలు సమర్పించి మొక్కులు తీర్చుకున్నారు. పుష్పగిరిలో నేడు అక్షయ తదియ బ్రహ్మోత్సవాలలో భాగంగా శుక్రవారం అతి ముఖ్యమైన అక్షయ తదియ ఉత్సవాలు ఘనంగా జరగనున్నాయి. రాష్ట్రం నలమూలల నుండి భక్తులు అధిక సంఖ్యలో హాజరుకానున్నారు. ఉదయం చెన్న కేశవుడికి పూలంగి సేవ జరుగుతుంది. రాత్రి జరిగే వైద్యనాథుడి నందివాహన సేవకు, శ్రీ చెన్న కేశవుని గరుడ వాహన సేవకు విశేష సంఖ్యలో భక్తులు హాజరై మొక్కులు తీర్చుకుంటారు. తిరుణాలకు ఏర్పాట్లు పూర్తి భక్తులు భారీగా తరలి రానున్న నేపథ్యంలో నిర్వాహకులు ఏర్పాట్లు పూర్తి చేశారు. పెన్నా నది ఎండిపోవడంతో ఫిల్టర్‌ వేసి భక్తుల స్నానాలకోసం పైపులు ఏర్పాటు చేశారు. మహిళలు బట్టలు మార్చుకోవడానికి తాత్కాలిక గదులు ఏర్పాటు చేశారు.

కడప అర్బన్‌ : న్యాయ సంబంధిత సేవలపై ప్రతి ఒక్కరిలో అవగాహన పెరగాలని జిల్లా న్యాయసేవాధికార సంస్థ కార్యదర్శి, జడ్జి ఎస్‌.బాబాఫకృద్దీన్‌ అన్నారు. కడపలోని జిల్లా కోర్టు ఆవరణలోని ‘న్యాయసేవాసదన్‌’లో గురువారం న్యాయవిజ్ఞాన సదస్సు నిర్వహించారు. ఈ సందర్భంగా జడ్జి మాట్లాడుతూ లీగల్‌ ఎయిడ్‌ డిఫెన్స్‌ కౌన్సిల్‌ సిస్టం, లీగల్‌ ఎయిడ్‌ క్లినిక్స్‌, పారా లీగల్‌ వాలంటీర్ల విధి విధానాలు, పబ్లిక్‌ యుటిలిటీ, తదితర సేవల గురించి వివరించారు. ఈ కార్యక్రమంలో చీఫ్‌ లీగల్‌ ఎయిడ్‌ డిఫెన్స్‌ కౌన్సిల్‌ ఎన్‌.హరిబాబు, డిప్యూటీ చీఫ్‌ లీగల్‌ ఎయిడ్‌ డిఫెన్స్‌ కౌన్సిల్‌ ఎం శాంత, అసిస్టెంట్‌ లీగల్‌ ఎయిడ్‌ డిఫెన్స్‌ కౌన్సిల్‌ పి.మనోహర్‌, తదితరులు పాల్గొన్నారు. యువకుడు ఆత్మహత్య జమ్మలమడుగు రూరల్‌ : కుట్టు మిషన్‌ మెకానిజంలో శిక్షణ పొందుతున్న ఎక్కలూర్‌ మహబూబ్‌బాషా(20 ఓ షాప్‌లో ఉరివేసుకొని ఆత్మహత్య చేసుకున్నాడు. కుటుంబ సభ్యుల వివరాల మేరకు.. మండలంలోని దేవగుడి గ్రామానికి చెందిన ఎక్కలూర్‌ మహబూబ్‌బాషా జమ్మలమడుగు పట్టణం కాపు వీధిలోని ఓ షాప్‌లో కుట్టు మిషన్‌ మెకానిజంలో శిక్షణ పొందుతున్నాడు. బుధ వారం సాయంత్రం ఇంట్లో చెప్పి షాప్‌కు వెళ్లాడు. గురువారం ఉదయం షాప్‌ యజమాని దుకాణం తెరచి చూడగా పైన కొక్కీకి ఉరి వేసుకుని కనిపించాడు. వెంటనే ఆయన పోలీసులకు సమాచారం ఇచ్చారు. మృతుడి తండ్రి షబ్బీర్‌ ఫిర్యాదు మేరకు కేసు నమోదు చేసి విచారిస్తున్నట్లు సీఐ కరుణాకర్‌ తెలిపారు.

మదనపల్లె : సొంత పనులపై ద్విచక్ర వాహనంలో వస్తున్న ఇద్దరు వ్యక్తులను నీళ్ల ట్యాంకర్‌ ఢీకొనడంతో దుర్మరణం పాలయ్యారు. రెండు కుటుంబాల్లో తీవ్ర విషాద ఛాయలు నింపిన ఈ సంఘటన గురువారం మదనపల్లె పట్టణంలో జరిగింది. పోలీసులు, స్థానికుల వివరాల మేరకు.. తంబళ్లపల్లె మండలం దొడ్డికాడపల్లికి చెందిన రామచంద్రారెడ్డి, సరస్వతమ్మ దంపతుల కుమారుడు ఉత్తన్న గారి గణపతి రెడ్డి(38), మదనపల్లి పట్టణంలోని శ్రీవారినగర్‌లో నివాసముంటూ చౌడేశ్వరి కళ్యాణమండపం సమీపంలో బాలాజీ టైల్స్‌ దుకాణం నిర్వహిస్తున్నాడు. గురువారం మధ్యాహ్నం శ్రీవారినగర్‌కు చెందిన నారాయణప్ప, నారాయణమ్మ దంపతుల కుమారుడు ఎం.మంజునాథ్‌ (30)తో కలిసి ద్విచక్ర వాహనంలో మదనపల్లె పట్టణంలోకి బయలుదేరారు. టమోటా మార్కెట్‌ యార్డు సమీపంలో వెనక నుంచి వచ్చిన ప్రైవేటు నీళ్ల ట్యాంకర్‌ డ్రైవర్‌ మద్యం మత్తులో వీరి ద్విచక్ర వాహనాన్ని ఢీకొన్నారు. గాయపడిన గణపతిరెడ్డి, మంజునాథ్‌లను నీళ్ల ట్యాంకర్‌తో ఈడ్చుకుంటూ మార్కెట్‌ గేట్‌ వరకు వెళ్లాడు. క్షతగాత్రులను స్థానికులు జిల్లా ఆస్పత్రికి తరలించారు. వైద్య సేవలు అందిస్తుండగానే ఇరువురూ మృతి చెందారు. గణపతిరెడ్డికి భార్య నాగవేణి, కుమార్తెలు ప్రణీత రెడ్డి(07), గమ్యశ్రీ (05) ఉన్నారు. జిల్లా ఆస్పత్రిలో ఇరు కుటుంబాల బంధువులు స్నేహితుల రాకతో విషాదఛాయలు అలముకున్నాయి. మద్యం మత్తులో ఉన్న నీళ్ల ట్యాంకర్‌ డ్రైవర్‌ నిర్లక్ష్యం వల్లే గణపతిరెడ్డి, మంజునాథ్‌ మృతిచెందారనే ఆగ్రహంతో స్థానికులు అతడిని చితకబాదారు. పోలీసులు చేరుకుని డ్రైవర్‌ను అదుపులోకి తీసుకున్నారు.

ఓబులవారిపల్లె : చిన్నఓరంపాడు గ్రామానికి చెందిన యువకుడు సుబ్బనరసయ్య(25) పెట్రోల్‌ పోసుకొని నిప్పంటించుకున్నాడు. పోలీసుల కథనం మేరకు.. చిన్నఓరంపాడు పంచాయతీ భద్రావతి నగర్‌కు చెందిన సుబ్బనరసయ్య గురువారం చిన్నఓరంపాడు జడ్పీ పాఠశాల భవనంపైకి వెళ్లాడు. అక్కడే పెట్రోల్‌ పోసుకొని నిప్పంటించుకున్నాడు. శరీరం కాలిపోవడంతో మంటలకు తట్టుకోలేక అక్కడి నుండి క్రిందకు దూకి మృతి చెందాడు. స్థానికులు గమనించి పోలీసులకు సమాచారం అందించారు. మడితొట్టి రామయ్యకు ముగ్గురు కుమారులు, ఒక కుమార్తె ఉన్నారు. ఆత్మహత్యకు కారణాలు తెలియాల్సి ఉంది. కేసు నమోదు చేసి విచారిస్తున్నట్లు ఎస్‌ఐ చిన్నపెద్దయ్య తెలిపారు.