TV
జెరూసలేం: ఇజ్రాయెల్‌ దేశంలో హెజ్‌బొల్లా ఉగ్రవాదులు బీభత్సం సృష్టించారు. భీకరంగా జరిపిన వైమానిక దాడుల్లో ఏడుగురు ఇజ్రాయెల్‌ పౌరులు మరణించినట్లు ఇజ్రాయెల్‌ ఆర్మీ అధికారులు వెల్లడించారు.
హెజ్‌బొల్లా ఉగ్రవాదులు లెబనాన్‌ నుంచి నార్తన్‌ ఇజ్రాయెల్‌పై జరిపిన వైమానిక దాడుల్లో నలుగురు విదేశీయులు, ముగ్గురు ఇజ్రాయెల్‌ పౌరులు మరణించినట్లు అసోసియేటెడ్‌ ప్రెస్‌(ఏపీ) తెలిపింది.
ముందుగా నార్తన్‌ ఇజ్రాయెల్‌ ప్రాంతంలో వైమానిక దాడులు జరిపింది. ఈ ఘటనలో ఏడుగురు మరణించారు.స్వల్ప వ్యవధిలో ఇజ్రాయెల్‌లోని వ్యవసాయ క్షేత్రాలకు నిలయమైన మెతులా ప్రాంతం ధ్వంసమైంది. ఆ తర్వాత వెనువెంటనే 25 రాకెట్లను ఇజ్రాయెల్‌ పోర్ట్‌ సిటీ హైఫాపై ప్రయోగించింది. ఈ ఘటనలో మృతుల సంఖ్యపై స్పష్టత రావాల్సి ఉంది.
హెజ్‌బొల్లా దాడులపై ప్రతీకారేచ్ఛతో రగిలిపోతున్న ఇజ్రాయెల్‌ ఆర్మీ గట్టిగా బదులిచ్చింది. హెజ్‌బొల్లాను వదిలిపెట్టం. తగిన మూల్యం చెల్లించుకోక తప్పదని హెచ్చరించింది.
నయీంఖాసీం తాత్కాలికమేనంటూ
కాగా, హెజ్‌బొల్లా అధినేత హసన్‌ నస్రల్లాను ఇటీవల ఐడీఎఫ్‌ అంతమొందించింది. బీరుట్‌లోని దాహియా ప్రాంతంలోని హెజ్‌బొల్లా కేంద్ర కార్యాలయంపై జరిపిన దాడిలో అతడు మృతిచెందాడు. నస్రల్లా మరణం తర్వాత హెజ్‌బొల్లా కొత్త అధిపతిగా షేక్‌ నయీంఖాసీంను నియమించినట్లు ఆ సంస్థ ప్రకటించింది. ఆ ప్రకటనపై ఇజ్రాయెల్‌ రక్షణ మంత్రి యోవ్‌ గాలంట్‌.. మాట్లాడుతూ..షేక్‌ నయీంఖాసీం నియామకం తాత్కాలికమేనంటూ సంచలన వ్యాఖ్యలు చేశారు. ఆ వ్యాఖ్యల అనంతరం హెజ్‌బొల్లా ఇజ్రాయెల్‌పై వైమానిక దాడులకు తెగబడింది.
చదవండి : మీకు రిటర్న్‌ గిఫ్ట్‌ పక్కా
Comments
Please login to add a commentAdd a comment