క్లస్టర్‌ యూనివర్సిటీ ఇన్‌చార్జి వీసీగా వి.వెంకట బసవరావు

క్లస్టర్‌ యూనివర్సిటీ ఇన్‌చార్జి వీసీగా వి.వెంకట బసవరావ

కర్నూలు సిటీ: క్లస్టర్‌ యూనివర్సిటీ వైస్‌ ఛాన్స్‌లర్‌గా సోమవారం రాయలసీమ యూనివర్సిటీ వైస్‌ ఛాన్స్‌లర్‌ ఆచార్య వి. వెంకట బసవరావు బాధ్యతలు స్వీకరించారు. ఇప్పటి వరకు క్లస్టర్‌ వర్సిటీ వీసీగా పని చేస్తున్న ఆచార్య డీవీఆర్‌ సాయిగోపాల్‌ పదవీ కాలం ఇటీవలే ముగిసింది. అయితే రెండు వారాలకుపైగా ఖాళీగా ఉన్న వీసీ పోస్టును ఆర్‌యూ వీసీకి ఇన్‌చార్జి బాధ్యతలు అప్పగిస్తూ ఉన్నత విద్యాశాఖ కార్యదర్శి కోన శశిధర్‌ ఉత్తర్వులు జారీ చేశారు. ఈ మేరకు ఆయన బాధ్యతలు స్వీకరించారు. అంతకు ముందు ఆయనకు క్లస్టర్‌ వర్సిటీ రిజిస్ట్రార్‌ డా.కె వెంకటేశ్వర్లు స్వాగతం పలికారు. వర్సిటీ అనుబంధ కాలేజీల అధ్యాపకులు, బోధనేతర సిబ్బంది అభినందనలు తెలిపారు.