Bigg Boss OTT Telugu: బిగ్​బాస్​ నాన్​స్టాప్​లోకి బోల్డ్​ బ్యూటీ !.. రాహుల్​ ఇలా కన్ఫర్మ్​ చేశాడా ?

Ashu Reddy Bigg Boss Non Stop Entry Confirm By Rahul Sipligunj: బుల్లితెరపై ప్రేక్షకుల్ని ఎంతగానో అలరిస్తున్న రియాలిటీ షో బిగ్‌బాస్‌ ఇప్పుడు సరికొత్తగా ఓటీటీ వేదికగా వినోదం పంచేందుకు సిద్ధమైంది. ‘బిగ్‌బాస్ నాన్‌స్టాప్’ పేరుతో 'డిస్నీ ప్లస్​ హాట్‌స్టార్‌'లో ప్రసారం కానున్న ఈ షోకు నాగార్జున హోస్ట్‌గా వ్యవహరించనున్నారు. ఈనెల 26 నుంచి ఈ షో స్ట్రీమింగ్‌ కానుండగా.. నో కామా, నో పులిస్టాప్.. నాన్ స్టాప్ ఎంటర్​టైన్​మెంట్ అంటూ ప్రోమోను కూడా రిలీజ్‌ చేశారు. తెలుగులో మొదటిసారిగా 24 గంటలు పాటు ప్రసారం కానున్న ఈ షోలో కంటెస్టెంట్లు ప్రత్యేక ఆకర్షణగా నిలవనున్నారు. ఇప్పటికే పులువురు సెలబ్రిటీలు, మాజీ బిగ్​బాస్​ కంటెస్టెంట్లు ఈ కార్యక్రమంలో సందడి చేయనున్నట్లు వార్తలు విన్నాం.

అయితే తాజాగా ఒక మాజీ బిగ్​బాస్​ కంటెస్టెంట్​ ఈ ఓటీటీ షోలో కన్ఫర్మ్​ అయినట్లు తెలుస్తోంది. బోల్డ్​ బ్యూటీ అషు రెడ్డీ బిగ్​బాస్​ నాన్​స్టాప్​లో సందడి చేయనున్నట్లు బిగ్​బాస్​ మూడో సీజన్ విన్నర్​ రాహుల్​ సిప్లిగంజ్​ పరోక్షంగా హింట్​ ఇచ్చాడు. అయితే బిగ్​బాస్​ నాన్​స్టాప్​ తొలి సీజన్​లో అషు రెడ్డి ఎంట్రీ ఇస్తుందని ఎప్పటినుంచో వార్తలు వస్తున్నాయి. కానీ అధికారికంగా ఏ ఒక్క కంటెస్టెంట్​ పేరు ప్రకటించలేదు. ఈ క్రమంలో రాహుల్​ పెట్టిన ఇన్​స్టా పోస్ట్​ చర్చనీయాంశమైంది. 'ఆల్​ ది బెస్ట్​ అషు.. దేనికి చెప్పానో నువే ఆలోచించుకో' అంటూ పోస్ట్​ చేశాడు రాహుల్. దీంతో అందరూ అషు రెడ్డి బిగ్​బాస్​ నాన్​స్టాప్​లో ఎంట్రీ ఇస్తుందని చర్చించుకుంటున్నారు.